ಭದ್ರತಾ ಸಿಬ್ಬಂದಿ-ಉಗ್ರರ ನಡುವೆ ಗುಂಡಿನ ಚಕಮಕಿ; ಸ್ಥಳದಿಂದ ಕಾಲ್ಕಿತ್ತ ಭಯೋತ್ಪಾದಕರು

ಜಮ್ಮು(ಜೂ.11): ಜಮ್ಮು -ಕಾಶ್ಮೀರದ ಬುದ್ಗಾಮ್​ ಜಿಲ್ಲೆಯ ಪಥಾನ್ಪೋರ ಹಳ್ಳಿಯಲ್ಲಿ ಭದ್ರತಾ ಸಿಬ್ಬಂದಿ ಮತ್ತು ಉಗ್ರರ ನಡುವೆ ಇಂದು ಮುಂಜಾನೆ 2 ಗಂಟೆ ಸಮಯದಲ್ಲಿ ಎನ್​ಕೌಂಟರ್​​ ನಡೆದಿದೆ.

ಸ್ವೀಕೃತ ಮಾಹಿತಿ ಪ್ರಕಾರ, ಗುಂಡಿನ ದಾಳಿಯಲ್ಲಿ ಇಬ್ಬರು ಉಗ್ರರು ಕಾಲ್ಕಿತ್ತಿದ್ದಾರೆ  ಎಂದು ತಿಳಿದು ಬಂದಿದೆ. ರಹಸ್ಯ ಸ್ಥಳದಲ್ಲಿ ಉಗ್ರರು ಅಡಗಿ ಕುಳಿತಿದ್ದಾರೆ ಎಂಬ ಖಚಿತ ಮಾಹಿತಿ ಮೇರೆಗೆ ಭದ್ರತಾ ಸಿಬ್ಬಂದಿ ಶೋಧ ಕಾರ್ಯಾಚರಣೆ ಕೈಗೊಂಡಿದ್ದರು.

IPL 2020: ಐಪಿಎಲ್ ಆರಂಭ ಕುರಿತು ಮಹತ್ವದ ಮಾಹಿತಿ ತಿಳಿಸಿದ ಸೌರವ್ ಗಂಗೂಲಿ

ಈ ವೇಳೆ ಭಾರತೀಯ ಸೇನೆ ಉಗ್ರರ ಕಡೆ ಗುಂಡು ಹಾರಿಸಿದೆ. ಆಗ ಭಯೋತ್ಪಾದಕರು ಶಸ್ತ್ರಾಸ್ತ್ರಗಳನ್ನು ಬಿಟ್ಟು ಪರಾರಿಯಾಗಿದ್ದಾರೆ. ಎನ್​ಕೌಂಟರ್​ ನಡೆದ ಸ್ಥಳದಲ್ಲಿ ಉಗ್ರರು ಬಿಟ್ಟು ಹೋಗಿದ್ದ ಪಿಸ್ತೂಲ್​, ಎಕೆ ರೈಫಲ್ಸ್​, ಮದ್ದು-ಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಭಾನುವಾರದಿಂದ ಈವರೆಗೆ ಕಾಶ್ಮೀರದಲ್ಲಿ ನಡೆದ ನಾಲ್ಕನೇ ಎನ್​ಕೌಂಟರ್ ಇದಾಗಿದೆ. ಈ ಹಿಂದಿನ ಮೂರು ಎನ್​​ಕೌಂಟರ್​​ಗಳು ದಕ್ಷಿಣ ಕಾಶ್ಮೀರದ ಶೋಫಿಯಾನ್​ ಜಿಲ್ಲೆಯಲ್ಲಿ ನಡೆದಿವೆ. ಈ ಎನ್​​ಕೌಂಟರ್​​ಗಳಲ್ಲಿ ಒಟ್ಟು 14 ಉಗ್ರರನ್ನು ಭದ್ರತಾ ಸಿಬ್ಬಂದಿ ಹತ್ಯೆ ಮಾಡಿದ್ದಾರೆ.