ಬಿಜೆಪಿ ವೆಬ್​ಸೈಟ್ ಹ್ಯಾಕ್ ಮಾಡಿದ ಪಾಕಿಸ್ತಾನೀ ಹ್ಯಾಕರ್ಸ್

ನವದೆಹಲಿ(ನ. 02): ಭಾರತೀಯ ಜನತಾ ಪಕ್ಷದ ದೆಹಲಿ ವಿಭಾಗದ ಜಾಲತಾಣವನ್ನು ಪಾಕಿಸ್ತಾನೀಯರು ಎರಡನೇ ಬಾರಿ ಹ್ಯಾಕ್ ಮಾಡಿದ್ದಾರೆ. ನರೇಂದ್ರ ಮೋದಿ ಅಧಿಕಾರ ಸ್ವೀಕಾರದ ವೇಳೆ ಪಾಕಿಸ್ತಾನೀ ಹ್ಯಾಕರ್​ಗಳು ಬಿಜೆಪಿ ಜಾಲತಾಣವನ್ನು ಹ್ಯಾಕ್ ಮಾಡಿ ಬೀಫ್ ಸಂದೇಶ ರವಾನಿಸಿದ್ದರು. ಈಗ ಮತ್ತೊಮ್ಮೆ ಹ್ಯಾಕ್ ಮಾಡಿದ್ಧಾರೆ. ಹ್ಯಾಕ್ ಆದ ಬೆನ್ನಲ್ಲೇ ದೆಹಲಿ ವಿಭಾಗದ ತನ್ನ ವೆಬ್​ಸೈಟನ್ನು ಬಿಜೆಪಿ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ.

ಬಿಜೆಪಿ ಜಾಲತಾಣ ಹ್ಯಾಕ್ ಆಗಿರುವ ವಿಚಾರವನ್ನು ಭದ್ರತಾ ಸಂಶೋಧಕ ಎಲಿಯಟ್ ಆಲ್ಡರ್ಸನ್ ಅವರು ಟ್ವಿಟ್ಟರ್​ನಲ್ಲಿ ತಿಳಿಸಿದ್ದಾರೆ. Delhi.bjp.org ಜಾಲತಾಣಕ್ಕೆ Kashmir.html ಪುಟವನ್ನು ಹ್ಯಾಕರ್ಸ್ ಸೇರಿಸುವಲ್ಲಿ ಯಶಸ್ವಿಯಾಗಿದೆ. ಹ್ಯಾಕ್ ಆದ ಜಾಲತಾಣದ ವಿಳಾಸಕ್ಕೆ ಹೋದರೆ ನರೇಂದ್ರ ಮೋದಿ ಮತ್ತು ಭಾರತದ ವಿರುದ್ಧ ಕೆಲವು ಘೋಷಣೆಗಳನ್ನ ಹಾಕಿದ್ದು ಕಂಡು ಬಂದಿತ್ತು.

ಇದನ್ನೂ ಓದಿ: ದೆಹಲಿಯಲ್ಲಿ ತುರ್ತು ಪರಿಸ್ಥಿತಿಯ ಗಡಿಯನ್ನೂ ದಾಟಿದ ಜೀವ ವಾಯುವಿನ ಗುಣಮಟ್ಟ; ಉಸಿರಾಟ ಇನ್ನು ಕಷ್ಟ ಕಷ್ಟ..!

“ಘರ್ ಮೇ ಘುಸ್ ಕರ್ ಮಾರಾ ಗಯಾ” (ಮನೆಯೊಳಗೆ ನುಸುಳಿ ಹೊಡೆಸಿಕೊಂಡ); “I can lie a lot, can I also get a Vir Chakra like Abhinandan?” (ಬೇಕಷ್ಟು ಸುಳ್ಳು ಹೇಳಿ ಅಭಿನಂದನ್ ರೀತಿ ನಾನೂ ವೀರ್ ಚಕ್ರ ಪಡೆಯಬಹುದಾ?) ಎಂದು ಹೀಯಾಳಿಸುವ ಸಂದೇಶಗಳನ್ನು ಪೋಸ್ಟ್ ಮಾಡಲಾಗಿತ್ತು. ಹಾಗೆಯೇ ಮೋದಿ ಅವರನ್ನ ಅವಹೇಳನ ಮಾಡುವ ಸಂದೇಶಗಳೂ ಇದ್ದವು. ಜೊತೆಗೆ, catch.if.you.can@hotmail.com ಎಂಬ ಇಮೇಲ್ ಐಡಿಯನ್ನೂ ಬಹಿರಂಗಪಡಿಸಿ ಸವಾಲು ಹಾಕಲಾಗಿತ್ತು.

🧨 Alert 🧨: The website of the @BJP4India, the Indian political party of @narendramodi, has been hacked… again… https://t.co/JQ8EBHFnbr pic.twitter.com/MBEqQbnTow

— Elliot Alderson (@fs0c131y) November 1, 2019

Decoded version of the Kashmir.html page pic.twitter.com/ki7dWAAsdl

— Elliot Alderson (@fs0c131y) November 1, 2019

ಸೆಕ್ಯೂರಿಟಿ ಸಂಶೋಧಕ ಎಲಿಯಟ್ ಆಲ್ಡರ್ಸನ್ ಪ್ರಕಾರ “_Muhammad Bilal TeAM (PCE)” ಎಂಬ ಪಾಕಿಸ್ತಾನೀ ಹ್ಯಾಕರ್ಸ್ ತಂಡವು ಈ ಕೃತ್ಯ ಎಸಗಿದೆ. PasteBin ಎಂಬ ಆನ್​ಲೈನ್ ಸೇವೆ ಬಳಸಿಕೊಂಡು ಬಿಜೆಪಿಯ ದಿಲ್ಲಿ ವಿಭಾಗದ ವೆಬ್​ಸೈಟ್​ಗೆ Kashmir.html ಪುಟವನ್ನು ಸೇರಿಸಲಾಗಿದೆಯಂತೆ.

ದೆಹಲಿ ವಿಭಾಗದ ಬಿಜೆಪಿ ವೆಬ್​ಸೈಟ್ ಮಾತ್ರ ಹ್ಯಾಕ್ ಆಗಿದೆ. ಮೂಲ ಬಿಜೆಪಿ ಜಾಲತಾಣ ಅಬಾಧಿತವಾಗಿದೆ. ದೆಹಲಿ ವಿಭಾಗದ ಜಾಲತಾಣವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್ಸ್​ಕ್ರೈಬ್ ಮಾಡಿ.