Google For India 2020: ಭಾರತದ ಡಿಜಿಟಲೀಕರಣಕ್ಕೆ ಕೈಜೋಡಿಸಿದ ಗೂಗಲ್​​: 75 ಸಾವಿರ ಕೋಟಿ ರೂ. ಹೂಡಿಕೆ

ನವದೆಹಲಿ(ಜು.13): ಭಾರತ ಡಿಜಿಟಲ್​ ಕ್ರಾಂತಿಯತ್ತ ಹೆಜ್ಜೆ ಹಾಕುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವಂತೂ ಎಲ್ಲವನ್ನು ಡಿಜಿಟಲ್​​ ಮಾಡಲು ಭಾರೀ ಉತ್ಸುಕತೆ ತೋರುತ್ತಿದೆ. ಎಷ್ಟು ಸಾಧ್ಯವೋ ಅಷ್ಟು ವಹಿವಾಟುಗಳು ಡಿಜಿಟಲ್​ ಮೋಡ್​ನಲ್ಲಿಯೇ ನಡೆಯಬೇಕು ಎನ್ನುವುದು ಕೇಂದ್ರದ ಉದ್ದೇಶ. ನೋಟ್​ ಬ್ಯಾನ್ ಬಳಿಕ ಭಾರತೀಯರು ಕೂಡ​ ಡಿಜಿಟಲ್​ ಪೇಮೆಂಟ್​ ಅನ್ನೇ ಬಳಕೆ ಮಾಡಲು ಶುರು ಮಾಡಿದರು. ಇದಕ್ಕೆ ವ್ಯಾಪರಸ್ಥರು ಸಹಕಾರ ನೀಡಿದರು. ಹೀಗಿರುವಾಗಲೇ ಭಾರತ ಡಿಜಟಲೀಕರಣಕ್ಕೆ ಹೂಡಿಕೆ ಮಾಡಲು ಗೂಗಲ್​​ ಕಂಪನಿ ಮುಂದಾಗಿದೆ.

ಮುಂದಿನ 5-7 ವರ್ಷಗಳಲ್ಲಿ ಭಾರತದಲ್ಲಿ ನಾವು 75 ಸಾವಿರ ಕೋಟಿ ರೂ. ಅಂದರೆ 10 ಬಿಲಿಯನ್​​ ಡಾಲರ್​​​​ ಹೂಡಿಕೆ ಮಾಡಲು ನಿರ್ಧರಿಸಿದ್ದೇವೆ ಎಂದು ಗೂಗಲ್ ಸಂಸ್ಥೆಯ ಮುಖ್ಯಸ್ಥ ಸಿಇಓ ಸುಂದರ್‌ ಪಿಚೈ ಘೋಷಿಸಿದ್ದಾರೆ. ಈ ಮೂಲಕ ಭಾರತದಲ್ಲಿ ಎಲ್ಲಾ ಡಿಜಿಟಲ್​​ ಮಾಡಲು ನೆರವಾಗುತ್ತಿದ್ಧಾರೆ.

ಭಾರತದ ಡಿಜಿಟಲ್​​​​ ಯೋಜನೆಗೆ ಕೈಜೋಡಿಸಬೇಕು ಎಂದು ತೀರ್ಮಾನ ಮಾಡಿದ್ದೇವೆ. ನಾವು ಎಲ್ಲಾ ವಲಯಗಳಲ್ಲೂ ಸಮಾನ ಹೂಡಿಕೆ ಮಾಡಲು ಚಿಂತಿಸಿದ್ದೇವೆ. ಎಕೊಸಿಸ್ಟಮ್, ಪಾರ್ಟ್ನರ್ಶಿಪ್, ಇನ್ಫ್ರಾಸ್ಟ್ರಕ್ಚರ್​​​ ಒತ್ತು ನೀಡಲಿದ್ದೇವೆ ಎಂದು ಸುಂದರ್​​ ಪಿಚೈ.

ಗೂಗಲ್​​​ ಹೂಡಿಕೆ ಪ್ರಮುಖವಾಗಿ ಭಾರತದ ಡಿಜಿಟಲೀಕರಣಕ್ಕೆ ಒತ್ತು ನೀಡಲಿದೆ. ಮೊದಲಿಗೆ ನಮ್ಮ ಯೋಜನೆ ಬಗ್ಗೆ ಭಾರತದ ಪ್ರತಿಯೊಬ್ಬ ಪ್ರಜೆಗೂ ತಮ್ಮ ಮಾತೃಭಾಷೆಯಲ್ಲೇ ಮಾಹಿತಿ ಸಂಪೂರ್ಣ ಒದಗಿಸಲಿದ್ದೇವೆ. ಹಿಂದಿ, ತಮಿಳು, ಪಂಜಾಬಿ, ಕನ್ನಡ ಎಲ್ಲಾ ಭಾಷೆಯಲ್ಲೂ ಈ ಯೋಜನೆ ಬಗ್ಗೆ ಮಾಹಿತಿ ನೀಡಲಿದ್ದೇವೆ. ನಂತರ ಭಾರತೀಯರಿಗೆ ಅಗತ್ಯವಿರುವ ಉತ್ಪನ್ನ ಮತ್ತು ಸೇವೆಗಳನ್ನು ಒದಗಿಸಲಿದ್ದೇವೆ ಎಂದು ಸುಂದರ್​ ಪಿಚೈ ಹೇಳಿದರು.

ಇದನ್ನೂ ಓದಿ: ರಾಜ್ಯದ ಡಿಸಿಗಳ ಜತೆ ಸಿಎಂ ಯಡಿಯೂರಪ್ಪ ವಿಡಿಯೋ ಕಾನ್ಫರೆನ್ಸ್​​​: ಇಲ್ಲಿವೆ ಸಭೆಯ ಮುಖ್ಯಾಂಶಗಳು

ಭಾರತದ ಡಿಜಿಟಲೀಕರಣದ ನಂತರ ಆರೋಗ್ಯ, ಶಿಕ್ಷಣ, ಕೃಷಿಯಲ್ಲಿ ಹೂಡಿಕೆ ಮಾಡಲಿದ್ದೇವೆ. ಭಾರತೀಯ ಉದ್ಯಮ ಕ್ಷೇತ್ರದೊಂದಿಗೆ ಸಾಮಾಜಿಕ ಸೇವೆಗೂ ಆದ್ಯತೆ ನೀಡಲಿದ್ದೇವೆ ಎಂದು ಭರವಸೆ ನೀಡಿದರು ಸುಂದರ್​​ ಪಿಚೈ.