Bharat Jodo Yatra: ರಾಹುಲ್ ಜೊತೆ `ಹೆಜ್ಜೆ ಹಾಕಿದ ಮಾಜಿ ಸೇನಾ ಮುಖ್ಯಸ್ಥ ದೀಪಕ್ ಕಪೂರ್: ಹಗರಣ ನೆನಪಿಸಿದ ಬಿಜೆಪಿ!

ನವದೆಹಲಿ(ಜ.09): ಭಾನುವಾರ ನಡೆದ ರಾಹುಲ್ ಗಾಂಧಿ (Rahul Gandhi) ಅವರ ಭಾರತ್ ಜೋಡೋ ಯಾತ್ರೆಯಲ್ಲಿ (Bharat Jodo Yatra) ಮಾಜಿ ಸೇನಾ ಮುಖ್ಯಸ್ಥ ಜನರಲ್ ದೀಪಕ್ ಕಪೂರ್ ಭಾಗವಹಿಸಿದ್ದರು. ಈ ಪಯಣದಲ್ಲಿ ಜನರಲ್ ದೀಪಕ್ ಕಪೂರ್ ಹೊರತಾಗಿ ಹಲವು ಮಾಜಿ ಸೇನಾಧಿಕಾರಿಗಳೂ ರಾಹುಲ್ ಜೊತೆ ಹೆಜ್ಜೆ ಹಾಕುತ್ತಿರುವುದು ಕಂಡು ಬಂತು. ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರ ಭಾರತ್ ಜೋಡೋ ಯಾತ್ರೆ ಪ್ರಸ್ತುತ ಹರಿಯಾಣದಲ್ಲಿ ಸಾಗುತ್ತಿದೆ. ಭಾರತ್ ಜೋಡೋ ಯಾತ್ರೆಯಲ್ಲಿ ಜನರಲ್ ಕಪೂರ್ ಭಾಗವಹಿಸಿದ್ದಕ್ಕೆ ಬಿಜೆಪಿ ಆಕ್ಷೇಪ ವ್ಯಕ್ತಪಡಿಸಿದೆ.

ಮಹಾರಾಷ್ಟ್ರದ ಆದರ್ಶ್ ಹಗರಣದಲ್ಲಿ ಜನರಲ್ ದೀಪಕ್ ಕಪೂರ್ ಅವರನ್ನು ಆರೋಪಿಯನ್ನಾಗಿ ಮಾಡಲಾಗಿದೆ ಎಂದು ಬಿಜೆಪಿ ನಾಯಕ ಅಮಿತ್ ಮಾಳವಿಯಾ ಹೇಳಿದ್ದಾರೆ. ಆದರೀಗ ಅವರು ರಾಹುಲ್ ಗಾಂಧಿಯವರ ಭಾರತ್ ಜೋಡೋ ಯಾತ್ರೆಯಲ್ಲಿ ಕಾಣಿಸಿಕೊಂಡಿದ್ದಾರೆಂದು ಅವರು ಬರೆದಿದ್ದಾರೆ. ಇನ್ನು ತೀವ್ರ ಚಳಿ ಮತ್ತು ಮಂಜಿನ ನಡುವೆ ಭಾನುವಾರ ಬೆಳಗ್ಗೆ ಕರ್ನಾಲ್‌ನ ನಿಲೋಖೇಡಿ ಪ್ರದೇಶದ ದೊಡ್ವಾದಿಂದ ಭಾರತ್ ಜೋಡೋ ಯಾತ್ರೆ ಪುನರಾರಂಭಗೊಂಡು ನಂತರ ಕುರುಕ್ಷೇತ್ರ ಜಿಲ್ಲೆಗೆ ಪ್ರವೇಶಿಸಿತು. ಕರ್ನಾಲ್ ಹರಿಯಾಣ ಸಿಎಂ ಮನೋಹರ್ ಲಾಲ್ ಖಟ್ಟರ್ ಅವರ ಕ್ಷೇತ್ರವೂ ಆಗಿದೆ. ಯಾತ್ರೆಯಲ್ಲಿ ರಾಹುಲ್ ಗಾಂಧಿ ಮತ್ತೊಮ್ಮೆ ಟೀ ಶರ್ಟ್ ನಲ್ಲಿ ಕಾಣಿಸಿಕೊಂಡರು. ಈ ವೇಳೆ ಸೇನೆಯಿಂದ ನಿವೃತ್ತರಾದ ಹಲವು ಯೋಧರು ರಾಹುಲ್ ಜೊತೆ ಕಾಣಿಸಿಕೊಂಡರು.

ಇದನ್ನೂ ಓದಿ: Bharat Jodo: ಭಾರತ್ ಜೋಡೋ ಯಾತ್ರೆ ಫೋಟೋ ಹಂಚಿಕೊಂಡ ನಟ ರಿತೇಶ್ ದೇಶಮುಖ್: ಕಾರಣ ಏನು?

ಭೇಟಿ ಕುರಿತು ಮಾಹಿತಿ ನೀಡಿದ ಕಾಂಗ್ರೆಸ್, ಮಾಜಿ ಸೇನಾ ಮುಖ್ಯಸ್ಥ ಜನರಲ್ ದೀಪಕ್ ಕಪೂರ್, ನಿವೃತ್ತ ಲೆಫ್ಟಿನೆಂಟ್ ಜನರಲ್ ಆರ್.ಕೆ. ಆಫ್. ಹೂಡಾ, ನಿವೃತ್ತ ಲೆಫ್ಟಿನೆಂಟ್ ಜನರಲ್ ವಿ.ಕೆ. ನರುಲಾ, ನಿವೃತ್ತ ಏರ್ ಮಾರ್ಷಲ್ ಪಿ.ಎಸ್. ಭಂಗೂ, ನಿವೃತ್ತ ಮೇಜರ್ ಜನರಲ್ ಸತ್ಬೀರ್ ಸಿಂಗ್ ಚೌಧರಿ, ನಿವೃತ್ತ ಮೇಜರ್ ಜನರಲ್ ಧರ್ಮೇಂದ್ರ ಸಿಂಗ್, ನಿವೃತ್ತ ಕರ್ನಲ್ ಜಿತೇಂದ್ರ ಗಿಲ್, ನಿವೃತ್ತ ಕರ್ನಲ್ ಪುಷ್ಪೇಂದ್ರ ಸಿಂಗ್, ನಿವೃತ್ತ ಲೆಫ್ಟಿನೆಂಟ್ ಜನರಲ್ ಡಿ.ಡಿ.ಎಸ್. ಸಂಧು, ನಿವೃತ್ತ ಮೇಜರ್ ಜನರಲ್ ಬಿಶಂಬರ್ ದಯಾಳ್ ಮತ್ತು ನಿವೃತ್ತ ಕರ್ನಲ್ ರೋಹಿತ್ ಚೌಧರಿ ಅವರು ರಾಹುಲ್ ಗಾಂಧಿ ಅವರೊಂದಿಗೆ ಭಾರತ್ ಜೋಡೋ ಯಾತ್ರೆಯಲ್ಲಿ ಪಾಲ್ಗೊಂಡರು.

Ex-COAS Gen Deepak Kapoor, Lt Gen RK Hooda, Lt Gen VK Narula, AM PS Bhangu, Maj Gen Satbir Singh Chaudhary, Maj Gen Dharmender Singh, Col Jitender Gill, Col Pushpender Singh, Lt Gen DDS Sandhu, Maj Gen Bishamber Dayal, Col Rohit Chaudhry join @RahulGandhi at the #BharatJodoYatra pic.twitter.com/giKo7DuKd6

— Congress (@INCIndia) January 8, 2023

ಕಾಂಗ್ರೆಸ್ ಕೂಡ ಯಾತ್ರೆಯ ಫೋಟೋಗಳನ್ನು ಬಿಡುಗಡೆ ಮಾಡಿದೆ. ಈ ಚಿತ್ರಗಳಲ್ಲಿ ರಾಹುಲ್ ಗಾಂಧಿ ಮಾಜಿ ಸೇನಾ ಮುಖ್ಯಸ್ಥ ದೀಪಕ್ ಕಪೂರ್ ಜೊತೆ ಕಾಣಿಸಿಕೊಂಡಿದ್ದಾರೆ. ಜನರಲ್ ದೀಪಕ್ ಕಪೂರ್ (ಆರ್) ಅವರು 30 ಸೆಪ್ಟೆಂಬರ್ 2007 ರಂದು ದೇಶದ ಸೇನಾ ಮುಖ್ಯಸ್ಥರಗಿದ್ದರೆಂಬುವುದು ಉಲ್ಲೇಖನೀಯ.

ರಾಹುಲ್ ಗಾಂಧಿ ಜೊತೆಗಿನ ಮಾಜಿ ಸೇನಾ ಮುಖ್ಯಸ್ಥ ದೀಪಕ್ ಕಪೂರ್ ಅವರ ಚಿತ್ರಕ್ಕೆ ಪ್ರತಿಕ್ರಿಯಿಸಿದ ಬಿಜೆಪಿ ನಾಯಕ ಅಮಿತ್ ಮಾಳವಿಯಾ ಆದರ್ಶ ಹಗರಣದ ವಿಷಯವನ್ನು ಪ್ರಸ್ತಾಪಿಸಿದರು. ಅಮಿತ್ ಮಾಳವಿಯಾ ಟ್ವೀಟ್ ಮಾಡಿ, 'ರಾಹುಲ್ ಗಾಂಧಿಯವರ ಭಾರತ್ ಜೋಡೋ ಯಾತ್ರೆಯಲ್ಲಿ ಮಾಜಿ ಸೇನಾ ಮುಖ್ಯಸ್ಥ ಜನರಲ್ ದೀಪಕ್ ಕಪೂರ್ ಸೇರಿದ್ದಾರೆ. ಕಪೂರ್ ಇತರ ಹಿರಿಯ ಸೇನಾಧಿಕಾರಿಗಳೊಂದಿಗೆ ಆದರ್ಶ್ ಹಗರಣದಲ್ಲಿ ಆರೋಪಿಯಾಗಿದ್ದರು. ಸಶಸ್ತ್ರ ಪಡೆಗಳಿಗೆ ಅಪಖ್ಯಾತಿ ತಂದ ಕಾರಣಕ್ಕಾಗಿ ಯಾವುದೇ ಸರ್ಕಾರಿ ಹುದ್ದೆ ಅಥವಾ ಕಚೇರಿಯನ್ನು ನಿರ್ವಹಿಸಂತೆ ಅವರನ್ನು ಅಮಾನತು ಮಾಡಬಹುದು ಎಂದು ವಿಚಾರಣಾ ಸಮಿತಿ ಅಭಿಪ್ರಾಯಪಟ್ಟಿದೆ ಎಂದು ಬರೆದಿದ್ದಾರೆ.

Ex-Army Chief Gen Deepak Kapoor joined Rahul Gandhi’s Bharat Jodo Yatra. Kapoor was indicted in the Adarsh scam along with other senior Army officers. The inquiry committee had opined that they may be debarred from holding any Govt position or office for shaming the Armed Forces. pic.twitter.com/mxJ88aN7qF

— Amit Malviya (@amitmalviya) January 8, 2023

2011 ರಲ್ಲಿ ಆದರ್ಶ್ ಹಗರಣವು ಮುನ್ನೆಲೆಗೆ ಬಂದಿತ್ತು ಎಂಬುವುದು ಉಲ್ಲೇಖನೀಯ. ಈ ಹಗರಣದಲ್ಲಿ, ಖಾಸಗಿ ಹೌಸಿಂಗ್ ಸೊಸೈಟಿಯು ಕೊಲಾಬಾದಲ್ಲಿನ ಪ್ಲಾಟ್‌ನಲ್ಲಿ 31 ಅಂತಸ್ತಿನ ಸಂಕೀರ್ಣವನ್ನು ನಿರ್ಮಿಸಲು ಎನ್‌ಒಸಿ ಪಡೆದುಕೊಂಡಿದೆ. ಕಾರ್ಗಿಲ್ ಯುದ್ಧದ ವೀರರು ಮತ್ತು ಅವರ ಕುಟುಂಬಗಳು ಈ ಮನೆಗಳನ್ನು ಪಡೆಯಬೇಕಿತ್ತು. ಆದರೆ ಈ ಕಾಂಪ್ಲೆಕ್ಸ್ ನಲ್ಲಿ ಅವರಿಗೆ ಮನೆ ಸಿಕ್ಕಿಲ್ಲ. ಈ ಹಗರಣದಲ್ಲಿ ತಮ್ಮ ಹೆಸರು ಬಂದಿದ್ದರಿಂದ ಮಹಾರಾಷ್ಟ್ರದ ಅಂದಿನ ಮುಖ್ಯಮಂತ್ರಿ ಅಶೋಕ್ ಚವಾಣ್ ಅವರು ತಮ್ಮ ಕುರ್ಚಿಯನ್ನು ಕಳೆದುಕೊಂಡಿದ್ದರು.

ಇದನ್ನೂ ಓದಿ: Bharat Jodo Yatra: ಚುಮುಗುಡುವ ಚಳಿಗೂ ಡೋಂಟ್​ಕೇರ್; ಭಾರತ್ ಜೋಡೋ ಯಾತ್ರೆಯಲ್ಲಿ ಶರ್ಟ್​ ಧರಿಸದೇ ರಾಗ ಬೆಂಬಲಿಗರ ಡ್ಯಾನ್ಸ್!

ರಾಹುಲ್ ಗಾಂಧಿ ಅವರ ಭಾರತ್ ಜೋಡೋ ಯಾತ್ರೆಯು ಹರಿಯಾಣದಲ್ಲಿ ಡಿಸೆಂಬರ್ 21 ರಿಂದ 23 ರವರೆಗೆ ಮೊದಲ ಹಂತದಲ್ಲಿ 130 ಕಿಲೋಮೀಟರ್ ದೂರವನ್ನು ಕ್ರಮಿಸಿದೆ. ಈ ಯಾತ್ರೆ ಗುರುವಾರ ಸಂಜೆ ಉತ್ತರ ಪ್ರದೇಶದಿಂದ ಹರಿಯಾಣದ ಪಾಣಿಪತ್‌ಗೆ ಮತ್ತೆ ಪ್ರವೇಶಿಸಿತ್ತು. ಭಾರತ್ ಜೋಡೋ ಯಾತ್ರೆಯು ಸೆಪ್ಟೆಂಬರ್ 7 ರಂದು ಕನ್ಯಾಕುಮಾರಿಯಿಂದ ಪ್ರಾರಂಭವಾಯಿತು ಮತ್ತು ಜನವರಿ 30 ರಂದು ಶ್ರೀನಗರದಲ್ಲಿ ರಾಹುಲ್ ಗಾಂಧಿ ರಾಷ್ಟ್ರಧ್ವಜವನ್ನು ಹಾರಿಸುವುದರೊಂದಿಗೆ ಕೊನೆಗೊಳ್ಳಲಿದೆ.