Crime News: ಮೂರು ಮದ್ವೆಗಾಗಿ ಮೂರು ಬಾರಿ ಧರ್ಮ ಬದಲಾಯಿಸಿದ್ಲು! 2ನೇ ಗಂಡನ ಜೊತೆಗಿದ್ದು ವಿಡಿಯೋ ಕಾಲ್ ಮಾಡಿದವಳನ್ನ ಕೊಲೆ ಮಾಡಿದ 3ನೇ ಪತಿ!

ಲಕ್ನೋ: ಮೂರನೇ ಮದುವೆಯಾದರೂ (Marriage) 2ನೇ ಪತಿಯೊಂದಿಗೆ (Husband) ಸಂಬಂಧ ಹೊಂದಿದ್ದರಿಂದ ಕೋಪಗೊಂಡ 3ನೇ ಪತಿ ಪತ್ನಿಯನ್ನು ಚಾಕುವಿನಿಂದ ಇರಿದು ಹತ್ಯೆಗೈದಿರುವ ಘಟನೆ ಗಾಜಿಯಾಬಾದ್​ನಲ್ಲಿ (Ghaziabad) ನಡೆದಿದೆ. 2022ರ ಡಿಸೆಂಬರ್​ 26ರಂದು ಮಹಿಳೆಯ ಮೃತದೇಹ ಪತ್ತೆಯಾಗಿದ್ದು, ಮೃತ ಮಹಿಳೆಯನ್ನು ಭವ್ಯಾ (35) ಎಂದು ಗುರುತಿಸಲಾಗಿದೆ. ಈ ಸಂಬಂಧ ತನಿಖೆ ವೇಳೆ 3ನೇ ಪತಿ ವಿನೋದ್​ ಶರ್ಮಾ ಭವ್ಯಾಳನ್ನು ಕೊಲೆ ಮಾಡಿರುವ ವಿಚಾರ ಬೆಳಕಿಗೆ ಬಂದಿದೆ.  ಎರಡನೇ ಪತಿ ಅನೀಸ್​ ಜೊತೆ ಭವ್ಯಾಳನ್ನು ನೋಡಿದ ವಿನೋದ್ ಆಕ್ರೋಶಗೊಂಡು ಪತ್ನಿ ಹತ್ಯೆಗೈದಿದ್ದಾನೆ. ಇದೀಗ ಪೊಲೀಸರು (Police) ಆರೋಪಿಯನ್ನು ಬಂಧಿಸಿದ್ದು, ಮೃತ ಮಹಿಳೆ ಹಿಂದೆ ಧರ್ಮ (Religion) ಬದಲಿಸಿಕೊಂಡು ಮೂರು ಮದುವೆಯಾಗಿದ್ದಾಳೆ ಎಂದು ತಿಳಿದುಬಂದಿದೆ.

ಭವ್ಯಾ ಆಗಿದ್ದ ಮೂರು ಮದುವೆಯೂ ಲವ್​ ಮ್ಯಾರೇಜ್​

ಭವ್ಯಾ ಆದ ಮೂರು  ಮದುವೆಯಲ್ಲಿ ಇಬ್ಬರು ಹಿಂದೂಗಳಾಗಿದ್ದು, ಮತ್ತೋರ್ವ ಮುಸ್ಲಿಂ ಆಗಿದ್ದಾನೆ. ಈ ಮೂರು ಕೂಡ ಲವ್​ ಮ್ಯಾರೇಜ್ ಆಗಿದೆ. ಅಲ್ಲದೇ ಈ ಮದುವೆಗಳಿಗಾಗಿ ಭವ್ಯಾ ಮೂರು ಬಾರಿ ಕೂಡ ಧರ್ಮ ಬದಲಾಯಿಸಿಕೊಂಡಿದ್ದಾಳೆ. ಮೂಲತಃ ಭವ್ಯಾ  ಬಿಹಾರದ ಸೀತಾಮರ್ಹಿಯವಳಾಗಿದ್ದು, ನಂತರ ಆಕೆಯ ಕುಟುಂಬ ಗಾಜಿಯಾಬಾದ್‌ನ ಸಿದ್ಧಾರ್ಥ್ ವಿಹಾರ್‌ಗೆ ಬಂದು ನೆಲೆಸಿದ್ದರು.

ಸಾಂದರ್ಭಿಕ ಚಿತ್ರ

ಅನೀಸ್​ ಜೊತೆಗೆ ಸಂಬಂಧ ತೊಡೆದುಕೊಂಡು ಮೂರನೇ ಮದುವೆಯಾಗಿದ್ದಳು

ಅಂಜಲಿಯಾಗಿ 2004ರಲ್ಲಿ ದೆಹಲಿಯ ನಿವಾಸಿ ಯೋಗೇಂದ್ರ ಕುಮಾರ್ ಅವರನ್ನು ಭವ್ಯಾ ಮದುವೆಯಾಗಿದ್ದ ಭವ್ಯಾಗೆ ಒಂದು ಗಂಡು ಮಗು ಜನಿಸಿತು. ನಂತರ 2017 ರಲ್ಲಿ ಅನೀಸ್ ಅವರನ್ನು ಮದುವೆಯಾಗಲು ಅಫ್ಸಾನಾ ಎಂದು ಹೆಸರು ಬದಲಿಸಿಕೊಂಡಳು. ನಂತರ ಈ ದಂಪತಿಗೆ ಆದಿಲ್ ಎಂಬ ಮಗ ಜನಿಸಿದ. ಕೊನೆಗೆ ಕಾರಣಾಂತರಗಳಿಂದ ಅನೀಸ್​ ಜೊತೆಗೆ ಸಂಬಂಧ ತೊಡೆದುಕೊಂಡು 2019 ರಲ್ಲಿ ಗುರುಗ್ರಾಮ್‌ನ ವಿನೋದ್ ಶರ್ಮಾರನ್ನು ಮೂರನೇ ಬಾರಿಗೆ ವಿವಾಹವಾದಳು. ಅಲ್ಲದೇ ಎರಡನೇ ಗಂಡನ ಜೊತೆಗಿದ್ದ ವೇಳೆ ಜನಿಸಿದ ಆದಿಲ್​ನನ್ನು ತನ್ನ ಜೊತೆಗೆ ಇಟ್ಟುಕೊಂಡಿದ್ದಳು. ಭವ್ಯ ಶರ್ಮಾ, ಆದಿಲ್ ಮತ್ತು ವಿನೋದ್ ಶರ್ಮಾ ಮೂವರು ಕೂಡ ಒಟ್ಟಿಗೆ ವಾಸಿಸುತ್ತಿದ್ದರು.

ಆದರೆ, ಡಿಸೆಂಬರ್ 26 ರಂದು ಗಾಜಿಯಾಬಾದ್‌ನ ಸಿದ್ಧಾರ್ಥ್ ವಿಹಾರ್‌ನ ವೃಂದಾವನ ಎನ್‌ಕ್ಲೇವ್‌ನಲ್ಲಿ ಭವ್ಯಾ ಶವ ಪತ್ತೆಯಾಗಿತ್ತು. ಈ ಹಿನ್ನೆಲೆ ಪೊಲೀಸರು 3ನೇ ಪತಿ ವಿನೋದ್​ನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆತ ಪೊಲೀಸರಿಗೆ ದಾರಿ ತಪ್ಪಿಸಿದ್ದಾನೆ.

ಆರೋಪಿ ವಿನೋದ್

ಮರಣೋತ್ತರ ಪರೀಕ್ಷೆಯಲ್ಲಿ ಕೊಲೆ ಬೆಳಕಿಗೆ

ಡಿಸೆಂಬರ್ 25 ರಂದು ಇಂದೋರ್​ನಿಂದ ವಾಪಸ್ ಆಗಿದ್ದ ಭವ್ಯಾ, ವಿನೋದ್​ ಇಬ್ಬರೂ ರಾತ್ರಿ ಒಟ್ಟಿಗೆ ಮದ್ಯ ಸೇವಿಸಿದ್ದರು. ಆದರೆ ಡಿಸೆಂಬರ್​ 26ರಂದು ಭವ್ಯಾ ಹಾಸಿಗೆ ಮೇಲೆ ಶವವಾಗಿ ಪತ್ತೆಯಾಗಿದ್ದಾಳೆ. ನಂತರ ಭವ್ಯಾ ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಆಕೆಯ ಹೊಟ್ಟೆ ಕೆಳಭಾಗ ಚಾಕುವಿನಿಂದ ಇರಿದಿರುವ ಗುರುತನ್ನು ಪತ್ತೆ ಹಚ್ಚಿದ ಪೊಲೀಸರು, ಮತ್ತೆ ವಿನೋದ್ ನನ್ನು ಕರೆಸಿ ವಿಚಾರಣೆ ನಡೆಸಿದ್ದಾರೆ.

ಈ ವೇಳೆ ಪೊಲೀಸರ ಡ್ರಿಲ್​​ಗೆ ಗಾಬರಿಗೊಂಡ ಆರೋಪಿ ವಿನೋದ್​ ತಾನೇ ಭವ್ಯಾಳನ್ನು ಹತ್ಯೆಗೈದಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಅಲ್ಲದೇ, ಭವ್ಯಾ ನೀಡುತ್ತಿದ್ದ ಹಣದಿಂದ ಮನೆಯ ಖರ್ಚನ್ನು ನೋಡಿಕೊಳ್ಳುತ್ತಿದ್ದಾಗಿ ವಿನೋದ್ ಪೊಲೀಸರಿಗೆ ತಿಳಿಸಿದ್ದಾನೆ.

ಸಾಂದರ್ಭಿಕ ಚಿತ್ರ

2ನೇ ಪತಿ ಜೊತೆಗಿರುವುದು ವೀಡಿಯೋ ಕಾಲ್​ನಲ್ಲಿ ಬಯಲಿಗೆ

ಭವ್ಯಾ ಕೆಲಸಕ್ಕೆ ಹೋಗುತ್ತಿದ್ದ ಕಾರಣ ಆದಿಲ್‌ನನ್ನು ಶಾಲೆಗೆ ಬಿಡುವುದರಿಂದ ಹಿಡಿದು ಮನೆಯ ಎಲ್ಲಾ ಕೆಲಸಗಳನ್ನು ನಾನೇ ಮಾಡುತ್ತಿದ್ದೆ. ಆದರೆ ಡಿಸೆಂಬರ್ 24ರಂದು ರಾತ್ರಿ ಭವ್ಯಾಗೆ ವೀಡಿಯೋ ಕಾಲ್ ಮಾಡಿದ್ದೆ. ಈ ವೇಳೆ ಭವ್ಯಾ ಎರಡನೇ ಪತಿ ಅನೀಸ್​ ಜೊತೆ ನೋಡಿದೆ. ಅಲ್ಲದೇ ಗಾಜಿಯಾಬಾದ್ ಬಿಟ್ಟು ಹೋಗುವಂತೆ ಅನೀಸ್​ ನನಗೆ ಬೆದರಿಕೆಯೊಡ್ಡಿದ್ದ, ಇಲ್ಲದಿದ್ದರೆ ಕೊಲ್ಲುವುದಾಗಿ ತಿಳಿಸಿದ್ದ ಎಂದಿದ್ದಾನೆ.

ಇದನ್ನೂ ಓದಿ: Viral News: ಪ್ರಯಾಣದ ಮಧ್ಯೆ ಟಾಯ್ಲೆಟ್‌ಗೆ ಹೋದ ಪತ್ನಿಯನ್ನೇ ಮರೆತು ಬಿಟ್ಟು ಮುಂದೆ ಹೋದ ಪತಿ, ಮುಂದೇನಾಯ್ತು ಗೊತ್ತೇ?

ಇದರಿಂದ ಕೋಪಗೊಂಡ ವಿನೋದ್​ ಭವ್ಯಾಳನ್ನು ಕೊಲ್ಲಲು ಮೊದಲೇ ಪ್ಲಾನ್ ಮಾಡಿ ಮನೆಗೆ ಹಿಂದಿರುಗಿದಾಗ ಆಕೆಯ ಕೊಲೆ ಮಾಡಿದ್ದಾನೆ. ಅಲ್ಲದೇ ಈ ವೇಳೆ ಅದಿಲ್​ನನ್ನು ಮಾರುಕಟ್ಟೆಗೆ ಕಳುಹಿಸಿ, ಆತ ಬರುವಷ್ಟರಲ್ಲಿ ಕೃತ್ಯವೆಸಗಿರುವಾಗಿ ಹೇಳಿದ್ದಾನೆ.