HOME » NEWS » National-international » EC PROPOSAL OF PROVIDING POSTAL BALLOT FACILITY TO NRIS GETS GREEN SIGNAL FROM MEA SNVS

NRI Voting - ಎನ್ಆರ್​ಐಗಳಿಗೂ ಮತದಾನದ ಅವಕಾಶ: ವಿದೇಶಾಂಗ ಇಲಾಖೆ ಒಪ್ಪಿಗೆ

ವಿದೇಶಗಳಲ್ಲಿ ಕೆಲಸದ ನಿಮಿತ್ತ ಹೋಗಿ ನೆಲಸಿರುವ ಅನಿವಾಸಿ ಭಾರತೀಯ ಸಮುದಾಯಕ್ಕೆ ಭಾರತದ ಚುನಾವಣೆಗಳಲ್ಲಿ ತಮ್ಮ ಕ್ಷೇತ್ರದಲ್ಲಿ ಮತ ಚಲಾಯಿಸುವ ಹಕ್ಕು ಸದ್ಯದಲ್ಲೇ ಸಿಗುವ ಸಾಧ್ಯತೆ ಇದೆ. ಚುನಾವಣಾ ಆಯೋಗದ ಪ್ರಸ್ತಾಪಕ್ಕೆ ವಿದೇಶಾಂಗ ಇಲಾಖೆ ಒಪ್ಪಿಗೆ ಸೂಚಿಸಿದೆ.

news18
Updated:January 5, 2021, 12:57 PM IST
NRI Voting - ಎನ್ಆರ್​ಐಗಳಿಗೂ ಮತದಾನದ ಅವಕಾಶ: ವಿದೇಶಾಂಗ ಇಲಾಖೆ ಒಪ್ಪಿಗೆ
ಚುನಾವಣಾ ಆಯೋಗ
  • News18
  • Last Updated: January 5, 2021, 12:57 PM IST
  • Share this:
ನವದೆಹಲಿ(ಜ. 05): ಭಾರತೀಯ ಚುನಾವಣೆಗಳಲ್ಲಿ ಪಾಲ್ಗೊಳ್ಳಲು ದೂರದ ದೇಶಗಳಲ್ಲಿರುವ ಅನಿವಾಸಿ ಭಾರತೀಯರಿಗೆ ಅವಕಾಶ ಮಾಡಿಕೊಡಬೇಕೆನ್ನುವ ಚುನಾವಣಾ ಆಯೋಗದ ಪ್ರಸ್ತಾಪಕ್ಕೆ ಕೇಂದ್ರ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಇಂದು ಸಮ್ಮತಿ ಸೂಚಿಸಿದೆ. ಇದೇ ವೇಳೆ, ಈ ಸೌಲಭ್ಯವನ್ನು ಜಾರಿಗೆ ತರುವ ಮುನ್ನ ಸಂಬಂಧಿಸಿದವರ ಜೊತೆ ಸಮಾಲೋಚನೆ ನಡೆಸಬೇಕೆಂದೂ ಆಯೋಗಕ್ಕೆ ಸಲಹೆ ನೀಡಿದೆ. ಪೋಸ್ಟಲ್ ಬ್ಯಾಲಟ್ ಮೂಲಕ ಎನ್​ಆರ್​ಐಗಳು ಮತಚಲಾಯಿಸಲು ಅನುವು ಮಾಡಿಕೊಡುವಂತೆ 1961ರ ಚುನಾವಣಾ ಆಯೋಜನೆಯ ನಿಯಮಾವಳಿಗೆ ತಿದ್ದುಪಡಿ ತರಲು ಚುನಾವಣಾ ಆಯೋಗ ನವೆಂಬರ್ 27ರಂದು ಕೇಂದ್ರ ಕಾನೂನು ಇಲಾಖೆ ಕಾರ್ಯದರ್ಶ ಅವರಿಗೆ ಮನವಿ ಮಾಡಿ ಪತ್ರ ಬರೆದಿತ್ತು. ಮುಂಬರುವ ಅಸ್ಸಾಮ್, ಪಶ್ಚಿಮ ಬಂಗಾಳ, ತಮಿಳುನಾಡು ಮತ್ತು ಪುದುಚೇರಿ ವಿಧಾನಸಭಾ ಚುನಾವಣೆಗಳಲ್ಲೇ ಇ-ಮತದಾನಕ್ಕೆ ಏರ್ಪಾಡು ಮಾಡಲು ಸಾಧ್ಯ, ಹಾಗು ತಾನು ಸಿದ್ಧ ಎಂದು ಆಯೋಗ ಹೇಳಿದೆ.

ಚುನಾವಣೆಯ ವೇಳೆ ಬೇರೆ ಬೇರೆ ಕಾರಣಕ್ಕೆ ಭಾರತಕ್ಕೆ ಬಂದು ಮತಚಲಾಯಿಸಲು ಸಾಧ್ಯವಾಗುತ್ತಿಲ್ಲ. ತಮಗೆ ಅಂಚೆ ಮತಕ್ಕೆ ಅವಕಾಶ ಮಾಡಿಕೊಡಬೇಕು ಎಂದು ಅನಿವಾಸಿ ಭಾರತೀಯ ಸಮುದಾಯದ ಹಲವರಿಂದ ತಮಗೆ ಮನವಿ ಬರುತ್ತಿದೆ ಎಂದು ಚುನಾವಣಾ ಆಯೋಗ ತನ್ನ ಪತ್ರದಲ್ಲಿ ಪ್ರಸ್ತಾಪಿಸಿದೆ.

ಇದನ್ನೂ ಓದಿ: Bird Flu: ಕೇರಳಕ್ಕೂ ಕಾಲಿಟ್ಟ ಹಕ್ಕಿ ಜ್ವರ; 2 ಜಿಲ್ಲೆಗಳಲ್ಲಿ 12 ಸಾವಿರಕ್ಕೂ ಹೆಚ್ಚು ಬಾತುಕೋಳಿಗಳು ಸಾವು

ಮತದಾನದ ವ್ಯವಸ್ಥೆ ಹೇಗೆ?

ಟೈಮ್ಸ್ ಆಫ್ ಇಂಡಿಯಾ ವರದಿ ಪ್ರಕಾರ ಇ-ಮತದಾನಕ್ಕೆ ಫಾರ್ಮ್-16 ಬಳಕೆಯಾಗಲಿದೆ. ಚುನಾವಣೆಯ ನೋಟಿಫಿಕೇಶನ್ ಬಂದು ಕನಿಷ್ಠ ಐದು ದಿನದ ನಂತರ ಫಾರ್ಮ್-16 ಅರ್ಜಿ ನಮೂನೆ ಭರ್ತಿ ಮಾಡಿ ಎನ್​ಆರ್​ಐಗಳು ರಿಟರ್ನಿಂಗ್ ಆಫಿಸರ್​ಗೆ ಆನ್​ಲೈನ್ ಮೂಲಕ ಕಳುಹಿಸಬೇಕು. ನಂತರ ಮತಮತ್ರವನ್ನ ಭರ್ತಿ ಮಾಡಿ ಚುನಾವಣಾ ಅಧಿಕಾರಿಯಿಂದ ಪ್ರಮಾಣಿತಗೊಂಡು ತಮ್ಮ ಕ್ಷೇತ್ರದ ರಿಟರ್ನಿಂಗ್ ಆಫೀಸರ್​ಗೆ ಪೋಸ್ಟ್ ಮೂಲಕ ಕಳುಹಿಸಬೇಕು. ಮತ ಎಣಿಕೆಯ ದಿನದಂದು ಬೆಳಗ್ಗೆ 8 ಗಂಟೆ ಒಳಗೆ ಇದು ತಲುಪುವಂತೆ ನೋಡಿಕೊಳ್ಳಬೇಕು ಎನ್ನಲಾಗಿದೆ.

ಕೊರೋನಾ ಹಿನ್ನೆಲೆಯಲ್ಲಿ ಇ-ಅಂಚೆ ಮತದಾನದ (ETPBS) ಸೌಲಭ್ಯ ಭಾರತದಲ್ಲಿ ಹಲವರಿಗೆ ನೀಡಲಾಗಿದೆ. ಸೇನಾಪಡೆ, ಅರೆ ಸೇನಾಪಡೆ ಸಿಬ್ಬಂದಿ ಹಾಗೂ ವಿದೇಶಗಳಲ್ಲಿರುವ ಭಾರತೀಯ ಸರ್ಕಾರಿ ನೌಕರರು ಇ-ಮತದಾನದ ಅವಕಾಶ ಹೊಂದಿದ್ಧಾರೆ. ಈಗ ಮುಂದೆ ಅನಿವಾಸಿ ಭಾರತೀಯರೂ ಚುನಾವಣೆಯಲ್ಲಿ ಪಾಲ್ಗೊಂಡು ಮತ ಹಕ್ಕು ಚಲಾಯಿಸುವ ಅವಕಾಶ ಹೊಂದುವ ಸಾಧ್ಯತೆ ದಟ್ಟವಾಗಿದೆ.
Published by: Vijayasarthy SN
First published: January 5, 2021, 12:57 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories