Earthquake: ಮ್ಯಾನ್ಮಾರ್-ಭಾರತದ ಗಡಿಭಾಗದಲ್ಲಿ 6.0 ತೀವ್ರತೆಯ ಪ್ರಬಲ ಭೂಕಂಪನ; ಬೆಚ್ಚಿ ಬಿದ್ದ ಜನರು

EMSC ಟ್ವಿಟರ್​​ ಖಾತೆಯಲ್ಲಿ ಪೋಸ್ಟ್​ ಮಾಡಿರುವ ಮಾಹಿತಿ ಪ್ರಕಾರ, ‘‘ಕೊಲ್ಕತ್ತಾ ಮತ್ತು ಗುವಾಹಟಿಯ ಹೆಚ್ಚಿನ ಭಾಗಗಳಲ್ಲಿ ಭೂಕಂಪನವು ಸುಮಾರು 30 ಸೆಕೆಂಡುಗಳ ಕಾಲ ಸಂಭವಿಸಿತು.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಶುಕ್ರವಾರ ಮುಂಜಾನೆ ಮ್ಯಾನ್ಮಾರ್-ಭಾರತದ ಗಡಿ(Myanmar- India Border) ಪ್ರದೇಶದಲ್ಲಿ 6.0 ತೀವ್ರತೆಯ ಪ್ರಬಲ ಮತ್ತು ಆಳವಿಲ್ಲದ ಭೂಕಂಪ(Earth Quake) ಸಂಭವಿಸಿದೆ ಎಂದು ಯುರೋ-ಮೆಡಿಟರೇನಿಯನ್ ಭೂಕಂಪನ ಕೇಂದ್ರ(Euro-Mediterranean Seismological Centre-EMSC) ಮಾಹಿತಿ ನೀಡಿದೆ. ಭೂಕಂಪವು ಬಾಂಗ್ಲಾದೇಶ(Bangladesh)ದ ಚಿತ್ತಗಾಂಗ್​​ನಿಂದ 174 ಕಿ.ಮೀ ಪೂರ್ವ(East)ಕ್ಕೆ ಅಪ್ಪಳಿಸಿದೆ. ಪೂರ್ವ ಭಾರತದ(Eastern India) ಪಶ್ಚಿಮ ಬಂಗಾಳ(West Bengal), ತ್ರಿಪುರಾ(Tripura) ಮತ್ತು ಅಸ್ಸಾಂ(Assam)ನಲ್ಲಿ ಕಂಪನವು ದೂರದಲ್ಲಿ ಎಂದು ಭೂಕಂಪನ ಕೇಂದ್ರ ತಿಳಿಸಿದೆ.

EMSC ಟ್ವೀಟ್

EMSC ಟ್ವಿಟರ್​​ ಖಾತೆಯಲ್ಲಿ ಪೋಸ್ಟ್​ ಮಾಡಿರುವ ಮಾಹಿತಿ ಪ್ರಕಾರ, ‘‘ಕೊಲ್ಕತ್ತಾ ಮತ್ತು ಗುವಾಹಟಿಯ ಹೆಚ್ಚಿನ ಭಾಗಗಳಲ್ಲಿ ಭೂಕಂಪನವು ಸುಮಾರು 30 ಸೆಕೆಂಡುಗಳ ಕಾಲ ಸಂಭವಿಸಿತು. ದೀರ್ಘವಾದ ಅಲುಗಾಡುವಿಕೆಯ ಅನುಭವ ಆಗಿತ್ತು. ಜೊತೆಗೆ ಅದರ ಪರಿಣಾಮಗಳನ್ನು ಅನುಭವಿಸಲಾಯಿತು ‘‘ ಎಂದು ಬರೆದುಕೊಂಡಿದೆ.





ಇದನ್ನೂ ಓದಿ: 26/11 Attack : ಮುಂಬೈ ಡೆಡ್ಲಿ ದಾಳಿಗೆ 13 ವರ್ಷ: ಕರಾಳ ದಿನ ನೆನೆದ ದೇಶದ ಜನತೆ!

ನೆಟ್ಟಿಗರ ಪ್ರತಿಕ್ರಿಯೆ

EMSC ಮಾಡಿರುವ ಟ್ವೀಟ್​ಗೆ ನೆಟ್ಟಿಗರೊಬ್ಬರು ಚಿತ್ತಗಾಂಗ್​​​ನಿಂದ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಭೂಕಂಪನವು ಬಹಳ ಪ್ರಬಲವಾಗಿದ್ದು, ಇದು ಭೂಕಂಪನದ ಕೇಂದ್ರ ಬಿಂದುವಿನಿಂದ ಪಶ್ಚಿಮಕ್ಕೆ 184 ಕಿ.ಮೀ. ದೂರ ಇದೆ ಎಂದು ಹೇಳಿದ್ದಾರೆ.

ಭಾರತ ಮತ್ತು ಬಾಂಗ್ಲಾದೇಶದ ಕೆಲವು ಭಾಗಗಳಲ್ಲಿ ಭೂಕಂಪನದ ಪರಿಣಾಮಗಳನ್ನು ಅನುಭವಿಸಿದ ನೆಟ್ಟಿಗರು, ಕಂಪನದ ಅನುಭವವನ್ನು ಟ್ವಿಟ್ಟರ್​​ನಲ್ಲಿ ಹಂಚಿಕೊಂಡಿದ್ದಾರೆ.

6.0 ತೀವ್ರತೆಯಿಂದ 5.8 ತೀವ್ರತೆಗೆ ದಾಖಲು

EMSC ಕಂಪನದ ತೀವ್ರತೆಯನ್ನು 6.0 ರ ತೀವ್ರತೆಗೆ ದಾಖಲಿಸಿದ ಬಳಿಕ, 5.8ಕ್ಕೆ ನಿಗದಿಪಡಿಸಿತು. ಈಶಾನ್ಯ ಭಾರತದ ಐಜ್ವಾಲ್​​ನಿಂದ ಆಗ್ನೇಯಕ್ಕೆ 126 ಕಿ.ಮೀ.ದೂರಲ್ಲಿ ಕೇಂದ್ರಬಿಂದುವಿದೆ ಎಂದು ಹೇಳಿತು.

ಇದನ್ನೂ ಓದಿ: Kim Jong Un: ಸರ್ವಾಧಿಕಾರಿಯ ಮತ್ತೊಂದು ವಿಚಿತ್ರ ಆದೇಶ: ತನ್ನ ಸ್ಟೈಲ್​ ಕಾಪಿ ಮಾಡ್ತಾರೆ ಎಂದು ಲೆದರ್​ ಜಾಕೆಟ್​​ ಬ್ಯಾನ್!

ಇಂದು ಮುಂಜಾನೆ ಸಂಭವಿಸಿದ ಭೂಕಂಪನ

ಭೂಕಂಪಶಾಸ್ತ್ರದ ರಾಷ್ಟ್ರೀಯ ಕೇಂದ್ರದ ಪ್ರಕಾರ, ಮುಂಜಾನೆ 5:15 ಕ್ಕೆ 6.1 ತೀವ್ರತೆಯ ಭೂಕಂಪ ಸಂಭವಿಸಿದೆ. ದೇಶದಲ್ಲಿ ಭೂಕಂಪದ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡುವ ಕೇಂದ್ರೀಯ ನೋಡಲ್ ಏಜೆನ್ಸಿ, ಅದರ ಕೇಂದ್ರಬಿಂದುವು ಮಿಜೋರಾಂನ ಥೆನ್ಜಾಲ್‌ನ ಆಗ್ನೇಯಕ್ಕೆ 12 ಕಿ.ಮೀ ಮತ್ತು 73 ಕಿ.ಮೀ ಆಳದಲ್ಲಿದೆ ಎಂದು ಹೇಳಿದೆ.
Published by:Latha CG
First published: