HOME » NEWS » National-international » FARE LIMITS RAISED BY UP TO 30 PER CENT AIR TRAVEL TO BE DEARER STG LG

ವಿಮಾನ ಪ್ರಯಾಣಿಕರಿಗೆ ಶಾಕಿಂಗ್ ಸುದ್ದಿ; ವಿಮಾನಯಾನ ಶುಲ್ಕ ಮಿತಿಗಳು ಶೇ. 30 ರವರೆಗೆ ಹೆಚ್ಚಳ

ಈ ಹೊಸ ಮಿತಿಗಳು ಮಾರ್ಚ್ 31, 2021 ರವರೆಗೆ ಅಥವಾ ಮುಂದಿನ ಆದೇಶದವರೆಗೆ ಜಾರಿಯಲ್ಲಿರುತ್ತವೆ ಎಂದು ಸಚಿವಾಲಯ ತಿಳಿಸಿದೆ. ಕಳೆದ ತಿಂಗಳು, ಸರ್ಕಾರವು ವಿಮಾನಯಾನ ಸಂಸ್ಥೆಗಳಿಗೆ ಸರಾಸರಿ ಶುಲ್ಕಕ್ಕಿಂತ ಕೇವಲ 20 ಶೇಕಡಾ ಟಿಕೆಟ್​​ಗಳನ್ನು ಮಾತ್ರ ಮಾರಾಟ ಮಾಡಲು ಅವಕಾಶ ನೀಡಿತ್ತು.

news18-kannada
Updated:February 12, 2021, 12:45 PM IST
ವಿಮಾನ ಪ್ರಯಾಣಿಕರಿಗೆ ಶಾಕಿಂಗ್ ಸುದ್ದಿ; ವಿಮಾನಯಾನ ಶುಲ್ಕ ಮಿತಿಗಳು ಶೇ. 30 ರವರೆಗೆ ಹೆಚ್ಚಳ
ಪ್ರಾತಿನಿಧಿಕ ಚಿತ್ರ
  • Share this:
ನವದೆಹಲಿ(ಫೆ.12): ನಾಗರಿಕ ವಿಮಾನಯಾನ ಸಚಿವಾಲಯವು ಗುರುವಾರ ಎಲ್ಲಾ ಬ್ಯಾಂಡ್​​ಗಳಲ್ಲಿ ಕನಿಷ್ಠ ಮತ್ತು ಗರಿಷ್ಠ ವಿಮಾನಯಾನಗಳನ್ನು ಹೆಚ್ಚಿಸಿದೆ. ಇದರಿಂದ ಒಂದು ಕಡೆ, ಆರ್ಥಿಕವಾಗಿ ತೊಂದರೆಗೀಡಾದ ವಿಮಾನಯಾನ ಸಂಸ್ಥೆಗಳಿಗೆ ದೊಡ್ಡ ಪರಿಹಾರವನ್ನು ನೀಡುತ್ತದೆ. ಆದರೆ ಮತ್ತೊಂದೆಡೆ, ಪ್ರಯಾಣಿಕರಿಗೆ ವಿಮಾನ ಪ್ರಯಾಣವನ್ನು ಕನಿಷ್ಠ ಮಾರ್ಚ್ 31 ರವರೆಗೆ ಹೆಚ್ಚಿಸುತ್ತದೆ. ವಿಮಾನಯಾನ ಮೇಲಿನ ಕನಿಷ್ಠ ಮತ್ತು ಗರಿಷ್ಠ ಮಿತಿಗಳನ್ನು ಶೇಕಡಾ 10-30 ರಷ್ಟು ಹೆಚ್ಚಿಸಲಾಗಿದೆ ಎಂದು ಗುರುವಾರ ಹೊರಡಿಸಲಾದ ಅಧಿಸೂಚನೆಯ ಪ್ರಕಾರ ಮಾಹಿತಿ ನೀಡಲಾಗಿದೆ.

ಮೇ 2020 ರಲ್ಲಿ ಕೇಂದ್ರ ಸರ್ಕಾರವು ದೇಶೀಯ ವಾಯುಯಾನವನ್ನು ಮತ್ತೆ ತೆರೆದಾಗ ಗ್ರಾಹಕರಿಗೆ ಹೊರೆಯಾಗದಂತೆ ನೋಡಿಕೊಳ್ಳಲು ಬ್ಯಾಂಡ್​​ಗಳ ಮೂಲಕ ವಿಮಾನಗಳ ಕ್ರಿಯಾತ್ಮಕ ಬೆಲೆ ನಿಗದಿ ಶುಲ್ಕ ನಿರ್ಬಂಧಗಳನ್ನು ವಿಧಿಸಿತ್ತು. ಈ ಪೈಕಿ ಮೊದಲ ಬ್ಯಾಂಡ್ 40 ನಿಮಿಷಗಳಿಗಿಂತ ಕಡಿಮೆ ಅವಧಿಯ ವಿಮಾನಗಳನ್ನು ಒಳಗೊಂಡಿದೆ. ಈಗ ಮೊದಲ ಬ್ಯಾಂಡ್​ನ ಕನಿಷ್ಠ ಮಿತಿಯನ್ನು ಗುರುವಾರ 2,000 ರೂ.ಗಳಿಂದ 2,200 ರೂ.ಗೆ ಹೆಚ್ಚಿಸಲಾಗಿದೆ. ಈ ಬ್ಯಾಂಡ್​​ನಲ್ಲಿ ಗರಿಷ್ಠ ಮಿತಿಯನ್ನು 7,800 ರೂ.ಗೆ ನಿಗದಿಪಡಿಸಲಾಗಿದೆ. ಮೊದಲು ಈ ಬ್ಯಾಂಡ್​ನ ಗರಿಷ್ಠ ಮಿತಿ 6,000 ರೂ. ಇತ್ತು. ವಿಮಾನ ಪ್ರಯಾಣದ ನಂತರದ ಬ್ಯಾಂಡ್​​ಗಳು 40-60 ನಿಮಿಷಗಳು, 60-90 ನಿಮಿಷಗಳು, 90-120 ನಿಮಿಷಗಳು, 120-150 ನಿಮಿಷಗಳು, 150-180 ನಿಮಿಷಗಳು ಮತ್ತು 180-210 ನಿಮಿಷಗಳು ಆಗಿದೆ.

ಸಿದ್ದರಾಮಯ್ಯ ಕರ್ನಾಟಕದ ಟ್ರಂಪ್, ಸೋಲನ್ನು ಒಪ್ಪಿಕೊಳ್ಳಲ್ಲ; ಹಳ್ಳಿಹಕ್ಕಿ ಹೆಚ್​. ವಿಶ್ವನಾಥ್ ಲೇವಡಿ

ಬ್ಯಾಂಡ್ -  ನೂತನ ದರ  (ಕನಿಷ್ಠ ಮಿತಿ-ಗರಿಷ್ಠ ಮಿತಿ)  - ಹಳೆಯ ದರ (ಕನಿಷ್ಠ ಮಿತಿ-ಗರಿಷ್ಠ ಮಿತಿ)

40 ನಿಮಿಷಗಳಿಗಿಂತ ಕಡಿಮೆ- 2,200 ರೂ. 7,800 ರೂ.- 2,000 ರೂ. 6,000 ರೂ.
40 - 60 ನಿಮಿಷಗಳು- 2,800 ರೂ. 9,800 ರೂ-. 2,500 ರೂ. 7,500 ರೂ.
60-90 ನಿಮಿಷಗಳು 3,300 ರೂ. 11,700 ರೂ. -3,000 ರೂ. 9,000 ರೂ.90-120 ನಿಮಿಷಗಳು 3,900 ರೂ. 13,000 ರೂ. -3,500 ರೂ. 10,000 ರೂ.
120-150 ನಿಮಿಷಗಳು 5,000 ರೂ. 16,900 ರೂ. -4,500 ರೂ. 13,000 ರೂ.
150-180 ನಿಮಿಷಗಳು 6,100 ರೂ. 20,400 ರೂ. -5,500 ರೂ. 15,700 ರೂ.
180-210 ನಿಮಿಷಗಳು 7,200 ರೂ. 24,200 ರೂ.- 6,500 ರೂ. 18,600 ರೂ.

ಈ ಹೊಸ ಮಿತಿಗಳು "ಮಾರ್ಚ್ 31, 2021 ರವರೆಗೆ ಅಥವಾ ಮುಂದಿನ ಆದೇಶದವರೆಗೆ" ಜಾರಿಯಲ್ಲಿರುತ್ತವೆ ಎಂದು ಸಚಿವಾಲಯ ತಿಳಿಸಿದೆ. ಕಳೆದ ತಿಂಗಳು, ಸರ್ಕಾರವು ವಿಮಾನಯಾನ ಸಂಸ್ಥೆಗಳಿಗೆ ಸರಾಸರಿ ಶುಲ್ಕಕ್ಕಿಂತ ಕೇವಲ 20 ಶೇಕಡಾ ಟಿಕೆಟ್​​ಗಳನ್ನು ಮಾತ್ರ ಮಾರಾಟ ಮಾಡಲು ಅವಕಾಶ ನೀಡಿತ್ತು.

ಇನ್ನು, ಕೇಂದ್ರ ಸರ್ಕಾರದ ಈ ಕ್ರಮವನ್ನು ವಿಮಾನಯಾನ ಎಕ್ಸಿಕ್ಯೂಟಿವ್ಸ್ಗಳು ಸ್ವಾಗತಿಸಿದರು. ಆದರೆ ಸರ್ಕಾರವು ಶೀಘ್ರದಲ್ಲೇ ನಿರ್ಬಂಧಗಳನ್ನು ರದ್ದುಗೊಳಿಸಬೇಕು ಎಂದು ಹೇಳಿದರು.

“ಈಗ ದರಗಳನ್ನು ನಿರ್ಧರಿಸಲು ಮಾರುಕಟ್ಟೆಯಲ್ಲಿ ಸಾಕಷ್ಟು ಬೇಡಿಕೆಯಿದೆ. ಮೊದಲಿಗೆ, ಈ ನಿರ್ಬಂಧಗಳು ಅಗತ್ಯವಾಗಿದ್ದವು ಆದರೆ ಈಗ ಅದು ಹೆಚ್ಚು ಅರ್ಥವಿಲ್ಲ. ಹೆಚ್ಚಳವು ಸ್ವಾಭಾವಿಕವಾಗಿ ಒಂದು ಪರಿಹಾರವಾಗಿದೆ. ಏಕೆಂದರೆ ನಾವು ಇಂಧನ ಬೆಲೆಗಳ ಏರಿಕೆಯನ್ನು ನೋಡುತ್ತಿದ್ದೇವೆ ಮತ್ತು ಇದು ಹೊಸ ಸರಾಸರಿ ಶ್ರೇಣಿಯ ಪ್ರಕಾರ ಮೂಲ ದರವನ್ನು ಹೆಚ್ಚಿಸಲು ನಮಗೆ ಅನುವು ಮಾಡಿಕೊಡುತ್ತದೆ” ಎಂದು ಕಡಿಮೆ ಬೆಲೆಯ ವಿಮಾನಯಾನ ಸಂಸ್ಥೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Published by: Latha CG
First published: February 12, 2021, 12:45 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories