Budget 2020: ‘ಇದು ಜನ ವಿರೋಧಿ ಬಜೆಟ್​​​; ದೂರದೃಷ್ಟಿ ಕೊರತೆ ಇದೆ‘- ಕೇಂದ್ರ ವಿಪಕ್ಷಗಳ ಟೀಕೆ

ಬೆಂಗಳೂರು(ಫೆ.01): ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ 2020-21ನೇ ಸಾಲಿನ ಬಜೆಟ್​​ ಮಂಡನೆಯಾಗಿದೆ. ಕೇಂದ್ರ ಗೃಹ ಸಚಿವೆ ನಿರ್ಮಲಾ ಸೀತಾರಾಮನ್ ಬಜೆಟ್​​ ಮಂಡನೆ ವೇಳೆ ಹಲವು ಗಂಟೆಗಳ ಸುಧೀರ್ಘ ಭಾಷಣ ಮಾಡುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ. ಇಂದು ಶನಿವಾರ ಬೆಳಗ್ಗೆ 11 ಗಂಟೆಗೆ ಬಜೆಟ್ ಭಾಷಣ ಆರಂಭಿಸಿದ ಸೀತಾರಾಮನ್, ಮಧ್ಯಾಹ್ನ 1:40ಕ್ಕೆ ಮುಗಿಸಿದರು. ಸುಮಾರು 2 ಗಂಟೆ 40 ನಿಮಿಷಗಳ ಕಾಲ ಬಜೆಟ್ ಮುಖ್ಯಾಂಶಗಳನ್ನು ಓದಿದರು. ಒಟ್ಟು 160 ನಿಮಿಷಗಳ ಬಜೆಟ್ ಭಾಷಣ ಮಾಡಿದ ಸೀತಾರಾಮನ್​ ದಾಖಲೆ ನಿರ್ಮಿಸಿದರು. ಆದರೀಗ ಕೇಂದ್ರ ಸರ್ಕಾರದ ಈ ಬಾರಿಯ ಬಜೆಟ್ ಇತಿಹಾಸದಲ್ಲೇ ಸುದೀರ್ಘವಾಗಿತ್ತು ಎಂದು ಎಐಸಿಸಿ ಮಾಜಿ ಅಧ್ಯಕ್ಷ ರಾಹುಲ್​​ ಗಾಂಧಿ ಹೇಳಿದ್ದಾರೆ. ಹೀಗೆ ಹೊಗಳುವ ರೀತಿಯಲ್ಲೇ ಕೇಂದ್ರ ಸರ್ಕಾರದ ಬಜೆಟ್​​ ಅನ್ನು ವಿಭಿನ್ನವಾಗಿ ಟೀಕಿಸಿದ್ದಾರೆ.

ದೇಶದಲ್ಲಿ ಉದ್ಯೋಗ ಸಮಸ್ಯೆ ವ್ಯಾಪಕವಾಗಿದೆ. ಕೇಂದ್ರ ಸರ್ಕಾರದ 2020ನೇ ಸಾಲಿನ ಬಜೆಟ್​ ನಿರುದ್ಯೋಗ ನಿವಾರಣೆಗೆ ಯಾವುದೇ ಕಾರ್ಯತಂತ್ರ ಕೈಗೊಂಡಿಲ್ಲ. ಯುವಕರಿಗೆ ಉದ್ಯೋಗ ನೀಡುವ ನಿಟ್ಟಿಯಲ್ಲಿಯೂ ಯೋಜನೆಗಳು ಘೋಷಣೆ ಮಾಡಿಲ್ಲ. ಇದೊಂದು ದೂರದೃಷ್ಟಿಯಿಲ್ಲದ ಬಜೆಟ್ ಎಂದು ರಾಹುಲ್​​ ಗಾಂಧಿ ಟ್ವೀಟ್​​ ಮೂಲಕ ಕುಟುಕಿದ್ದಾರೆ.

Our youth want jobs. Instead they got the longest budget speech in parliamentary history that said absolutely nothing of consequence.

PM & FM both looked like they have absolutely no clue what to do next.

#Budget2020 pic.twitter.com/5oUCs8rp32

— Rahul Gandhi (@RahulGandhi) February 1, 2020

ಕೇಂದ್ರ ಸರ್ಕಾರಕ್ಕೆ ಬಡವ ಮತ್ತು ರೈತರ ಪರ ಕಾಳಜಿಯಿಲ್ಲ. ದೇಶದ ಇತಿಹಾಸದಲ್ಲೇ ಇದು ಅತ್ಯಂತ ಉದ್ದದ ಬಜೆಟ್ ಆಗಿದೆ. ಇಷ್ಟೊಂದು ದೀರ್ಘ ಸಮಯ ತೆಗೆದುಕೊಂಡು ಬಜೆಟ್​​ ಮಂಡಿಸಿದರೂ ಜನರಿಗೆ ಬೇಕಾದ ಯೋಜನೆಗಳು ಘೋಷಿಸಿಲ್ಲ. ಬಹುಶಃ ಈ ಬಜೆಟ್ ಓದಿದ ಹಣಕಾಸು ಸಚಿವರೇ ಸುಸ್ತಾಗಿ ಹೋದರು. ಜನರಿಗೆ ಮಾತ್ರ ಈ ಬಜೆಟ್​ನಿಂದ ನಯಾಪೈಸೆ ಉಪಯೋಗವಿಲ್ಲ ಎಂದು ಕೇಂದ್ರದ ಮಾಜಿ ಸಚಿವ ಮಲ್ಲಿಕಾರ್ಜುನ ಖರ್ಗೆ ಟೀಕಿಸಿದ್ದಾರೆ.

ಕೇಂದ್ರ ಗೃಹ ಸಚಿವೆ ನಿರ್ಮಲಾ ಸೀತಾರಾಮನ್​​​ ಬಜೆಟ್​​ ತಯಾರಿಸುವಲ್ಲಿ ವಿಫರಾಗಿದ್ದಾರೆ. ದೇಶದ ಜಿಡಿಪಿ ಮತ್ತು ವಿತ್ತೀಯ ಕೊರತೆ ಸೇರಿದಂತೆ ಹಣ ಹೂಡಿಕೆ ಬಗ್ಗೆಯೂ ಯಾವುದೇ ಪ್ರಸ್ತಾಪವಿಲ್ಲ. ಹೀಗಾಗಿ ಇದೊಂದು ಭರವಸೆ ಇಲ್ಲದ ಬಜೆಟ್​​ ಎನ್ನುವ ಮೂಲಕ ಕೇಂದ್ರದ ಮಾಜಿ ಸಚಿವ ಪಿ. ಚಿದಂಬರಂ ಕಿಡಿಕಾರಿದ್ದಾರೆ.

P Chidambaram,Congress: In 2019-20, Finance Minister failed to meet any of the key Budget Estimate targets — nominal GDP growth,fiscal deficit,net tax revenue collection, disinvestment revenue or total expenditure. There is no assurance that she will meet targets set for 2020-21. pic.twitter.com/4Cg2zFsRaH

— ANI (@ANI) February 1, 2020

ಇನ್ನು, ಬಜೆಟ್​ ವಿಶ್ಲೇಷಿಸಿರುವ ಕಾಂಗ್ರೆಸ್ ಸಂಸದ ಶಶಿ ತರೂರ್, 'ಈ ಬಜೆಟ್‌ನಿಂದ ಜನರಿಗೆ ಯಾವುದೇ ಉಪಯೋಗವಿಲ್ಲ. ತೆರಿಗೆದಾರರಿಗೆ ವಿನಾಯಿತಿ ನೀಡಿರುವುದು ಹೊರತುಪಡಿಸಿ ಇನ್ನಾವುದೇ ಒಳ್ಳೆಯ ಘೋಷಣೆಗಳು ಬಜೆಟ್‌ನಲ್ಲಿ ಇಲ್ಲ ಎಂದಿದ್ದಾರೆ.

ಕೇಂದ್ರದ ಬಜೆಟ್‌ಗೆ ಪ್ರಶಂಸೆ

ಕೇಂದ್ರ ಸರ್ಕಾರದ 2020ನೇ ಸಾಲಿನ ಬಜೆಟ್​​​​ ರೈತ ಮತ್ತು ಅಭಿವೃದ್ದಿಪರವಾಗಿದೆ ಎಂದು ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

Chief Minister Yogi Adityanath: I congratulate Prime Minister Modi and Finance Minister Nirmala Sitharaman for this development oriented and pro-farmer budget. This Budget will further strengthen the economy. pic.twitter.com/DX5V2U9BzJ

— ANI UP (@ANINewsUP) February 1, 2020

ಇನ್ನು, ಪ್ರಧಾನಿ ಮೋದಿ ಸರ್ಕಾರದ ಬಜೆಟ್‌ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಕೇಂದ್ರ ಸಚಿವ ಡಿ.ವಿ ಸದಾನಂದ ಗೌಡ, ತೆರಿಗೆದಾರರು ದೇಶದ ಆರ್ಥಿಕತೆಯ ಬೆನ್ನೆಲುಬು. ಇಂತಹ ತೆರಿಗೆದಾರರಿಗೆ ಕೇಂದ್ರದ ಬಜೆಟ್​​ನಲ್ಲಿ ರಿಯಾಯಿತಿ ಸಿಕ್ಕಿರುವುದು ಖುಷಿ ವಿಚಾರ ಎಂದಿದ್ದಾರೆ.

I congratulate Hon'ble FM @nsitharaman ji for presenting people centric, pro farmer and business friendly budget. I am very optimistic that this all round balanced budget will be helpful in stimulating growth and creating jobs.

— Sadananda Gowda (@DVSadanandGowda) February 1, 2020

ಇದೊಂದು ಐತಿಹಾಸಿಕ ಬಜೆಟ್ ಈ ಬಜೆಟ್‌. ಸಮಾಜದ ಎಲ್ಲಾ ವರ್ಗಗಳನ್ನೂ ಗಮನದಲ್ಲಿಡುಕೊಂಡು ಬಜೆಟ್ ಮಂಡಿಸಲಾಗಿದೆ ಎಂದು ಕೇಂದ್ರ ಗೃಹ ಮಂತ್ರಿ ರಾಜನಾಥ್ ಸಿಂಗ್ ಅವರು ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: Budget 2020: ‘ಜನಸ್ನೇಹಿ ಮತ್ತು ದೂರದೃಷ್ಟಿ ಬಜೆಟ್​​ ಇದಾಗಿದೆ‘; ಸಿಎಂ ಯಡಿಯೂರಪ್ಪ

ಕೃಷಿಕರು, ಮಧ್ಯಮರ್ಗದವರು, ಉದ್ಯಮಿಗಳು, ನವೋದ್ಯಮಿಗಳು ಎಲ್ಲರ ಅಗತ್ಯವನ್ನೂ ಗಮನದಲ್ಲಿಟ್ಟುಕೊಂಡು ಈ ಬಜೆಟ್​​ ಮಂಡಿಸಲಾಗಿದೆ. ಇದು ರೈತರಿಗೆ ಬಹುವಾಗಿ ಸಹಾಯಕವಾಗಲಿದೆ ಎಂದರು ಅಮಿತ್​ ಶಾ.