ಡೊನಾಲ್ಡ್​​ ಟ್ರಂಪ್​​ ಎರಡನೇ ದಿನದ ಪ್ರವಾಸ: ಹೀಗಿದೆ ವೇಳಾಪಟ್ಟಿ,ಯಾವೆಲ್ಲಾ ಸ್ಥಳಗಳಿಗೆ ಭೇಟಿ?

ಪ್ರವಾಸದಲ್ಲಿ ಭಾರತದ ಸಂಪ್ರದಾಯ, ಸಂಸ್ಕೃತಿಯನ್ನು ಕಣ್ತುಂಬಿಕೊಂಡರು. ಟ್ರಂಪ್​​ ಕುಟುಂಬ ಅನೇಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡಿತ್ತು. ಇಂದು ಕೂಡ ಟ್ರಂಪ್​ರ ಎರಡನೇ ದಿನದ ಪ್ರವಾಸ ಮುಂದುವರಿಯಲಿದೆ. ಈ ವೇಳಾಪಟ್ಟಿ ಹೇಗಿದೆ..? ಯಾವೆಲ್ಲಾ ಸ್ಥಳಗಳಿಗೆ ಭೇಟಿ ನೀಡಲಿದ್ದಾರೆ ಎಂಬುದನ್ನು ನೀವೇ ಮುಂದೆ ನೋಡಿ.

ಟ್ರಂಪ್​-ಮೋದಿ

ಟ್ರಂಪ್​-ಮೋದಿ

  • Share this:
    ನವದೆಹಲಿ(ಫೆ.24): ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಮೊದಲ ದಿನದ ಪ್ರವಾಸ ಮುಕ್ತಾಯಗೊಂಡಿದೆ. ಮೊದಲ ದಿನ ಟ್ರಂಪ್​​ ಕುಟುಂಬ ಸಮೇತ ಅಹಮದಾಬಾದ್​​ನಲ್ಲಿ ನಡೆದ ನಮಸ್ತೆ ಟ್ರಂಪ್​​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. "ನಮಸ್ತೆ ಟ್ರಂಪ್​ ಕಾರ್ಯಕ್ರಮದ ಬಳಿಕ ಕುಟುಂಬ ಸಮೇತರಾಗಿ ಅಮೆರಿಕಾ ಅಧ್ಯಕ್ಷ ಡೋನಾಲ್ಡ್​​ ಟ್ರಂಪ್​​ ಜಗತ್ತಿನ ಏಳು ಅದ್ಭುತಗಳಲ್ಲಿ ಒಂದಾದ ​ಐತಿಹಾಸಿಕ ಸ್ಮಾರಕ ತಾಜ್​​ ಮಹಲ್​​​ಗೆ ಭೇಟಿ ನೀಡಿದ್ದರು. ಆಗ್ರಾದ ವಿಶ್ವದ ಖ್ಯಾತ ತಾಜ್​ ಮಹಲ್​ಗೆ ಭೇಟಿ ನೀಡಿದ ಟ್ರಂಪ್​​ ಮತ್ತವರ ಕುಟುಂಬ ಅಲ್ಲಿನ ವಾಸ್ತುಶಿಲ್ಪ ಕಣ್ತುಂಬಿಕೊಂಡರು. ನಂತರ ಇಡೀ ತಾಜ್​​ ಮಹಲ್​ ಸುತ್ತಾಡಿದ ಬಳಿಕ ಸಂತಸಗೊಂಡರು. ಈ ಪ್ರವಾಸದಲ್ಲಿ ಭಾರತದ ಸಂಪ್ರದಾಯ, ಸಂಸ್ಕೃತಿಯನ್ನು ಕಣ್ತುಂಬಿಕೊಂಡರು. ಟ್ರಂಪ್​​ ಕುಟುಂಬ ಅನೇಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡಿತ್ತು. ಇಂದು ಕೂಡ ಟ್ರಂಪ್​ರ ಎರಡನೇ ದಿನದ ಪ್ರವಾಸ ಮುಂದುವರಿಯಲಿದೆ. ಈ ವೇಳಾಪಟ್ಟಿ ಹೇಗಿದೆ..? ಯಾವೆಲ್ಲಾ ಸ್ಥಳಗಳಿಗೆ ಭೇಟಿ ನೀಡಲಿದ್ದಾರೆ ಎಂಬುದನ್ನು ನೀವೇ ಮುಂದೆ ನೋಡಿ.

    ರಾಷ್ಟ್ರಪತಿ ಭವನ: ಇಂದು 25ರಂದು ಬೆಳಗ್ಗೆ 10 ಗಂಟೆಗೆ ರಾಷ್ಟ್ರಪತಿ ಭವನದ ಆವರಣದಲ್ಲಿ ಏರ್ಪಡಿಸಿರುವ ಅದ್ಧೂರಿ ಸ್ವಾಗತ ಕಾರ್ಯಕ್ರಮದಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹಾಗೂ ಮಿಲಾನಿಯಾ ಟ್ರಂಪ್‌ ಭಾಗಿಯಾಗಲಿದ್ದಾರೆ.

    ರಾಜ್‌ಘಾಟ್‌ಗೆ ಭೇಟಿ: ನಂತರ, ಬೆಳಗ್ಗೆ 10.30ಕ್ಕೆ ರಾಜ್‌ಘಾಟ್‌ಗೆ ಭೇಟಿ ನೀಡಲಿರುವ ಟ್ರಂಪ್‌ ಹಾಗೂ ಮೋದಿ, ಮಹಾತ್ಮ ಗಾಂಧೀಜಿ ಸಮಾಧಿಗೆ ನಮನ ಸಲ್ಲಿಸಲಿದ್ದಾರೆ.

    ಹಲವು ಯೋಜನೆಗಳ ಒಪ್ಪಂದ: ಬೆಳಗ್ಗೆ 11ರಿಂದ ಮೋದಿ ಮತ್ತು ಟ್ರಂಪ್‌ ನಡುವೆ ಹಲವು ಯೋಜನೆಗಳ ಬಗ್ಗೆ ಹೈದರಾಬಾದ್‌ ಹೌಸ್‌ನಲ್ಲಿ ಮಾತುಕತೆ ನಡೆಯಲಿದೆ. ಈ ವೇಳೆ ಹಲವು ನಿಯೋಗಗಳು ಭಾಗಿಯಾಗಲಿವೆ. ಇಲ್ಲಿ ಟ್ರಂಪ್‌ಗೆ ಮಧ್ಯಾಹ್ನದ ಭೋಜನ ಆಯೋಜಿಸಲಾಗಿದೆ.

    ಅಮೆರಿಕ ರಾಯಭಾರಿ ಕಚೇರಿ: ದೆಹಲಿಯಲ್ಲಿನ ಅಮೆರಿಕ ರಾಯಭಾರಿ ಕಚೇರಿಗೆ ಭೇಟಿ ನೀಡಲಿರುವ ಡೊನಾಲ್ಡ್‌ ಟ್ರಂಪ್‌, ತಮ್ಮ ದೇಶದ ಸಿಇಒಗಳ ದುಂಡು ಮೇಜಿನ ಸಭೆಯಲ್ಲಿ ಭಾಗವಹಿಸುತ್ತಾರೆ.

    ಅದ್ಧೂರಿ ಔತಣ: ಸಂಜೆ 7.30ಕ್ಕೆ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಅವರನ್ನು ಟ್ರಂಪ್‌ ರಾಷ್ಟ್ರಪತಿ ಭವನದಲ್ಲಿ ಭೇಟಿಯಾಗಲಿದ್ದಾರೆ. ರಾಷ್ಟ್ರಪತಿಗಳು ಟ್ರಂಪ್‌ಗೆ ಅದ್ಧೂರಿ ಔತಣ ಕೂಟ ಏರ್ಪಡಿಸಿದ್ದಾರೆ. ನಂತರ ರಾತ್ರಿ 10 ಗಂಟೆಗೆ ದೆಹಲಿಯಿಂದ ಅಮೆರಿಕಾಗೆ ವಿಮಾನದಲ್ಲಿ ತೆರಳಲಿದ್ದಾರೆ.

    ಇದನ್ನೂ ಓದಿ: Trump visits Taj Mahal: ಸಂದರ್ಶಕರ ಪುಸ್ತಕದಲ್ಲಿ ತಾಜ್​​ ಮಹಲ್​​ ಬಗ್ಗೆ ಟ್ರಂಪ್​​ ಬರೆದಿದ್ದೇನು?

     
    First published: