ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡ ಜನರಿಗೆ ಅಮೆರಿಕದಲ್ಲಿ ಮಾಸ್ಕ್‌ ಅಗತ್ಯವಿಲ್ಲ; ಸರ್ಕಾರದ ಸಲಹೆಗೆ ನೆಟ್ಟಿಗರಿಂದ ಪ್ರಶ್ನೆಗಳ ಸುರಿಮಳೆ..!

ಯುಎಸ್ ವಯಸ್ಕರಲ್ಲಿ ಅರ್ಧಕ್ಕಿಂತ ಹೆಚ್ಚು ಜನರು ಕನಿಷ್ಠ ಒಂದು ಡೋಸ್ ಕೊರೊನಾ ವೈರಸ್‌ ಲಸಿಕೆಯನ್ನು ಪಡೆದಿದ್ದಾರೆ ಮತ್ತು ಮೂರನೇ ಒಂದು ಭಾಗಕ್ಕಿಂತ ಹೆಚ್ಚಿನವರಿಗೆ ಸಂಪೂರ್ಣವಾಗಿ ಲಸಿಕೆ ನೀಡಲಾಗಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಯುನೈಟೆಡ್ ಸ್ಟೇಟ್ಸ್‌ನಲ್ಲಿನ ರೋಗ ನಿಯಂತ್ರಣ ಕೇಂದ್ರವು ದೇಶದಲ್ಲಿ ಫೇಸ್ ಮಾಸ್ಕ್‌ಗಳ ಬಳಕೆಯ ಬಗ್ಗೆ ಹೊಸ ಸಲಹೆಯನ್ನು ನೀಡಿದ್ದು, ಇದು ಅನೇಕ ಅಮೆರಿಕನ್ನರನ್ನು ತಲೆ ಕೆರೆದುಕೊಳ್ಳುವಂತೆ ಮಾಡಿದೆ. ಮಂಗಳವಾರ, ಯುಎಸ್ ಆರೋಗ್ಯ ಅಧಿಕಾರಿಗಳು ಈ ಬಗ್ಗೆ ಅಪ್‌ಡೇಟ್‌ ಮಾಡಿದ್ದು, ಸಂಪೂರ್ಣವಾಗಿ ಲಸಿಕೆ ಹಾಕಿದ ಅಮೆರಿಕನ್ನರು ಅಪರಿಚಿತರ ದೊಡ್ಡ ಗುಂಪಿನಲ್ಲಿಲ್ಲದಿದ್ದರೆ ಹೊರಾಂಗಣದಲ್ಲಿ ಸಹ ಮಾಸ್ಕ್‌ಗಳನ್ನು ಧರಿಸಬೇಕಾಗಿಲ್ಲ, ಮತ್ತು ನ್ನೂ ಲಸಿಕೆ ಪಡೆಯದವರು ಸಹ ಕೆಲವು ಸಂದರ್ಭಗಳಲ್ಲಿ ಮಾಸ್ಕ್‌ ಹಾಕಿಕೊಳ್ಳದೆ ಹೊರಗೆ ಹೋಗಬಹುದು ಎಂದಿದೆ. ಈ ಪ್ರಕಟಣೆಯು ಅನೇಕ ಆಶ್ಚರ್ಯವನ್ನುಂಟು ಮಾಡಿದೆ. ವಿಶೇಷವಾಗಿ ಸಾಮಾಜಿಕ ಮಾಧ್ಯಮದಲ್ಲಿ ನೆಟ್ಟಿಗರು ಹೊಸ ನಿಯಮಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಹಲವಾರು ಪ್ರಶ್ನೆಗಳನ್ನು ಎತ್ತಿದ್ದಾರೆ.

    ಕಳೆದ ಒಂದು ವರ್ಷದಿಂದ, ಅಮೆರಿಕನ್ನರು ಪರಸ್ಪರ 6 ಅಡಿಗಳ ಒಳಗೆ ಇದ್ದರೆ ಹೊರಾಂಗಣದಲ್ಲಿ ಮಾಸ್ಕ್‌ಗಳನ್ನು ಧರಿಸಲು CDC ಸಲಹೆ ನೀಡುತ್ತಿತ್ತು. ಕಳೆದ ವರ್ಷ ನಡೆದ ಯುಎಸ್ ಅಧ್ಯಕ್ಷೀಯ ಚುನಾವಣೆಗೆ ಮುಂಚಿತವಾಗಿ ಈ ಆದೇಶ ಮಾಡಿದ್ದು ರಾಜಕೀಯ ಜಗಳಕ್ಕೆ ಸಹ ಕಾರಣವಾಗಿತ್ತು. ರಿಪಬ್ಲಿಕನ್ನರು ಮಾಸ್ಕ್‌ ಧರಿಸಲು ನಿರಾಕರಿಸಿದರು, ಆದರೆ ಡೆಮೋಕ್ರಾಟ್‌ಗಳು ಮಾಸ್ಕ್‌ ಧರಿಸಲು ಆಗ್ರಹಿಸಿದ್ದರು.

    ಇನ್ನು, CDC ಲಸಿಕೆ ಹಾಕಿಸಿದವರು ಮಾಸ್ಕ್‌ ಹಾಕುವ ಅಗತ್ಯವಿಲ್ಲ ಎಂಬ ಈ ಹೊಸ ಪ್ರಕಟಣೆಯನ್ನು ಟ್ವಿಟ್ಟರ್‌ನಲ್ಲಿ ಮಾಡಿದ ತಕ್ಷಣ, ಹಲವರು ಟ್ರೋಲ್‌ ಮಾಡಿದ್ದರೆ, ಇನ್ನು ಹಲವರು ಸಾಕಷ್ಟು ಪ್ರಶ್ನೆಗಳು ಮತ್ತು ಕಮೆಂಟ್‌ಗಳನ್ನು ಮಾಡಿದ್ದಾರೆ. ಲಸಿಕೆ ಹಾಕಿಸಿಕೊಂಡ ಅಮೆರಿಕನ್ನರನ್ನು ಹಾಗೂ ವ್ಯಾಕ್ಸಿನ್‌ ಹಾಕಿಸಿಕೊಳ್ಳದವರನ್ನು ಕಂಡುಹಿಡಿಯುವುದು ಹೇಗೆ ಎಂದು ಹಲವರು ಯೋಚಿಸಲು ಪ್ರಾರಂಭಿಸಿದರು.

    ಈ ಮಧ್ಯೆ, ನೂರಾರು ಮಾಸ್ಕ್ ಹಾಕಿಕೊಳ್ಳುವ ವಿರೋಧಿಗಳು ಹಾಗೂ ವ್ಯಾಕ್ಸಿನ್‌ನ ವಿರೋಧಿಗಳು ಕಮೆಂಟ್‌ಗಳ ವಿಭಾಗದಲ್ಲಿ CDC ಘೋಷಣೆಯನ್ನು ಅಪಹಾಸ್ಯ ಮಾಡಿದರು ಮತ್ತು ನಾವು ಎಂದಿಗೂ ಮಾಸ್ಕ್‌ ಅನ್ನು ಧರಿಸಲಿಲ್ಲ ಎಂದೂ ಹೇಳಿದ್ದಾರೆ. ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಅನೇಕ ಬೆಂಬಲಿಗರು ಹಾಗೂ ರಿಪಬ್ಲಿಕನ್ ಪಕ್ಷದ ಬೆಂಬಲಿಗರು CDC ಹೊರಡಿಸಿದ ಯಾವುದೇ ಸೂಚನೆಗಳನ್ನು ಫಾಲೋ ಮಾಡಲು ನಿರಾಕರಿಸಿದ್ದಾರೆ. ಮಾಸ್ಕ್‌ ಧರಿಸದಿರುವುದು ಬುದ್ಧಿವಂತ ವಿಚಾರವಲ್ಲ ಎಂದು ಕೆಲವರು ಭಾವಿಸಿದರು.

    ‘ಸಭೆಯ ನಡಾವಳಿ ದಾಖಲಿಸದಿದ್ದರೆ ನೀವೇನು ಕತ್ತೆ ಕಾಯಲು ಬರ್ತಿರಾ’; ಎಡಿಸಿಗೆ ಸಚಿವ ವಿ.ಸೋಮಣ್ಣ ತರಾಟೆ

    CDCಯ ಈ ಕ್ರಮವು ಯುಎಸ್‌ನಲ್ಲಿ 570,000 ಕ್ಕೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಂಡ ಕೊರೊನಾ ವೈರಸ್‌ ಸಾಂಕ್ರಾಮಿಕ ಏಕಾಏಕಿ ಸಾಮಾನ್ಯ ಸ್ಥಿತಿಗೆ ಮರಳುವ ಮತ್ತೊಂದು ಎಚ್ಚರಿಕೆಯ ಮಾಪನಾಂಕ ನಿರ್ಣಯದ ಹೆಜ್ಜೆಯಾಗಿದೆ. ಯುಎಸ್ ವಯಸ್ಕರಲ್ಲಿ ಅರ್ಧಕ್ಕಿಂತ ಹೆಚ್ಚು ಜನರು ಕನಿಷ್ಠ ಒಂದು ಡೋಸ್ ಕೊರೊನಾ ವೈರಸ್‌ ಲಸಿಕೆಯನ್ನು ಪಡೆದಿದ್ದಾರೆ ಮತ್ತು ಮೂರನೇ ಒಂದು ಭಾಗಕ್ಕಿಂತ ಹೆಚ್ಚಿನವರಿಗೆ ಸಂಪೂರ್ಣವಾಗಿ ಲಸಿಕೆ ನೀಡಲಾಗಿದೆ.

    ಅಲ್ಲದೆ, ಡೆಮೋಕ್ರಾಟ್‌ ಪಕ್ಷದ ಬೆಂಬಲಿಗರು ವಿಚಿತ್ರವಾದ ಕಾಳಜಿಯನ್ನು ಹೊಂದಿದ್ದರು. ಮಾಸ್ಕ್‌ಗಳನ್ನು ಧರಿಸದಿರುವುದು ಅವರನ್ನು ರಿಪಬ್ಲಿಕನ್ನರಂತೆ ಕಾಣುವಂತೆ ಮಾಡುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.

    ಬಿಕ್ಕಟ್ಟಿನ ಸಂದರ್ಭದಲ್ಲಿ ತನ್ನ ಮಾರ್ಗದರ್ಶನದ ಬಗ್ಗೆ ಜಾಗರೂಕರಾಗಿರುವ CDC, ಕಳೆದ ಹಲವು ವಾರಗಳಿಂದ ಲಸಿಕೆ ಹಾಕಿಸಿಕೊಂಡ ಅನೇಕ ಅಮೆರಿಕನ್ನರು ಈಗಾಗಲೇ ಮಾಸ್ಕ್‌ ಧರಿಸದೆ ಓಡಾಡುತ್ತಿದ್ದಾರೆಂದು ಅನುಮೋದಿಸಿದ್ದಾರೆ. ಸಂಪೂರ್ಣವಾಗಿ ಲಸಿಕೆ ಪಡೆದ ಜನರಿಗೆ ಮತ್ತು ಇನ್ನೂ ಲಸಿಕೆ ಪಡೆಯದವರಿಗೆ CDC ವಿಭಿನ್ನ ಮಾರ್ಗದರ್ಶನ ನೀಡುತ್ತದೆ.

    ಇನ್ನೊಂದೆಡೆ, ಫೈಜರ್‌ ಅಥವಾ ಮಾಡರ್ನಾ ಲಸಿಕೆಯ ಎರಡೂ ಪ್ರಮಾಣಗಳನ್ನು ಅಥವಾ ಒನ್ ಡೋಸ್‌ನ ಜಾನ್ಸನ್ ಮತ್ತು ಜಾನ್ಸನ್ ಫಾರ್ಮುಲಾದ ಲಸಿಕೆಯನ್ನು ಸ್ವೀಕರಿಸದವರು ಹೊರಾಂಗಣ ಕೂಟಗಳಲ್ಲಿ ಇತರ ಲಸಿಕೆ ಹಾಕಿಕೊಳ್ಳದ ಜನರು ಇದ್ದರೆ, ಮಾಸ್ಕ್‌ಗಳನ್ನು ಧರಿಸಬೇಕು. ಅಲ್ಲದೆ, ಹೊರಾಂಗಣ ರೆಸ್ಟೋರೆಂಟ್‌ಗಳಲ್ಲಿ ಸಹ ಮಾಸ್ಕ್‌ಗಳನ್ನು ಬಳಸುತ್ತಲೇ ಇರಬೇಕು ಎಂದು CDC ಎಚ್ಚರಿಕೆ ನಿಡಿದೆ.

    ಆದರೆ, ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡ ಜನರು ಆ ಸಂದರ್ಭಗಳಲ್ಲಿ ಮಾಸ್ಕ್‌ ಹಾಕಿಕೊಂಡು ಮುಖ ಮುಚ್ಚಿಕೊಳ್ಳುವ ಅಗತ್ಯವಿಲ್ಲ. ಆದರೂ, ಸಂಗೀತ ಕಚೇರಿಗಳು ಅಥವಾ ಕ್ರೀಡಾಕೂಟಗಳಂತಹ ಕಿಕ್ಕಿರಿದ ಹೊರಾಂಗಣ ಕಾರ್ಯಕ್ರಮಗಳಲ್ಲಿ ಮಾಸ್ಕ್‌ಗಳನ್ನು ಧರಿಸಬೇಕು ಎಂದು CDC ಹೇಳುತ್ತದೆ.

    ಒಳಾಂಗಣ ಸಾರ್ವಜನಿಕ ಸ್ಥಳಗಳಾದ ಹೇರ್ ಸಲೂನ್‌ಗಳು, ರೆಸ್ಟೋರೆಂಟ್‌ಗಳು, ಶಾಪಿಂಗ್ ಸೆಂಟರ್‌ಗಳು, ವಸ್ತು ಸಂಗ್ರಹಾಲಯಗಳು ಮತ್ತು ಚಿತ್ರಮಂದಿರಗಳಲ್ಲಿ ಮಾಸ್ಕ್‌ಗಳನ್ನು ಶಿಫಾರಸು ಮಾಡುವುದನ್ನು ಸಂಸ್ಥೆ ಮುಂದುವರಿಸಿದೆ.
    Published by:Latha CG
    First published: