HOME » NEWS » National-international » FLIGHTS TO GET COSTLIER AS LOWER LIMIT ON DOMESTIC AIRFARE RAISED BY 5 PER CENT CAPACITY STILL AT 80 PER CENT STG LG

ದೇಶೀಯ ವಿಮಾನ ಟಿಕೆಟ್ ದರ ಶೇ. 5 ರಷ್ಟು ಹೆಚ್ಚಳ; ಪ್ರಯಾಣಿಕರ ಮಿತಿ ಶೇ. 80ರಷ್ಟು ಮಾತ್ರ

ಕೋವಿಡ್​ ಟೆಸ್ಟ್ ನಿಂದಾಗಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಕುಸಿತವಾಗಿರುವ ಕಾರಣ ದೇಶೀಯ ವಿಮಾನಗಳಲ್ಲಿ ಶೇಕಡಾ 80 ರಷ್ಟು ಮಾತ್ರ ಪ್ರಯಾಣಿಕರನ್ನು ಒಳಗೊಂಡಿರಬೇಕು ಎನ್ನುವ ನಿಯಮವನ್ನು ಮುಂದಿನ ಆದೇಶದವರೆಗೆ ಪಾಲನೆ ಮಾಡಲಾಗುತ್ತದೆ.

news18-kannada
Updated:March 23, 2021, 10:37 AM IST
ದೇಶೀಯ ವಿಮಾನ ಟಿಕೆಟ್ ದರ ಶೇ. 5 ರಷ್ಟು ಹೆಚ್ಚಳ; ಪ್ರಯಾಣಿಕರ ಮಿತಿ ಶೇ. 80ರಷ್ಟು ಮಾತ್ರ
ಸಾಂದರ್ಭಿಕ ಚಿತ್ರ
  • Share this:
ನವದೆಹಲಿ(ಮಾ.23): ನಾಗರೀಕ ವಿಮಾನಯಾನ ಸಚಿವಾಲಯ ವಿಮಾನಗಳ ಕನಿಷ್ಠ ಟಿಕೆಟ್​ ದರವನ್ನು ಶೇಕಡಾ 5 ರಷ್ಟು ಹೆಚ್ಚಳ ಮಾಡಿದ್ದು ಈ ನಿಯಮ ತಕ್ಷಣವೇ ಜಾರಿಗೆ ಬರಲಿದೆ. ನಾಗರೀಕ ವಿಮಾನಯಾನ ಸಚಿವರಾದ ಹರ್ದೀಪ್ ಸಿಂಗ್ ಪೂರಿಯವರು ನಿರಂತರ ವೈಮಾನಿಕ ಇಂಧನ ದರದ ಏರಿಕೆಯ ಹಿನ್ನೆಲೆಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಶುಕ್ರವಾರ ಟ್ವೀಟ್​ ಮಾಡಿದ್ದಾರೆ.

'ಕಳೆದ ಕೆಲವು ದಿನಗಳಿಂದ ಬಹುತೇಕ ರಾಜ್ಯಗಳಲ್ಲಿ ಆರ್​ ಟಿ ಮತ್ತು ಪಿಸಿಆರ್​ ಪರೀಕ್ಷೆಗಳ ಕಠಿಣ ಕ್ರಮಗಳ ಕಾರಣ ವಿಮಾನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರಿ ಇಳಿಮುಖವಾಗಿದೆ. ಈ ಹಿನ್ನೆಲೆಯಲ್ಲಿ ವಿಮಾನದಲ್ಲಿ ಶೇಕಡಾ 80 ರಷ್ಟು ಪ್ರಯಾಣಿಕರನ್ನು ಮಾತ್ರ ಭರ್ತಿ ಮಾಡಬೇಕಿದೆ' ಎಂದು ಹರ್ದೀಪ್ ಸಿಂಗ್ ಟ್ವೀಟ್​ ಮೂಲಕ ತಿಳಿಸಿದ್ದಾರೆ.

'ನಿರಂತರವಾಗಿ ವೈಮಾನಿಕ ಇಂಧನ ದರದ ಏರಿಕೆ ಕಾರಣ ಶೇಕಡಾ 5 ರಷ್ಟು ಕನಿಷ್ಠ ಟಿಕೆಟ್ ದರ ಏರಿಕೆ ಮಾಡಿದ್ದು, ಗರಿಷ್ಠ ದರದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ' ಎಂದು ಮತ್ತೊಂದು ಟ್ವಿಟ್ ಮಾಡಿದ್ದಾರೆ.

ವಿಮಾನ ಪ್ರಯಾಣದ ಟಿಕೆಟ್​ ದರ ಎಷ್ಟಿದೆ?

ನಾಗರೀಕ ವಿಮಾನಯಾನ ಸಚಿವಾಲಯವು ಕೋವಿಡ್​ 19 ಬಳಿಕ ದೇಶಿಯಾ ಮತ್ತು ಅಂತರಾಷ್ಟ್ರೀಯ ವಿಮಾನಗಳ ಪ್ರಯಾಣವನ್ನು ನಿರ್ಬಂಧಿಸಿತ್ತು. ಜೊತೆಗೆ ವಿಮಾನಯಾನದ ಅವಧಿಯನ್ನು ಆಧರಿಸಿ ಟಿಕೆಟ್ ಬೆಲೆ ಹೆಚ್ಚಳ ಮಾಡಲಾಗಿತ್ತು.

Coronavirus: ಮಕ್ಕಳ ಮಾನಸಿಕ ಆರೋಗ್ಯದ ಮೇಲೆ ಕೊರೋನಾ ದುಷ್ಪರಿಣಾಮ; ಜಾಗತಿಕ ಆತಂಕ

ಮೊದಲು 40 ನಿಮಿಷಗಳ ಅವಧಿಯ ಪ್ರಯಾಣಕ್ಕೆ ಶೇಕಡಾ 5 ರಷ್ಟು ಹೆಚ್ಚಳ ಮಾಡಿದೆ ಅಂದರೆ, 2,200 ರೂ ನಿಂದ 2,320 ರೂಗೆ ಏರಿಕೆ ಮಾಡಲಾಗಿದೆ. ಗರಿಷ್ಠ ದರ 7,800 ರೂಗಳಲ್ಲಿ ಯಾವುದೇ ಬದಲಾವಣೆಗಳಿಲ್ಲ. ಆ ನಂತರದಲ್ಲಿ 40-60 ನಿಮಿಷಗಳು, 60-90 ನಿಮಿಷಗಳು, 90-120ನಿಮಿಷಗಳು, 120- 150ನಿಮಿಷಗಳು , 150 -180 ನಿಮಿಷಗಳು, 180-210 ನಿಮಿಷಗಳ ಅವಧಿಯನ್ನು ಒಳಗೊಂಡ ವಿಮಾನಗಳನ್ನ ಸೇರಿಸಲಾಗಿದೆ.ಬೆಲೆ ಹೆಚ್ಚಳದ ನಂತರ ಸಚಿವಾಲಯದ ಪ್ರಕಾರ ಕ್ರಮವಾಗಿ ಈ ಬ್ಯಾಂಡ್​ಗಳಿಗೆ ಕನಿಷ್ಠ ಮತ್ತು ಗರಿಷ್ಠ ದರ ಈ ರೀತಿಯಾಗಿದೆ. 2,940 ಮತ್ತು 9,800 ರೂ. 3,465 ಮತ್ತು 11,700 ರೂ. 4,094 ಮತ್ತು 13,000 ರೂ. 5,250 ಮತ್ತು 16,900 ರೂ. 6,405 ಮತ್ತು 20,400 ರೂ. 7,560 ಮತ್ತು 24,200 ರೂ. ಈ ಪರಿಷ್ಕೃತ ದರದ ಪಟ್ಟಿವು ತಾತ್ಕಾಲಿಕವಾಗಿದ್ದು, ಮೊದಲಿನಿಂತೆ ವಿಮಾನಯಾನದ ಸಂಖ್ಯೆ ಹೆಚ್ಚಳವಾಗುತ್ತಿದ್ದಂತೆ ಇದನ್ನು ಮುಂದುವರೆಸುವುದಿಲ್ಲವೆಂದು ಸಚಿವಾಲಯ ತಿಳಿಸಿದೆ.

ಏರ್​ಲೈನ್ಸ್​ಗಳಲ್ಲಿ ಶೇಕಡಾ 80 ರಷ್ಟು ಪ್ರಯಾಣಿಕರ ಮುಂದುವರಿಕೆ

ಕೋವಿಡ್​ ಟೆಸ್ಟ್ ನಿಂದಾಗಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಕುಸಿತವಾಗಿರುವ ಕಾರಣ ದೇಶೀಯ ವಿಮಾನಗಳಲ್ಲಿ ಶೇಕಡಾ 80 ರಷ್ಟು ಮಾತ್ರ ಪ್ರಯಾಣಿಕರನ್ನು ಒಳಗೊಂಡಿರಬೇಕು ಎನ್ನುವ ನಿಯಮವನ್ನು ಮುಂದಿನ ಆದೇಶದವರೆಗೆ ಪಾಲನೆ ಮಾಡಲಾಗುತ್ತದೆ. ಮಾರ್ಚ್​ನಲ್ಲಿನ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ. ಈ ಹಿನ್ನೆಲೆಯಲ್ಲಿ ಈ ಎಲ್ಲಾ ಬೆಳವಣಿಗೆಯನ್ನು ವಿಮರ್ಶೆ ಮಾಡಲಾಗುತ್ತಿದೆ ಎಂದು ಹೆಸರು ಹೇಳಲಿಚ್ಚಿಸದ ವಿಮಾನಯಾನ ಅಧಿಕಾರಿಯೊಬ್ಬರು ಮಾಹಿತಿಯನ್ನು ಹಂಚಿಕೊಂಡರು.

2020 ರಲಾಕ್​ಡೌನ್​ ಸಮಯದಲ್ಲಿ ದೇಶಿಯಾ ವಿಮಾನಯಾನದಲ್ಲಿ ಸಾಕಷ್ಟು ನಿಬಂಧನೆಗಳನ್ನು ಹೇರಲಾಗಿತ್ತು. ಅಂದಿನಿಂದ ಇಂದಿನವರೆಗೂ ಟಿಕೆಟ್ ಬೆಲೆ ಮತ್ತು ಪ್ರಯಾಣಿಕರ ಸಂಖ್ಯೆಯನ್ನು ಗಮನದಲ್ಲಿಟ್ಟುಕೊಂಡು ಸಾಕಷ್ಟು ಬದಲಾವಣೆ ಮಾಡಲಾಗಿದೆ. ಇನ್ನೂ ಇಂಟರ್​ನ್ಯಾಷನಲ್​ ಫ್ಲೈಟ್ಸ್​ ಪ್ರಯಾಣವನ್ನು ಯಾವಾಗ ಆರಂಭಿಸಬೇಕು ಎನ್ನುವ ಬಗ್ಗೆ ಇನ್ನೂ ಯಾವುದೇ ನಿರ್ಧಾರವನ್ನು ಕೇಂದ್ರ ಸರ್ಕಾರ ತೆಗೆದುಕೊಂಡಿಲ್ಲ ಎನ್ನುವ ಮಾತುಗಳು ಸಹ ಈ ಸಂದರ್ಭದಲ್ಲಿ ಮುನ್ನಲೆಗೆ ಬಂದಿವೆ.
Published by: Latha CG
First published: March 23, 2021, 10:37 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories