ಇಪಿಎಫ್​ ಮೇಲಿನ ಬಡ್ಡಿದರದಲ್ಲಿ ಶೇಕಡಾ 0.15ರಷ್ಟು ಖೋತಾ

ನವದೆಹಲಿ(ಮಾ.05): ಕೇಂದ್ರ ಸರ್ಕಾರವು 2019-20ನೇ ಸಾಲಿನ ಹಣಕಾಸು ವರ್ಷದಲ್ಲಿ ನೌಕರರ ಭವಿಷ್ಯ ನಿಧಿಯ ಠೇವಣಿಗೆ ನೀಡಲಾಗುವ ಬಡ್ಡಿ ದರವನ್ನು ಶೇ. 0.15ರಷ್ಟು ಕಡಿತಗೊಳಿಸಲು ನಿರ್ಧರಿಸಿದೆ.  ಅಂದರೆ ಶೇ.8.65 ರಷ್ಟಿದ್ದ ಬಡ್ಡಿ ದರವನ್ನು ಶೇ. 8.50ಕ್ಕೆ ಇಳಿಸಲಾಗಿದೆ ಎಂದು ಕೇಂದ್ರ ಕಾರ್ಮಿಕ ಸಚಿವ ಸಂತೋಷ್​​ ಗಂಗ್ವಾರ್​ ಇಂದು ಲೋಕಸಭೆಯಲ್ಲಿ ಹೇಳಿದ್ದಾರೆ.

ಹೊಸ ಬೆಳವಣಿಗೆಗಳೊಂದಿಗೆ ಇನ್ಮುಂದೆ ಸಂಬಳ ಪಡೆಯುವ ನೌಕರರು ತಮ್ಮ ಇಪಿಎಫ್​ ಮೇಲಿನ ಬಡ್ಡಿದರವನ್ನು ಶೇ. 0.15ರಷ್ಟು ಕಡಿಮೆ ಪಡೆಯುತ್ತಾರೆ ಎನ್ನಲಾಗಿದೆ. ಕಳೆದ ಹಣಕಾಸು ವರ್ಷದಲ್ಲಿ ಶೇಕಡಾ 8.65ರಷ್ಟು ಇದ್ದ ಪಿಎಫ್​ ಮೇಲಿನ ಬಡ್ಡಿದರಗಳನ್ನು ಕಡಿತಗೊಳಿಸುವಂತೆ ಕಾರ್ಮಿಕ ಸಚಿವಾಲಯ ಶಿಫಾರಸು ಮಾಡಿತ್ತು. ಆದಾಗ್ಯೂ ಬಡ್ಡಿದರಗಳನ್ನು ಕಡಿಮೆ ಮಾಡದೇ ಮುಂದುವರೆಸಬಹುದು ಎಂಬ ಚರ್ಚೆ ಕೂಡ ನಡೆದಿತ್ತು. ಆದರೆ ಈಗ ಕೇಂದ್ರ ಇಪಿಎಫ್​ ಬಡ್ಡಿ ದರ ಕಡಿತಗೊಳಿಸಿ ನೌಕರರಿಗೆ ಶಾಕ್​ ನೀಡಿದೆ. ದೇಶಾದ್ಯಂತ ಸುಮಾರು 6 ಕೋಟಿ ಜನರು ಪಿಎಫ್ ಖಾತೆ ಹೊಂದಿದ್ದಾರೆ.

ಮಾರ್ಚ್ 20ರ ಬೆಳಗ್ಗೆ 5.30ಕ್ಕೆ ನಿರ್ಭಯಾ ಅತ್ಯಾಚಾರಿಗಳನ್ನು ಗಲ್ಲಿಗೇರಿಸಲು ದೆಹಲಿ ನ್ಯಾಯಾಲಯ ಮತ್ತೊಮ್ಮೆ ಆದೇಶ

 

Karnataka Budget Updates: ರೈತರ ಪ್ರಗತಿ ಎಂದರೆ ಇದೇನಾ, ಹಸಿರು ಶಾಲು ಹಾಕ್ಕೊಂಡ್ರೆ ರೈತರು ಉದ್ದಾರ ಆಗ್ತಾರ?; ಬಿಎಸ್​ವೈ ವಿರುದ್ಧ ಕಿಡಿಕಾರಿದ ಸಿದ್ದರಾಮಯ್ಯ