Crime News: 13 ವರ್ಷದ ಮಗಳ ಮೇಲೆ ಅತ್ಯಾಚಾರ ಎಸಗಿದ ರಾಕ್ಷಸ ತಂದೆ! ಆರೋಪಿಗೆ 78 ವರ್ಷ ಜೈಲು ಶಿಕ್ಷೆ

ಕೇರಳ: 13 ವರ್ಷದ ಮಗಳನ್ನು ಸಂಬಂಧಿಕರ ಮನೆಗೆ ಕರೆತಂದು ಲೈಂಗಿಕ ಕಿರುಕುಳ (Sexually Abuse) ನೀಡಿದ ತಂದೆಗೆ (Father) ಪತ್ತನಂತಿಟ್ಟ ಪೋಕ್ಸೋ ನ್ಯಾಯಾಲಯ (POCSO Court) 78 ವರ್ಷಗಳ ಕಠಿಣ ಸಜೆ ಮತ್ತು 2,75,000 ರೂ ದಂಡದ ವಿಧಿಸಿ ತೀರ್ಪು ನೀಡಿದೆ.  ಒಂದು ವೇಳೆ ದಂಡ ಪಾವತಿಸದಿದ್ದಲ್ಲಿ ಹೆಚ್ಚುವರಿಯಾಗಿ ಮೂರೂವರೆ ವರ್ಷ ಜೈಲು ಶಿಕ್ಷೆ ಅನುಭವಿಸಬೇಕು ಎಂದು ನ್ಯಾಯಾಲಯ ಹೇಳಿದೆ. ಆರೋಪಿ ಅತಿಯಾದ ಕುಡಿತದ ಚಟದಿಂದ ಬೇಸತ್ತಿದ್ದ ಆತನ ಹೆಂಡತಿ ಮನೆ ಬಿಟ್ಟು ಹೋಗಿದ್ದಳು. ಈ ಹಿನ್ನೆಲೆಯಲ್ಲಿ ಬಾಲಕಿ ತನ್ನ ಅಜ್ಜಿ (ತಂದೆಯ ಅಮ್ಮ) ಹಾಗೂ ಅತ್ತೆಯ ಜೊತೆ ಇದ್ದಳು. ಆಘಾತಕಾರಿ ವಿಷಯವೆಂದರೆ ಈ ಪಾಪಿ ತಂದೆ ಬಾಲಕಿ 8ನೇ ತರಗತಿ ಓದುತ್ತಿದ್ದಾಗಿನಿಂದಲೂ ಲೈಂಗಿಕ ಕಿರುಕುಳ ನೀಡುತ್ತಿದ್ದ ಎಂದು ತನಿಖೆ ವೇಳೆ ಬೆಳಕಿಗೆ ಬಂದಿದೆ.

ಆರೋಪಿಯಾರೂ ಇಲ್ಲದ ಸಂ ತನ್ನ ಮಗಳನ್ನು ರಜೆಯ ದಿನ ಬಂಧಿಕರ ಮನೆಗೆ ಕರೆದುಕೊಂಡು ಹೋಗಿ ಅತ್ಯಾಚಾರ ಎಸಗಿದ್ದಾನೆ ಲೈಂಗಿಕ ದೌರ್ಜನ್ಯವನ್ನು ವಿರೋಧಿಸಿದಾಗ ಮಗಳ ಮೇಲೆ ಹಲ್ಲೆ ಮಾಡಿ ಗಾಯಗೊಳಿಸಿದ್ದಾನೆ. ಮರುದಿನ ಬಾಲಕಿ ಮನೆಗೆ ಹಿಂದಿರುಗಿದಾಗ ಆಕೆಯ ಕೆನ್ನೆಯ ಮೇಲಿದ್ದ ಗಾಯವನ್ನು ನೋಡಿದ ಹುಡುಗಿಯ ತಂದೆಯ ಸಹೋದರಿ ಅತ್ತೆ ಅನುಮಾನಗೊಂಡು, ಬಳಿಕ ಬಾಲಕಿಯ ಶಿಕ್ಷಕರಿಗೆ ಮಾಹಿತಿ ನೀಡಿದ್ದಾಳೆ. ಬಾಲಕಿಯನ್ನ ಶಿಕ್ಷಕರು ವಿಚಾರಿಸಿದಾಗ ತಂದೆಯಿಂದ ಲೈಂಗಿಕ ದೌರ್ಜನ್ಯಕ್ಕೊಳಗಾಗಿರುವುದು ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: Blackmail: ಲೇಡಿ ಹೆಸರಲ್ಲಿ ಇನ್‌ಸ್ಟಾಗ್ರಾಮ್ ಫೇಕ್ ಐಡಿ ಮಾಡಿದ ಖದೀಮ, ಮಹಿಳೆಯರ ನಗ್ನ ಫೋಟೋಸ್ ಪಡೆದು ಹಣಕ್ಕಾಗಿ ಬೆದರಿಕೆ!

78 ವರ್ಷ ಜೈಲು ಶಿಕ್ಷೆ

ಇನ್ನೂ ವಿಚಾರಣೆ ವೇಳೆ ಆರೋಪಿ ಸಹೋದರಿ ಮತ್ತು ತಾಯಿ ಬಾಲಕಿ ತಂದೆ ಪರ ವಾಲಿದ್ದು, ಪ್ರಕರಣವನ್ನು ತಿರುಚಲು ಪ್ರಯತ್ನಿಸಿದ್ದರು. ಆದರೆ ಸಾಕ್ಷಿ ಆಧಾರಗಳಿಂದ ಅತ್ಯಾಚಾರವಾಗಿರುವುದು ಸಾಬೀತಾಗಿದ್ದರಿಂದ 50 ವರ್ಷದ ಆರೋಪಿಗೆ 78 ವರ್ಷಗಳ ಕಾಲ ಶಿಕ್ಷೆ ವಿಧಿಸಲಾಗಿದೆ.