news18-kannada Updated:July 27, 2020, 1:40 PM IST
ರಫೇಲ್ ಯುದ್ಧವಿಮಾನ
ನವದೆಹಲಿ(ಜುಲೈ 27): ವಿಶ್ವದ ಅತ್ಯಂತ ಪ್ರಬಲ ಯುದ್ಧವಿಮಾನಗಳಲ್ಲೊಂದೆನಿಸಿದ ಫ್ರಾನ್ಸ್ ನಿರ್ಮಿತ ರಫೇಲ್ ಜೆಟ್ಗಳು ಇನ್ನೆರಡು ದಿನದಲ್ಲಿ ಭಾರತಕ್ಕೆ ಆಗಮಿಸಲಿವೆ. ಐದು ರಫೇಲ್ ಜೆಟ್ಗಳು ಈಗ ಫ್ರಾನ್ಸ್ನಿಂದ ಹೊರಟಿವೆ. 7,000 ಕಿಮೀ ದೂರದ ಭಾರತಕ್ಕೆ ಬರುತ್ತಿರುವ ಇವು ಯುಎಇ ದೇಶದ ಅಲ್ ಧಫಿರಾ ವಾಯುನೆಲೆಯಲ್ಲಿ ಸ್ವಲ್ಪ ಹೊತ್ತು ನಿಲ್ಲಲಿವೆ. ಹಾಗೆಯೇ, ಆಗಸ ಮಾರ್ಗದಲ್ಲೇ ಇದಕ್ಕೆ ಇಂಧನ ಹಾಕಲಾಗುತ್ತದೆ.
ಬುಧವಾರ ರಫೇಲ್ ಯುದ್ಧವಿಮಾನಗಳು ಭಾರತಕ್ಕೆ ಬರಲಿವೆ. ಅದಾದ ಬಳಿಕ ಹರಿಯಾಣದ ಅಂಬಾಲದಲ್ಲಿರುವ ವಾಯುಪಡೆಗೆ ಅಧಿಕೃತವಾಗಿ ಸೇರ್ಪಡೆಯಾಗಲಿದೆ. ಲಡಾಖ್ನಲ್ಲಿರುವ ಚೀನಾ ಗಡಿಭಾಗದ ಬಳಿ ತತ್ಕ್ಷಣಕ್ಕೆ ಈ ಜೆಟ್ ವಿಮಾನಗಳನ್ನ ನಿಯೋಜಿಸಿ ಸನ್ನದ್ಧ ಸ್ಥಿತಿಯಲ್ಲಿ ಇರಿಸಲಾಗುತ್ತದೆ.
ಇದನ್ನೂ ಓದಿ: Chines App Ban - ಮತ್ತೆ 47 ಚೀನೀ ಆ್ಯಪ್ಗಳ ನಿಷೇಧ? PUBG ಸೇರಿ 275 ಆ್ಯಪ್ಗಳು ಸರ್ಕಾರದ ಕಣ್ಗಾವಲಿನಲ್ಲಿ
ಕಳೆದ ವರ್ಷ ಭಾರತೀಯ ವಾಯುಪಡೆಯ ಸಂಸ್ಥಾಪನಾ ದಿನದಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಫ್ರಾನ್ಸ್ ದೇಶದಲ್ಲಿ ಮೊದಲ ರಫೇಲ್ ಯುದ್ಧವಿಮಾನವನ್ನು ಹತ್ತಿ ಹಾರಾಟದ ಅನುಭವ ಗಳಿಸಿದ್ದರು. ಫ್ರಾನ್ಸ್ ದೇಶದ ಡಸಾಲ್ಟ್ ಸಂಸ್ಥೆಯೊಂದಿಗೆ 36 ರಫೇಲ್ ಯುದ್ಧವಿಮಾನದ ಖರೀದಿಗೆ ಭಾರತ ಒಪ್ಪಂದ ಮಾಡಿಕೊಂಡಿದೆ. ಇನ್ನೊಂದು ವರ್ಷದಲ್ಲಿ ಎಲ್ಲಾ 36 ಜೆಟ್ಗಳು ಭಾರತದ ಕೈಸೇರಲಿವೆ. ಈ ಯುದ್ಧವಿಮಾನ ಜಗತ್ತಿನ ಅತ್ಯಂತ ಶಕ್ತಿಶಾಲಿ ಯುದ್ಧವಿಮಾನಗಳಲ್ಲೊಂದೆನಿಸಿದೆ.
Published by:
Vijayasarthy SN
First published:
July 27, 2020, 1:38 PM IST
