ಅದೃಷ್ಟ ಪರೀಕ್ಷೆಗೆ ಹೀಗೂ ಮಾಡ್ತಾರಾ..?; ಆಟಕ್ಕೆ ಜೀವವೇ ಬಲಿ

news18
Updated:September 11, 2018, 4:47 PM IST
ಅದೃಷ್ಟ ಪರೀಕ್ಷೆಗೆ ಹೀಗೂ ಮಾಡ್ತಾರಾ..?; ಆಟಕ್ಕೆ ಜೀವವೇ ಬಲಿ
news18
Updated: September 11, 2018, 4:47 PM IST
-ನ್ಯೂಸ್​ 18 ಕನ್ನಡ

ಭೋಪಾಲ್​,(ಸೆ.11): 21 ವರ್ಷದ ಯುವತಿಯೋರ್ವಳು ತನ್ನ ಗೆಳತಿಯ ಜೊತೆ ವಾಟ್ಸಾಪ್​ ವಿಡಿಯೋ ಚಾಟ್​ನಲ್ಲಿ ಮಾರಕ 'ರಷ್ಯನ್​ ರೂಲೆಟ್'​ ಗೇಮ್​ ಆಡುವಾಗ ರಿವಾಲ್ವರ್​ನಿಂದ ಶೂಟ್​ ಮಾಡಿಕೊಂಡು ಸಾವನ್ನಪ್ಪಿರುವ ಘಟನೆ ದೆಹಲಿಯಲ್ಲಿ ನಡೆದಿದೆ.

ಕರೀಷ್ಮಾ ಯಾದವ್​ ಮೃತಪಟ್ಟ ದುರ್ದೈವಿ. ಈಕೆ ಮಧ್ಯಪ್ರದೇಶದ ನಿವೃತ್ತ ಪೊಲೀಸ್​ ಸಬೇದಾರ್ ಅರವಿಂದ್​ ಯಾದವ್​ ಅವರ​ ಮಗಳು ಎನ್ನಲಾಗಿದೆ. ಕರೀಷ್ಮಾ ಶುಕ್ರವಾರ ದೆಹಲಿ ಮೆಟ್ರೋದಲ್ಲಿ ಪ್ರಯಾಣಿಸುತ್ತಿದ್ದ ತನ್ನ ಗೆಳತಿ ನಜ್ಮಾ ಜೊತೆ ವಾಟ್ಸಾಪ್​ ವಿಡಿಯೋ ಚಾಟ್​ನಲ್ಲಿ 'ರಷ್ಯನ್​ ರೂಲೆಟ್'​ ಗೇಮ್​ ಆಡುತ್ತಿದ್ದಳು. ಇದು ಜೀವಕ್ಕೆ ಕುತ್ತು ತರುವ ಆಟವಾಗಿದ್ದು, ಈ ವೇಳೆ ಕರೀಷ್ಮಾ ತನ್ನ ಅದೃಷ್ಟವನ್ನು ಪರೀಕ್ಷಿಸಲು ತನ್ನ ತಂದೆಯ ರಿವಾಲ್ವರ್​ನಿಂದ ತಲೆಗೆ ಶೂಟ್​ ಮಾಡಿಕೊಂಡಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕರೀಷ್ಮಾ ತನ್ನ ಗೆಳತಿ ನಜ್ಮಾ ಜೊತೆಗೆ ಮಾತನಾಡಿರುವ ಕೊನೆಯ ಫೋನ್ ಕರೆಯ ಮಾಹಿತಿಯನ್ನು ಪೊಲೀಸರು ಪಡೆದುಕೊಂಡಿದ್ದಾರೆ. ನಜ್ಮಾ ಗೆಳತಿ ಕರೀಷ್ಮಾ ಜೊತೆಗೆ ರಿವಾಲ್ವರ್​ನಿಂದ ಆಡಿದ ಆಟ ಮತ್ತು ಅವರಿಬ್ಬರ ನಡುವೆ ನಡೆದಿರುವ ಮಾತುಕತೆ ಬಗ್ಗೆ ನಜ್ಮಾಳಿಂದ ಮತ್ತಷ್ಟು ಮಾಹಿತಿ ಪಡೆದಿದ್ದೇವೆ ಎಂದು ತನಿಖಾಧಿಕಾರಿ ಸುದೇಶ್​ ತಿವಾರಿ ಹಿಂದೂಸ್ತಾನ್​ ಟೈಮ್ಸ್​ಗೆ ತಿಳಿಸಿದ್ದಾರೆ.

ವಾಟ್ಸಪ್​ ಲೈವ್​ ವಿಡಿಯೋ ಚಾಟ್​ನಲ್ಲಿ ಕರೀಷ್ಮಾ ತನ್ನ ಬಳಿಯಿದ್ದ ರಿವಾಲ್ವರ್​ನ್ನು ನಜ್ಮಾಗೆ ತೋರಿಸಿ, "ಈ ರಿವಾಲ್ವರ್​ನಲ್ಲಿ ಒಂದೇ ಒಂದು ಬುಲೆಟ್​ ಇದೆ. ಆದರೆ ಅದು ಎಲ್ಲಿದೆ ಎಂದು ಗೊತ್ತಿಲ್ಲ". ಎಂದು ಹೇಳುತ್ತಾಳೆ. ನಂತರ ಆಕೆ ರಿವಾಲ್ವರ್​ನ್ನು ತನ್ನ ಕಿವಿಯ ಮೇಲೆ ಇಟ್ಟುಕೊಂಡು, "ನನ್ನ ಅದೃಷ್ಟದಲ್ಲಿ ಸಾವು ಬರೆದಿದೆಯಾ ಎಂದು ನೋಡೋಣ" ಎಂದು ಹೇಳಿದಳು. ನಂತರ ಫೋನ್​ ಕಾಲ್​ ಸಂಪರ್ಕ ಕಡಿತಗೊಂಡಿತು. ಬಹುಶಃ ಆ ಸಮಯದಲ್ಲಿ ಕರೀಷ್ಮಾ ತನ್ನ ತಲೆಗೆ ಗುಂಡು ಹಾರಿಸಿಕೊಂಡಿದ್ದಾಳೆ ಎಂದು ನಜ್ಮಾ ಪೊಲೀಸರಿಗೆ ತಿಳಿಸಿದ್ದಾಳೆ.

ಕರೀಷ್ಮಾಳ ಅಣ್ಣ ಮಾರ್ಕೆಟ್​ನಿಂದ ಮನೆಗೆ ವಾಪಸ್ಸಾದಾಗ ಆಕೆ ರಕ್ತದ ಮಡುವಿನಲ್ಲಿ ಬಿದ್ದಿರುತ್ತಾಳೆ. ತಕ್ಷಣ ಆಕೆಯನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಗುತ್ತದೆ. ಆದರೆ ಸೋಮವಾರ ಬೆಳಿಗ್ಗೆ ಆಕೆ ಸಾವನ್ನಪ್ಪಿದ್ದಾಳೆ ಎನ್ನಲಾಗಿದೆ.
First published:September 11, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ