ಜೊಮಾಟೋಗೆ ಟ್ವಿಟ್ಟರ್​ನಲ್ಲಿ ಬೆಂಬಲ ನೀಡಿದ ಊಬರ್ ಈಟ್; ಅಷ್ಟಕ್ಕೂ ಆಗಿದ್ದೇನು?

ಸ್ವಿಗ್ಗಿ, ಜೊಮಾಟೋದಂತಹ ಫುಡ್​ ಡೆಲಿವರಿ ಆ್ಯಪ್​ಗಳು ಹೆಚ್ಚಾಗಿರುವುದರಿಂದ ಕುಳಿತಲ್ಲಿಯೇ ನಮಗೆ ಬೇಕಾದ ಆಹಾರವನ್ನು ತರಿಸಿಕೊಳ್ಳಲು ಸಹಾಯಕವಾಗಿರುವುದೇನೋ ನಿಜ. ಆದರೆ, ಅದನ್ನು ನಾವು ಯಾವ ರೀತಿ ಉಪಯೋಗಿಸಿಕೊಳ್ಳುತ್ತಿದ್ದೇವೆ? ಎಂದು ಯೋಚಿಸಬೇಕಾಗುತ್ತದೆ. ಸದ್ಯಕ್ಕೆ ಜೊಮಾಟೋ ಟ್ವಿಟ್ಟರ್​ನಲ್ಲಿ ಬಹಳ ಚರ್ಚೆಗೊಳಗಾಗುತ್ತಿದೆ. ಜೊಮಾಟೋದಲ್ಲಿ ಊಟವನ್ನು ಆರ್ಡರ್ ಮಾಡಿದ್ದ ಮಧ್ಯಪ್ರದೇಶದ ಅಪ್ಪಟ ಹಿಂದೂ ಗ್ರಾಹಕನೊಬ್ಬ ತನಗೆ ಊಟ ಡೆಲಿವರಿ ತಂದುಕೊಟ್ಟ ಹುಡುಗ ಹಿಂದೂ ಅಲ್ಲ ಎಂಬ ಕಾರಣಕ್ಕೆ ಆ ಆರ್ಡರ್​ ಕ್ಯಾನ್ಸಲ್ ಮಾಡುವಂತೆ ಟ್ವೀಟ್ ಮಾಡಿದ್ದ. ಇದು ತೀವ್ರ ಚರ್ಚೆಗೆ ಕಾರಣವಾಗಿತ್ತು.

ಜೊಮಾಟೋ ಡೆಲಿವರಿ ಬಾಯ್ ಫಯಾಜ್ ಮಂಗಳವಾರ ಜಬಾಲ್ಪುರ್​ದಲ್ಲಿರುವ ಗ್ರಾಹಕನ ಮನೆಗೆ ಊಟ ತೆಗೆದುಕೊಂಡು ಹೋಗಿದ್ದ. ಆತ ಮುಸ್ಲಿಂ ಎಂಬ ಕಾರಣಕ್ಕೆ ಆರ್ಡರ್ ಕ್ಯಾನ್ಸಲ್ ಮಾಡುವಂತೆ ಅಮಿತ್ ಶುಕ್ಲಾ ಜೊಮಾಟೋ ಸಿಬ್ಬಂದಿಗೆ ಕೇಳಿದ್ದ. ಹಾಗೇ, ಈ ಬಗ್ಗೆ ಟ್ವೀಟ್​ ಕೂಡ ಮಾಡಿದ್ದ. 'ಮುಸ್ಲಿಂ ತಂದುಕೊಟ್ಟ ಊಟವನ್ನು ನಾನು ತಿನ್ನುವುದಿಲ್ಲ ಎಂದು ಹೇಳಿದರೂ ಡೆಲಿವರಿ ಬಾಯ್​ನನ್ನು ಜೊಮಾಟೋ ಬದಲಾಯಿಸುತ್ತಿಲ್ಲ. ಆಯಾ ಧರ್ಮದ ಗ್ರಾಹಕರಿಗೆ ಸರಿಹೊಂದುವ ಡೆಲಿವರಿ ಬಾಯ್​ನನ್ನು ಕಳುಹಿಸುವಷ್ಟು ಸಾಮಾನ್ಯ ಜ್ಞಾನವೂ ಜೊಮಾಟೋಗಿಲ್ಲ' ಎಂದು ಟ್ವೀಟ್​ ಮಾಡಿದ್ದ.

ವಿಶ್ವದ ಮೊದಲ ವಿಮಾನ ಚಾಲಕ ರಾವಣ!; ಹೀಗೆ ಘೋಷಣೆ ಮಾಡಿದ್ದು ಯಾರು ಗೊತ್ತಾ?

ಅದಕ್ಕೆ ಮರುಟ್ವೀಟ್ ಮಾಡಿದ್ದ ಜೊಮಾಟೋ, 'ಆಹಾರಕ್ಕೆ ಯಾವುದೇ ಧರ್ಮವಿಲ್ಲ, ಆಹಾರವೇ ಒಂದು ಧರ್ಮ' ಎಂದು ಟ್ವೀಟ್ ಮಾಡಿತ್ತು. ಈ ಟ್ವೀಟ್​ಗೆ ಮೆಚ್ಚುಗೆಗಳು ವ್ಯಕ್ತವಾಗುತ್ತಿದ್ದು, ಊಬರ್ ಈಟ್ ಕೂಡ ಜೊಮಾಟೋಗೆ ಟ್ಯಾಗ್ ಮಾಡಿ 'ನಾವು ನಿಮ್ಮಂದಿಗಿದ್ದೇವೆ' ಎಂದು ಟ್ವೀಟ್ ಮಾಡುವ ಮೂಲಕ ನೈತಿಕ ಬೆಂಬಲ ನೀಡಿರುವುದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಈಗ #ಐಡೋಂಟ್​ಸ್ಟಾಂಡ್​ವಿತ್​ಅಮಿತ್​ (ಅಮಿತ್​ ಹೇಳಿಕೆಗೆ ನಮ್ಮ ಸಹಮತವಿಲ್ಲ) ಎಂಬ ಟ್ಯಾಗ್​ನೊಂದಿಗೆ ಹಲವರು ಟ್ವೀಟ್ ಮಾಡುತ್ತಿದ್ದಾರೆ.

.@ZomatoIN, we stand by you. https://t.co/vzjF8RhYzi

— Uber Eats India (@UberEats_IND) July 31, 2019

ನೀವು ವೈದ್ಯರ ಬಳಿ ಹೋದಾಗ ಜೀವ ಉಳಿಯುವುದು ಮುಖ್ಯವಾಗಿರುತ್ತದೆಯೋ ಅಥವಾ ಆಪರೇಷನ್​ ಮಾಡುತ್ತಿರುವವರು ಯಾವ ಧರ್ಮದವರು ಎನ್ನುವುದು ಮುಖ್ಯವಾಗಿರುತ್ತದೋ? ಮುಸ್ಲಿಂ ದೇಶಗಳಿಂದ ಬರುವ ಪೆಟ್ರೋಲ್, ಡೀಸೆಲ್​ ಮೇಲೆ ಕೂಡ ನಿಷೇಧ ಹೇರುತ್ತೀರಾ? ಎಂದು ಹಲವರು ಅಮಿತ್​ ಶುಕ್ಲಾ ಅವರನ್ನು ಟೀಕಿಸಿದ್ದಾರೆ. ನಮ್ಮ ದೇಶವನ್ನು ಕಾಯಲು ಅನೇಕ ಮುಸ್ಲಿಂ ಸೈನಿಕರು ಕೂಡ ಪ್ರಾಣತ್ಯಾಗ ಮಾಡಿದ್ದಾರೆ. ಸ್ವರ್ಗದಲ್ಲಿರುವ ಆ ಸೈನಿಕರು ಈಗ ಅಮಿತ್​ ಶುಕ್ಲಾರಂಥವರನ್ನು ನೋಡಿ ತಮ್ಮ ತ್ಯಾಗ ವ್ಯರ್ಥವಾಯಿತಲ್ಲ ಎಂದು ಬೇಸರಿಸಿಕೊಳ್ಳುತ್ತಿರಬಹುದು ಎಂದು ಅಸಮಾಧಾನ ಹೊರಹಾಕಿದ್ದಾರೆ.

#IDontStandWithAmit do you cancel the ride just because the driver is muslim? Do u ask a doctor before checking health whether he’s muslim or not? All those who are boycotting Zomato, Let me ask you when are you going to boycott petrol&diesel since they come from Muslim countries

— Muskan Jadwani (@muskaanjadwani) August 1, 2019

Viral Video; ಹರಿದ್ವಾರ ಯಾತ್ರೆಗೆ ಹೊರಟ ಯುವಕನ ಪಾದ ಮಸಾಜ್ ಮಾಡಿದ ಉತ್ತರ ಪ್ರದೇಶದ ಐಪಿಎಸ್ ಅಧಿಕಾರಿ

ಇನ್ನು ಕೆಲವರು ಅಮಿತ್​ ಶುಕ್ಲಾಗೆ ಬೆಂಬಲ ವ್ಯಕ್ತಪಡಿಸಿದ್ದು, ಜೊಮಾಟೋ ಮೇಲೆ ನಿಷೇಧ ಹೇರಿ ಎಂಬ ಟ್ಯಾಗ್​ನೊಂದಿಗೆ ಟ್ವೀಟ್ ಮಾಡುತ್ತಿದ್ದಾರೆ. ಅಮಿತ್ ಶುಕ್ಲಾ ಹಿಂದು ಎಂಬ ಕಾರಣಕ್ಕೆ ಆತನನ್ನು ಎಲ್ಲರೂ ಟೀಕಿಸುತ್ತಿದ್ದೀರಿ. ಇದೇರೀತಿ ಓರ್ವ ಮುಸ್ಲಿಂ ಮಾಡಿದ್ದರೆ ನೀವು ಆತನನ್ನು ಪ್ರಶ್ನೆ ಮಾಡುತ್ತಿದ್ದಿರಾ? ಎಂದು ಪ್ರಶ್ನಿಸಿದ್ದಾರೆ.

Because #AmitShukla is a Hindu he is criticising him, does he have guts to criticise a Muslim if #Zomato had sent a non-vegetarian dish cooked from JATKA MEAT instead HALAL MEAT and the Muslim fellow had returned the item.

— Narendra K Varma (@narendravarma49) July 31, 2019

ಅಮಿತ್​ ಶುಕ್ಲಾ ಅವರ ಟ್ವೀಟ್​ಗೆ ಬಾಲಿವುಡ್​ ನಟರು ಸೇರಿದಂತೆ ರಾಜಕಾರಣಿಗಳು ಕೂಡ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಬಾಲಿವುಡ್ ನಟಿ ಸ್ವರಾ ಭಾಸ್ಕರ್, ಕೇಂದ್ರ ಸಚಿವ ರಾಮದಾಸ್ ಅಥಾವಳೆ ಸೇರಿದಂತೆ ಹಲವರು ಆಹಾರದ ಜೊತೆ ಧರ್ಮವನ್ನು ಬೆರೆಸುವುದು ತಪ್ಪು ಎಂದು ಟ್ವೀಟ್ ಮಾಡಿದ್ದಾರೆ.

ಭಾರತೀಯ ವಿದ್ಯಾರ್ಥಿಗಳಿಗೆ ಬೆಂಗಳೂರೇ ಬೆಸ್ಟ್; 2018ರ ಜಾಗತಿಕ QS ಪಟ್ಟಿ ಬಿಡುಗಡೆ

ಇನ್ನು, ಈ ಬಗ್ಗೆ ಅಮಿತ್​ ಶುಕ್ಲಾಗೆ ಊಟ ಡೆಲಿವರಿ ನೀಡಲು ಹೋಗಿದ್ದ ಫಯಾಜ್ ಪ್ರತಿಕ್ರಿಯೆ ನೀಡಿದ್ದು, ಈ ಘಟನೆಯಿಂದ ನನಗೆ ಅತೀವ ನೋವಾಗಿದೆ. ಆದರೆ, ನನ್ನಿಂದ ಏನೂ ಮಾಡಲು ಸಾಧ್ಯವಿಲ್ಲ. ನಾವು ಬಡಜನರು. ಇಂತಹ ಅವಮಾನಗಳನ್ನೆಲ್ಲ ಎದುರಿಸುತ್ತಲೇ ಬಂದವರು ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಇಷ್ಟೆಲ್ಲಾ ಆದರೂ ಅಮಿತ್​ ಶುಕ್ಲಾ ತಮ್ಮ ತಪ್ಪನ್ನು ಒಪ್ಪಿಕೊಳ್ಳದೆ ತಮ್ಮ ಬೇಡಿಕೆಯಲ್ಲಿ ತಪ್ಪೇನೂ ಇರಲಿಲ್ಲ. ಶ್ರಾವಣ ಮಾಸ ಶುರುವಾಗಿದೆ. ಹಾಗಾಗಿ, ನಾನು ಮುಸ್ಲಿಂ ಹುಡುಗ ತಂದ ಊಟ ಮಾಡುವುದಿಲ್ಲ ಎಂದು ಹೇಳಿದ್ದೆ. ನನ್ನ ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕೆ ಬೆಲೆಯೇ ಇಲ್ಲವೇ? ಎಂದು ಪ್ರಶ್ನೆ ಮಾಡಿದ್ದಾರೆ.