Mission Paani : ಗ್ಲೋಬಲ್​ ಟೀಚರ್​ ಪ್ರಶಸ್ತಿ ಗೆದ್ದ ಶಿಕ್ಷಕನಿಂದ ಮಕ್ಕಳಿಗೆ ನೀರಿನ ಜಾಗೃತಿ

ನೀರಿನ ಸಂರಕ್ಷಣೆ ಕುರಿತು ಜಾಗೃತಿ ಮೂಡಿಸುವ ಸಲುವಾಗಿ ಗಣರಾಜ್ಯೋತ್ಸವ ಅಂಗವಾಗಿ ನೆಟ್​ವರ್ಕ್​ 18 ಮಿಷನ್​ ಪಾನಿ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಹಾರ್ಪಿಕ್​ ಇಂಡಿಯಾ ಸಹಯೋಗದೊಂದಿಗೆ ನಡೆದ ಈ ಕಾರ್ಯಕ್ರಮದಲ್ಲಿ ಹಲವಾರು ಬಾಲಿವುಡ್​ ತಾರೆಯರು, ಕೇಂದ್ರ ಸಚಿವರು, ಯೋಧರು, ಸೇರಿದಂತೆ ಹಲವರು ಜಲಪ್ರತಿಜ್ಞೆ ಮಾಡಿದರು. ಇದರ ಮಧ್ಯೆ ಕಳೆದ ಡಿಸೆಂಬರ್​ನಲ್ಲಿ ಜಾಗತಿಕ ಶಿಕ್ಷಕ ಪ್ರಶಸ್ತಿ ಪಡೆದು ಹೆಸರಾಗಿದ್ದ ರಂಜಿತ್​ ಸಿಂಗ್​ ಡಿಸಾಲೆ ಕೂಡ ಮಿಷನ್​ ಪಾನಿ ಕಾರ್ಯಕ್ರಮದಲ್ಲಿ ಭಾಗಿಯಾದರು. ಮಕ್ಕಳ ಶಿಕ್ಷಣಕ್ಕೆ ಉತ್ತೇಜನದ ಜೊತೆಗೆ ನೀರಿನ ಸಂರಕ್ಷಣೆ ಕುರಿತು ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ ಇವರು. 

ಶಿಕ್ಷಕರಾಗಿ ಗುರುತಿಸಿಕೊಂಡಿರುವ ಡಿಸಾಲೆ​ ಪರಿಸರವಾದಿ ಕೂಡ ಎಂಬುದು ಅನೇಕರಿಗೆ ತಿಳಿದಿಲ್ಲ. ಮಹಾರಾಷ್ಟ್ರದ ಸೋಲಾಪುರ ಜಿಲ್ಲೆಯ ಪರಿತೇವಾಡಿ ಗ್ರಾಮದ ಇವರು ಲಾಕ್​ಡೌನ್​ ಸಂದರ್ಭದಲ್ಲಿ ಮಾಡಿದ ಕೆಲಸ ಪ್ರಶಂಸನೀಯ. ಈ ಸಮಯವನ್ನು ಸದುಪಯೋಗ ಪಡಿಸಿಕೊಂಡ ಅವರು ಮಕ್ಕಳಿಗೆ ನೀರಿನ ಸಂರಕ್ಷಣೆ ನೀರಿನ ಕೊಯ್ಲು ಕುರಿತು ಮನವರಿಕೆ ಮಾಡಿಕೊಟ್ಟರು.

ಇದನ್ನು ಓದಿ: ಗ್ರಾಮೀಣ ಮಹಿಳೆಯರ ನೀರಿನ ಬವಣೆ ಅರಿಯಲು ವಿನೂತನ ಪ್ರಯೋಗಕ್ಕೆ ಮುಂದಾದ ಬಾಲಿವುಡ್​ ಕಿಲಾಡಿ ಅಕ್ಷಯ್​ ಕುಮಾರ್​​

ಅಷ್ಟೇ ಅಲ್ಲದೇ ಈ ಲಾಕ್​ಡೌನ್​ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಮನೆಯಲ್ಲಿ ಎಷ್ಟು ನೀರು ಮತ್ತು ವಿದ್ಯುತ್​ ಉಪಯೋಗಿಸುತ್ತಾರೆ ಎಂಬುದರ ಬಗ್ಗೆ ಗಮನಹರಿಸಲು ಮುಂದಾದೆವು. ಆ ದತ್ತಾಂಶದ ಪ್ರಕಾರ ನಮ್ಮ ಗ್ರಾಮದಲ್ಲಿ ಲಭ್ಯವಿರುವ ನೀರನ್ನು ಎಷ್ಟು ಸಮಯದವರೆಗೆ ಬಳಸಬಹುದು ಎಂಬ ಬಗ್ಗೆ ಯೋಜನೆ ರೂಪಿಸಿದೆವು ಎಂದು ಕಾರ್ಯಕ್ರಮದಲ್ಲಿ ಅವರು ತಿಳಿಸಿದರು.

ಇದೇ ಸಂದರ್ಭದಲ್ಲಿ ಮಳೆ ಕಡಿಮೆಯಾದರ, ಪ್ಲಾನ್​ ಬಿ ಬಳಸಲು ಕೂಡ ಚಿಂತಿಸಿದೆವು. ವಿದ್ಯಾರ್ಥಿಗಳು ಕೂಡ ನೀರನ್ನು ಉಪಯುಕ್ತವಾಗಿ ಬಳಸಲು ಮುಂದಾದರು ಎಂದರು.
ಬಾಲಕಿಯರ ಶಿಕ್ಷಣ ಉತ್ತೇಜನ ಮತ್ತು ತ್ವರಿತ ಪ್ರಕ್ರಿಯೆಯ ಕೋಡೆಡ್​ ಪಠ್ಯಪುಸ್ತಕ ಉತ್ತೇಜನಕ್ಕಾಗಿ ಅವರು 2020ರಲ್ಲಿ ಡಿಸಾಲೆ​ 1 ಮಿಲಿಯನ್​ ಡಾಲರ್​ ಗ್ಲೋಬಲ್​ ಟೀಚರ್​ ಪ್ರಶಸ್ತಿ ಗೆದ್ದಿದ್ದರು. ಶಾಲಾ ಶಿಕ್ಷಕರು ನಿಜವಾದ ಬದಲಾವಣೆಗಾರರು ಎಂಬುದಕ್ಕೆ ಮಾದರಿಯಾದ ಎಂಬುದಕ್ಕೆ ತೋರಿಸಿಕೊಟ್ಟಿದ್ದ ಇವರು ತಮ್ಮ ಬಹುಮಾನ ಮೊತ್ತದ ಅರ್ಧ ಹಣವನ್ನು ತಮ್ಮ ಅಂತಿಮ ಸ್ಪರ್ಧಿಗಳೊಂದಿಗೆ ಹಂಚಿಕೊಳ್ಳುಕೊಂಡಿದ್ದರು.
ಮತ್ತೊಬ್ಬ ನೀರಿನ ಯೋಧರಾಗಿರುವ ಅಮ್ಲಾ ರುಯಾ ಮತ್ತು ಡಾ ಫೌಜಿಯಾ ತಾರನ್ನಮ್​ , ಮಕ್ಕಳ ಪರಿಸರವಾದಿ ಲಿಸಿಪ್ರಿಯಾ ಕಾಂಜುಗಮ್​ ಮತ್ತ ನಟ ಅಕ್ಷಯ್​ ಕುಮಾರ್​ ಕೂಡ ಕಾರ್ಯಕ್ರಮದಲ್ಲಿ ನೀರಿನ ಸಂರಕ್ಷಣೆ ಕುರಿತು ಧ್ವನಿ ಎತ್ತಿದರು.