Russia-Ukraine: ಯುದ್ಧ ಸಂಕಷ್ಟದಲ್ಲಿ ಪತಿಯನ್ನು ಬಿಟ್ಟು ಭಾರತಕ್ಕೆ ಬರುವುದಿಲ್ಲ ಎಂದ ಪತ್ನಿ!

ಉಕ್ರೇನಿಯನ್ ಯುವಕನನ್ನು ಪ್ರೀತಿಸಿ, ನಂತರ ಮದುವೆಯಾಗಿರುವ ಭಾರತೀಯ ಮಹಿಳೆ ಭಾರತಕ್ಕೆ ಬರಲು ನಿರಾಕರಿಸಿದ್ದಾರೆ. "ನಾನು ಪತಿ ಇಲ್ಲದೆ ಹಿಂತಿರುಗುವುದಿಲ್ಲ. ಇಂತಹ ಸ್ಥಿತಿಯಲ್ಲಿ ಉಕ್ರೇನ್ ಬಿಟ್ಟು ಬರುವುದು ಹೇಗೆ?" ಎಂದಿದ್ದಾರೆ.

ಗಂಡ ಮತ್ತು ಮಗನ ಜೊತೆ ಸಫಿನಾ

ಗಂಡ ಮತ್ತು ಮಗನ ಜೊತೆ ಸಫಿನಾ

  • Share this:
    ರಷ್ಯಾ (Russia) ಮತ್ತು ಉಕ್ರೇನ್ ನಡುವಿನ ಯುದ್ಧ ಹಲವು ಸಂಬಂಧಗಳು ಮತ್ತು ಪ್ರೇಮಕಥೆಗಳನ್ನು ಬಹಿರಂಗ ಪಡಿಸುತ್ತಿದೆ. ಉಕ್ರೇನ್ (Ukraine) ಅಕ್ಷರಶಃ ನಲುಗಿದ್ದು, ರಷ್ಯಾದ ದಾಳಿ ಮುಂದುವರೆದಿದೆ. ಈ ಮಧ್ಯೆ ಹಲವರು ದಾಳಿಗೆ ಬಲಿಯಾಗಿದ್ದಾರೆ. ಈಗ ಉಕ್ರೇನ್ ನಲ್ಲಿ ಜೀವ ಭಯ ಶುರುವಾಗಿದೆ. ಭಾರತೀಯರನ್ನು ಸ್ವದೇಶಕ್ಕೆ ಕರೆ ತರಲಾಗುತ್ತಿದೆ. ಆದರೆ ಇಲ್ಲೊಬ್ಬ ಮಹಿಳೆ (Woman) ತನ್ನ ಪತಿಯಿಲ್ಲದೆ, ತಾನು ಸ್ವದೇಶಕ್ಕೆ ಮರಳುವುದಿಲ್ಲ ಎಂದು ಪಟ್ಟು ಹಿಡಿದಿದ್ದಾರೆ. ಉಕ್ರೇನಿಯನ್ ಪುರುಷನನ್ನು (Man) ಪ್ರೀತಿಸಿ, ನಂತರ ಮದುವೆಯಾಗಿರುವ ಭಾರತೀಯ ಮಹಿಳೆ ಹೀಗೆ ಹೇಳಿದ್ದಾರೆ. ನಾನು ಪತಿ ಇಲ್ಲದೆ ಹಿಂತಿರುಗುವುದಿಲ್ಲ ಎಂದಿದ್ದಾರೆ. ತನ್ನ ಗಂಡನನ್ನು ಇಂತಹ ಸ್ಥಿತಿಯಲ್ಲಿ ಬಿಟ್ಟು ಬರುವುದು ಹೇಗೆ ಎಂದಿದ್ದಾರೆ.

    ಇಬ್ಬರ ನಡುವೆ ಪ್ರೇಮಾಂಕುರವಾದದ್ದು ಹೇಗೆ..?

    ಮಹಿಳೆ ಭಾರತದವರು, ಆಕೆಯ ಪತಿ ಉಕ್ರೇನ್ ನಿವಾಸಿ. ಇಬ್ಬರೂ Instagram ನಲ್ಲಿ ಭೇಟಿಯಾದರು. ಸಫೀನಾ ತನ್ನ ಪತಿಯನ್ನು Instagram ನಲ್ಲಿ ಭೇಟಿಯಾಗಿದ್ದರೂ ಚಾಟ್, ಭೇಟಿ ನಂತರ ಮದುವೆಯಾಗಿದ್ದಾರೆ.  ಈಗ ಒಬ್ಬ ಮಗ ಕೂಡ ಇದ್ದಾನೆ. ಆದರೆ ಪತಿ ತನ್ನೊಂದಿಗೆ ಭಾರತಕ್ಕೆ ಹಿಂತಿರುಗದಿದ್ದರೆ, ತಾನೂ ಕೂಡ ಸ್ವದೇಶಕ್ಕೆ ಮರಳುವುದಿಲ್ಲ ಎಂದು ಹೇಳಿದ್ದಾಳೆ.

    ಮಹಿಳೆಯ ಹೆಸರು ಸಫಿನಾ ಅಕಿಮೊವಾ. ಭಾರತೀಯ ಮೂಲದವರು. ಅವರ ಪತಿ ಮೂಲತಃ ಉಕ್ರೇನ್‌ನಿಂದ ಬಂದವರು. ಅವರಿಗೆ 11 ತಿಂಗಳ ಮಗನಿದ್ದಾನೆ. ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ಸಮಯದಲ್ಲಿ ಎಲ್ಲಾ ಭಾರತೀಯರು ಭಾರತಕ್ಕೆ ಹಿಂತಿರುಗುತ್ತಿದ್ದಾರೆ. ಆದರೆ ಸಫೀನಾ ಈ ಸಮಯದಲ್ಲಿ ಉಕ್ರೇನ್‌ನಿಂದ ಹಿಂತಿರುಗಲು ಬಯಸುವುದಿಲ್ಲ ಎಂದಿದ್ದಾರೆ. ಇದರ ಹಿಂದೆ ದೊಡ್ಡ ಕಾರಣವಿದೆ.

    ಇದನ್ನೂ ಓದಿ: 58 ವರ್ಷದ ಅಂಕಲ್ ಜೊತೆ 26ರ ಹುಡುಗಿಯ ಡೇಟಿಂಗ್: ತನ್ನ ಸೆಕ್ಸ್ ಜೀವನದ ರಹಸ್ಯ ಬಿಚ್ಚಿಟ್ಟ ಯುವತಿ

    ಭಾರತಕ್ಕೆ ಮರಳಲು ಸಾಧ್ಯವಾಗುತ್ತಿಲ್ಲ ಏಕೆ..?

    ವಾಸ್ತವದಲ್ಲಿ ಉಕ್ರೇನ್‌ನಲ್ಲಿ ಇನ್ನೂ ಸಮರ ಕಾನೂನು ಇದೆ. ಇದರಿಂದಾಗಿ ಆಕೆಯ ಪತಿ ದೇಶ ಬಿಡುವಂತಿಲ್ಲ. ಸಫೀನಾಗೆ ಒಂದೇ ಒಂದು ಆಸೆ, ಅವಳು ಉಕ್ರೇನ್‌ನಿಂದ ಭಾರತಕ್ಕೆ ಬಂದಾಗಲೆಲ್ಲಾ ತನ್ನ ಪತಿಯೊಂದಿಗೆ ಬರಬೇಕು. ಈಗ ಅಶಾಂತಿಯ ಪರಿಸ್ಥಿತಿ ಇದೆ. ಯುದ್ಧದ ವಾತಾವರಣ. ಭಾರತದಲ್ಲಿರುವ ತನ್ನ ಕುಟುಂಬವನ್ನು ಭೇಟಿಯಾಗಲು ಅವಳು ಹಿಂತಿರುಗಬಹುದು. ಆದರೆ ಸಾಧ್ಯವಾಗುತ್ತಿಲ್ಲ.

    18ರಿಂದ 60 ವರ್ಷದವರಿಗೆ ನಿಷೇಧ

    BBC ವರದಿಯ ಪ್ರಕಾರ, ಉಕ್ರೇನಿಯನ್ ಬಾರ್ಡರ್ ಗಾರ್ಡ್ ಸೇವೆಯು 18 ರಿಂದ 60 ವರ್ಷ ವಯಸ್ಸಿನ ಎಲ್ಲಾ ಉಕ್ರೇನಿಯನ್ ಪುರುಷರು ದೇಶ ತೊರೆಯುವುದನ್ನು ನಿಷೇಧಿಸಿದೆ. ವಾಸ್ತವವಾಗಿ, ಉಕ್ರೇನ್ ಬಾರ್ಡರ್ ಗಾರ್ಡ್ ಸೇವೆಯು ದೇಶದಲ್ಲಿ ಜನರನ್ನು ಒಗ್ಗೂಡಿಸಲು ಈ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ ಎಂದು ಹೇಳುತ್ತದೆ. ‘ಮಾರಣಾಂತಿಕ ಕಾನೂನು’ಜಾರಿಯಾಗುವವರೆಗೆ ಈ ತಾತ್ಕಾಲಿಕ ನಿಷೇಧ ಜಾರಿಯಲ್ಲಿರುತ್ತದೆ.

     ಸಫಿನಾ ಅಕಿಮೊವಾಸ್ಫಿನಾ ಅವರು ಉಕ್ರೇನ್‌ನಲ್ಲಿರುವ ಪ್ರತಿಯೊಬ್ಬ ನಾಗರಿಕರಿಗೆ ಸೈನ್ಯದ ಪ್ರಮಾಣ ಪತ್ರವನ್ನು ನೀಡಲಾಗುತ್ತದೆ ಎಂದು ಹೇಳಿದ್ದಾರೆ. ಕಾಲೇಜಿನ ನಂತರ ತರಬೇತಿ ನೀಡಲಾಗುತ್ತದೆ. ಸೈನ್ಯದಲ್ಲಿ ಸೇವೆ ಸಲ್ಲಿಸುವವರ ಮುಂದೆ ಸೈನಿಕ ಎಂದು ಬರೆಯಲಾಗುತ್ತದೆ.

    ಬಂಕರ್‌ನಲ್ಲಿ ಕುಟುಂಬದ ಜೊತೆ ಸಫೀನಾ ವಾಸ

    ಸರ್ಕಾರದಿಂದ ಪತಿಗೆ ಬುಲಾವ್ ಬಂದರೆ ಅವರೂ ಸಹ ಹೋಗಬೇಕಾಗುತ್ತದೆ ಎಂದೂ ಹೇಳಿದ್ದಾರೆ. ಸಫೀನಾ ಅವರು ಇನ್ನು ಮುಂದೆ ತನ್ನ ಅಪಾರ್ಟ್ಮೆಂಟ್ನಲ್ಲಿ ವಾಸಿಸುತ್ತಿಲ್ಲ ಎಂದು ಹೇಳಿದ್ದಾರೆ. ಈಗ ಆಕೆ ತನ್ನ ಮನೆಯಿಂದ ಕುಟುಂಬ ಸಮೇತ ಬಂಕರ್‌ಗೆ ತೆರಳಿದ್ದಾಳೆ.

    ಇಬ್ಬರೂ ಬೈಕರ್ಸ್

    ಇಬ್ಬರಿಗೂ ಬೈಕ್ ಓಡಿಸುವುದು ಇಷ್ಟ. ಇಬ್ಬರೂ ಸಹ ಬೈಕರ್ ಗುಂಪಿನ ಸದಸ್ಯರು. ತನ್ನ ಪತಿಯು ಒಳಗೊಂಡಂತೆ ಹಲವಾರು ಬೈಕರ್‌ಗಳ ಗುಂಪುಗಳಲ್ಲಿ ತಾನು ತೊಡಗಿಸಿಕೊಂಡಿದ್ದೇನೆ ಎಂದು ಅವರು ಹೇಳಿದ್ದಾರೆ. ಈ ವೇಳೆ ಮೊಬೈಲ್ ನಂಬರ್ ವಿನಿಮಯ ಆಯಿತು. ನಂತರ ಸಂಭಾಷಣೆ ಪ್ರಾರಂಭವಾಯಿತು. ತನ್ನ ಗಂಡನ ಗುಂಪಿನಿಂದ ಮೊದಲ ಬಾರಿಗೆ ಉಕ್ರೇನ್‌ಗೆ ಭೇಟಿ ನೀಡಲು ಆಹ್ವಾನಿಸಲಾಯಿತು.

    ಪತಿಗೆ ಇಂಗ್ಲಿಷ್ ಬರುವುದಿಲ್ಲ. ಹೀಗಿರುವಾಗ ಗೂಗಲ್ ಮೂಲಕ ಇಬ್ಬರೂ ಮಾತುಕತೆ ನಡೆಸಿದ್ದಾಗಿ ತಿಳಿಸಿದ್ದಾರೆ. 2019 ರಲ್ಲಿ, ಸಫಿನಾ ಮೊದಲ ಬಾರಿಗೆ ಉಕ್ರೇನ್‌ಗೆ ಹೋದರು. ಪಶ್ಚಿಮ ಉಕ್ರೇನ್‌ನಲ್ಲಿ ಹತ್ತು ದಿನಗಳ ಕಾಲ ಪ್ರವಾಸ ಮಾಡಿದರು. ಇದಾದ ನಂತರ ಇಬ್ಬರೂ ಹತ್ತಿರವಾದರು ಮತ್ತು ಮದುವೆಯಾದರು.

    ಇದನ್ನೂ ಓದಿ: ಉಕ್ರೇನ್ ನಲ್ಲಿ ಮದುವೆ- ಹೈದ್ರಾಬಾದ್ ನಲ್ಲಿ ಆರತಕ್ಷತೆ ಮಾಡಿಕೊಂಡ ನವ ಜೋಡಿ

    ಕೈವ್‌ನಲ್ಲಿ ಮದುವೆ ಆರತಕ್ಷತೆ ನಡೆಯಿತು. ಕೈವ್‌ನಲ್ಲಿರುವ ಮಸೀದಿಯಲ್ಲಿ ವಿವಾಹವಾದರು. ನಂತರ ತಮ್ಮ ಪತಿಯೊಂದಿಗೆ ಭಾರತಕ್ಕೆ ಮರಳಿದರು. ಅಲ್ಲಿ ಸ್ವಾಗತ ಕಾರ್ಯಕ್ರಮ ನಡೆಯಿತು ಎಂದು ಸಫೀನಾ ನೆನಪಿಸಿಕೊಳ್ಳುತ್ತಾರೆ.
    Published by:renukadariyannavar
    First published: