Domino's Compensation: ವಯಸ್ಸು ಕೇಳಿದ್ದಕ್ಕೆ ಕೇಸ್! ಭಾರಿ ಮೊತ್ತದ ಪರಿಹಾರ ಪಡೆದ ಮಹಿಳೆ

ಕೆಲಸದ ಸಂದರ್ಶನದಲ್ಲಿ ಮಹಿಳೆಯೊಬ್ಬಳ ವಯಸ್ಸು ಕೇಳಿ ಕಂಪನಿಯವರು ಭಾರಿ ಮೊತ್ತದ ಪರಿಹಾರ ನೀಡಬೇಕಾಯ್ತು ನೋಡಿ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ಕೆಲವೊಮ್ಮೆ ಈ ಕೆಲಸದ ಸಂದರ್ಶನಗಳಲ್ಲಿ (Job Interview) ಕೇಳಬಾರದ ಪ್ರಶ್ನೆಗಳನ್ನು ಕೇಳಿ ಉದ್ಯೋಗಾಂಕ್ಷಿಗಳಿಗೆ (Job Seeker) ಮುಜುಗರವಾಗುವಂತೆ ಮಾಡುವಂತಹ ಘಟನೆಗಳ ಬಗ್ಗೆ ನಾವೆಲ್ಲಾ ಕೇಳಿರುತ್ತೇವೆ. ಇಲ್ಲೊಂದು ಘಟನೆಯಲ್ಲಿ ಕೆಲಸದ ಸಂದರ್ಶನದಲ್ಲಿ ಮಹಿಳೆಯೊಬ್ಬಳ ವಯಸ್ಸು ಕೇಳಿ ಕಂಪನಿಯವರು ಭಾರಿ ಮೊತ್ತದ ಪರಿಹಾರ ನೀಡಬೇಕಾಯ್ತು ನೋಡಿ. ವಯಸ್ಸು ಮತ್ತು ಲಿಂಗದ ಆಧಾರದ ಮೇಲೆ ತಾರತಮ್ಯಕ್ಕೊಳಗಾದ ನಂತರ, ಉತ್ತರ ಐರ್ಲೆಂಡ್ ನ ಮಹಿಳೆಯೊಬ್ಬರು ಡೊಮಿನೋಸ್ ಪಿಜ್ಜಾ (Domino's Pizza) ವಿರುದ್ಧ ಕಾನೂನು ದಾವೆ ಹೂಡಿದರು. ಫಾಸ್ಟ್ ಫುಡ್ ಔಟ್ ಲೆಟ್ ನಿಂದ ಕ್ಷಮೆಯಾಚನೆಯ ಭಾಗವಾಗಿ ಜಾನಿಸ್ ವಾಲ್ಷ್ ಈಗ 4,000 ಪೌಂಡ್ ಗಳು ಎಂದರೆ ಭಾರತೀಯ ಮೌಲ್ಯದಲ್ಲಿ ಸುಮಾರು 3,77,000 ರೂಪಾಯಿಯ ಭಾರಿ ಮೊತ್ತದ ಆರ್ಥಿಕ ಪರಿಹಾರವನ್ನು ಪಡೆದಿದ್ದಾರೆ.

ಬಿಬಿಸಿ ನ್ಯೂಸ್ ಜೊತೆಗಿನ ಸಂವಾದದಲ್ಲಿ, ಕೌಂಟಿ ಟೈರೋನ್ ನ ಸ್ಟ್ರಾಬೇನ್ ನಲ್ಲಿರುವ ಪಿಜ್ಜಾ ಕಂಪನಿಯ ಶಾಖೆಯಲ್ಲಿ ಡೆಲಿವರಿ ಡ್ರೈವರ್ ಹುದ್ದೆಗೆ ಸಂದರ್ಶನ ನಡೆಸಿದಾಗ ತನ್ನ ವಯಸ್ಸಿನ ಬಗ್ಗೆ ಮೊದಲ ಪ್ರಶ್ನೆಯಾಗಿ ತನ್ನ ವಯಸ್ಸನ್ನು ಕೇಳಲಾಯಿತು ಎಂದು ವಾಲ್ಷ್ ಬಹಿರಂಗಪಡಿಸಿದರು.

ಘಟನೆ ಏನು ?
ಪ್ರಶ್ನೆಯನ್ನು ಕೇಳಿದ ನಂತರ, ಉದ್ಯೋಗಾಂಕ್ಷಿ ತನ್ನ ವಯಸ್ಸನ್ನು ಹೇಳಿದರು ಮತ್ತು "ನೀವು ಅದನ್ನು ನೋಡಬೇಡಿ" ಎಂದು ಆಕೆ ಹೇಳಿದಳು. ಆಕೆಗೆ ಹಾಗೆ ಕೇಳಿದ್ದನ್ನು ನೋಡಿದ ನಂತರ ತನ್ನ ವಯಸ್ಸು ಮತ್ತು ಲಿಂಗದಿಂದಾಗಿ ಅವಳನ್ನು ಕೆಲಸಕ್ಕೆ ತೆಗೆದುಕೊಳ್ಳುವುದನ್ನು ಕೈ ಬಿಟ್ಟಿದ್ದಾರೆ ಎಂದು ಭಾವಿಸಿದಳು. ಅವಳು ಸುದ್ದಿ ಮಾಧ್ಯಮದ ಒಂದು ಪೋರ್ಟಲ್ ಗೆ "ನಾನು ತಕ್ಷಣವೇ ಸಂದರ್ಶನದಲ್ಲಿ ನನ್ನ ವಯಸ್ಸಿನ ಬಗ್ಗೆ ಪ್ರಶ್ನೆಯನ್ನು ಕೇಳಿದ್ದನ್ನು ನೋಡಿ ನನ್ನ ವಯಸ್ಸು ಒಂದು ಸಮಸ್ಯೆ ಎಂದು ನನಗೆ ಅನ್ನಿಸಿತು ಮತ್ತು ಇದು ಸಂದರ್ಶನ ಸಮಿತಿಯ ನಿರ್ಧಾರದ ಮೇಲೆ ಸಹ ಪರಿಣಾಮ ಬೀರಿದೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: Self Love: ಈ ಸ್ಟೋರಿ ಓದಿದ್ರೆ ನಿಮಗೆ ನಿಮ್ಮ ಮೇಲೆ ಲವ್ವಾಗೋದು ಗ್ಯಾರೆಂಟಿ! ಅಷ್ಟಕ್ಕೂ ಏನಿದೆ ನೋಡಿ

ವಾಲ್ಷ್ ಫೇಸ್ ಬುಕ್ ಮೂಲಕ ಶಾಖೆಯನ್ನು ಸಂಪರ್ಕಿಸಿದರು ಮತ್ತು ಅವರು ಎದುರಿಸಿದ ತಾರತಮ್ಯದ ಬಗ್ಗೆ ಮಾತನಾಡಿದರು. ಸಂದರ್ಶನ ಸಮಿತಿಯಿಂದ ಅವರು ಕ್ಷಮೆಯಾಚಿಸಿದ್ದಾರೆ ಮತ್ತು ಸಂದರ್ಶನದ ಸಮಯದಲ್ಲಿ ಯಾರದ್ದೋ ವಯಸ್ಸನ್ನು ಕೇಳುವುದು ಅಷ್ಟೊಂದು ಸೂಕ್ತವಲ್ಲ ಎಂದು ಸಂದರ್ಶಕರಿಗೆ ತಿಳಿದಿಲ್ಲ ಎಂಬ ವಿವರಣೆ ಬಂದಿದೆ ಎಂದು ವರದಿಯಾಗಿದೆ.

ಮಹಿಳೆ ಎಂಬ ಕಾರಣಕ್ಕಾಗಿ ಕೆಲಸಕ್ಕೆ ನಿರಾಕರಣೆ 
ವಾಲ್ಷ್ ಅವರು ಒಬ್ಬ ಮಹಿಳೆಯಾಗಿರುವುದರಿಂದ ಚಾಲಕನ ಸ್ಥಾನಕ್ಕಾಗಿ ಅವಳನ್ನು ಸಹ ಕಡೆಗಣಿಸಲಾಗಿದೆ ಎಂದು ಸೂಚಿಸಿದರು. ವಾಲ್ಷ್ ಮುಂದುವರಿಸಿ "ನಾನು ಚಾಲಕರಾಗಿ ಕೆಲಸ ಮಾಡುವ ಪುರುಷರನ್ನು ಮಾತ್ರ ನೋಡಿದ್ದೇನೆ ಮತ್ತು ನಾನು ಒಬ್ಬ ಮಹಿಳೆ ಎಂಬ ಕಾರಣಕ್ಕಾಗಿ ನನ್ನನ್ನು ಚಾಲಕನ ಕೆಲಸದ ಸ್ಥಾನಕ್ಕೆ ಕಡೆಗಣಿಸಲಾಗಿದೆ ಎಂದು ನಾನು ಭಾವಿಸುತ್ತೇನೆ. ಸಂದರ್ಶನಗಳು ನಡೆದ ನಂತರ ಸಹ ಡೊಮಿನೋಸ್ ಚಾಲಕರ ಹುದ್ದೆಗೆ ಮತ್ತೆ ಜಾಹೀರಾತು ನೀಡುವುದನ್ನು ಮುಂದುವರಿಸಿತು" ಎಂದು ಹೇಳಿದರು.

ಕಾನೂನಿನ ಮೊರೆ ಹೋದ ಮಹಿಳೆ
ಅವಳು ಕಾನೂನಿನ ಮೊರೆ ಹೋಗಿ ಮತ್ತು ತಾರತಮ್ಯದ ಪ್ರಕರಣವನ್ನು ದಾಖಲಿಸಿದಳು, ಅದನ್ನು ಉತ್ತರ ಐರ್ಲೆಂಡ್ ನ ಸಮಾನತೆ ಆಯೋಗವು ಬೆಂಬಲಿಸಿತು. ಆಯೋಗದ ಹಿರಿಯ ಕಾನೂನು ಅಧಿಕಾರಿ ಮೇರಿ ಕಿಟ್ಸನ್ ತಮ್ಮ ಹೇಳಿಕೆಯಲ್ಲಿ "ನೇಮಕಾತಿ ಮತ್ತು ಆಯ್ಕೆಯಲ್ಲಿ ತೊಡಗಿರುವ ಜನರು ಉದ್ಯೋಗದಾತನನ್ನು ಕಾನೂನಿನ ಪ್ರಕಾರ ಹೇಗೆ ನಡೆಸಿಕೊಳ್ಳಬೇಕು ಎಂಬುದರ ಬಗ್ಗೆ ತಿಳಿದಿರಬೇಕು. ನಿರ್ಧಾರಗಳ ಮೇಲೆ ಪ್ರಭಾವ ಬೀರಲು ನಿರ್ದಿಷ್ಟ ಕೆಲಸಗಳನ್ನು ಯಾರು ಮಾಡಬಹುದು ಎಂಬ ಸ್ಟೀರಿಯೊಟೈಪಿಕ್ ದೃಷ್ಟಿಕೋನಗಳಿಗೆ ಅವಕಾಶ ನೀಡದಿರುವುದು ನಿಜವಾಗಿಯೂ ಮುಖ್ಯವಾಗಿದೆ" ಎಂದು ತಿಳಿಸಿದರು.

ಇದನ್ನೂ ಓದಿ:  Swiggy: ಆರ್ಡರ್​ ಲೇಟಾಯ್ತು ಅಂತ ಗುರ್​ ಅಂತಿದ್ದ ವ್ಯಕ್ತಿ; ಡೆಲಿವರಿ ಬಾಯ್ ಬಂದಾಗ ಮಾತ್ರ ಆಗಿದ್ದೇ ಬೇರೆ!

ಈ ಬಗ್ಗೆ ಡೊಮಿನೋಸ್ ಕಂಪನಿ ಏನು ಹೇಳಿದೆ
ಡೊಮಿನೋಸ್ ಪಿಜ್ಜಾ ಕೂಡ ಈ ವಿಷಯದ ಬಗ್ಗೆ ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ ಮತ್ತು ಫುಡ್ ಔಟ್ಲೆಟ್ ಫ್ರ್ಯಾಂಚೈಸಿ ಮುಂದೆ ಈ ಮಾದರಿಯನ್ನು ಅನುಸರಿಸುತ್ತದೆ ಎಂದು ವಿವರಿಸಿದೆ. ಇದರ ಅಡಿಯಲ್ಲಿ ಶಾಖೆಯ ಉದ್ಯೋಗ ಮತ್ತು ನೇಮಕಾತಿ ಶಾಖೆಯ ಜವಾಬ್ದಾರಿಯ ಅಡಿಯಲ್ಲಿ ಬರುತ್ತದೆ. ಅವರು ಸೇವೆ ಸಲ್ಲಿಸುವ ಸಮುದಾಯಗಳಲ್ಲಿ ಇದು ವಹಿಸುವ ನಿರ್ಣಾಯಕ ಪಾತ್ರವನ್ನು ಗುರುತಿಸುವುದರಿಂದ ಈ ವಿಷಯವನ್ನು ನೋಡಿಕೊಳ್ಳಲಾಗುತ್ತಿದೆ ಎಂದು ಕಂಪನಿ ಹೇಳಿದೆ.
Published by:Ashwini Prabhu
First published: