ಅಳಿಯನ ಜೊತೆ ಅತ್ತೆಯ ಸರಸ; ಶಾಕ್ ಆದ ಯುವತಿ ನೇಣಿಗೆ ಶರಣು

ಹೈದರಾಬಾದ್ (ಮಾ. 15): ಆಕೆಗೆ 3 ತಿಂಗಳ ಹಿಂದಷ್ಟೇ ಮದುವೆಯಾಗಿತ್ತು. ಗಂಡನೊಂದಿಗೆ ಸುಖವಾದ ಜೀವನ ನಡೆಸುವ ಕನಸು ಕಾಣುತ್ತಿದ್ದ ಆಕೆ ಅಂದುಕೊಂಡಿದ್ದೇ ಬೇರೆ, ಅಲ್ಲಿ ಆಗಿದ್ದೇ ಬೇರೆ. ತನ್ನ ಗಂಡನಿಗೆ ಬೇರೊಬ್ಬಳೊಂದಿಗೆ ಅನೈತಿಕ ಸಂಬಂಧವಿದೆ ಎಂಬುದು ಗೊತ್ತಾಗುತ್ತಿದ್ದಂತೆ ಆಕೆಗೆ ದೊಡ್ಡ ಆಘಾತವಾಗಿತ್ತು. ಆ ಬೇರೊಬ್ಬ ಹೆಣ್ಣು ಬೇರಾರೂ ಅಲ್ಲ ತನ್ನ ಅಮ್ಮನೇ ಎಂದು ತಿಳಿದಾಗ ಆಕೆ ಕುಸಿದುಹೋಗಿದ್ದಳು!

ತನಗೆ ಜನ್ಮ ಕೊಟ್ಟ ಅಮ್ಮನ ಜೊತೆ ಗಂಡ ಅಕ್ರಮ ಸಂಬಂಧ ಇಟ್ಟುಕೊಂಡಿರುವುದು ಗೊತ್ತಾಗುತ್ತಿದ್ದಂತೆ ಆಘಾತಕ್ಕೀಡಾದ ಆ ಯುವತಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಮಗಳ ದಾಂಪತ್ಯ ಜೀವನಕ್ಕೆ ಅಮ್ಮನೇ ಮುಳುವಾದ ಈ ವಿಚಿತ್ರ ಘಟನೆ ನಡೆದಿರುವುದು ಹೈದರಾಬಾದ್​ನ ಮೀರ್​ಪೇಟೆಯಲ್ಲಿ.

ವಂದನಾ ಎಂಬ 19 ವರ್ಷದ ಯುವತಿಗೆ ಕಳೆದ ಡಿಸೆಂಬರ್​ನಲ್ಲಿ ನವೀನ್ ಕುಮಾರ್ ಎಂಬಾತನ ಜೊತೆ ಮದುವೆಯಾಗಿತ್ತು. ಆಕೆಯ ಅಮ್ಮ ಅನಿತಾಳೇ ಹುಡುಗನನ್ನು ಹುಡುಕಿ ತನ್ನ ಮಗಳಿಗೆ ಮಾಡಿಸಿದ್ದಳು. ಮದುವೆಯಾದ 1 ತಿಂಗಳು ಎಲ್ಲವೂ ಚೆನ್ನಾಗಿತ್ತು. ಆದರೆ, ಕ್ರಮೇಣ ತನ್ನ ಗಂಡ ನವೀನ್ ಬೇರೊಬ್ಬ ಮಹಿಳೆಯ ಜೊತೆ ಸಂಬಂಧ ಹೊಂದಿರುವ ಬಗ್ಗೆ ವಂದನಾಗೆ ಅನುಮಾನ ಉಂಟಾಗಿತ್ತು.

ಇದನ್ನೂ ಓದಿ: 4 ವರ್ಷದ ಮಗನಿಂದಲೇ ಬಯಲಾಯ್ತು ಅಮ್ಮನ ಅಕ್ರಮ ಸಂಬಂಧ; ಆಮೇಲೆ ನಡೆದಿದ್ದು ದೊಡ್ಡ ದುರಂತ!

ಆ ಮಹಿಳೆ ಯಾರೆಂದಯ ಪತ್ತೆಹಚ್ಚಲು ಮುಂದಾದಾಗ ಅದು ತನ್ನ ತಾಯಿಯೇ ಎಂದು ತಿಳಿದು ವಂದನಾಗೆ ಶಾಕ್ ಆಗಿತ್ತು. ಗಂಡನಿಂದ ಡೈವೋರ್ಸ್​ ಪಡೆದು ಮಕ್ಕಳಾದ ವಂದನಾ ಮತ್ತು ಸಂಜನಾ ಜೊತೆ ಜೀವನ ನಡೆಸುತ್ತಿದ್ದ ಅನಿತಾಗೆ ತನಗಿಂತ ಬಹಳ ಚಿಕ್ಕವನಾದ ನವೀನ್ ಜೊತೆ ಸ್ನೇಹ ಬೆಳೆದಿತ್ತು. ಆ ಸ್ನೇಹದಿಂದ ಆಗಾಗ ಮನೆಗೆ ಬರುತ್ತಿದ್ದ ನವೀನ್ ಜೊತೆ ಅನಿತಾ ಅಕ್ರಮ ಸಂಬಂಧ ಹೊಂದಿದ್ದಳು.

ನವೀನ್ ಬೇರೆ ಯಾರನ್ನಾದರೂ ಮದುವೆಯಾದರೆ ತನ್ನಿಂದ ದೂರವಾಗುತ್ತಾನೆ ಎಂದು ಅನಿತಾ ತನ್ನ ಮಗಳು ವಂದನಾಳನ್ನು ಆತನಿಗೆ ಕೊಟ್ಟು ಮದುವೆ ಮಾಡಿದ್ದಳು. ವಂದನಾ ಹೈದರಾಬಾದ್​ನ ಕಾಲೇಜಿನ ಹಾಸ್ಟೆಲಿನಲ್ಲಿ ಉಳಿದುಕೊಂಡಿದ್ದರಿಂದ ಆಕೆಗೆ ತನ್ನ ಅಮ್ಮ ಮತ್ತು ನವೀನ್​ನ ಅನೈತಿಕ ಸಂಬಂಧದ ಬಗ್ಗೆ ಗೊತ್ತಿರಲಿಲ್ಲ. ಓದು ಮುಗಿಸಿ ಮನೆಗೆ ಬಂದ ಮಗಳಿಗೆ ಅನಿತಾ ಮದುವೆ ಮಾಡಿಸಿದ್ದಳು.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಅನೈತಿಕ ಸಂಬಂಧ ಹೊಂದಿದ್ದ ಗಂಡನ ಮೇಲೆ ಬಿಸಿ ಎಣ್ಣೆ ಸುರಿದ ಹೆಂಡತಿ!ಮಗಳ ಜೊತೆ ನವೀನ್​ನನ್ನು ಮದುವೆ ಮಾಡಿದ ನಂತರವೂ ಅನಿತಾ ಆತನೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದಳು. ಈ ಬಗ್ಗೆ ಅಮ್ಮನ ಬಳಿ ವಂದನಾ ಜಗಳ ಮಾಡಿದಾಗ ಆಕೆ ತನ್ನ ಮಗಳಿಗೇ ಬೆದರಿಕೆ ಹಾಕಿ ಬಾಯಿ ಮುಚ್ಚಿಸಿದ್ದಳು. ಈ ವಿಷಯ ತಿಳಿದು ಆಘಾತದಿಂದ ವಂದನಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಟೈಮ್ಸ್​ ಆಫ್​ ಇಂಡಿಯಾ ವರದಿ ಮಾಡಿದೆ.

ಈ ಎಲ್ಲ ವಿಷಯದ ಬಗ್ಗೆ ಗೊತ್ತಿದ್ದ ಅನಿತಾಳ ಕಿರಿಯ ಮಗಳು ಸಂಜನಾ ತನ್ನ ಅಕ್ಕನ ಸಾವಿಗೆ ಅಮ್ಮ ಮತ್ತು ಭಾವನೇ ಕಾರಣ ಎಂದು ಪೊಲೀಸರಿಗೆ ದೂರು ನೀಡಿದ್ದಾಳೆ. ಆ ದೂರಿನ ಅನ್ವಯ ಅನಿತಾ ಮತ್ತು ನವೀನ್ ಮೇಲೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ.