SBI ಖಾತೆದಾರರೇ.. ಎಟಿಯಂನಲ್ಲಿ ಮಾತ್ರವಲ್ಲ ADWMನಲ್ಲೂ ಹಣ ಡ್ರಾ ಮಾಡಬಹುದು; ಹೇಗೆ ಗೊತ್ತಾ?

ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ (ಎಸ್​ಬಿಐ) ಗ್ರಾಹಕರು ಹಣ ತೆಗೆಯಲು ಎಟಿಯಂ ಮುಂದೆ ಕ್ಯೂ ನಿಲ್ಲಬೇಕಾದ ಪರಿಸ್ಥಿತಿ ಎದುರಾಗಿತ್ತು, ಇದೀಗ ಆ ಸಮಸ್ಯೆಗೆ ಪರಿಹಾರವೆಂಬಂತೆ ಠೇವಣಿ ಮಾಡುವ ಯಂತ್ರದ ಮೂಲಕ (ಎಡಿಡಬ್ಲ್ಯುಎಮ್​​​​) ಮೂಲಕ ಹಣ ವಿತ್​​ ಡ್ರಾ ಮಾಡುವ ಅವಕಾಶವನ್ನು ಮಾಡಿದೆ. ಇದರಿಂದ ಗ್ರಾಹಕರು ಹಣ ಡ್ರಾ ಮಾಡಲು ಗಂಟೆಗಟ್ಟಲೆ ಎಟಿಯಂ ಮುಂದೆ ನಿಂತು ಕ್ಯೂ ನಿಲ್ಲಿಸುವುದನ್ನು ತಪ್ಪಿಸಿದೆ. ಗ್ರಾಹಕರು ಎಟಿಯಂನಂತಯೇ ಎಡಿಡಬ್ಲ್ಯುಎಮ್ ಮೆಷಿನ್​ನಲ್ಲಿ ಹಣ ಡ್ರಾ ಮಾಡುವ ಆಯ್ಕೆಯನ್ನು ನೀಡಲಾಗಿದೆ. ಎಟಿಯಂಗೆ ನೀಡುತ್ತಿದ್ದ ಸೆಕ್ಯುರಿಟಿ ಪಿನ್​ಕೋಡ್​ ಅನ್ನು ಬಳಸಿಕೊಂಡು ಎಡಿಡಬ್ಲ್ಯುಎಮ್ ಮೆಷಿನ್​ನಲ್ಲಿ ಹಣವನ್ನು ಡ್ರಾ ಮಾಡಬಹುದಾಗಿದೆ. ಇದರಿಂದ ಅನೇಕರಿಗೆ ಪ್ರಯೋಜನ ಸಿಗುವ ವ್ಯವಸ್ಥೆಯನ್ನುಎಸ್​ಬಿಐ ಬ್ಯಾಂಕ್ ಕಲ್ಪಿಸಿದೆ.

ಎಸ್​ಬಿಐ ಈ ಬಗ್ಗೆ ಟ್ವೀಟ್​ ಮಾಡಿದ್ದು, ಹಣ ತೆಗೆಯಲು ಎಟಿಯಂ ಮುಂದೆ ಏಕೆ ಕ್ಯೂ ನಿಲ್ಲಬೇಕು. ಎಡಿಡಬ್ಲ್ಯುಎಮ್​ ಮೆಷಿನ್​ನಲ್ಲೂ ಹಣ ಹಿಂತೆಗೆಯುವ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ’ ಎಂದಿದೆ.

ಎಸ್​​ಬಿಐ ಬ್ಯಾಂಕ್​ ದೇಶದಾದ್ಯಂತ 13 ಸಾವಿರಕ್ಕೂ ಅಧಿಕ ಎಡಿಡಬ್ಲ್ಯುಎಮ್​ ಮೆಷಿನ್​ ಸ್ಥಾಪಿಸಿದೆ.

ಎಡಿಡಬ್ಲ್ಯುಎಮ್​ ಮೆಷಿನ್​ನಲ್ಲಿ ಹಣ ಡ್ರಾ ಮಾಡೋದು ಹೇಗೆ? ಇಲ್ಲಿದೆ ಮಾಹಿತಿ.

-ಡೆಬಿಟ್​ ಕಾರ್ಡ್​ ಬಳಸಿ ನಿಮ್ಮ ಹತ್ತಿರದ ಎಸ್​ಬಿಐ ಎಡಿಡಬ್ಲ್ಯುಎಮ್​ಗೆ ಭೇಟಿ ನೀಡಿ

-ನಂತರ ಡೆಬಿಟ್​ ಕಾರ್ಡ್​ ಬಳಸಿ ಸ್ವೈಪ್​ ಮಾಡಿ. ಭಾಷೆಯನ್ನು ಆರಿಸಿ.

- ಭಾಷೆಯನ್ನು ಆರಿಸಿದ ನಂತರ ಪಿನ್​ ಕೋಡ್​​ ನಮೂದಿಸಿ.

- ಮೊತ್ತವನ್ನು ನಮೂದಿಸಿ ನಂತರ ಹಣವನ್ನು ಡ್ರಾ ಮಾಡಿಕೊಳ್ಳಿ.

ಎಸ್​​​ಬಿಐ ಸೆ. 18ರಿಂದ ಒಟಿಪಿ ಆಧಾರಿತ ನಗದು ಹಿಂಪಡೆಯುವ ಸೇವೆಯನ್ನು ಪ್ರಾರಂಭಿಸಿದೆ. 10 ಸಾವಿರಕ್ಕಿಂತ ಅಧಿಕ ಮೊತ್ತವನ್ನು ಡ್ರಾ ಮಾಡಬೇಕಾದರೆ ಒಟಿಪಿ ನಮೂದಿಸಬೇಕಾಗಿದೆ.