Amazon ಯಡವಟ್ಟು: ಪೌಚ್ ಆರ್ಡರ್ ಮಾಡಿದ್ರೆ ಪಾಸ್​​​ಪೋರ್ಟ್​ನ್ನೇ ಕಳಿಸಿಬಿಟ್ಟಿದೆ ಅಮೇಜಾನ್... ಯಾರದ್ದು ಇದು?

Amazon ಯಡವಟ್ಟು: ಕೇರಳ(Kerala)ದ ವ್ಯಕ್ತಿಯೊಬ್ಬ ಅಮೇಜಾನ್(Amazon)​ನಲ್ಲಿ ತನ್ನ ಪಾರ್ಸ್​ಪೋರ್ಟ್ ಇಡಲು ಪೌಚ್​ವೊಂದನ್ನು ಆರ್ಡರ್​ ಮಾಡಿದ್ದರು. ಆದರೆ ಡೆಲಿವರಿ ಆದ ಬಾಕ್ಸ್​​ ಕಂಡು ಅವರಿಗೆ ಶಾಕ್​ ಆಗಿತ್ತು. ಯಾಕೆಂದರ್​​ ಬಾಕ್ಸ್​ ಓಪನ್​ ಮಾಡಿದರೆ ಪೌಚ್​ ಬದಲು ಮತ್ತೊಬ್ಬರ ಪಾಸ್​ಪೋರ್ಟ್​ ಡೆಲಿವರಿ ಆಗಿತ್ತು.

ಸಾಂದರ್ಭಿಕ ಚಿತ್ರ.

ಸಾಂದರ್ಭಿಕ ಚಿತ್ರ.

  • Share this:
ಈ ಆನ್​ಲೈನ್(Online)​ನಲ್ಲಿ ನಾವು ಆರ್ಡರ್​ ಮಾಡುವುದು ಒಂದು, ಡೆಲಿವರಿ ಆಗುವುದು ಮತ್ತೊಂದು. ಇದೆಲ್ಲ ಗೊತ್ತಿದ್ದರೂ ಜನ ಮಾತ್ರ ಆನ್​ಲೈನ್​ನಲ್ಲಿ ಆರ್ಡರ್​ ಮಾಡುವುದನ್ನ ನಿಲ್ಲಿಸುವುದಿಲ್ಲ.  ಹೊಸ ಫೋನ್​(New Phone) ಆರ್ಡರ್​ ಮಾಡಿದವನಿಗೆ, ಬಾಕ್ಸ್​ನಲ್ಲಿ ಸೋಪ್(Soap)​ ಕಳಿಸಿದ್ದನ್ನು ನಾವು ನೋಡಿದ್ದೇವೆ. ಪ್ರತಿಬಾರಿ ಆನ್​ಲೈನ್​ ಶಾಪಿಂಗ್(Online Shopping)​ ವೇಳೆ ಹೀಗೇ ಆಗುತ್ತೆ ಎಂದು ಹೇಳಲು ಸಾಧ್ಯವಿಲ್ಲ. ಕೆಲವೊಮ್ಮೆ ಈ ರೀತಿಯ ಘಟನೆಗಳು ನಡೆಯುತ್ತಲೆ ಇರುತ್ತವೆ. ಆದರೆ ಈಗ ಕೇರಳ(Kerala)ದ ವ್ಯಕ್ತಿಯೊಬ್ಬ ಅಮೇಜಾನ್(Amazon)​ನಲ್ಲಿ ತನ್ನ ಪಾರ್ಸ್​ಪೋರ್ಟ್(Passport) ಇಡಲು ಪೌಚ್(Pouch)​ವೊಂದನ್ನು ಆರ್ಡರ್​ ಮಾಡಿದ್ದರು. ಆದರೆ ಡೆಲಿವರಿ ಆದ ಬಾಕ್ಸ್​​ ಕಂಡು ಅವರಿಗೆ ಶಾಕ್​ ಆಗಿತ್ತು. ಯಾಕೆಂದರೆ​​ ಬಾಕ್ಸ್​ ಓಪನ್​ ಮಾಡಿದರೆ ಪೌಚ್​ ಬದಲು ಮತ್ತೊಬ್ಬರ ಪಾಸ್​ಪೋರ್ಟ್​ ಡೆಲಿವರಿ ಆಗಿತ್ತು. ಇದನ್ನು ಕಂಡು ಗ್ರಾಹಕ ಕಕ್ಕಾಬಿಕ್ಕಿಯಾಗಿದ್ದ. ಆನ್​ಲೈನ್​ ದೈತ್ಯ ಸಂಸ್ಥೆ ಅಮೇಜಾನ್​ನಿಂದ ಈ ರೀತಿಯ ಯಡವಟ್ಟು ಮಾಡಿದೆ. 

ಪೌಚ್​ ಬದಲು ಮತ್ತೊಬ್ಬರ ಪಾಸ್​ಪೋರ್ಟ್ ಡೆಲಿವರಿ!

ಅಕ್ಟೋಬರ್​ 30ರಂದು ಕೇರಳದ ವಯನಾಡಿನ ಕನಿಯಾಂಬೆಟ್ಟ ಹಳ್ಳಿಯ ನಿವಾಸಿ ಮಿಥುನ್​ ಬಾಬಾ ಎಂಬುವವರು ಅಮೇಜಾನ್​ನಲ್ಲಿ ಪಾಸ್​​ಪೋರ್ಟ್​ ಪೌಚ್​ಗಾಗಿ ಆರ್ಡರ್​ ಮಾಡಿದ್ದರು.  ಎರಡು ದಿನಗಳ ಬಳಿಕ ಆ ಪ್ರಾಡೆಕ್ಟ್​ ಕೈಸೇರುವುದಾಗಿ ಅಮೇಜಾನ್ ತಿಳಿಸಿತ್ತು. ನವೆಂಬರ್​ 1ರಂದು ಅಮೇಜಾನ್​ನಿಂದ ಡೆಲಿವರಿ ಕೂಡ ಆಯ್ತು. ಆದರೆ ಆ ಪಾರ್ಸೆಲ್​ ಓಪನ್​ ಮಾಡಿ ನೋಡಿದರೆ, ಅದರಲ್ಲಿ ಮತ್ತೊಬ್ಬರ ಪಾಸ್​ಪೋರ್ಟ್ ಇತ್ತು. ಮೊದಲು ಇದನ್ನು ಕಂಡ ಮಿಥುನ್​ ಬಾಬಾ, ಇದೊಂದು ಡಮ್ಮಿ ಪಾಸ್​ಪೋರ್ಟ್ ಎಂದು ಸುಮ್ಮನಾದರು. ಹೊಸ ಪೌಚ್​ನೊಳಗೆ ಡಮ್ಮಿ ಪಾಸ್​ಪೋರ್ಟ್​ ಇಟ್ಟು ಕಳಿಸಿದ್ದಾರೆ ಅಂದುಕೊಂಡಿದ್ದರು. ಆ ಪಾಸ್​ಪೋರ್ಟ್ ಓಪನ್​ ಮಾಡಿ ನೋಡಿದ ಬಳಿಕ ಅದು ನಿಜವಾದ ಮತ್ತೊಬ್ಬರ ಪಾಸ್​ಪೋರ್ಟ್ ಎಂದು ತಿಳಿದುಬಂದಿದೆ.

ಇದನ್ನು ಓದಿ :ಎರಡು ಬಾರಿ 15 ಕೋಟಿ ಬಂಪರ್ ಪ್ರೈಜ್ ಗೆದ್ದ ವ್ಯಕ್ತಿಯಿಂದ ಲಾಟರಿ ಆಡುವ ಟಿಪ್ಸ್ ಇದು

ಪಾಸ್​ಪೋರ್ಟ್ ಮಾಲೀಕನನ್ನು ಪತ್ತೆ ಮಾಡಿದ ಮಿಥುನ್​

ಈ ಘಟನೆ ನಡೆಯುತ್ತಿದ್ದಂತೆ ಕೂಡಲೇ ಮಿಥುನ್​ ಅಮೇಜಾನ್​ ಕಸ್ಟಮರ್​ ಕೇರ್​ ನಂಬರ್​ಗೆ ಕರೆ ಮಾಡಿ ವಿಷಯ ಮುಟ್ಟಿಸಿದ್ದರು. ಆದರೆ ಅವರು ಮುಂದೆ ಈ ರೀತಿಯಾಗುವುದಿಲ್ಲ ಸಾರಿ ಎಂದು ಹೇಳಿ ಕಾಲ್​ ಕಟ್​ ಮಾಡಿದ್ದರು. ಇಷ್ಟಕ್ಕೆ ಸುಮ್ಮನಾಗದ ಮಿಥುನ್​ ಆ ಪಾಸ್​ಪೋರ್ಟ್ ಯಾರಿಗೆ ಸೇರಬೇಕೋ, ಅವರಿಗೆ ಸೇರಿಸಬೇಕೆಂಬ ಹಠ ಹಿಡಿದರು. ಸ್ವತಃ ಮಿಥುನ್ ಪಾಸ್​ಪೋರ್ಟ್ ಮಾಲೀಕನನ್ನು ಪತ್ತೆ ಹಚ್ಚಿ, ಆತನನ್ನು ನೇರವಾಗಿ ಭೇಟಿ ಮಾಡಿದ್ದರು. ತ್ರಿಶೂರ್​  ಮೂಲದ ಮೊಹಮ್ಮದ್​ ಸಾಲಿಹ್​ ಎಂಬಾತನಿಗೆ ಆ ಪಾಸ್​ಪೋರ್ಟ್ ಅನ್ನು ಸೇರಿಸಿದ್ದಾರೆ.

ಪೌಚ್​ ರಿರ್ಟನ್​ ಮಾಡುವ ವೇಳೆ ಯಡವಟ್ಟು

ಮೊಹಮ್ಮದ್​ ಸಾಲಿಹ್​ ಈ ಹಿಂದೆ ಪಾಸ್​ಪೋರ್ಟ್ ಪೌಚ್​​ ಅನ್ನು ಅಮೇಜಾನ್​ನಲ್ಲಿ ಬುಕ್​ ಮಾಡಿ ತರಿಸಿಕೊಂಡಿದ್ದರು. ಅದರೊಳಗೆ ಎರಡು ದಿನ ತಮ್ಮ ಪಾಸ್​ಪೋರ್ಟ್ ಇಟ್ಟಿದ್ದರು. ಆದರೆ ಅವರಿಗೆ ಆ ಪೌಚ್​ ಇಷ್ಟವಾಗಿಲ್ಲ. ಹೀಗಾಗಿ ಆ ಪೌಚ್​ ರಿರ್ಟನ್​ ಮಾಡಿದ್ದರು. ಆದರೆ ಆ ಪಾಸ್​ಪೋರ್ಟ್ ತೆಗೆಯುವುದನ್ನು ಮರೆತಿದ್ದರು. ಇದರಿಂದ ಇಷ್ಟು ಯಡವಟ್ಟು ಆಯಿತು ಎಂದು ಮಿಥುನ್​ ಹೇಳಿದ್ದಾರೆ.

ಇದನ್ನು ಓದಿ : ತನ್ನ ಗೆಳೆಯನಿಗೆ ಹಿಂಸೆ ಕೊಡ್ತಿದ್ದವನ ತಿವಿದು ತಳ್ಳಿದ ಹಸು, Friendship ಅಂದ್ರೆ ಇದು!

ಐಫೋನ್​ ಬದಲು ಬಂದಿತ್ತು ಸೋಪ್​,  5 ರೂ ನಾಣ್ಯ!

ಇತ್ತೀಚೆಗೆ ಎರ್ನಾಕುಲಮ್​ನ ನಿವಾಸಿ  ಅಮಿನ್​ ಎಂಬಾತ ಅಮೇಜಾನ್​ನಲ್ಲಿ ಐಫೋನ್​ ಆರ್ಡರ್​ ಮಾಡಿದ್ದರು. ಆದರೆ ಐಫೋನ್​ ಬದಲು ಅವರಿಗೆ ಸೋಪ್​ ಬಾರ್​ ಹಾಗೂ 5 ರೂ. ನಾಣ್ಯ ಡೆಲಿವರಿಯಾಗಿತ್ತು. ಇದನ್ನು ಕಂಡ ವ್ಯಕ್ತಿ ಕಕ್ಕಾಬಿಕ್ಕಿಯಾಗಿದ್ದ. ಕೊನೆಗೆ ಪೊಲೀಸರು ದೂರು ದಾಖಲಿಸಿಕೊಂಡು ಮಾರಾಟಗಾರನನ್ನು ಪ್ರಶ್ನೆ ಮಾಡಿದ್ದರು. ತಮ್ಮಿಂದ ತಿಳಿಯದೇ ತಪ್ಪಾಗಿದೆ ಎಂದು ಅಮಿನ್​ ಫೋನ್​ಗಾಗಿ ನೀಡಿದ್ದ 70,900 ರೂಪಾಯಿಗಳನ್ನು ವಾಪಸ್​ ನೀಡಲಾಗಿತ್ತು.
Published by:Vasudeva M
First published: