ಪೂರ್ವ ಲಡಾಕ್​ನಲ್ಲಿ ಸೇವೆ ಸಲ್ಲಿಸುವ ಸೈನಿಕರ ಜೀವನ ಸೌಲಭ್ಯ ನವೀಕರಣ; ಸಕಲ ವ್ಯವಸ್ಥೆಯುಳ್ಳ ಟೆಂಟ್ ನಿರ್ಮಾಣ!

ನವದೆಹಲಿ; ನವೆಂಬರ್ ತಿಂಗಳ ನಂತರ ಲಡಾಕ್​ನಲ್ಲಿ ಭಾರೀ ಹಿಮಪಾತವಾಗಲಿದ್ದು, ಅಸಾಧಾರಣ ಚಳಿ ಆರಂಭವಾಗಲಿದೆ. ಈ ಸಮಯದಲ್ಲಿ ಸುಮಾರು 40 ಅಡಿವರೆಗೆ ಹಿಮಪಾತವಾಗಲಿದೆ. ಮೈನಸ್ 30-40 ಡಿಗ್ರಿ ತಾಪಮಾನವಿರುತ್ತದೆ. ಈ ಸಮಯದಲ್ಲಿ ಅಲ್ಲಿನ ರಸ್ತೆಗಳು ಸಹ ಹಿಮದಿಂದ ಮುಚ್ಚಿಹೋಗಿರುತ್ತವೆ. ಇಂತಹ ಕ್ಲಿಷ್ಟ ಸಮಯದಲ್ಲಿ ಈ ಭಾಗದಲ್ಲಿ ಸೇವೆ ಸಲ್ಲಿಸುತ್ತಿರುವ ಯೋಧರ ಜೀವನ ಸೌಲಭ್ಯವನ್ನು ಭಾರತೀಯ ಸೇನೆ ನವೀಕರಿಸಿದೆ.

ಚಳಿಗಾಲದಲ್ಲಿ ನಿಯೋಜಿಸಲಾದ ಸೈನಿಕರ ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸಿಕೊಳ್ಳಲು ಭಾರತೀಯ ಸೇನೆಯು ಈ ವಲಯದಲ್ಲಿ ನಿಯೋಜಿಸಲಾದ ಎಲ್ಲಾ ಸೈನಿಕರಿಗೆ ವಾಸಸ್ಥಾನದ ಸೌಲಭ್ಯಗಳ ನವೀಕರಣ ಕಾರ್ಯ ಪೂರ್ಣಗೊಳಿಸಿದೆ.

ಸಮಗ್ರ ಸೌಲಭ್ಯಗಳನ್ನು ಹೊಂದಿರುವ  ಟೆಂಟ್​ (ಡೇರಿ)ಗಳನ್ನು ಒಂದು ವರ್ಷದಲ್ಲಿ ನಿರ್ಮಿಸಲಾಗಿದೆ. ಇಲ್ಲಿ ಸೈನಿಕರಿಗೆ ವಿಶಾಲ ಸ್ಥಳಾವಕಾಶ, ವಿದ್ಯುತ್, ನೀರು, ಹೀಟಿಂಗ್ ಸೌಲಭ್ಯಗಳು, ಆರೋಗ್ಯ ಮತ್ತು ನೈರ್ಮಲ್ಯ ಇವುಗಳೆಲ್ಲಾ ಸೌಲಭ್ಯ ಹೊಂದಿರುವ ಅತ್ಯುತ್ತಮ ವಾಸಸ್ಥಾನವನ್ನು ನಿರ್ಮಿಸಲಾಗಿದೆ.

#WATCH Eastern Ladakh: In order to ensure operational efficiency of troops deployed in winters, Indian Army has completed establishment of habitat facilities for all troops deployed in the sector. pic.twitter.com/H6Sm5VG541

— ANI (@ANI) November 18, 2020

ಇದನ್ನು ಓದಿ: ರಾಜ್ಯ ಸಚಿವ ಸಂಪುಟದ ವಿಸ್ತರಣೆ ಅಥವಾ ಪುನಾರಚನೆ ಕಸರತ್ತು ಮತ್ತೆ ನನೆಗುದಿಗೆ!

ಮುಂಚೂಣಿಯಲ್ಲಿರುವ ಸೈನಿಕರನ್ನು ತಮ್ಮ ನಿಯೋಜನೆಯ ಯುದ್ಧತಂತ್ರದ ಪರಿಗಣನೆಗಳ ಪ್ರಕಾರ ಬಿಸಿಯಾದ ಗುಡಾರಗಳಲ್ಲಿ ಇರಿಸಲಾಗುತ್ತದೆ.

ಹೆಚ್ಚುವರಿಯಾಗಿ, ಯಾವುದೇ ಅವಶ್ಯಕತೆಗಳನ್ನು ಪೂರೈಸಲು ಸಾಕಷ್ಟು ನಾಗರಿಕ ಮೂಲಸೌಕರ್ಯಗಳನ್ನು ನೂತನ ಟೆಂಟ್​ಗಳಲ್ಲಿ ಕಲ್ಪಿಸಿಕೊಡಲಾಗಿದೆ.