Elon Musk: ಎಲೋನ್ ಮಸ್ಕ್ ಈಗ 9 ಮಕ್ಕಳ ತಂದೆ! ಆಫೀಸ್ ಎಕ್ಸಿಕ್ಯೂಟಿವ್ ಜೊತೆ ಅವಳಿ ಮಕ್ಕಳು

ಟೆಸ್ಲಾ (Tesla) ಓನರ್ ತಮ್ಮ ಶ್ರೀಮಂತಿಕೆ, ಬ್ಯುಸಿನೆಸ್, ಟ್ವೀಟ್​ಗಳಿಗೆ ಮಾತ್ರ ಫೇಮಸ್ ಅಲ್ಲ. ಬದಲಾಗಿ ಎಲೋನ್ ಮಸ್ಕ್ (Elon Musk) ಅವರ ಪರ್ಸನಲ್ ಲೈಫ್  (Personal Life) ಕೂಡಾ ಸಖತ್ ಫೇಮಸ್. ಉದ್ಯಮ ಲೋಕದಲ್ಲಿ ಗುರುತಿಸಿಕೊಂಡಿರುವ ಎಲೋನ್ ಮಸ್ಕ್ ಫನ್ನಿ ಹಾಗೂ ಟೀಕೆಗೆ ಆಹ್ವಾನ ನೀಡುವ ಬಹಳಷ್ಟು ಟ್ವೀಟ್​ಗಳನ್ನು (Tweets) ಮಾಡುತ್ತಲೇ ಇರುತ್ತಾರೆ. ಹಾಗೆಯೇ ಮಸ್ಕ್ ತಮ್ಮ ಶ್ರೀಮಂತಿಕೆಯಿಂದ (Richness) ವಿಶ್ವದಾದ್ಯಂತ ಭಾರೀ ಫೇಮಸ್ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಅವರ ಪರ್ಸನಲ್ ಲೈಫ್​ನಲ್ಲಿ ಕೂಡಾ ಬಹಳಷ್ಟು ಎರಿಳಿತಗಳಿವೆ. ಪತ್ನಿ, ಗರ್ಲ್​ಫ್ರೆಂಡ್, ಮಕ್ಕಳು ಹೀಗೆ ಹಲವು ಬಾರಿ ಈ ವಿಚಾರಗಳಿಗೆ ಸಂಬಂಧಿಸಿ ಅವರು ಸುದ್ದಿಯಾಗುತ್ತಲೇ ಇರುತ್ತಾರೆ. ಇದೀಗ ಅವರು ಸುದ್ದಿಯಾಗಿರುವುದಕ್ಕೆ ಕಾರಣ ಅವರ ಮಕ್ಕಳು. ಎಲೋನ್ ಮಸ್ಕ್ ಅವರು 9 ಮಕ್ಕಳ  (Children) ತಂದೆ. ಇದರಲ್ಲಿ ಇಬ್ಬರು ಮಕ್ಕಳು ಅವರ್ ಆಫೀಸ್ ಎಕ್ಸಿಕ್ಯೂಟಿವ್ (Executive) ಅವರಿಗೆ ಹುಟ್ಟಿದ ಅವಳಿ ಮಕ್ಕಳು (Twin) ಎಂದರೆ ಅಚ್ಚರಿಯಾಗುತ್ತಾ?

ಉನ್ನತ ಕಾರ್ಯನಿರ್ವಾಹಲಕಿ ಶಿವೋನ್ ಜಿಲಿಸ್ ಜೊತೆ ಅವಳಿ ಮಕ್ಕಳು

ಟೆಸ್ಲಾ ಮುಖ್ಯಸ್ಥ ಎಲೋನ್ ಮಸ್ಕ್ ಈಗ ಒಂಬತ್ತು ಮಕ್ಕಳ ತಂದೆ, ಏಕೆಂದರೆ ಬಿಸಿನೆಸ್ ಇನ್‌ಸೈಡರ್ ವರದಿಯು ನವೆಂಬರ್ 2021 ರಲ್ಲಿ ಎಲೋನ್ ಮಸ್ಕ್‌ನ ನ್ಯೂರಾಲಿಂಕ್‌ನ ಬ್ರೈನ್-ಚಿಪ್ ಸ್ಟಾರ್ಟ್‌ಅಪ್‌ನ ಉನ್ನತ ಕಾರ್ಯನಿರ್ವಾಹಲಕಿ ಶಿವೋನ್ ಜಿಲಿಸ್ ಅವ ಜೊತೆಗಿನ ಸಂಬಂಧದಲ್ಲಿ ಅವಳಿ ಮಕ್ಕಳನ್ನು ಹೊಂದಿದ್ದಾರೆ ಎಂದು ಹೇಳಲಾಗಿದೆ.

ಹೆಸರು ಬದಲಾಯಿಸಲು ಅರ್ಜಿ ಸಲ್ಲಿಸಿದ್ದ ಎಲೋನ್ ಮಸ್ಕ್

ವರದಿಯ ಪ್ರಕಾರ, ಎಲೋನ್ ಮತ್ತು ಜಿಲಿಸ್ ಅವರ ಅವಳಿ ಮಕ್ಕಳ ಹೆಸರಿನ ಸಂಬಂಧ ಅರ್ಜಿ ಸಲ್ಲಿಸಿದ್ದರು. ಮಕ್ಕಳ ಹೆಸರಲ್ಲಿ "ತಮ್ಮ ತಂದೆಯ ಕೊನೆಯ ಹೆಸರನ್ನು ಹೊಂದಲು" ಮತ್ತು ಅವರ ಮಧ್ಯದ ಹೆಸರಿನ ಭಾಗವಾಗಿ ಅವರ ತಾಯಿಯ ಕೊನೆಯ ಹೆಸರನ್ನು ಹೊಂದಲು ಏಪ್ರಿಲ್‌ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ ಎನ್ನುವ ಸುದ್ದಿ ಹೊರಬಿದ್ದಿದೆ. ಈ ಅರ್ಜಿಯಿಂದಲೇ ಅವಳಿ ಮಕ್ಕಳ ಸುದ್ದಿ ಹಬ್ಬಿದೆ. ಅರ್ಜಿಯನ್ನು ಮೇ ತಿಂಗಳಲ್ಲಿ ಅಂಗೀಕರಿಸಲಾಗಿದೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ: Elon Musk: ಎಲಾನ್ ಮಸ್ಕ್ ಮಗ ಹುಡುಗಿಯಾಗಿ ಬದಲಾಗಿದ್ದೇಕೆ?

ವೆಸ್ಟ್‌ಲಾ ಕಾನೂನು ಸಂಶೋಧನಾ ಸೇವೆಯ ನ್ಯಾಯಾಲಯದ ಸಾರಾಂಶವು ಈ ವರ್ಷದ ಏಪ್ರಿಲ್ 25 ರಂದು ಮಸ್ಕ್ ಮತ್ತು ಜಿಲಿಸ್ ಅವರ ಹೆಸರು ಬದಲಾವಣೆಯ ಅರ್ಜಿಯ ನಂತರ ಮೇ 11 ರಂದು ಮಕ್ಕಳ ಹೆಸರನ್ನು ಬದಲಾಯಿಸುವ ಆದೇಶಕ್ಕೆ ನ್ಯಾಯಾಧೀಶರು ಸಹಿ ಹಾಕಿದ್ದಾರೆ ಎಂದು ವರದಿಯಾಗಿದೆ

ಶಿವೋನ್ ಜಿಲಿಸ್ ಯಾರು?

ಶಿವೋನ್ ಜಿಲಿಸ್ ನ್ಯೂರಾಲಿಂಕ್‌ನಲ್ಲಿ ಕಾರ್ಯಾಚರಣೆಗಳು ಮತ್ತು ವಿಶೇಷ ಯೋಜನೆಗಳ ನಿರ್ದೇಶಕರಾಗಿದ್ದಾರೆ. ಇದಕ್ಕೆ ಎಲೋನ್ ಮಸ್ಕ್ ಅವರ ಸಹ-ಸ್ಥಾಪಕ ಮತ್ತು ಅಧ್ಯಕ್ಷರಾಗಿದ್ದಾರೆ. ಅವರು ಮೇ 2017 ರಿಂದ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅದೇ ತಿಂಗಳು ಅವರು ಟೆಸ್ಲಾದಲ್ಲಿ ಕೃತಕ ಬುದ್ಧಿಮತ್ತೆಯಲ್ಲಿ ಯೋಜನಾ ನಿರ್ದೇಶಕರಾಗಿ ನಿಯೋಜಿಸಲ್ಪಟ್ಟರು.

ಇದನ್ನೂ ಓದಿ: Garlic As Down Payment: ಹಣ ಅಲ್ಲ, ಬೆಳ್ಳುಳ್ಳಿ, ಕಲ್ಲಂಗಡಿ ಕೊಟ್ಟು ಮನೆ ಖರೀದಿಸ್ತಿದ್ದಾರೆ ಚೀನಾ ಜನ!

ಅಲ್ಲಿ ಅವರು 2019 ರವರೆಗೆ ಕೆಲಸ ಮಾಡಿದರು. ಅವರು ಸಹ-ಸ್ಥಾಪಿತವಾದ ಕೃತಕ ಬುದ್ಧಿಮತ್ತೆ ಸಂಶೋಧನಾ ಸಂಸ್ಥೆ OpenAI ನಲ್ಲಿ ಮಂಡಳಿಯ ಸದಸ್ಯರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ. ಜಿಲಿಸ್ ಕೆನಡಾದಲ್ಲಿ ಜನಿಸಿದರು. IBM ನಲ್ಲಿ ಮತ್ತು ನಂತರ ಬ್ಲೂಮ್‌ಬರ್ಗ್ ಬೀಟಾದಲ್ಲಿ ಕೆಲಸ ಮಾಡುವ ಮೊದಲು ಯೇಲ್‌ನಲ್ಲಿ ಅರ್ಥಶಾಸ್ತ್ರ ಮತ್ತು ತತ್ವಶಾಸ್ತ್ರವನ್ನು ಅಧ್ಯಯನ ಮಾಡಿದರು. ಅವರು ಫೋರ್ಬ್ಸ್‌ನ 30 ಅಂಡರ್ 30 ಮತ್ತು ಲಿಂಕ್ಡ್‌ಇನ್‌ನ 35 ಅಂಡರ್ 35 ನಲ್ಲಿ ಲಿಸ್ಟ್ ಆಗಿರುವ ಮಹಿಳೆ.