26/11 ಮುಂಬೈ ದಾಳಿಯ ರೂವಾರಿ ಹಫೀಜ್ ಸಯೀದ್​ಗೆ 5 ವರ್ಷ ಜೈಲು ಶಿಕ್ಷೆ ವಿಧಿಸಿದ ಪಾಕ್ ನ್ಯಾಯಾಲಯ

ನವದೆಹಲಿ:  26/11 ಮುಂಬೈ ಉಗ್ರರ ದಾಳಿಯ ರೂವಾರಿ ಮತ್ತು ಜಮಾದ್ ಉದ್ ದಾವಾ (ಜೆಯುಡಿ) ಉಗ್ರ ಸಂಘಟನೆ ಮುಖ್ಯಸ್ಥ ಹಫೀಜ್ ಸಯೀದ್​ಗೆ ಪಾಕಿಸ್ತಾನದ ಭಯೋತ್ಪಾದಕ ನಿಗ್ರಹ ನ್ಯಾಯಾಲಯ ಜೈಲು ಶಿಕ್ಷೆ ವಿಧಿಸಿದೆ. ಭಯೋತ್ಪಾದಕ ಸಂಘಟನೆಗಳ ಹಣಕಾಸು ಪ್ರಕರಗಳ ಸಂಬಂಧ ಉಗ್ರ ಹಫೀಜ್​ಗೆ ಐದು ವರ್ಷಗಳ ಶಿಕ್ಷೆ ವಿಧಿಸಲಾಗಿದೆ.

2008ರಲ್ಲಿ ಮುಂಬೈ ತಾಜ್​ ಹೋಟೆಲ್​ ಮೇಲೆ ದಾಳಿ ನಡೆಸಿ 166 ಜನರ ಸಾವಿಗೆ ಕಾರಣನಾದ ಹಫೀಜ್ ಸಯೀದ್​ ಟೆರರ್ ಫಂಡಿಂಗ್​ ಪ್ರಕರಣಗಳಲ್ಲಿ ಆಪಾದಿತ ಎಂದು ರುಜುವಾತಾಗಿದ್ದು, ಐದು ವರ್ಷಗಳ ಶಿಕ್ಷೆ ವಿಧಿಸಲಾಗಿದೆ.

ಪ್ಯಾರಿಸ್​ನಲ್ಲಿ ಹಣಕಾಸು ಕ್ರಿಯಾ ಪಡೆ (ಎಫ್​ಎಟಿಎಫ್​) ಸಭೆ ಸೇರಿ ಪಾಕಿಸ್ತಾನವನ್ನು ಕಪ್ಪು ಪಟ್ಟಿಗೆ (ಬ್ಲಾಕ್​ ಲಿಸ್ಟಿಂಗ್) ಸೇರಿಸಬೇಕೋ ಅಥವಾ ಬೂದು ಪಟ್ಟಿಗೆ (ಗ್ರೇ ಲಿಸ್ಟಿಂಗ್​) ಸೇರಿಸಬೇಕೋ ಎಂಬುದನ್ನು ತೀರ್ಮಾನ ಮಾಡುವ ಎರಡು ದಿನದ ಮೊದಲೇ ಈ ಬೆಳವಣಿಗೆ ನಡೆದಿದೆ.

ಇದನ್ನು ಓದಿ: ಭಾರತದ ಭೇಟಿ ವೇಳೆ 50 ರಿಂದ 70 ಲಕ್ಷ ಜನ ಸೇರಿಸುವುದಾಗಿ ಪ್ರಧಾನಿ ಮೋದಿ ಭರವಸೆ; ಬಹಿರಂಗಪಡಿಸಿದ ಅಮೆರಿಕಾ ಅಧ್ಯಕ್ಷ