HOME » NEWS » National-international » DONALD TRUMP MOVED TO MILITARY HOSPITAL AFTER MILD SYMPTOMS GIVEN EXPERIMENTAL DRUG FOR COVID 19 LG

Donald Trump: ಮಿಲಿಟರಿ ಆಸ್ಪತ್ರೆಗೆ ದಾಖಲಾದ ಡೊನಾಲ್ಡ್​ ಟ್ರಂಪ್​; ಅಧ್ಯಕ್ಷರಿಗೆ ಕೋವಿಡ್​-19 ಪ್ರಾಯೋಗಿಕ ಚಿಕಿತ್ಸೆ

ಟ್ರಂಪ್ ಮುಂದಿನ ಕೆಲ ದಿನಗಳವರೆಗೆ ವಾಲ್ಟರ್​​ ರೀಡ್​​ನಲ್ಲಿರುವ ಅಧ್ಯಕ್ಷೀಯ ಕಚೇರಿಯಿಂದ ಕೆಲಸ ಮಾಡುವಂತೆ ವೈದ್ಯಕೀಯ ತಜ್ಞರು ಸೂಚನೆ ನೀಡಿದ್ದಾರೆ ಎಂದು ಪತ್ರಿಕಾ ಕಾರ್ಯದರ್ಶಿ ಕೇಯ್ಲಿ ಮೆಕ್ ಎನಾನಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

news18-kannada
Updated:October 3, 2020, 10:42 AM IST
Donald Trump: ಮಿಲಿಟರಿ ಆಸ್ಪತ್ರೆಗೆ ದಾಖಲಾದ ಡೊನಾಲ್ಡ್​ ಟ್ರಂಪ್​; ಅಧ್ಯಕ್ಷರಿಗೆ ಕೋವಿಡ್​-19 ಪ್ರಾಯೋಗಿಕ ಚಿಕಿತ್ಸೆ
ಡೊನಾಲ್ಡ್​ ಟ್ರಂಪ್
  • Share this:
ವಾಷಿಂಗ್ಟನ್(ಅ.03): ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಅವರಿಗೆ ಕೊರೋನಾ ಸೋಂಕು ತಗುಲಿದ್ದು, ಶುಕ್ರವಾರ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸದ್ಯ ಟ್ರಂಪ್ ಅವರನ್ನು ಮಿಲಿಟಿರಿ ಆಸ್ಪತ್ರೆಗೆ ಶಿಫ್ಟ್​ ಮಾಡಲಾಗಿದ್ದು, ಕೋವಿಡ್ -19 ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅವರಿಗೆ ಪ್ರಾಯೋಗಿಕ ಕೋವಿಡ್ -19 ಚಿಕಿತ್ಸೆಯನ್ನು ನೀಡಲಾಗುತ್ತಿದ್ದು, ನಾನು ಚೇತರಿಸಿಕೊಳ್ಳುತ್ತಿದ್ದೇನೆ ಎಂದು ಡೊನಾಲ್ಡ್​ ಟ್ರಂಪ್ ಅವರು ಹೇಳಿದ್ದಾರೆ. ಟ್ರಂಪ್ ಜೊತೆಗೆ ಅವರ ಪತ್ನಿ ಮೆಲಾನಿಯಾ ಟ್ರಂಪ್​​ ಗೂ ಸಹ ಕೊರೋನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಶುಕ್ರವಾರ ಡೊನಾಲ್ಡ್​​ ಟ್ರಂಪ್ ಹಾಗೂ ಮೊದಲ ಮಹಿಳೆ ಮೆಲಾನಿಯಾ ಟ್ರಂಪ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.ಕೊರೋನಾ ಪಾಸಿಟಿವ್​ ಬಂದ ಬಳಿಕ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಡೊನಾಲ್ಡ್​​ ಟ್ರಂಪ್, ಶುಕ್ರವಾರ ಸಂಜೆ ಶ್ವೇತಭವನದಿಂದ ಹೊರನಡೆದರು. ಮಾಸ್ಕ್​ ಧರಿಸಿ, ಹೆಲಿಕಾಪ್ಟರ್​​ ಮೂಲಕ ವಾಷಿಂಗ್ಟನ್​​ಗೆ ತೆರಳಿದರು.

ಶ್ವೇತ ಭವನದೊಳಗೆ ರೆಕಾರ್ಡ್ ಮಾಡಲಾದ ಹಾಗೂ ಟ್ವಿಟರ್​​ನಲ್ಲಿ ಪೋಸ್ಟ್​ ಮಾಡಲಾಗಿರುವ 18 ಸೆಕೆಂಡ್​ಗಳ ವಿಡಿಯೋದಲ್ಲಿ, ಡೊನಾಲ್ಡ್​ ಟ್ರಂಪ್ ಅವರು ಆಸ್ಪತ್ರೆಗೆ ದಾಖಲಾಗುತ್ತಿರುವ ವಿಷಯವನ್ನು ಹೇಳಿದ್ದರು. ಜೊತೆಗೆ ನಾನು ಉತ್ತಮ ಕೆಲಸ ಮಾಡುತ್ತಿದ್ದೇನೆ ಎಂದು ಭಾವಿಸಿದ್ದೇನೆ ಎಂದಿದ್ದರು. ಜೊತೆಗೆ ಪ್ರಥಮ ಮಹಿಳೆ ಮೆಲಾನಿಯಾ ಟ್ರಂಪ್ ಕೂಡ ಉತ್ತಮ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದ್ದರು.

ಆನೇಕಲ್​ನಲ್ಲಿ ಉತ್ತಮ ಮಳೆ; ರಾಗಿ ಕಣಜ ತುಂಬುವ ನಿರೀಕ್ಷೆಯಲ್ಲಿ ಅನ್ನದಾತ

ಟ್ರಂಪ್ ಮುಂದಿನ ಕೆಲ ದಿನಗಳವರೆಗೆ ವಾಲ್ಟರ್​​ ರೀಡ್​​ನಲ್ಲಿರುವ ಅಧ್ಯಕ್ಷೀಯ ಕಚೇರಿಯಿಂದ ಕೆಲಸ ಮಾಡುವಂತೆ ವೈದ್ಯಕೀಯ ತಜ್ಞರು ಸೂಚನೆ ನೀಡಿದ್ದಾರೆ ಎಂದು ಪತ್ರಿಕಾ ಕಾರ್ಯದರ್ಶಿ ಕೇಯ್ಲಿ ಮೆಕ್ ಎನಾನಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಡೊನಾಲ್ಡ್​ ಟ್ರಂಪ್ ಅವರಿಗೆ ಕಾಣಿಸಿಕೊಂಡಿರುವ ಮೃದು(ಮೈಲ್ಡ್​​) ಲಕ್ಷಣಗಳಿಂದ ಆರೋಗ್ಯ ಹದಗೆಡದಂತೆ ನೋಡಿಕೊಳ್ಳಲು ಪ್ರಯತ್ನಿಸಲಾಗುತ್ತಿದೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಯು ನವೆಂಬರ್ 3ರಂದು ನಡೆಯಲಿದ್ದು, ಇನ್ನು ಕೇವಲ ಒಂದು ತಿಂಗಳಷ್ಟೇ ಬಾಕಿ ಇದೆ. ಹೀಗಿರುವಾಗಲೇ ಡೊನಾಲ್ಡ್​ ಟ್ರಂಪ್ ಅವರಿಗೆ ಕೊರೋನಾ ಸೋಂಕು ತಗುಲಿರುವುದು ಆತಂಕಕ್ಕೆ ಕಾರಣವಾಗಿದೆ.

ಟ್ರಂಪ್ ಅವರ ಆರೋಗ್ಯದಲ್ಲಿ ಚೇತರಿಕೆ ಕಾಣುತ್ತಿದ್ದು, ಅವರು ತುಂಬಾ ಉತ್ಸಾಹದಲ್ಲಿದ್ದಾರೆ. ಜೊತೆಗೆ ಸ್ಟ್ರಾಂಗ್ ಕೂಡ ಇದ್ದಾರೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.
Published by: Latha CG
First published: October 3, 2020, 10:42 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories