Crime News: ಕಣ್ಮುಚ್ಚಿ ಬಿಡುವಷ್ಟರಲ್ಲಿ ಬ್ಯಾಂಕ್​ನಲ್ಲಿದ್ದ 10 ಲಕ್ಷ ರೂ. ಕದ್ದು 10 ವರ್ಷದ ಬಾಲಕ ಪರಾರಿ!

ಮಧ್ಯಪ್ರದೇಶದ ನೀಮಚ್​ನಲ್ಲಿರುವ ಕೋ ಆಪರೇಟಿವ್ ಬ್ಯಾಂಕ್​ನೊಳಗೆ ಬಂದಿದ್ದ 10 ವರ್ಷದ ಬಾಲಕ ಕ್ಯಾಶಿಯರ್ ಚೇಂಬರಿಗೆ ತೆರಳಿದ್ದ. ಅಲ್ಲಿದ್ದ 10 ಲಕ್ಷ ರೂ.ಗಳಿರುವ ಬ್ಯಾಗ್​ ಎತ್ತಿಕೊಂಡು ಹೊರನಡೆದಿದ್ದ!

Sushma Chakre | news18-kannada
Updated:July 16, 2020, 7:06 AM IST
Crime News: ಕಣ್ಮುಚ್ಚಿ ಬಿಡುವಷ್ಟರಲ್ಲಿ ಬ್ಯಾಂಕ್​ನಲ್ಲಿದ್ದ 10 ಲಕ್ಷ ರೂ. ಕದ್ದು 10 ವರ್ಷದ ಬಾಲಕ ಪರಾರಿ!
ಮಧ್ಯಪ್ರದೇಶದ ಬ್ಯಾಂಕ್​ನ ಸಿಸಿಟಿವಿ ದೃಶ್ಯಾವಳಿ ಪರಿಶೀಲಿಸುತ್ತಿರುವ ಪೊಲೀಸರು
  • Share this:
ನವದೆಹಲಿ: ಕೊರೋನಾ ಬರಲಿ, ಲಾಕ್​ಡೌನೇ ಆಗಲಿ ದೇಶಾದ್ಯಂತ ಕಳ್ಳತನ, ದರೋಡೆ, ಕೊಲೆಯ ಪ್ರಕರಣಗಳಂತೂ ಕಡಿಮೆಯಾಗುವುದಿಲ್ಲ. ಆದರೆ, ಮಧ್ಯಪ್ರದೇಶದಲ್ಲಿ ಕೇವಲ 10 ವರ್ಷದ ಬಾಲಕನೊಬ್ಬ ಬ್ಯಾಂಕ್ ಅಧಿಕಾರಿಗಳನ್ನೇ ಯಾಮಾರಿಸಿ ಬರೋಬ್ಬರಿ 10 ಲಕ್ಷ ರೂ. ಹಣವನ್ನು ದರೋಡೆ ಮಾಡಿದ್ದಾನೆ!
ಅಚ್ಚರಿಯಾದರೂ ಇದು ಸತ್ಯ. ಮಧ್ಯಪ್ರದೇಶದಲ್ಲಿ 10 ವರ್ಷದ ಬಾಲಕ ಕೇವಲ 30 ಸೆಕೆಂಡ್‍ನಲ್ಲಿ ಬ್ಯಾಂಕಿನಿಂದ 10 ಲಕ್ಷ ರೂ.ಗಳಿದ್ದ ಬ್ಯಾಗ್ ದೋಚಿಕೊಂಡು ಪರಾರಿಯಾಗಿದ್ದಾನೆ. ಮಧ್ಯಪ್ರದೇಶದ ನೀಮಚ್ ಜಿಲ್ಲೆಯ ಜವಾದ್ ನಗರದ ಸಹಕಾರಿ ಬ್ಯಾಂಕ್‍ನಲ್ಲಿ ಈ ಘಟನೆ ನಡೆದಿದೆ. ಬಾಲಕ ಹಣದ ಬ್ಯಾಗ್ ಎತ್ತಿಕೊಂಡು ಹೋಗಿರುವು ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಬಾಲಕ ಈ ರೀತಿಯ ಕೃತ್ಯ ಎಸಗಬಹುದು ಎಂದು ಯಾರೂ ಊಹಿಸಿರದ ಕಾರಣ ಬ್ಯಾಂಕ್​ನ ಸಿಬ್ಬಂದಿ ಮತ್ತು ಸೆಕ್ಯುರಿಟಿ ಆ ಹುಡುಗನ ಬಗ್ಗೆ ಹೆಚ್ಚಿನ ಗಮನ ನೀಡಿರಲಿಲ್ಲ. ಆದರೆ, ಹಣದ ಬ್ಯಾಗ್ ಎಲ್ಲೂ ಕಾಣದಿದ್ದಾಗ ಗಾಬರಿಯಾದ ಬ್ಯಾಂಕ್ ಸಿಬ್ಬಂದಿ ಸಿಸಿಟಿವಿ ದೃಶ್ಯಾವಳಿಗಳನ್ನು ನೋಡಿದಾಗ ಬಾಲಕ ಬ್ಯಾಗ್ ಎತ್ತಿಕೊಂಡು ಹೋಗಿರುವುದನ್ನು ನೋಡಿ ಶಾಕ್ ಆಗಿದ್ದಾರೆ.

ಇದನ್ನೂ ಓದಿ: Assam Flood: ಪ್ರವಾಹದಲ್ಲಿ ಸಿಲುಕಿದ ಜನರು, ಸಾಕುಪ್ರಾಣಿಗಳನ್ನು ದಡ ಸೇರಿಸಿದ ಅಸ್ಸಾಂ ಬಿಜೆಪಿ ಶಾಸಕ; ವಿಡಿಯೋ ವೈರಲ್

ಮಂಗಳವಾರ ಬೆಳಗ್ಗೆ 11 ಗಂಟೆ ವೇಳೆಗೆ ಕೋ ಆಪರೇಟಿವ್ ಬ್ಯಾಂಕ್​ನೊಳಗೆ ಬಂದಿದ್ದ 10 ವರ್ಷದ ಬಾಲಕ ಕ್ಯಾಶಿಯರ್ ಚೇಂಬರಿಗೆ ತೆರಳಿದ್ದ. ಆದರೆ ಕ್ಯಾಶ್ ಕೌಂಟರಿನ ಎದುರು ಸಾಲಾಗಿ ಗ್ರಾಹಕರು ನಿಂತಿದ್ದರಿಂದ ಪುಟಾಣಿ ಬಾಲಕ ಅವರ ಕಣ್ಣಿಗೆ ಕಂಡಿರಲಿಲ್ಲ. ಹಾಗೇ, ಯಾರೂ ಆತನ ಬಗ್ಗೆ ಗಮನವನ್ನೂ ಕೊಟ್ಟಿರಲಿಲ್ಲ ಎಂದು ಟೈಮ್ಸ್​ ಆಫ್ ಇಂಡಿಯಾ ವರದಿ ಮಾಡಿದೆ.

ಸಿಸಿಟಿವಿ ದೃಶ್ಯಾವಳಿ ನೋಡಿದ ಕೂಡಲೆ ಬ್ಯಾಂಕ್ ಅಧಿಕಾರಿಗಳು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ಕೃತ್ಯದ ಹಿಂದೆ ನಟೋರಿಯಸ್ ಗ್ಯಾಂಗ್ ಕೈವಾಡವಿದೆ ಎಂಬ ವಿಷಯ ಬೆಳಕಿಗೆ ಬಂದಿದೆ. ಹಣವನ್ನು ದರೋಡೆ ಮಾಡಲು ಈ ಗ್ಯಾಂಗ್ ಸಣ್ಣ ಮಕ್ಕಳನ್ನು ಬಳಸಿಕೊಳ್ಳುತ್ತಿದೆ ಎಂಬ ಮಾಹಿತಿಯೂ ಲಭ್ಯವಾಗಿದೆ. ಮಕ್ಕಳು ಪೊಲೀಸರ ಕೈಗೆ ಸಿಕ್ಕಿಬಿದ್ದರೂ ಅವರಿಗೆ ಹೆಚ್ಚಿನ ಶಿಕ್ಷೆ ಆಗುವುದಿಲ್ಲ ಎಂಬ ಕಾರಣಕ್ಕೆ ಕಳ್ಳರು ಮಕ್ಕಳನ್ನು ದಾಳವಾಗಿ ಮಾಡಿಕೊಂಡು ದರೋಡೆ ಮಾಡುತ್ತಿದ್ದಾರೆ ಎಂಬ ವಿಷಯ ಮಧ್ಯಪ್ರದೇಶದಲ್ಲಿ ಆತಂಕ ಸೃಷ್ಟಿಸಿದೆ. ಆ ಬಾಲಕನಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.
Published by: Sushma Chakre
First published: July 16, 2020, 7:03 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading