• Home
  • »
  • News
  • »
  • national-international
  • »
  • Gujarat Election Result 2022: ಮೊರ್ಬಿ ದುರಂತದಲ್ಲಿ ಹಲವರ ಪ್ರಾಣ ಕಾಪಾಡಿದ್ದ ಕಾಂತಿಲಾಲ್​ಗೆ ಭಾರೀ ಮುನ್ನಡೆ!

Gujarat Election Result 2022: ಮೊರ್ಬಿ ದುರಂತದಲ್ಲಿ ಹಲವರ ಪ್ರಾಣ ಕಾಪಾಡಿದ್ದ ಕಾಂತಿಲಾಲ್​ಗೆ ಭಾರೀ ಮುನ್ನಡೆ!

ಕಾಂತಿಲಾಲ್ ಶಿವಲಾಲ್ ಅಮೃತಿಯ

ಕಾಂತಿಲಾಲ್ ಶಿವಲಾಲ್ ಅಮೃತಿಯ

Gujarat Election Result: ಮೊರ್ಬಿ ಸೇತುವೆ ಅಪಘಾತದ ವೇಳೆ ಮಚ್ಚು ನದಿಗೆ ಹಾರಿ ಪ್ರಾಣ ಉಳಿಸಿದ ಕಾಂತಿಲಾಲ್ ಶಿವಲಾಲ್ ಅಮೃತಿಯವರಿಗೆ ಸಾರ್ವಜನಿಕರು ಆಶೀರ್ವಾದ ನೀಡುತ್ತಿದ್ದಾರೆ. ಬಿಜೆಪಿ ಅಭ್ಯರ್ಥಿ ಕಾಂತಿಲಾಲ್ ತಮ್ಮ ಪ್ರತಿಸ್ಪರ್ಧಿ ಕಾಂಗ್ರೆಸ್ ಅಭ್ಯರ್ಥಿಗಿಂತ 6,000 ಮತಗಳ ಮುನ್ನಡೆಯಲ್ಲಿದ್ದಾರೆ.

ಮುಂದೆ ಓದಿ ...
  • News18 Kannada
  • Last Updated :
  • Gujarat, India
  • Share this:

    ಮೊರ್ಬಿ(ಡಿ.08): ಗುಜರಾತ್ ವಿಧಾನಸಭಾ ಚುನಾವಣೆಗೂ (Gujarat Assembky Election Results) ಮುನ್ನ ಮೊರ್ಬಿ ಸೇತುವೆ (Morbi Bridge) ಅಪಘಾತದ ಕಾರಣದಿಂದ ಭಾರೀ ಸದ್ದು ಮಾಡಿತ್ತು. ಈ ದುರಂತದ ಬಳಿಕ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಈ ಕ್ಷೇತ್ರದಿಂದ ಕಾಂತಿಲಾಲ್ ಶಿವಲಾಲ್ ಅಮೃತಯ್ಯ ಅವರಿಗೆ ಟಿಕೆಟ್ ನೀಡಿತ್ತು. ಮೊರ್ಬಿ ಸೇತುವೆ ಅಪಘಾತದ ಸಮಯದಲ್ಲಿ ಜನರ ಜೀವ ಉಳಿಸಿದ ಕಾರಣ, ಕಾಂತಿಲಾಲ್ ಇಡೀ ದೇಶದಲ್ಲಿ ಬಹಳ ಜನಪ್ರಿಯರಾಗಿದ್ದರು. ಸದ್ಯ ಕಾಂತಿಲಾಲ್ ಅವರು ಕಾಂಗ್ರೆಸ್​ನ ಜಯಂತಿ ಪಟೇಲ್ ಅವರಿಗಿಂತ ಸುಮಾರು 6000 ಮತಗಳಿಂದ ಮುನ್ನಡೆಯಲ್ಲಿದ್ದಾರೆ. ಮೊರ್ಬಿ ವಿಧಾನಸಭಾ ಕ್ಷೇತ್ರವು ಕಚ್ ಜಿಲ್ಲೆಯಲ್ಲಿ ಬರುತ್ತದೆ.


    21,775 ಮತಗಳನ್ನು ಪಡೆದ ಕಾಂತಿಲಾಲ್ ಶಿವಲಾಲ್


    2017ರಲ್ಲಿ ಈ ಸ್ಥಾನ ಕಾಂಗ್ರೆಸ್‌ ಖಾತೆಯಲ್ಲಿತ್ತು. ಆಮ್ ಆದ್ಮಿ ಪಕ್ಷದ ಅಭ್ಯರ್ಥಿ ಪಂಕಜ್ ರಂಸಾರಿಯಾ ಈ ಕ್ಷೇತ್ರದಲ್ಲಿ ಇದುವರೆಗೆ 4300 ಮತಗಳನ್ನು ಪಡೆದಿದ್ದಾರೆ. ಮತ್ತೊಂದೆಡೆ, ಕಾಂತಿಲಾಲ್ ಶಿವಲಾಲ್ ಅಮೃತೀಯ ಅವರು ಇಲ್ಲಿಯವರೆಗೆ 21,775 ಮತಗಳನ್ನು ಪಡೆದಿದ್ದಾರೆ ಮತ್ತು ಕಾಂಗ್ರೆಸ್‌ನ ಜಯಂತಿ ಪಟೇಲ್ ಇಲ್ಲಿಯವರೆಗೆ 15,498 ಮತಗಳನ್ನು ಪಡೆದಿದ್ದಾರೆ. ಇನ್ನು ಇತಿಹಾಸದ ಬಗ್ಗೆ ಹೇಳುವುದಾದರೆ ಇಲ್ಲಿಯವರೆಗೆ 10 ಬಾರಿ ಈ ಸ್ಥಾನ ಬಿಜೆಪಿ ಖಾತೆಗೆ ಹೋಗಿದೆ.


    ಇದನ್ನೂ ಓದಿ: Gujarat Election Results: 2024ರಲ್ಲಿ ಹೇಗಿರುತ್ತೆ ಕಾಂಗ್ರೆಸ್ ಸ್ಥಿತಿ? ನಿರ್ಧರಿಸುತ್ತೆ ಗುಜರಾತ್, ಹಿಮಾಚಲ ಫಲಿತಾಂಶ!


    2017ರಲ್ಲಿ ಕಾಂಗ್ರೆಸ್​ ಅಭ್ಯರ್ಥಿಗೆ ಗೆಲುವು


    2017 ರ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ನಾಯಕ ಬ್ರಿಜೇಶ್ ಮೆರ್ಜಾ ಈ ಸ್ಥಾನವನ್ನು ಗೆದ್ದಿದ್ದರು. ಈ ಕ್ಷೇತ್ರದಲ್ಲಿ 1980 ರಿಂದ 2020 ರವರೆಗೆ ನಡೆದ 10 ಚುನಾವಣೆಗಳಲ್ಲಿ 7 ಮತ್ತು ಉಪಚುನಾವಣೆಗಳಲ್ಲಿ ಬಿಜೆಪಿ ಗೆದ್ದಿದೆ. ಮತ್ತೊಂದೆಡೆ, ಕಾಂಗ್ರೆಸ್ 1980 ಮತ್ತು 2017 ರಲ್ಲಿ ಮಾತ್ರ ಈ ಸ್ಥಾನವನ್ನು ವಶಪಡಿಸಿಕೊಂಡಿತ್ತು. ಆದರೆ, ಈ ಬಾರಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷವೂ ಕಣದಲ್ಲಿದೆ. ಹಾಗಾಗಿಯೇ ತ್ರಿಕೋನ ಸ್ಪರ್ಧೆ ಏರ್ಪಡುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದ್ದರೂ ಸದ್ಯಕ್ಕೆ ಅದು ನಡೆಯುವಂತೆ ಕಾಣುತ್ತಿಲ್ಲ.


    ಮೊರ್ಬಿ ಸೇತುವೆ ದುರಂತದ ದೃಶ್ಯ


    ಇದನ್ನೂ ಓದಿ: Gujarat Election Result 2022: ಈ 10 ಜನಪ್ರಿಯ ನಾಯಕರ ಪ್ರತಿಷ್ಠೆ ಕಣಕ್ಕೆ, ಫಲಿತಾಂಶದಿಂದ ಭವಿಷ್ಯ ನಿರ್ಧಾರ


    140 ಮಂದಿ ಪ್ರಾಣ ಬಲಿ ಪಡೆದಿದ್ದ ಮೊರ್ಬಿ


    ಗಮನಾರ್ಹ ಸಂಗತಿಯೆಂದರೆ, ಮಚ್ಚು ನದಿಗೆ ನಿರ್ಮಿಸಲಾದ ಸೇತುವೆ ಈ ವರ್ಷದ ಅಕ್ಟೋಬರ್‌ನಲ್ಲಿ ಮುರಿದುಹೋಗಿದೆ. ಈ ಅಪಘಾತದಲ್ಲಿ 140 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಅಪಘಾತ ಸಂಭವಿಸಿದ ಕೂಡಲೇ ಕಾಂತಿಲಾಲ್ ಶಿವಲಾಲ್ ಅವರು ಅಮೃತಿಯ ನದಿಗೆ ಹಾರಿ ಜೀವ ಉಳಿಸಲು ಆರಂಭಿಸಿದರು. ಅವರಿಗೆ ಸಂಬಂಧಿಸಿದ ಹಲವು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದವು. ಆ ವೀಡಿಯೋಗಳಲ್ಲಿ ಕಾಂತಿಲಾಲ್ ಲೈಫ್ ಟ್ಯೂಬ್ ಧರಿಸಿ ಜೀವ ಉಳಿಸುತ್ತಿರುವುದು ಕಂಡುಬಂದಿದೆ. ಇದಾದ ಬಳಿಕ ಪಕ್ಷ ಅವರ ಮೇಲೆ ವಿಶ್ವಾಸ ವ್ಯಕ್ತಪಡಿಸಿ ಮೊರ್ಬಿಯಿಂದ ಟಿಕೆಟ್ ನೀಡಿತ್ತು.

    Published by:Precilla Olivia Dias
    First published: