HOME » NEWS » National-international » EPFO KEEPS INTEREST RATE UNCHANGED SESR

EPFO: ಇಪಿಎಫ್​ಒ ಬಡ್ಡಿದರದಲ್ಲಿ ಯಾವುದೇ ಬದಲಾವಣೆ ಇಲ್ಲ; ಶೇ. 8.5ರಷ್ಟು ಮುಂದುವರಿಕೆ

ಭವಿಷ್ಯನಿಧಿ ಠೇವಣಿಗಳ ಮೇಲಿನ ಬಡ್ಡಿಯನ್ನು ಯಥಾವತ್ತಾಗಿ ಕಾಯ್ದುಕೊಳ್ಳುವ ಮೂಲಕ ಠೇವಣಿದಾರರಿಗೆ ನೆಮ್ಮದಿ ನಿಟ್ಟುಸಿರುವ ಬಿಡುವಂತೆ ಆಗಿದೆ.

news18-kannada
Updated:March 4, 2021, 4:52 PM IST
EPFO: ಇಪಿಎಫ್​ಒ ಬಡ್ಡಿದರದಲ್ಲಿ ಯಾವುದೇ ಬದಲಾವಣೆ ಇಲ್ಲ; ಶೇ. 8.5ರಷ್ಟು ಮುಂದುವರಿಕೆ
File photo
  • Share this:
ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್​ಒ) ಈ ಹಿಂದಿನ ಬಡ್ಡಿದರವನ್ನೇ ಮುಂದುವರೆಸಿದ್ದು. ಶೇ. 8.5ರಷ್ಟು ಬಡ್ಡಿಯನ್ನು ಕಾಯ್ದಿಕೊಂಡಿದೆ. ಈ ಮೂಲಕ ಠೇವಣಿದಾರರಿಗೆ ಸಂತಸದ ಸುದ್ದಿ ನೀಡಿದೆ. ಇಂದು ನಡೆದ ಸಭೆಯಲ್ಲಿ ಕೇಂದ್ರೀಯ ಟ್ರಸ್ಟಿಗಳ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಕಳೆದ ವರ್ಷ ಕೊರೋನಾ ವೈರಸ್​ ಹಿನ್ನಲೆ ಸಾಕಷ್ಟು ಜನರು ತಮ್ಮ ಇಪಿಎಫ್​ಒ ಹಣವನ್ನು ಹಿಂಪಡೆದಿದ್ದರು. ಇದರಿಂದ ಹಣದ ಹರಿವು ಕಡಿಮೆಯಾಗಿತ್ತು. ಈ ಹಿನ್ನಲೆ  ಈ ಬಾರಿ ಇದರ ಮೇಲಿನ ಬಡ್ಡಿದರವನ್ನು ಕಡಿತ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿತ್ತು. ಆದರೆ, ಭವಿಷ್ಯನಿಧಿ ಠೇವಣಿಗಳ ಮೇಲಿನ ಬಡ್ಡಿಯನ್ನು ಯಥಾವತ್ತಾಗಿ ಕಾಯ್ದುಕೊಳ್ಳುವ ಮೂಲಕ ಠೇವಣಿದಾರರಿಗೆ ನೆಮ್ಮದಿ ನಿಟ್ಟುಸಿರುವ ಬಿಡುವಂತೆ ಆಗಿದೆ.

ಕೋವಿಡ್​​ನಿಂದಾಗಿ ಇಡೀ ದೇಶವೇ ಲಾಕ್​ಡೌನ್​ ಆದಾಗ ಜನರು ಆರ್ಥಿಕ ಸಂಕಷ್ಟಕ್ಕೆ ಗುರಿಯಾಗಿದ್ದರು. ಈ ವೇಳೆ ಅವರಿಗೆ ತಮ್ಮ ಭವಿಷ್ಯ ನಿಧಿಯ ಮೂರು ತಿಂಗಳ ವೇತನದ ಮುಗಂಡ ಹಣ ಪಡೆಯಲು ಅವಕಾಶ ನೀಡಲಾಗಿತ್ತು, ಅಲ್ಲದೇ, ಈ ಸಂದರ್ಭದಲ್ಲಿ ನಿವೃತ್ತ ನಿಧಿಯಲ್ಲಿ 56.70 ಲಕ್ಷವನ್ನು ಇಪಿಎಫ್​ ಮರುಪಾವತಿ ಮಾಡಿತ್ತು. ಜೊತೆಗೆ ಮರುಪಾವತಿಸಲಾಗದ ಮುಂಗಡ ಹಣದಲ್ಲಿ 14.310 ಕೋಟಿ ಹಣವನ್ನು ಡಿಸೆಂಬರ್​ವರೆಗೆ ಇತ್ಯರ್ಥ ಮಾಡಲಾಗಿದೆ.

ಕಳೆದ ವರ್ಷ ಮಾರ್ಚ್​ನಲ್ಲಿ ಇಪಿಎಫ್​ಒ ಭವಿಷ್ಯ ನಿಧಿ ಮೇಲಿನ ಠೇವಣಿ ಬಡ್ಡಿದರವನ್ನು ಕನಿಷ್ಟ 8.5ಕ್ಕೆ ಇಳಿಸಿತ್ತು. ಇನ್ನು 2018-19ರಲ್ಲಿ ಶೇ. 8.65ಕ್ಕೆ ಇಳಿಸಲಾಗಿತ್ತು. 2016-17ರಲ್ಲಿ ಶೇ. 8.65ರಷ್ಟು ಬಡ್ಡಿದರ ನೀಡಿದ್ದು, 2017-18ರಲ್ಲಿ ಶೇ. 8.55ರಷ್ಟು ಬಡ್ಡಿದರ ನೀಡಿತು.
Published by: Seema R
First published: March 4, 2021, 4:52 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories