• Home
  • »
  • News
  • »
  • national-international
  • »
  • Submarines: ಭಾರತಕ್ಕೆ ಜಲಾಂತರ್ಗಾಮಿ ಒದಗಿಸುವ ಯೋಜನೆಯಿಂದ ಹಿಂದೆ ಸರಿದ ಫ್ರಾನ್ಸ್: ಕಾರಣ ಏನು?

Submarines: ಭಾರತಕ್ಕೆ ಜಲಾಂತರ್ಗಾಮಿ ಒದಗಿಸುವ ಯೋಜನೆಯಿಂದ ಹಿಂದೆ ಸರಿದ ಫ್ರಾನ್ಸ್: ಕಾರಣ ಏನು?

ಫ್ರಾನ್ಸ್​ ಪ್ರಧಾನಿ ಜೊತೆ ಮೋದಿ

ಫ್ರಾನ್ಸ್​ ಪ್ರಧಾನಿ ಜೊತೆ ಮೋದಿ

ಭಾರತದ ಈ P-75I ಯೋಜನೆಯ ಪ್ರತಾವನೆ ಪ್ರಕ್ರಿಯೆಯಿಂದ ನೇವಲ್ ಗ್ರೂಪ್ ಹಿಂದೆ ಸರಿದಿರುವುದು ಸದ್ಯ ಭಾರತಕ್ಕೆ ಕಳವಳವನ್ನು ಉಂಟುಮಾಡಿದೆ.

  • Share this:

    ಈಗಾಗಲೇ ಭಾರತದ ಪ್ರಧಾನಿ (PM Modi) ಅವರು ತಮ್ಮ ಯುರೋಪ್ ಪ್ರವಾಸವನ್ನು (Europe Trip) ಮೊದಲೆ ನಿಗದಿಯಾದಂತೆ ಆರಂಭಿಸಿದ್ದಾರೆ. ಮೋದಿ ತಮ್ಮ ಈ ಪ್ರವಾಸದಲ್ಲಿ ಜರ್ಮನಿ, ಡೆನ್ಮಾರ್ಕ್ ಹಾಗೂ ಫ್ರಾನ್ಸ್ ದೇಶಗಳಿಗೆ ಭೇಟಿ ನೀಡುತ್ತಿದ್ದು ಈಗಾಗಲೇ ತಮ್ಮ ಜರ್ಮನಿ ಪ್ರವಾಸ ಮುಗಿಸಿದ್ದಾರೆ. ಇನ್ನೂ ಫ್ರಾನ್ಸ್ ( Franc)  ದೇಶಕ್ಕೆ ಭೇಟಿ ನೀಡಬೇಕಾಗಿದ್ದು ಅದಕ್ಕೂ ಮುಂಚೆಯೇ ಫ್ರಾನ್ಸ್ ಮೂಲದ ರಕ್ಷಣಾ ವಲಯದ ಪ್ರಮುಖ ಸಂಸ್ಥೆಯಾದ ನೇವಲ್ ಗ್ರೂಪ್ ಇದೀಗ ಭಾರತಕ್ಕೆ ಸಾಂಪ್ರದಾಯಿಕ ಜಲಾಂತರ್ಗಾಮಿಗಳನ್ನು ನಿರ್ಮಿಸಿ ಕೊಡುವ ಬೃಹತ್ ಯೋಜನೆಯಿಂದ ಹಿಂಜರಿದಿದೆ ಎಂದು ವರದಿಯಾಗಿದೆ. ಫ್ರೆಂಚ್ ರಕ್ಷಣಾ ಪ್ರಮುಖವಾದ ನೇವಲ್ ಗ್ರೂಪ್ ಭಾರತದ ಪ್ರತಿಷ್ಠಿತ P-75 ಇಂಡಿಯಾ (P-75I) ಯೋಜನೆಯಲ್ಲಿ ಭಾಗವಹಿಸಲು ಸಾಧ್ಯವಾಗದು ಎಂದು ಘೋಷಿಸಿದೆ ಎಂದು ತಿಳಿದುಬಂದಿದೆ. ಈ ಯೋಜನೆ ಅಡಿಯಲ್ಲಿ ಭಾರತೀಯ ನೌಕಾಪಡೆಗಾಗಿ ಭಾರತದಲ್ಲಿ ಆರು ಸಾಂಪ್ರದಾಯಿಕ ಜಲಾಂತರ್ಗಾಮಿ ನೌಕೆಗಳನ್ನು ನಿರ್ಮಿಸಬೇಕಾಗಿತ್ತು.


    ಬಿಡ್‌ನೊಂದಿಗೆ ಮುಂದುವರಿಯಲು ಸಾಧ್ಯವಿಲ್ಲ


    43,000 ಕೋಟಿ ರೂಪಾಯಿಗಳ ಈ ಯೋಜನೆಗೆ ಈಗಾಗಲೇ ಐದು ಅಂತರರಾಷ್ಟ್ರೀಯ ಮಟ್ಟದ ಸಂಸ್ಥೆಗಳು ಅಂತಿಮ ಹಂತಕ್ಕೆ ಆಯ್ಕೆಯಾಗಿದ್ದವು ಮತ್ತು ಅವುಗಳ ಪೈಕಿ ಒಂದಾದ ನೇವಲ್ ಗ್ರೂಪ್, ಪ್ರಸ್ತಾವನೆಗಾಗಿ ವಿನಂತಿಯ(RFP) ಲ್ಲಿರುವ ಷರತ್ತುಗಳನ್ನು ತಮ್ಮಿಂದ ಪೂರೈಸಲು ಸಾಧ್ಯವಾಗುತ್ತಿಲ್ಲದ ಕಾರಣ ಅದರ ಬಿಡ್‌ನೊಂದಿಗೆ ಮುಂದುವರಿಯಲು ಸಾಧ್ಯವಿಲ್ಲ ಎಂದು ಫ್ರೆಂಚ್ ರಕ್ಷಣಾ ಸಂಸ್ಥೆ ಈ ಸಂದರ್ಭದಲ್ಲಿ ಹೇಳಿದೆ ಎನ್ನಲಾಗಿದೆ.


    ಇದನ್ನೂ ಓದಿ: Modi Plane: ಪ್ರಧಾನಿ ವಿಮಾನದಲ್ಲಿ ಸ್ವಿಮ್ಮಿಂಗ್ ಪೂಲ್, ವಿದೇಶ ಪ್ರಯಾಣ ಮಾಡುವಾಗ ಈಜುತ್ತಾ ಹೋಗ್ತಾರಂತೆ ಮೋದಿ


    ಹೊಸ ಕಾರ್ಯತಂತ್ರದ ಪಾಲುದಾರಿಕೆಯ ಮಾದರಿಯ ಅಡಿಯಲ್ಲಿ ಈ ಯೋಜನೆಯು ಅತಿ ದೊಡ್ಡದಾಗಿದೆ, ಇದು ಭಾರತದಲ್ಲಿ ಜಲಾಂತರ್ಗಾಮಿ ನೌಕೆಗಳನ್ನು ತಯಾರಿಸಲು ಮತ್ತು ತಂತ್ರಜ್ಞಾನವನ್ನು ಹಂಚಿಕೊಳ್ಳಲು ಭಾರತೀಯ ಕಂಪನಿಯೊಂದಿಗೆ ಅಂತರರಾಷ್ಟ್ರೀಯ ಮೂಲ ಸಲಕರಣೆ ತಯಾರಕ (OEM) ಪಾಲುದಾರರು ಕೈಜೋಡಿಸುವಂತೆ ನೆರವಾಗಲಿದೆ ಎನ್ನಲಾಗಿದೆ.


    ನೇವಲ್ ಗ್ರೂಪ್ P-75 ಯೋಜನೆ


    ಅಷ್ಟಕ್ಕೂ P-75I ಎಂಬುದು ಭಾರತದಲ್ಲಿ ಜಲಾಂತರ್ಗಾಮಿ ನೌಕೆಗಳನ್ನು ನಿರ್ಮಿಸುವ ಎರಡನೇ ಯೋಜನೆಯಾಗಿದೆ, ಈ ಮೊದಲು ಭಾರತದಲ್ಲಿನ ಮಜಗಾಂವ್ ಡಾಕ್‍ಯಾರ್ಡ್ ಶಿಪ್‍ಬಿಲ್ಡಿಂಗ್ ಲಿಮಿಟೆಡ್ (MDL) ಸಹಭಾಗಿತ್ವದಲ್ಲಿ ನೇವಲ್ ಗ್ರೂಪ್ P-75 ಯೋಜನೆಯ ಅಡಿಯಲ್ಲಿ ನೌಕಾಪಡೆಗೆಂದು ಆರು ಕಲ್ವರಿ ವರ್ಗದ (ಸ್ಕಾರ್ಪೀನ್ ವರ್ಗ) ಸಾಂಪ್ರದಾಯಿಕ ಜಲಾಂತರ್ಗಾಮಿ ನೌಕೆಗಳನ್ನು ನಿರ್ಮಿಸಿ ಕೊಟ್ಟಿದೆ. P-75 ಯೋಜನೆಗೆ 2005 ರಲ್ಲಿ ಸಹಿ ಹಾಕಲಾಗಿತ್ತು (ನೌಕಾ ಸಮೂಹವನ್ನು DCNS ಎಂದು ಕರೆಯಲಾಗುತ್ತಿತ್ತು) ಹಾಗೂ ಈ ಯೋಜನೆಯಡಿ ಒಟ್ಟು ಆರು ಜಲಾಂತರ್ಗಾಮಿಗಳ ಪೈಕಿ ಈಗಾಗಲೇ ನಾಲ್ಕು ಜಲಾಂತರ್ಗಾಮಿ ನೌಕೆಗಳು ನೌಕಾಪಡೆಯಲ್ಲಿ ನಿಯೋಜನೆಗೊಂಡಿವೆ. ಈ ವರ್ಗದ ಜಲಾಂತರ್ಗಾಮಿಗಳಲ್ಲಿ ಆರನೆಯ ಜಲಾಂತರ್ಗಾಮಿಯನ್ನು ಕಳೆದ ತಿಂಗಳು ಪ್ರಾರಂಭಿಸಲಾಗಿದ್ದು ಮುಂದಿನ ವರ್ಷದ ಕೊನೆಯಲ್ಲಿ ಅದು ಕಾರ್ಯಾರಂಭ ಮಾಡುವ ನಿರೀಕ್ಷೆಯಿದೆ.


    ಏಪ್ರಿಲ್ 30 ರಂದು ನೀಡಿರುವ ಹೇಳಿಕೆಯಲ್ಲಿ, ನೇವಲ್ ಗ್ರೂಪ್ ಇಂಡಿಯಾದ ಕಂಟ್ರಿ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್ ಲಾರೆಂಟ್ ವಿಡೋ ಅವರು, "ಪ್ರಸ್ತುತ ಭಾರತ ನೀಡಿರುವ ವಿನಂತಿ ಪ್ರಸ್ತಾವನೆಯಲ್ಲಿ ಜಲಾಂತರ್ಗಾಮಿಯ ಇಂಧನ ಕೋಶ (AIP) ಯನ್ನು ಸಮುದ್ರದಲ್ಲಿ ಸಾಬೀತುಪಡಿಸುವ ಅಗತ್ಯವಿದ್ದು ಫ್ರೆಂಚ್ ನೌಕಾಪಡೆಯು ಅಂತಹ ಯಾವುದೇ ವ್ಯವಸ್ಥೆ ಬಳಸದ ಕಾರಣ ಇದರಲ್ಲಿ ನಮಗೆ ಮುಂದುವರೆಯಲು ಸಾಧ್ಯವಿಲ್ಲ" ಎಂದು ಹೇಳಿದ್ದಾರೆ.


    AIP ಎಂಬುದು ಏರ್ ಇಂಡಿಪೆಂಡೆಂಟ್ ಪ್ರೊಪಲ್ಷನ್ ವ್ಯವಸ್ಥೆಯಾಗಿದ್ದು (ವಾಯು ಆಧಾರಿತವಲ್ಲದ) ಇದರಿಂದಾಗಿ ಸಾಂಪ್ರದಾಯಿಕ ಜಲಾಂತರ್ಗಾಮಿ ನೌಕೆಗಳು ಹೆಚ್ಚಿನ ಸಹಿಷ್ಣುತೆ, ನೀರಿನಲ್ಲಿ ಹೆಚ್ಚು ಕಾಲ ಉಳಿಯುವ ಸಾಮರ್ಥ್ಯ ತೋರುವುದಲ್ಲದೆ ಡೀಸೆಲ್-ಎಲೆಕ್ಟ್ರಿಕ್ ಪ್ರೊಪಲ್ಷನ್ ವ್ಯವಸ್ಥೆಯ ನೌಕೆಗಳಿಗಿಂತ ಇವು ಕಡಿಮೆ ಶಬ್ದವನ್ನು ಮಾಡುತ್ತವೆ.


    ಆತ್ಮನಿರ್ಭರ್ ಭಾರತ


    ಈ ಸಂದರ್ಭದಲ್ಲಿ ಫ್ರಾನ್ಸಿನ ನೇವಲ್ ಗ್ರೂಪ್ "ಭಾರತೀಯ ನೌಕಾಪಡೆಯ P75(I) ಯೋಜನೆಗೆ ಅತ್ಯುತ್ತಮವಾದ ಮತ್ತು ಅಳವಡಿಸಿಕೊಂಡ ಪರಿಹಾರವನ್ನು ನೀಡಲು ಯಾವಾಗಲೂ ಸಿದ್ಧವಾಗಿದೆ, ಇದು ಸಂಪೂರ್ಣವಾಗಿ ಆತ್ಮನಿರ್ಭರ್ ಭಾರತ ತತ್ವಕ್ಕೆ ಅನುಗುಣವಾಗಿದೆ" ಎಂದು ವಿಡಿಯೊ ಹೇಳಿದ್ದಾರೆ. ಮುಂದುವರೆಯುತ್ತ ಅವರು "ನಮ್ಮ ಅಸ್ತಿತ್ವದಲ್ಲಿರುವ ಬದ್ಧತೆಗಳನ್ನು ಬಲಪಡಿಸುತ್ತ ನಾವು ಭಾರತದೊಂದಿಗೆ ನಿಕಟ ಸಂಬಂಧವನ್ನು ಎದುರುನೋಡುತ್ತೇವೆ" ಎಂದು ಹೇಳಿದರು.


    "ನಮ್ಮ ಗಮನ ಮತ್ತು ಪ್ರಯತ್ನಗಳು ಹಾಗೂ ಭವಿಷ್ಯದ ಬೆಳವಣಿಗೆಗಳು ಮತ್ತು ಯೋಜನೆಗಳಿಗೆ ಭಾರತೀಯ ನೌಕಾಪಡೆಯನ್ನು ಬೆಂಬಲಿಸುವ ಮೂಲಕ ಭಾರತ ಸರ್ಕಾರದ ದೃಷ್ಟಿಕೋನವನ್ನು ಅರಿತುಕೊಳ್ಳುವಲ್ಲಿ ಭಾರತೀಯ ಉದ್ಯಮದೊಂದಿಗಿನ ನಮ್ಮ ಸಹಯೋಗ ಮುಂದುವರಿಸುತ್ತೇವೆ” ಎಂದು ಅವರು ಹೇಳಿದ್ದಾರೆ.


    ಇದನ್ನೂ ಓದಿ: Modi In Denmark: ಡೆನ್ಮಾರ್ಕ್ ರಾಣಿಯಿಂದ ಮೋದಿಗೆ ರಾಜಾತಿಥ್ಯ, ಇಲ್ಲಿದೆ ಫೋಟೋಸ್


    ಕಳೆದ ತಿಂಗಳಷ್ಟೇ ಫ್ರಾನ್ಸ್ ಅಧ್ಯಕ್ಷರಾಗಿ ಪುನರಾಯ್ಕೆಯಾಗಿರುವ ಎಮ್ಯಾನುಯೆಲ್ ಮ್ಯಾಕ್ರನ್ ಅವರೊಂದಿಗೆ ಪ್ರಧಾನಿ ಮೋದಿಯವರು ಮೇ 4 ರಂದು ಫ್ರಾನ್ಸ್‌ಗೆ ಭೇಟಿ ನೀಡಿ ಸಭೆ ನಡೆಸಬೇಕಾಗಿದ್ದ ಕೆಲವು ದಿನಗಳ ಮುಂಚೆಯೇ ನೇವಲ್ ಗ್ರೂಪ್ ನಿಂದ ಈ ಘೋಷಣೆ ಬಂದಿದೆ. ತಮ್ಮ ನಿರ್ಗಮನ ಹೇಳಿಕೆಯಲ್ಲಿ, ಮೋದಿ ಅವರು ಮ್ಯಾಕ್ರನ್ ಅವರೊಂದಿಗಿನ ಭೇಟಿಯು "ಎರಡೂ ದೇಶಗಳ ನಡುವಿನ ನಿಕಟ ಸ್ನೇಹವನ್ನು ಪುನರುಚ್ಚರಿಸುತ್ತದೆ" ಮತ್ತು "ಭಾರತ-ಫ್ರಾನ್ಸ್ ಕಾರ್ಯತಂತ್ರದ ಪಾಲುದಾರಿಕೆಯ ಮುಂದಿನ ಹಂತದ ಧ್ವನಿಯನ್ನು ಹೊಂದಿಸಲು ನಮಗೆ ಅವಕಾಶವನ್ನು ನೀಡುತ್ತದೆ" ಎಂದು ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದಾಗಿದೆ.


    ಭಾರತಕ್ಕೆ ಕಳವಳ


    ಭಾರತದ ಈ P-75I ಯೋಜನೆಯ ಪ್ರತಾವನೆ ಪ್ರಕ್ರಿಯೆಯಿಂದ ನೇವಲ್ ಗ್ರೂಪ್ ಹಿಂದೆ ಸರಿದಿರುವುದು ಸದ್ಯ ಭಾರತಕ್ಕೆ ಕಳವಳವನ್ನು ಉಂಟುಮಾಡಿದೆ. ಸದ್ಯ ಅಂತಿಮವಾಗಿ ಶಾರ್ಟ್ ಲಿಸ್ಟ್ ಮಡಲಾಗಿರುವ ಐದು ಭಾಗೀದಾರರ ಪೈಕಿ ಹೊರಗುಳಿಯಲಿರುವ ಮೊದಲ ಸ್ಪರ್ಧಿ ನೇವಲ್ ಗ್ರೂಪ್ ಆಗಿದ್ದು ಇನ್ನುಳಿದಂತೆ ರಷ್ಯಾ ಮತ್ತು ಸ್ಪೇನ್‌ನ OEMಗಳು ಇದುವರೆಗೆ ಯಾವುದೇ ಪ್ರಕಟಣೆಯನ್ನು ಮಾಡದಿದ್ದರೂ ಪರಿಣಾಮಕಾರಿಯಾಗಿ ಭಾಗವಹಿಸುತ್ತಿಲ್ಲ ಎಂದು ಮೂಲಗಳು ತಿಳಿಸಿವೆ.


    ಸರ್ಕಾರವು ಕಳೆದ ವರ್ಷ ಜುಲೈನಲ್ಲಿ ಯೋಜನೆಗಾಗಿ ಪ್ರಸ್ತಾವನೆ ವಿನಂತಿ ಬಿಡುಗಡೆ ಮಾಡಿತ್ತು - ಐದು ಶಾರ್ಟ್‌ಲಿಸ್ಟ್ ಮಾಡಿದ OEMಗಳು ಜಲಾಂತರ್ಗಾಮಿ ನೌಕೆಗಳ ತಯಾರಿಕೆಗೆ ಬಿಡ್ ಮಾಡಲು ಶಾರ್ಟ್‌ಲಿಸ್ಟ್ ಮಾಡಲಾದ ಭಾರತೀಯ ಕಾರ್ಯತಂತ್ರದ ಪಾಲುದಾರರಲ್ಲಿ (SP) ಪಾಲುದಾರರಾಗಿರಬೇಕಿದೆ.


    ಶಾರ್ಟ್‌ಲಿಸ್ಟ್ ಮಾಡಲಾದ ಎಸ್‌ಪಿಗಲೆಂದರೆ ಮಜಗಾಂವ್ ಡಾಕ್ ಶಿಪ್‌ಬಿಲ್ಡರ್ಸ್ ಲಿಮಿಟೆಡ್ (MDL) ಮತ್ತು ಲಾರ್ಸೆನ್ & ಟೂರ್ಬೊ (L&T). ಈ ಎರಡೂ ಸಂಸ್ಥೆಗಳು ಯಾವುದೇ ಐದು ವಿದೇಶಿ OEM್ಗಳೊಂದಿಗೆ ಬಿಡ್ ಮಾಡಬೇಕಾಗಿರುತ್ತದೆ ಮತ್ತು ಆ ಐದು ಓಇಎಂಗಳೆಂದರೆ ನೇವಲ್ ಗ್ರೂಪ್ (ಫ್ರಾನ್ಸ್), ಥೈಸೆನ್‌ಕ್ರುಪ್ ಮೆರೈನ್ ಸಿಸ್ಟಮ್ಸ್ (ಜರ್ಮನಿ), ಜೆ‍ಎಸ್‍ಸಿ ರೋ (ರಷ್ಯಾ), ಡೇವೂ ಶಿಪ್ ಬಿಲ್ಡಿಂಗ್ & ಮೆರೈನ್ ಇಂಜಿನಿಯರಿಂಗ್ ಕಂ. ಲಿಮಿಟೆಡ್ (ದಕ್ಷಿಣ ಕೊರಿಯಾ) ಮತ್ತು ನವಾಂಟಿಯಾ (ಸ್ಪೇನ್).

    Published by:Kavya V
    First published: