ಪ್ರೀತಿಸಿ ಮದುವೆಯಾದ ಹೆಂಡತಿಯನ್ನ ಕೊಂದು ಸಾವಿರಾರು ತುಂಡುಗಳಾಗಿ ಕತ್ತರಿಸಿದ ಗಂಡ: ಪೊಲೀಸರ ರೋಚಕ ತನಿಖೆ ಓದಲೇಬೇಕು

ಮೀರತ್​: ಕೆಲ ದಿನಗಳ ಹಿಂದೆ ಉತ್ತರ ಪ್ರದೇಶದ ಲಖನೌ ಮೂಲದ ಬ್ಯುಸಿನೆಸ್​ಮನ್​ ಒಬ್ಬರ ಮಗಳು ಇದ್ದಕ್ಕಿದ್ದಂತೆ ಕಾಣೆಯಾಗಿದ್ದರು. ಪ್ರೀತಿಸಿ ಮದುವೆಯಾದ ನಂತರ ಸರ್ಧಾನ ನಗರದಲ್ಲಿ ಗಂಡನ ಜೊತೆ ವಾಸವಿದ್ದರು. ಗಂಡನ ಮನೆಯಿಂದ ಮೂರು ವಾರಗಳ ಹಿಂದೆ ರೂಬಿ ಕಾಣೆಯಾಗಿದ್ದರು. ರೂಬಿಯ ಗಂಡ ದೀಪಕ್​ ನಿರಾಲ ವೃತ್ತಿಯಲ್ಲಿ ಕವಿಯಾಗಿದ್ದು, ಇಬ್ಬರೂ ಪ್ರೀತಿಸಿ ಮದುವೆಯಾದ ಕಾರಣ ಅವರ ಮೇಲೆ ಯಾರಿಗೂ ಸಂಶಯ ಇರಲಿಲ್ಲ. ನಾಲ್ಕು ವರ್ಷಗಳ ಹಿಂದೆ ರೂಬಿ ಮತ್ತು ದೀಪಕ್​ ನಿರಾಲ ಮದುವೆಯಾಗಿದ್ದರು. ಕಾಣೆಯಾಗಿ ಮೂರು ವಾರಗಳ ನಂತರ ಭೀಕರ ಸತ್ಯ ಹೊರಬಂದಿದ್ದು, ಹೆಂಡತಿಯನ್ನು ಕೊಲೆ ಮಾಡಿ ಸಾವಿರಾರು ತುಂಡುಗಳಾಗಿ ಕತ್ತರಿಸಿ ನಿರಾಲ ಹೂತುಹಾಕಿದ್ದರು ಎಂಬುದು ಬೆಳಕಿಗೆ ಬಂದಿದೆ.

ಮೀರತ್​ ಪೊಲೀಸರ ಪ್ರಕಾರ ರೂಬಿಯನ್ನು ತುಂಡು ತುಂಡಾಗಿ ಕತ್ತರಿಸಿ ಹಾಕಲಾಗಿತ್ತು. ಗಂಡ ಹೆಂಡತಿ ನಡುವೆ ದುಡ್ಡಿನ ವಿಚಾರಕ್ಕೆ ಗಲಾಟೆಯಾಗಿತ್ತು, ಈ ಕಾರಣಕ್ಕಾಗಿಯೇ ನಿರಾಲ ರೂಬಿಯನ್ನು ಕೊಲೆ ಮಾಡಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಕೊಲೆ ಮಾಡಿ ತುಂಡರಿಸಿದ ಮೃತ ಶರೀರವನ್ನು ಕ್ಯಾನಲ್​ ಒಳಗೆ ಬಿಸಾಕಿದ್ದ. ಪೊಲೀಸರು ಈಗಾಗಲೇ ಕೊಲೆಗೆ ಬಳಸಲಾದ ಚಾಕು ಮತ್ತಿತರ ವಸ್ತುಗಳನ್ನು ವಶಕ್ಕೆ ಪಡೆದಿದ್ದು, ದೇಹದ ಭಾಗಗಳನ್ನು ಹುಡುಕುತ್ತಿದ್ದಾರೆ. ವಿಚಾರಣೆ ವೇಳೆ ಆರೋಪಿ ನಿರಾಲ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: Crime News: ಮತ್ತು ಬರುವ ಔಷಧಿ ನೀಡಿ ಏಳು ವರ್ಷಗಳಿಂದ ಯುವತಿಯ ಅತ್ಯಾಚಾರ ಮಾಡುತ್ತಿದ್ದ ಫೋಟೊಗ್ರಾಫರ್​ ಬಂಧನ

ಹಣಕ್ಕಾಗಿ ದಂಪತಿಗಳ ನಡುವೆ ಕಿತ್ತಾಟ:
ಸರ್ಧಾನ ಪೊಲೀಸ್​ ಠಾಣೆಯ ಇನ್ಸ್​ಪೆಕ್ಟರ್​ ಬ್ರಿಜೇಶ್​ ಕುಮಾರ್​ ಪ್ರಕರಣದ ಮಾಹಿತಿಯನ್ನು ಮಾಧ್ಯಮದ ಜೊತೆ ಹಂಚಿಕೊಂಡಿದ್ದು, ರೂಬಿ ಮತ್ತು ನಿರಾಲ ನಡುವೆ 20 ಲಕ್ಷದ ವಿಚಾರಕ್ಕಾಗಿ ಜಗಳ ನಡೆದಿತ್ತು. ಈ ವಿಚಾರಕ್ಕಾಗಿ ಹಲವು ಬಾರಿ ಇಬ್ಬರೂ ಜಗಳವಾಡಿಕೊಂಡಿದ್ದರು. ಆಗಸ್ಟ್​ 22ರ ಮುಂಜಾನೆ ನಿರಾಲ ಟೀ ಮಾಡಿಕೊಡುವಂತೆ ರೂಬಿಗೆ ಕೇಳಿದ್ದ. ಇದಕ್ಕೆ ರೂಬಿ ಸಾಧ್ಯವಿಲ್ಲ ಎಂದು ಹೇಳಿದ್ದಳು. ಇದರಿಂದ ಸಿಟ್ಟಾದ ನಿರಾಲ, ರೂಬಿಯ ತಲೆಗೆ ಗ್ಲಾಸಿನಿಂದ ಹೊಡೆದ. ಆಕೆ ಎಚ್ಚರ ತಪ್ಪಿ ಬಿದ್ದಳು. ಇದರಿಂದ ಭಯಗೊಂಡ ನಿರಾಲ, ಆಕೆಯನ್ನು ಸಾಯಿಸದಿದ್ದರೆ ಪೋಷಕರಿಗೆ ಈ ವಿಚಾರ ತಿಳಿಸಬಹುದು, ಇದರಿಂದ ತೊಂದರೆಯಾಗುತ್ತದೆ ಎಂದೆಣಿಸಿ ಐರನ್​ ರಾಡ್​ನಿಂದ ತಲೆಗೆ ಹೊಡೆದು ಸಾಯಿಸಿದ್ದಾನೆ. ಇದಾದ ನಂತರ ದೇಹವನ್ನು ಚಾಕುವಿನಿಂದ ಕತ್ತರಿಸಿ, ಭಾಗಗಳನ್ನು ಭಲ್ಸೋನಾ ಬ್ರಿಡ್ಜ್​ನ ಕ್ಯಾನಲ್​ ಒಳಗೆ ಬಿಸಾಕಿದ್ದಾನೆ ಎಂದು ವಿಚಾರಣೆ ವೇಳೆ ತಿಳಿದುಬಂದಿದೆ.

ಇದನ್ನೂ ಓದಿ: ಅಮ್ಮ - ಮಗಳು ಇಬ್ಬರ ಜೊತೆಗೂ ಲೈಂಗಿಕ ಸಂಬಂಧ: ತಾಯಿ ಜೊತೆ ಮಲಗಿದ್ದಾಗ ಮಗಳಿಗೆ ರೆಡ್​ ಹ್ಯಾಂಡಾಗಿ ಸಿಕ್ಕಿಬಿದ್ದ ಪೊಲೀಸ್​

ನಿರಾಲ ತೀರ್ಥಯಾತ್ರೆ:
ಹೆಂಡತಿಯನ್ನು ಸಾಯಿಸಿದ ನಂತರ ನಿರಾಲ, ತೀರ್ಥಯಾತ್ರೆಗೆ ಹೊರಟಿದ್ದಾನೆ. ಹರಿದ್ವಾರ, ಮಸೂರಿ, ರಿಶಿಕೇಷಕ್ಕೆ ಸ್ನೇಹಿತನೊಬ್ಬನ ಜೊತೆ ಆಗಸ್ಟ್​ 3 ರಂದೇ ಹೋಗಿದ್ದಾನೆ. ಈ ಮೂಲಕ, ಹೆಂಡತಿ ಕಾಣೆಯಾದಾಗ ತಾನು ನಗರದಲ್ಲೇ ಇರಲಿಲ್ಲ ಎಂಬ ಅಲಿಬಿ ಸೃಷ್ಟಿಸಲು ಯತ್ನಿಸಿದ್ದಾನೆ. ದೃಶ್ಯಂ ಸಿನೆಮಾದಲ್ಲಿ ಹೇಗೆ ಮಾಡಿದ ಕೊಲೆಯನ್ನು ಮುಚ್ಚಿಹಾಕಲು ಅಲಿಬಿಗಳನ್ನು ಸೃಷ್ಟಿಸಿದಂತೆ, ನಿರಾಲ ಕೂಡ ಸೃಷ್ಟಿಸಿದ್ದಾನೆ. ಎಲ್ಲೆಲ್ಲೆ ಭೇಟಿ ನೀಡಿದ್ದಾನೋ ಅದೆಲ್ಲದರ ಟಿಕೆಟ್ಸ್​, ಹೋಟೆಲ್​ ಬಿಲ್ಸ್​ ಎಲ್ಲವನ್ನೂ ಸುರಕ್ಷಿತವಾಗಿ ಇಟ್ಟುಕೊಂಡಿದ್ದಾನೆ. ರಕ್ಷಾಬಂಧನದ ದಿನ ಅತ್ತೆ ಮಾವನ ಮನೆಗೂ ಹೋಗಿಬಂದಿದ್ದಾನೆ. ಆದರೆ ಆಗಸ್ಟ್​​ ಎರಡನೇ ತಾರೀಕು ಆತ ಊರಿನಲ್ಲೇ ಇರುವುದು ತಿಳಿದುಬಂದಿದೆ. ಇದರಿಂದ ನಿರಾಲ ಮಾಡಿದ್ದ ದೃಶ್ಯ ಪ್ಲಾನ್​ ಫ್ಲಾಪ್​ ಆಗಿದೆ.