ಪೈಲ್ಸ್​ ಚಿಕಿತ್ಸೆಗೆ ದಾಖಲಾದ ಯುವತಿ; ಔಷಧ ಹಚ್ಚುವ ನೆಪದಲ್ಲಿ ಕಿರುಕುಳ ನೀಡಿದ ವಾರ್ಡ್​ಬಾಯ್​

ಆಪರೇಷನ್​ ಬಳಿಕ ಈತನ ವಿರುದ್ಧ ಯುವತಿ ಮತ್ತು ಕುಟುಂಬಸ್ಥರು ದೂರು ದಾಖಲಿಸಿದ್ದಾರೆ. ಈ ದೂರಿನ ಅನ್ವಯ ಐಪಿಸಿ ಸೆಕ್ಷನ್​ 354 ಅಡಿಯಲ್ಲಿ ಆರೋಪಿಯನ್ನು ಬಂಧಿಸಲಾಗಿದೆ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮುಂಬೈ (ಡಿ. 26): ಚಿಕಿತ್ಸೆಗಾಗಿ ದಾಖಲಾದ 24 ವರ್ಷದ ಯುವತಿಗೆ ಔಷಧ ಹಚ್ಚುವ ನೆಪದಲ್ಲಿ ವಾರ್ಡ್​ಬಾಯ್​ ಲೈಂಗಿಕ ದೌರ್ಜನ್ಯ ನಡೆಸಿರುವ ಘಟನೆ ಮುಂಬೈನ ಮಲ್ನಾಡ್​ ಇಸ್ಟ್​ ಏರಿಯಾದ ಖಾಸಗಿ ಆಸ್ಪತ್ರೆಯಲ್ಲಿ ನಡೆದಿದೆ. ಈ ಹಿನ್ನಲೆ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಮುಖೇಶ್​ ಪ್ರಜಾಪತಿ ಬಂಧಿತ ಆರೋಪಿ. ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ಕಳೆದೊಂದು ವರ್ಷದಿಂದ 30 ವರ್ಷದ ಈ ವ್ಯಕ್ತಿ ವಾರ್ಡ್​ ಬಾಯ್​ ಆಗಿ ಕಾರ್ಯನಿರ್ವಹಿಸುತ್ತಿದ್ದ. ಸದ್ಯ ಈತನನ್ನು ನ್ಯಾಯಾಂಗ ವಶಕ್ಕೆ ಇಪ್ಪಿಸಲಾಗಿದೆ. 24 ವರ್ಷದ ಯುವತಿಯೊಬ್ಬಳು ಫೈಲ್ಸ್​ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದಳು. ಈ ಸಂಬಂಧ ಆಪರೇಷನ್​ಗೆ ಒಳಗಾಗಿದ್ದಳು.
    ಆಪರೇಷನ್​ಗೆ ಒಳಗಾಗುವ ಮುನ್ನ ರೂಂಗೆ ಬಂದ ವಾರ್ಡ್​ ಬಾಯ್​ ಔಷಧ ಹಚ್ಚುವ ನೆಪದಲ್ಲಿ ಕಿರುಕುಳ ನೀಡಿದ್ದಾನೆ ಎಂದು ರೋಗಿ ಆಪಾದಿಸಿದ್ದಾರೆ.

    ಆಪರೇಷನ್​ಗೆ ಹೋಗುವ ಮುನ್ನ ಔಷಧವನ್ನು ಹಚ್ಚಬೇಕು ಎಂದು ವೈದ್ಯರು ತಿಳಿಸಿದ್ದಾರೆ ಎಂದು ಆರೋಪಿ ಯುವತಿಯ ಖಾಸಗಿ ಅಂಗಾಂಗ ಮುಟ್ಟಿದ್ದಾನೆ.

    ಆಪರೇಷನ್​ ಬಳಿಕ ಈತನ ವಿರುದ್ಧ ಯುವತಿ ಮತ್ತು ಕುಟುಂಬಸ್ಥರು ದೂರು ದಾಖಲಿಸಿದ್ದಾರೆ. ಈ ದೂರಿನ ಅನ್ವಯ ಐಪಿಸಿ ಸೆಕ್ಷನ್​ 354 ಅಡಿಯಲ್ಲಿ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಪಿಎಸ್​ಐ ಪ್ರವೀಣ್​ ಕಂಬ್ಲೆ ತಿಳಿಸಿದ್ದಾರೆ.
    Published by:Seema R
    First published: