ಇರಾನ್​ನಲ್ಲಿ ಭೂಕಂಪನ: ಇಬ್ಬರ ಸಾವು, 241 ಮಂದಿಗೆ ಗಾಯ

ನ್ಯೂಸ್​ 18

ಪಶ್ಚಿಮ ಇರಾನಿನಲ್ಲಿ ಭೂ ಕಂಪನ ಸಂಭವಿಸಿದ್ದು, ಇಬ್ಬರು ಸಾವನ್ನಪ್ಪಿದ್ದಾರೆ. ರಿಕ್ಟರ್​ ಮಾಪಕದಲ್ಲಿ ಶೇ. 6.0ಯಷ್ಟು ಭೂಮಿ ಕಂಪಿಸಿದ್ದು, 241 ಮಂದಿ ಗಾಯಗೊಂಡಿದ್ದಾರೆ.

ಮೂರುಕಡೆ ಭೂಮಿ ಕಂಪಿಸಿದ್ದು ಎರಡು ಕಡೆ 4.4ರಷ್ಟು ಹಾಗೂ 4.2ರಷ್ಟು ತೀವ್ರತೆಯಲ್ಲಿ ಕಂಪನ ದಾಖಲಾಗಿದೆ  ಎಂದು ಅಮೆರಿಕ ಭೂ ವೈಜ್ಞಾನಿಕ ಸಮೀಕ್ಷೆ ತಿಳಿಸಿದೆ. ಪಶ್ಚಿಮ ಇರಾನಿನ ಕೆರ್ಮನಶಾ ಪ್ರಾಂತ್ಯದ ಜಾವನ್​ ರುಡ್​ನಲ್ಲಿ ಎರಡು ಬಾರಿ ಭೂಮಿ ಕಂಪಿಸಿದೆ.

ಭೂ ಕಂಪನದ ವೇಳೆ 70ವರ್ಷದ ವೃದ್ಧರೊಬ್ಬರು ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ ಎಂದು ಐಆರ್​ಎನ್​ಎ ನ್ಯೂಸ್​ ಎಜೆನ್ಸಿ ತಿಳಿಸಿದೆ.  ಅಲ್ಲಿನ ಕಾಲಮಾನ ಪ್ರಕಾರ 2.43ಕ್ಕೆ ಭೂ ಕಂಪನ ಸಂಭವಿಸಿದೆ. ಜನರು ಭಯಭೀತಗೊಂಡು ಮನೆಯಿಂದ ಹೊರಬಂದಿದ್ದಾರೆ ಎಂದು ವರದಿಯಾಗಿದೆ.

ಆರು ಜನ ಗಂಭೀರ ಸ್ಥಿತಿಯಲ್ಲಿದ್ದು, ಅವರ ಕೆರ್ಮಾನ್ಶು ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿದೆ.

ಕಳೆದ ನವೆಂಬರ್​ನಲ್ಲಿಯೂ ಇರಾನಿನಲ್ಲಿ ಭೂಕಂಪ ಸಂಭವಿಸಿದ್ದು 530 ಜನ ಪ್ರಾಣ ಕಳೆದುಕೊಂಡು ಸಾವಿರಾರು ಜನ ಗಾಯಾಳುಗಳಾಗಿದ್ದರು.