Fact Check: ತಾಲಿಬಾನ್ ಅಪ್ರಾಪ್ತ ಹುಡುಗಿಯ ಬಲವಂತ ಮದುವೆ ಮಾಡಿದ್ದು ನಿಜವೇ? ವೈರಲ್‌ ವಿಡಿಯೋ ಹಿಂದಿನ ಸತ್ಯಾಸತ್ಯತೆ ಇಲ್ಲಿದೆ

ಈ ವೈರಲ್ ಸ್ಕ್ರೀನ್‌ಶಾಟ್ ಅನ್ನು ಮಾರ್ಫ್‌ ಅಥವಾ ಎಡಿಟ್‌ ಮಾಡಲಾಗಿದೆ ಎಂದು ಇಂಡಿಯಾ ಟುಡೇ ಆ್ಯಂಟಿಫೇಕ್ ನ್ಯೂಸ್ ವಾರ್ ರೂಮ್ (AFWA) ಕಂಡುಕೊಂಡಿದೆ.

ಫ್ಯಾಕ್ಟ್​ ಚೆಕ್

ಫ್ಯಾಕ್ಟ್​ ಚೆಕ್

  • Share this:

ತಾಲಿಬಾನ್ ಉಗ್ರರು ಅಫ್ಘಾನಿಸ್ತಾನವನ್ನು ವಶಪಡಿಸಿಕೊಂಡಿದ್ದು, ಅಧಿಕೃತವಾಗಿ ಷರಿಯಾ ಕಾನೂನಿನಡಿ ಆಡಳಿತ ನಡೆಸಲು ಸಜ್ಜಾಗಿದೆ. ಈ ನಡುವೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಫೋಟೋಗಳು, ವಿಡಿಯೋಗಳು ಹರಿದಾಡುತ್ತಿದ್ದು, ಇವುಗಳು ಎಷ್ಟು ಸತ್ಯ ಹಾಗೂ ಎಷ್ಟು ಸುಳ್ಳು ಎಂಬುದನ್ನು ನಂಬುವುದೇ ಕಷ್ಟವಾಗುತ್ತಿದೆ. ಇದೇ ರೀತಿ, ತಾಲಿಬಾನ್ ಹೋರಾಟಗಾರರು ತಮ್ಮ ಪ್ರಾಬಲ್ಯದ ಪ್ರದೇಶಗಳಲ್ಲಿ 12 ವರ್ಷ ವಯಸ್ಸಿನ ಹುಡುಗಿಯರನ್ನು ಬಲವಂತವಾಗಿ ಮದುವೆಯಾದ ವರದಿಗಳು ಬರುತ್ತಿದ್ದು, ಅಂತಾರಾಷ್ಟ್ರೀಯ ಸುದ್ದಿ ಮಾಧ್ಯಮ ಅಲ್‌ ಜಜೀರಾ ಈ ಸುದ್ದಿ ಮಾಡಿದೆ ಎಂದು ಹೇಳುವ ಟ್ವೀಟ್‌ನ ಸ್ಕ್ರೀನ್‌ಶಾಟ್‌ವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.


"ತಾಲಿಬಾನ್ ತಮ್ಮ ಮನೆಯಿಂದ ಅಪ್ರಾಪ್ತ ಹುಡುಗಿಯರನ್ನು ಅಪಹರಿಸಲು ಪ್ರಾರಂಭಿಸಿತು. ತಾಲಿಬಾನ್‌ಗೆ ತಮ್ಮ ಹೆಣ್ಣುಮಕ್ಕಳನ್ನು ನೀಡಲು ಪೋಷಕರು ನಿರಾಕರಿಸಿದರೆ ತಾಲಿಬಾನ್‌ ಉಗ್ರರು ಅವರನ್ನು ಕೊಲೆ ಮಾಡುತ್ತಾರೆ'' ಎಂದು ಈ ಟ್ವೀಟ್‌ ಹೇಳುತ್ತದೆ. ಅಲ್ಲದೆ, ಇಸ್ಲಾಮಿಸ್ಟ್ ಹೋರಾಟಗಾರರಿಂದ ಸುತ್ತುವರಿದ ರಕ್ತಸಿಕ್ತವಾದ ಹುಡುಗಿಯ ಭೀತಿ ಹುಟ್ಟಿಸುವ ಚಿತ್ರವನ್ನು ಹೊಂದಿದೆ.

“ಹಿಂದೂಗಳು ಈಗಲೂ ಉಚಿತ ವಿದ್ಯುತ್‌ಗಾಗಿ ಮತ ಚಲಾಯಿಸುತ್ತಾರೆ. ಬ್ರಿಟಿಷರಿಗೆ ಮತ್ತು ಮೊಘಲರಿಗೆ ನಮ್ಮ ಜನರನ್ನೇ ಮೋಸ ಮಾಡಿದ ಅದೇ ಜನರು ನಾವು'' ಎಂದು ಆ ಸ್ಕ್ರೀನ್‌ಶಾಟ್‌ ಜತೆಗೆ ಕ್ಯಾಪ್ಷನ್‌ ಅನ್ನೂ ಬರೆಯಲಾಗಿದೆ.


ಇದನ್ನೂ ಓದಿ:Gold Price Today: ಮತ್ತೆ ಏರಿಕೆಯಾದ ಚಿನ್ನದ ಬೆಲೆ, 1 ಸಾವಿರ ರೂ. ಇಳಿಕೆ ಕಂಡ ಬೆಳ್ಳಿ

ಆದರೆ, ಈ ವೈರಲ್ ಸ್ಕ್ರೀನ್‌ಶಾಟ್ ಅನ್ನು ಮಾರ್ಫ್‌ ಅಥವಾ ಎಡಿಟ್‌ ಮಾಡಲಾಗಿದೆ ಎಂದು ಇಂಡಿಯಾ ಟುಡೇ ಆ್ಯಂಟಿಫೇಕ್ ನ್ಯೂಸ್ ವಾರ್ ರೂಮ್ (AFWA) ಕಂಡುಕೊಂಡಿದೆ. ಮತ್ತು ಈವರೆಗೆ ಅಂತಹ ಯಾವುದೇ ಟ್ವೀಟ್ ಅನ್ನು ಅಲ್ ಜಜೀರಾ ತನ್ನ ಯಾವುದೇ ಟ್ವಿಟ್ಟರ್‌ ಹ್ಯಾಂಡಲ್‌ನಿಂದ ಪೋಸ್ಟ್ ಮಾಡಿಲ್ಲ. ಟ್ವೀಟ್‌ನಲ್ಲಿ ಬಳಸಲಾದ ಚಿತ್ರವು 2016ರದ್ದು ಮತ್ತು ಕೆಲವು ಅಫ್ಘಾನ್‌ ಕಲಾವಿದರು ಸ್ಟೇಜ್‌ ಮೇಲೆ ಮಾಡಿದ ಡ್ರಾಮಾ ಪ್ರದರ್ಶನವನ್ನು ತೋರಿಸುತ್ತದೆ ಎಂದು ಕಂಡುಬಂದಿದೆ. ಆದರೂ, ತಾಲಿಬಾನ್‌ ಉಗ್ರರು ಅಫ್ಘಾನ್ ಯುವತಿಯರನ್ನು ಅಪಹರಿಸಿ ಬಲವಂತವಾಗಿ ಮದುವೆಯಾದ ಹಲವಾರು ಘಟನೆಗಳು ಇತ್ತೀಚೆಗೆ ವರದಿಯಾಗಿವೆ ಎಂಬುದು ನಿಜ.

AFWA ತನಿಖೆ
ಟ್ವೀಟ್‌ನ ಸತ್ಯಾಸತ್ಯತೆಯ ಬಗ್ಗೆ ಅನುಮಾನಗಳನ್ನು ಹುಟ್ಟುಹಾಕಿದ ಮೊದಲ ಪ್ರಮುಖ ಸುಳಿವು “Al Jazeera” ವನ್ನು “Al Jajeera” ಎಂದು ತಪ್ಪಾಗಿ ಬರೆಯಲ್ಪಟ್ಟ ಹ್ಯಾಂಡಲ್‌ನ ಹೆಸರು. ಅಲ್ಲದೆ, ಆ ಟ್ವಿಟ್ಟರ್‌ನ ಡಿಸ್ಪ್ಲೇ ಹೆಸರು “Al Jajeera English” ಆಗಿದ್ದರೆ, ಟ್ವಿಟ್ಟರ್‌ ಹ್ಯಾಂಡಲ್ "@AJENews" ಆಗಿದೆ. ಆದರೆ, ವಾಸ್ತವದಲ್ಲಿ “Al Jazeera English”ನ ಟ್ವಿಟ್ಟರ್‌ ಹ್ಯಾಂಡಲ್‌ "@AJEnglish" ಎಂದಾಗಿದೆ. ಆದರೆ, "@AJENews" “Al Jazeera Breaking News” ("ಅಲ್ ಜಜೀರಾ ಬ್ರೇಕಿಂಗ್ ನ್ಯೂಸ್") ನ ಹ್ಯಾಂಡಲ್ ಆಗಿದೆ.

ನಂತರ ಕೀ ವರ್ಡ್‌ ಮೂಲಕ ಹುಡುಕಾಟ ನಡೆಸಿದ್ದು, "ಅಲ್ ಜಜೀರಾ ಇಂಗ್ಲೀಷ್" ಅಥವಾ "ಅಲ್ ಜಜೀರಾ ಬ್ರೇಕಿಂಗ್ ನ್ಯೂಸ್" ಈ ಸುದ್ದಿಯನ್ನು ಉಲ್ಲೇಖಿಸಿರುವ ಯಾವುದೇ ಟ್ವೀಟ್‌ ಅನ್ನು ಪೋಸ್ಟ್‌ ಮಾಡಿಲ್ಲ ಎಂದು ತಿಳಿದುಬಂದಿದೆ.


ಇದನ್ನೂ ಓದಿ:Karnataka Dams Water Level: ರಾಜ್ಯದ ಪ್ರಮುಖ ಜಲಾಶಯಗಳ ಇಂದಿನ ನೀರಿನ ಮಟ್ಟ ಇಂತಿದೆ

2016ರ ನಾಟಕದಿಂದ ಚಿತ್ರ ತೆಗೆಯಲಾಗಿದೆ
ವೈರಲ್ ಟ್ವೀಟ್‌ನಲ್ಲಿ ಬಳಸಿದ ಚಿತ್ರವನ್ನು ರಿವರ್ಸ್‌ ಸರ್ಚ್‌ ಮಾಡಿದಾಗ, ಇಂಡಿಯಾ ಟುಡೇ ಅದನ್ನು "ಲಾಸ್ ಏಂಜಲೀಸ್ ಟೈಮ್ಸ್" ಪ್ರಕಟಿಸಿದ 2016 ರ ವರದಿಯಲ್ಲಿ ಕಂಡುಕೊಂಡಿದೆ. ಇಲ್ಲಿ, ಈ ಚಿತ್ರವನ್ನು ''ಅಫ್ಘಾನ್‌ ಕಲಾವಿದರು ಕಾಬೂಲ್‌ನಲ್ಲಿ ಕುರಾನ್‌ನ ನಕಲನ್ನು ಸುಟ್ಟ ಆರೋಪದ ಮೇಲೆ ಮಾರ್ಚ್ 19, 2015 ರಂದು ಹೊಡೆದು ಸಾಯಿಸಿದ ಅಫ್ಘಾನ್‌ ಮಹಿಳೆ ಫರ್ಖುಂಡಾ ಮಲಿಕ್ಜಾಡಾ, 27ರ ಮಹಿಳೆಯ ಗುಂಪು ಹತ್ಯೆಯನ್ನು ಮರುಸೃಷ್ಟಿಸುತ್ತಾರೆ'' ಎಂದು ಈ ಚಿತ್ರವನ್ನು ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಲಾಗಿದೆ. ಅಸೋಸಿಯೇಟೆಡ್ ಪ್ರೆಸ್ ಛಾಯಾಗ್ರಾಹಕ ರಹಮತ್ ಗುಲ್ ಈ ಚಿತ್ರವನ್ನು ತೆಗೆದಿದ್ದಾರೆ.


ಎಪಿ ಆರ್ಕೈವ್ಸ್‌ನಲ್ಲೂ ಅದೇ ಘಟನೆಯ ವೈರಲ್ ಚಿತ್ರ ಮತ್ತು ಹಲವಾರು ಇತರ ಚಿತ್ರಗಳನ್ನು ಕಂಡುಕೊಳ್ಳಲಾಗಿದೆ.


ಭೀಕರ ಸತ್ಯ..!
ತಾಲಿಬಾನ್ ಅಫ್ಘಾನಿಸ್ತಾನದ ಪ್ರಮುಖ ಪ್ರಾಂತ್ಯಗಳನ್ನು ವಶಪಡಿಸಿಕೊಳ್ಳುತ್ತಿದ್ದಂತೆ, ಅದರ ಹೋರಾಟಗಾರರು ಹದಿಹರೆಯದ ಹುಡುಗಿಯರನ್ನು ಬಲವಂತವಾಗಿ ಅಪಹರಿಸಿ ಮದುವೆಯಾದ ವರದಿಗಳು ಕಂಡುಬಂದಿವೆ. ಚಂಡೀಗಢದಲ್ಲಿ ನೆಲೆಸಿರುವ ಕೆಲವು ಆಫ್ಘನ್ ವಿದ್ಯಾರ್ಥಿಗಳು ಇದನ್ನು ಇಂಡಿಯಾ ಟುಡೆಗೆ ದೃಢಪಡಿಸಿದ್ದರು.

ವರದಿಯ ಪ್ರಕಾರ, ತಾಲಿಬಾನಿಗಳು ತಮ್ಮ ಉಗ್ರರನ್ನು ಮದುವೆಯಾಗಲು 15 ವರ್ಷಕ್ಕಿಂತ ಮೇಲ್ಪಟ್ಟ ಹುಡುಗಿಯರು ಮತ್ತು 45 ವರ್ಷದೊಳಗಿನ ವಿಧವೆಯರ ಪಟ್ಟಿಯನ್ನು ಕೇಳಿದ್ದರು.

ಆದರೂ, ತಾಲಿಬಾನ್ ವಕ್ತಾರ ಸುಹೇಲ್ ಶಾಹೀನ್ ಈ ಆರೋಪಗಳನ್ನು ಆಧಾರರಹಿತ ಮತ್ತು "ವಿಷಪೂರಿತ ಪ್ರಚಾರ" ಎಂದು ತಳ್ಳಿಹಾಕಿದ್ದಾರೆ.


ಆದ್ದರಿಂದ, ತಾಲಿಬಾನ್ ಆಳ್ವಿಕೆಯಲ್ಲಿ ಅಫ್ಘಾನಿಸ್ತಾನದಲ್ಲಿ ಮಹಿಳೆಯರ ಪರಿಸ್ಥಿತಿ ಅತ್ಯಂತ ಶೋಚನೀಯವಾಗಿದ್ದರೂ, ಅಪ್ರಾಪ್ತ ಬಾಲಕಿಯರ ಅಪಹರಣ ಕುರಿತು ಅಲ್ ಜಜೀರಾ ಟ್ವೀಟ್ ಅನ್ನು ಮಾರ್ಫ್‌ ಮಾಡಲಾಗಿದೆ ಎಂಬುದನ್ನು ಕಂಡುಕೊಳ್ಳಲಾಗಿದೆ.


Key Words: 

Published by:Latha CG
First published: