Euro 2021| ಯುರೋ 2021 ಫೈನಲ್ ನಂತರ ಕೌಟುಂಬಿಕ ಹಿಂಸೆ ಪ್ರಕರಣಗಳು ಹೆಚ್ಚಾಗಲಿವೆಯೇ..?

2010 ರ ವಿಶ್ವಕಪ್‌ ಪಂದ್ಯಾವಳಿಗಳನ್ನು ಗಮನಕ್ಕೆ ತೆಗೆದುಕೊಂಡರೆ, ಇಂಗ್ಲೆಂಡ್ ಪಂದ್ಯವನ್ನು ಗೆದ್ದಾಗ ಕೌಟುಂಬಿಕ ಹಿಂಸಾಚಾರವು ಶೇ27.7 ರಷ್ಟು ಹೆಚ್ಚಾಗಿತ್ತು. ಅವರು ಸೋತಾಗಲೂ ಕೌಟುಂಬಿಕ ಹಿಂಸೆ ಪ್ರಕರಣಗಳಲ್ಲಿ ಸುಮಾರು ಶೇ.33.9 ರಷ್ಟು ಹೆಚ್ಚು ದಾಖಲಾಗಿತ್ತು.

ಪ್ರಾತಿನಿಧಿಕ ಚಿತ್ರ.

ಪ್ರಾತಿನಿಧಿಕ ಚಿತ್ರ.

  • Share this:

    ಯುರೋ 2020 ಫೈನಲ್ ಪಂದ್ಯಕ್ಕೂ, ಅದರ ನಂತರ ಕೌಟುಂಬಿಕ ಹಿಂಸೆ ಪ್ರಕರಣಗಳು ಹೆಚ್ಚಾಗುವುದಕ್ಕೂ ಯಾವ ರೀತಿಯ ಸಂಬಂಧ ಇದೆ ಅಂತ ನೀವು ತಲೆ ಕೆಡಿಸಿಕೊಳ್ಳಬಹುದು. ಆದರೆ ಪ್ರತಿಯೊಂದು ಫುಟ್ಬಾಲ್ ಪಂದ್ಯಕ್ಕೂ ಕೌಟುಂಬಿಕ ಹಿಂಸೆಗಳು ಹೆಚ್ಚಾಗುವುದಕ್ಕೆ ತುಂಬಾನೇ ಹತ್ತಿರದ ನಂಟಿದೆ. ಇಂಗ್ಲೆಂಡ್ ಫುಟ್ಬಾಲ್ ತಂಡದ ಅಭಿಮಾನಿಗಳು ಸುಮಾರು 50 ವರ್ಷಗಳಿಂದ ತಮ್ಮ ದೇಶದ ತಂಡವು ಯೂರೋ ಕಪ್ ಅನ್ನು ತನ್ನ ಮುಡಿಗೇರಿಸಿಕೊಳ್ಳುತ್ತದೆಯೇ ಎಂದು ತುಂಬಾ ಕಾತುರತೆಯಿಂದ ಕಾಯುತ್ತಿದ್ದರು. ಭಾನುವಾರ ಸಂಜೆ ಇಂಗ್ಲೆಂಡ್ ಮತ್ತು ಇಟಲಿಯ ದೇಶಗಳ ನಡುವೆ ನಡೆದ ಫೈನಲ್ ಪಂದ್ಯದ ನಂತರ ಕೌಟುಂಬಿಕ ಹಿಂಸೆ ಪ್ರಕರಣಗಳು ಹೆಚ್ಚಾಗಲಿವೆ ಎಂದು ತಜ್ಞರು ಊಹಿಸಿದ್ದಾರೆ.


    ಅಂಕೆ ಸಂಖ್ಯೆ ಮಾಹಿತಿ ಪ್ರಕಾರ ಫೈನಲ್ ಪಂದ್ಯದ ನಂತರ ಕೌಟುಂಬಿಕ ಹಿಂಸೆಗಳು ಹೆಚ್ಚಾಗಲಿವೆ ಎಂದು ತಜ್ಞರು ಹೇಳಿದ್ದಾರೆ. 2010 ರ ವಿಶ್ವಕಪ್‌ ಪಂದ್ಯಾವಳಿಗಳನ್ನು ಗಮನಕ್ಕೆ ತೆಗೆದುಕೊಂಡರೆ, ಇಂಗ್ಲೆಂಡ್ ಪಂದ್ಯವನ್ನು ಗೆದ್ದಾಗ ಕೌಟುಂಬಿಕ ಹಿಂಸಾಚಾರವು ಶೇ27.7 ರಷ್ಟು ಹೆಚ್ಚಾಗಿತ್ತು. ಅವರು ಸೋತಾಗಲೂ ಕೌಟುಂಬಿಕ ಹಿಂಸೆ ಪ್ರಕರಣಗಳಲ್ಲಿ ಸುಮಾರು ಶೇ.33.9 ರಷ್ಟು ಹೆಚ್ಚು ದಾಖಲಾಗಿತ್ತು.


    ಸೆಂಟರ್ ಫಾರ್ ಎಕನಾಮಿಕ್ ಪರ್ಫಾರ್ಮೆನ್ಸ್ (ಸಿಇಪಿ) ಜುಲೈ 4 ರಂದು ಬಿಡುಗಡೆ ಮಾಡಿದಂತಹ ಅಧ್ಯಯನದ ಪ್ರಕಾರ, ಆಟವಾದ ನಂತರ ದೇಶೀಯ ನಿಂದನೆ ಘಟನೆಗಳು ಪ್ರತಿ ಎರಡು ಗಂಟೆಗಳಿಗೊಮ್ಮೆ ಶೇ.5 ರಷ್ಟು ಹೆಚ್ಚಾಗುತ್ತವೆ ಎಂದು ಅಧ್ಯಯನದಲ್ಲಿ ತಿಳಿಸಲಾಗಿದೆ.


    ಈ ಪಂದ್ಯಗಳ ನಂತರ ನಡೆಯುವ ಅನೇಕ ಕೌಟುಂಬಿಕ ಹಿಂಸೆಗಳ ಘಟನೆಗಳಿಗೆ ನೇರವಾಗಿ ಪುರುಷರೇ ಹೊಣೆಯಾಗಿದ್ದು, ಇದಕ್ಕೆ ಮುಖ್ಯ ಕಾರಣ ಎಂದರೆ ಅತಿಯಾದ ಮದ್ಯಪಾನ ತೆಗೆದುಕೊಳ್ಳುವುದು ಎಂದು ಸಿಇಪಿ ಅಧಿಕಾರಿಯೊಬ್ಬರು ಹೇಳುತ್ತಾರೆ.


    ಪಂದ್ಯವನ್ನು ಪಬ್‌ನಲ್ಲಿ ಕುಳಿತು ವೀಕ್ಷಿಸಿದ ಮತ್ತು ಆ ಪಂದ್ಯದಲ್ಲಿ ತಮ್ಮ ನೆಚ್ಚಿನ ತಂಡವು ಪರಾಭವಗೊಂಡಿದ್ದಾರೆ, ಆ ಮನೆಯ ಹೆಂಡತಿಯು ಒಂದು ವಾರದವರೆಗೆ ಹೊರಗೆ ಕಾಣಸಿಗುವುದಿಲ್ಲ. ಏಕೆಂದರೆ ಆಕೆಯ ಕಣ್ಣು ಪೂರ್ತಿಯಾಗಿ ಕಪ್ಪಾಗಿರುತ್ತದೆ. ಇಲ್ಲವೇ ಕೈ ಮೂಳೆ ಮುರಿದಿರುತ್ತದೆ ಎಂದು ಅಧ್ಯಯನದಲ್ಲಿ ಒಬ್ಬ ಮಹಿಳೆಯೇ ಇದನ್ನು ಹೇಳಿಕೊಂಡಿರುವುದು ಸತ್ಯ ಎಂದು ಅಧಿಕಾರಿಯೊಬ್ಬರು ಹೇಳುತ್ತಾರೆ.


    ಇದನ್ನೂ ಓದಿ: Rain Update| ಕರ್ನಾಟಕದಲ್ಲಿ ಜುಲೈ 16ರ ವರೆಗೆ ಆರೆಂಜ್ ಅಲರ್ಟ್​; ದೇಶದ ನಾನಾ ಭಾಗಗಳಲ್ಲೂ ನಡೆಯಲಿದೆ ವರುಣನ ಆರ್ಭಟ

    ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯದ ಅಧ್ಯಾಪಕರು ಸಹ ಕ್ರೀಡೆಗಳು ಸಾಮಾನ್ಯವಾಗಿ ಈ ರೀತಿಯ ಕೌಟುಂಬಿಕ ಹಿಂಸೆಗಳಿಗೆ ಪ್ರೇರಣೆ ನೀಡುವುದಿಲ್ಲ, ಆದರೆ ಪಂದ್ಯವನ್ನು ವೀಕ್ಷಿಸುತ್ತಾ ಅತಿಯಾಗಿ ಕುಡಿದ ನಂತರ ತಮ್ಮ ತಂಡದ ಫಲಿತಾಂಶದ ನಿರೀಕ್ಷೆಗಳಿಂದ ಈ ರೀತಿಯ ಹಿಂಸೆಗಳು ನಡೆಯುತ್ತಿರುವುದು ಸರಿಯಲ್ಲ ಎಂದು ಹೇಳಿದ್ದಾರೆ.


    ಇದನ್ನೂ ಓದಿ: NEET UG 2021| ಸೆಪ್ಟೆಂಬರ್‌‌ 12 ರಂದು ನೀಟ್‌ ಯುಜಿ 2021 ಪರೀಕ್ಷೆ; ಇಂದಿನಿಂದ ಅರ್ಜಿ ಪ್ರಾರಂಭ

    ದ ಬ್ರಿಟಿಷ್ ಬಿಯರ್ ಅಂಡ್ ಪಬ್ ಅಸೋಸಿಯೇಷನ್ ನೀಡಿದ ಮಾಹಿತಿ ಪ್ರಕಾರ ಸುಮಾರು 13 ಮಿಲಿಯನ್ ಪಿಂಟ್ಗಳು ಭಾನುವಾರ ಮಾರಾಟವಾಗಿದ್ದು, ಇದರಲ್ಲಿ ಸುಮಾರು 7 ಮಿಲಿಯನ್‌ ಪಿಂಟ್ಗಳನ್ನು ಪಂದ್ಯದ ವೇಳೆಯಲ್ಲಿ ಮಹಾಶಯರು ಖಾಲಿಮಾಡಿದ್ದಾರೆ ಎಂದು ತಿಳಿಸಿರುವುದು ನಿಜಕ್ಕೂ ಇಂಗ್ಲೆಂಡ್ನಲ್ಲಿ ಪಂದ್ಯವನ್ನು ವೀಕ್ಷಿಸುತ್ತಾ ಮದ್ಯಪಾನವನ್ನು ಅತಿಯಾಗಿ ಕುಡಿಯುವ ಅಭ್ಯಾಸವನ್ನು ತುಂಬಾ ಗಂಭೀರವಾಗಿ ತೆಗೆದುಕೊಳ್ಳಬೇಕಿದೆ. ಏಕೆಂದರೆ ಇದರಿಂದ ಕುಟುಂಬದಲ್ಲಿರುವ ಹೆಂಡತಿ ಮತ್ತು ಮಕ್ಕಳ ಬಗ್ಗೆ ನಾವು ಯೋಚನೆ ಮಾಡಬೇಕಾಗುತ್ತದೆ ಎಂದು ತಜ್ಞರು ಹೇಳಿದ್ದಾರೆ.




    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.
    First published: