ಪಂಜಾಬ್​ನಲ್ಲಿ ಜೈಲಿಗೆ ಫೋನ್ ಪೂರೈಕೆ: ಪೊಲೀಸ್ ಕಾನ್​ಸ್ಟೇಬಲ್ ವಿರುದ್ಧ ಕೇಸ್ ದಾಖಲು

ನವದೆಹಲಿ (ಫೆ. 23): ಜೈಲಿನಲ್ಲಿ ಫೋನ್, ಸಿಗರೇಟ್, ಡ್ರಗ್ಸ್ ಮುಂತಾದ ವಸ್ತುಗಳು ಕಳ್ಳಸಾಗಣೆಯಾಗುವ ಪ್ರಕರಣಗಳು ಇತ್ತೀಚೆಗೆ ಹೆಚ್ಚಾಗುತ್ತಲೇ ಇವೆ. ಇದೇ ರೀತಿ, ಪಂಜಾಬ್​ನ ಜೈಲೊಂದರಲ್ಲಿ ಕಳ್ಳಸಾಗಣೆ ಮಾಡಿದ ಆರೋಪದಡಿ ಪೊಲೀಸ್ ಕಾನ್​ಸ್ಟೇಬಲ್ ವಿರುದ್ಧವೇ ಕೇಸ್ ದಾಖಲಿಸಲಾಗಿದೆ.

ಪಂಜಾಬ್​ನ ರೋಪಾರ್ ಜಿಲ್ಲಾ ಜೈಲಿಗೆ ಭಾನುವಾರ ಸೆಲ್ ಫೋನ್ ಮತ್ತು ತಂಬಾಕು ಪ್ಯಾಕೆಟ್ ಕಳ್ಳಸಾಗಣೆ ಮಾಡಲು ಯತ್ನಿಸಿದ ಆರೋಪದ ಮೇಲೆ ಹಿರಿಯ ಕಾನ್​ಸ್ಟೇಬಲ್ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಆರೋಪಿಗಳನ್ನು ಜಲಂಧರ್​ನ ಪಂಜಾಬ್ ಸಶಸ್ತ್ರ ಪೊಲೀಸ್ ಅಧಿಕಾರಿ ಮಲ್ಕಿತ್ ಸಿಂಗ್ ಎಂದು ಗುರುತಿಸಲಾಗಿದೆ.

ಆರೋಪಿಯನ್ನು ಇನ್ನೂ ಬಂಧಿಸಿಲ್ಲ. ಮಾಹಿತಿಯ ಪ್ರಕಾರ, ಜೈಲಿನ ಉಪ ಅಧೀಕ್ಷಕರು ಮಲ್ಕಿತ್ ಸಿಂಗ್ ಅವರು ಭಾನುವಾರ ಬೆಳಗ್ಗೆ 6 ಗಂಟೆಗೆ ಜೈಲಿನಲ್ಲಿ ಕರ್ತವ್ಯಕ್ಕೆ ಸೇರಬೇಕಿತ್ತು. ಆದರೆ, ಪ್ರವೇಶದ್ವಾರದಲ್ಲಿ ನಡೆದ ಶೋಧದ ವೇಳೆ ಆತನ ಪೇಟದಲ್ಲಿ ಸೆಲ್​ಫೋನ್ ಮತ್ತು ತಂಬಾಕಿನ ಪ್ಯಾಕೆಟ್ ವಶಪಡಿಸಿಕೊಳ್ಳಲಾಗಿದೆ ಎಂದು ದೂರು ದಾಖಲಿಸಿದ್ದಾರೆ.

ಈ ಸಂಬಂಧ ಹಿರಿಯ ಕಾನ್ಸ್ಟೇಬಲ್ ವಿರುದ್ಧ ಕಾರಾಗೃಹ ಕಾಯ್ದೆಯ ಸೆಕ್ಷನ್ 52 ಎ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.