Sushma ChakreSushma Chakre
|
news18-kannada Updated:June 3, 2020, 6:03 PM IST
ಗೆಳೆಯನನ್ನು ತಳ್ಳಿಕೊಂಡು ಹೋಗುತ್ತಿರುವ ನಾಯಿ
ನಿಯತ್ತಿಗೆ ಇನ್ನೊಂದು ಹೆಸರೇ ನಾಯಿಗಳು. ಮನುಷ್ಯರಿಗೆ ನಾಯಿಗಿಂತ ಹೆಚ್ಚು ಆಪ್ತರು ಬೇರಾರೂ ಇಲ್ಲ. ಮನೆಯವರೊಂದಿಗೆ ಮನೆಯವರಾಗಿ ಅದೆಷ್ಟೋ ನಾಯಿಗಳು ಹಲವರ ಮನೆಯಲ್ಲಿ ಜೀವನ ನಡೆಸುತ್ತಿವೆ. ಆದರೆ, ಇಲ್ಲೊಂದು ನಾಯಿ ತನ್ನ ಕಾಲಿಲ್ಲದ ಗೆಳೆಯನ ವೀಲ್ಚೇರ್ ತಳ್ಳುತ್ತಾ, ತನ್ನ ಸ್ನೇಹಿತನಿಗೆ ಬೆಂಗಾವಲಾಗಿ ನಿಂತಿದೆ.
ವಿಕಲಚೇತನ ವ್ಯಕ್ತಿಯೊಬ್ಬನಿಗೆ ಎಲ್ಲಿ ಹೋಗಬೇಕಾದರೂ ವೀಲ್ಚೇರ್ ಬೇಕಾಗಿತ್ತು. ಆತ ಬಹಳ ಪ್ರೀತಿಯಿಂದ ನಾಯಿಯೊಂದನ್ನು ಸಾಕಿಕೊಂಡಿದ್ದ. ಆತ ಎಲ್ಲಿಗೆ ಹೋಗಬೇಕೆಂದರೂ ನಾಯಿಯೇ ಆತನ ವೀಲ್ಚೇರ್ ತಳ್ಳಿಕೊಂಡು ಹೋಗುತ್ತಿತ್ತು. ತನ್ನ ಒಡೆಯ ಹಾಗೂ ಗೆಳೆಯನ ಕಾಳಜಿ ಮಾಡುತ್ತಿರುವ ನಾಯಿಯ ಹಳೆಯ ವಿಡಿಯೋ ಈಗ ಮತ್ತೆ ವೈರಲ್ ಆಗಿದೆ.
ಇದನ್ನೂ ಓದಿ: ರಾಮ ರಾಮ..! ಸೀತೆಗೆ ಎಷ್ಟು ಮಕ್ಕಳು?; ತಿರುಪತಿ ತಿಮ್ಮಪ್ಪ ದೇವಾಲಯದಿಂದ ಹೊರಬಿತ್ತು ವಿವಾದಾತ್ಮಕ ರಾಮಾಯಣ
ಈ ವಿಡಿಯೋವನ್ನು ಐಎಫ್ಎಸ್ ಆಫೀಸರ್ ಸುಶಾಂತ ನಂದ ಟ್ವಿಟ್ಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. 11 ಸೆಕೆಂಡ್ಗಳ ಈ ವಿಡಿಯೋದಲ್ಲಿ ಫುಟ್ಪಾತ್ ಮೇಲೆ ವೀಲ್ಚೇರ್ ಅನ್ನು ನಾಯಿ ತಳ್ಳಿಕೊಂಡು ಹೋಗುತ್ತಿದೆ. ಮೆಕ್ಸಿಕೋದ ಈ ನಾಯಿ ಮತ್ತು ಅದರ ಒಡೆಯನ ನಂಟಿಗೆ ಟ್ವಿಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋವನ್ನು ನೂರಾರು ಜನರು ರೀಟ್ವೀಟ್ ಮಾಡಿಕೊಂಡಿದ್ದು, ಇದುವರೆಗೂ 10 ಸಾವಿರ ಜನರು ವೀಕ್ಷಿಸಿದ್ದಾರೆ.
First published:
June 3, 2020, 6:03 PM IST
