HOME » NEWS » National-international » CRIME NEWS ENGLAND WOMAN SUFFERS BURNS FROM HOTEL RADIATOR THAT IS HOT ENOUGH TO FRY EGG SCT STG

ಹೋಟೆಲ್ ರೇಡಿಯೇಟರ್​ನಿಂದ ಬೆನ್ನು ಸುಟ್ಟುಕೊಂಡ ಮಹಿಳೆ; ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ

ಈ ರೇಡಿಯೇಟರ್‌ ಮಕ್ಕಳಿಗೆ ಅಪಾಯಕಾರಿಯಾಗಿದೆ ಎಂದು ಆತಂಕ ವ್ಯಕ್ತಪಡಿಸಿದ ಬ್ರಿಯಾನಿ, ಮಕ್ಕಳು ಅದನ್ನು ಮುಟ್ಟಿದರೂ ಸಾಕು ಅವರ ಚರ್ಮ ಬೆಂದು ಹೋಗುತ್ತದೆ. ರೇಡಿಯೇಟರ್‌ನೊಳಗೆ ಮೊಟ್ಟೆ ಹೋದರೆ ತಕ್ಷಣವೇ ಬೇಯುತ್ತದೆ ಎಂದೂ ಹೇಳಿಕೊಂಡಿದ್ದಾಳೆ.

news18-kannada
Updated:March 23, 2021, 10:38 AM IST
ಹೋಟೆಲ್ ರೇಡಿಯೇಟರ್​ನಿಂದ ಬೆನ್ನು ಸುಟ್ಟುಕೊಂಡ ಮಹಿಳೆ; ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ
ಬೆನ್ನಿನ ಮೇಲೆ ಸುಟ್ಟ ಕಲೆ
  • Share this:
ಟವಲ್‌ಗಳನ್ನು ಒಣಗಿಸುವ ಹೋಟೆಲ್‌ ರೇಡಿಯೇಟರ್‌ನಿಂದ ಬೆನ್ನಿನ ಚರ್ಮವನ್ನು ಬ್ರಿಯಾನಿ ಆನ್ ಎಂಬ ಮಹಿಳೆ ಸುಟ್ಟುಕೊಂಡಿದ್ದಾಳೆ. ಯುಕೆಯ ಡಾನ್ಕಾಸ್ಟರ್‌ನ 25 ವರ್ಷದ ಮಹಿಳೆ ಈ ರೀತಿ ತಮ್ಮ ದೇಹವನ್ನು ಸುಟ್ಟುಕೊಂಡಿದ್ದು, ಈ ಸುಟ್ಟ ಗಾಯಗಳು ತಮ್ಮ ಇಡೀ ಜೀವನ ಪರ್ಯಂತ ಇರಲಿದೆಯೇ ಎಂದು ಆಕೆ ಭಯಭೀತಳಾಗಿದ್ದಾಳೆ. ಮಾರ್ಚ್ 16ರಂದು ಡಾನ್‌ಕಾಸ್ಟರ್‌ನ ಮೆಕ್ಸ್‌ಬರೋದ ಬೆಸ್ಟ್ ವೆಸ್ಟರ್ನ್ ಪ್ಯಾಸ್ಟರ್ಸ್ ಹೋಟೆಲ್‌ನಲ್ಲಿ ಬಿಸಿಯಾದ ಟವೆಲ್ ರೈಲ್‌ಗೆ ಬೆನ್ನು ತಾಗಿ ಈ ರೀತಿ ಸುಟ್ಟ ಗಾಯಗಳಾಗಿವೆ ಎಂದು ಮಹಿಳೆ ಹೇಳಿಕೊಂಡಿದ್ದಾಳೆ. ಇನ್ನು, ಈ ರೇಡಿಯೇಟರ್‌ ಎಷ್ಟು ಬಿಸಿ ಇತ್ತೆಂದರೆ "ನೀವು ಅದರ ಮೇಲೆ ಮೊಟ್ಟೆಯನ್ನು ಫ್ರೈ ಮಾಡಬಹುದು''. ಇದರಿಂದ ತಾನು ಎರಡನೇ ಹಂತದ ಸುಟ್ಟಗಾಯಗಳಿಗೆ ಒಳಗಾಗಿದ್ದೇನೆ ಎಂದು ಬ್ರಿಯಾನಿ ಆನ್ ಹೇಳಿಕೊಂಡಿದ್ದಾಳೆ.

ಶವರ್‌ನಿಂದ ಹೊರಬಂದ ನಂತರ ತಾನು ಪಾದಗಳನ್ನು ಒಣಗಿಸುತ್ತಿದ್ದೆ. ಅಲ್ಲದೆ, ಆ ಹೋಟೆಲ್‌ನಿಂದ ಚೆಕ್‌ ಔಟ್‌ ಆಗಲು ತಯಾರಾಗುತ್ತಿದ್ದೆ. ಆ ವೇಳೆ, ಕೆಳಕ್ಕೆ ಬಾಗುತ್ತಿದ್ದಂತೆ, ಆಕೆಯ ಬೆನ್ನು ಆಕಸ್ಮಿಕವಾಗಿ ರೇಡಿಯೇಟರ್ ಅನ್ನು ಮುಟ್ಟಿತು ಮತ್ತು ಸೆಕೆಂಡ್‌ನಲ್ಲೇ ತನ್ನ ಚರ್ಮ ರೇಡಿಯೇಟರ್‌ಗೆ ಸಿಕ್ಕಿಹಾಕಿಕೊಂಡಿತು ಎಂದು ಯಾರ್ಕ್‌ಶೈರ್‌ ಲೈವ್‌ ಜತೆ ಮಾತನಾಡಿದ ಬ್ರಿಯಾನಿ ಆನ್ ಹೇಳಿದ್ದಾಳೆ.

ಅಲ್ಲದೆ, ಹೋಟೆಲ್‌ನಿಂದ ತುರ್ತಾಗಿ ಹೋಗಬೇಕಿದ್ದ ಕಾರಣ ತಾನು ಆ ವಿಚಾರವನ್ನು ಹೋಟೆಲ್‌ನವರಿಗೆ ತಿಳಿಸಲಿಲ್ಲ. ಹಾಗೇ ಚೆಕ್‌ ಔಟ್‌ ಮಾಡಿದೆ. ನಂತರ ಮನೆಗೆ ತೆರಳಿದ ಬಳಿಕ ಚರ್ಮದಲ್ಲಿ ಸುಟ್ಟ ಗಾಯಗಳಾಗಿರುವುದನ್ನು ತಿಳಿದು ಮತ್ತೆ ಹೋಟೆಲ್‌ಗೆ ತೆರಳಿದೆ. ಆದರೆ, ಕೆಲವು ದಿನಗಳವರೆಗೆ ಹೋಟೆಲ್‌ ಮ್ಯಾನೇಜರ್‌ ಲಭ್ಯವಿರುವುದಿಲ್ಲ ಎಂದು ಅಲ್ಲಿನ ಸಿಬ್ಬಂದಿ ತಿಳಿಸಿದರು ಎಂದೂ ಯುಕೆ ಮಹಿಳೆ ವಿವರಿಸಿದ್ದಾಳೆ.

Pastures hotel room features:

A towel rail that you could seal a fucking steak on, or maybe you’re feeling cute and...

Posted by Briony Anne on Friday, March 19, 2021

ಇನ್ನು, ಈ ರೇಡಿಯೇಟರ್‌ ಮಕ್ಕಳಿಗೆ ಅಪಾಯಕಾರಿಯಾಗಿದೆ ಎಂದು ಆತಂಕ ವ್ಯಕ್ತಪಡಿಸಿದ ಬ್ರಿಯಾನಿ, ಮಕ್ಕಳು ಅದನ್ನು ಮುಟ್ಟಿದರೂ ಸಾಕು ಅವರ ಚರ್ಮ ಬೆಂದು ಹೋಗುತ್ತದೆ. ರೇಡಿಯೇಟರ್‌ನೊಳಗೆ ಮೊಟ್ಟೆ ಹೋದರೆ ತಕ್ಷಣವೇ ಬೇಯುತ್ತದೆ ಎಂದೂ ಹೇಳಿಕೊಂಡಿದ್ದಾಳೆ. ಅಲ್ಲದೆ, ಅದು ಸಿಕ್ಕಾಪಟ್ಟೆ ಬಿಸಿಯಾಗಿತ್ತು. ಟವೆಲ್‌ಗಳನ್ನು ಒಣಗಿಸಲು ಅಷ್ಟೊಂದು ಬಿಸಿಯಾಗಿರಬೇಕಿಲ್ಲ'' ಎಂದೂ 25 ವರ್ಷದ ಮಹಿಳೆ ಆರೋಪಿಸಿದ್ದಾಳೆ.

ಆದರೆ, ಬ್ರಿಯಾನಿ ಈ ಬಗ್ಗೆ ಹೋಟೆಲ್‌ನವರ ಜತೆ ಮಾತನಾಡಿದ್ದಕ್ಕೆ, ಆ ಹೀಟರ್‌ ಕಂಪನಿ ಉತ್ಪಾದನೆಯ ವಿಶೇಷಣಗಳನ್ನು ಪೂರೈಸುತ್ತದೆ ಎಂದು ಅಲ್ಲಿನ ಸಿಬ್ಬಂದಿ ಪರಿಶೀಲಿಸಿದ ಬಳಿಕ ಹೇಳಿದ್ದಾರೆ. ಇನ್ನು, ತಾನು ಹೋಟೆಲ್‌ಗೆ ಕರೆ ಮಾಡಿದರೂ, ಅವರು ತನ್ನ ದೂರು ಕೇಳಲು ಪ್ರಾಮಾಣಿಕವಾದ ಆಸಕ್ತಿಯನ್ನೇ ಹೊಂದಿರಲಿಲ್ಲ ಎಂದೂ ಸಾಮಾಜಿಕ ಜಾಲತಾಣದಲ್ಲಿ ದೂರು ನೀಡಿದ್ದಾಳೆ.
Youtube Video

ಅಲ್ಲದೆ, ''ಸಾಮಾನ್ಯವಾಗಿ ರೇಡಿಯೇಟರ್‌ ಅನ್ನು ಮನುಷ್ಯರು ಸ್ಪರ್ಶಿಸಬಹುದು ಮತ್ತು ಕೆಲವು ಸೆಕೆಂಡುಗಳ ಕಾಲ ನಿಮ್ಮ ಕೈಯನ್ನು ಹಿಡಿದಿಟ್ಟುಕೊಳ್ಳಬಹುದು. ಅದು ನಿಮ್ಮನ್ನು ಹಾಗೆ ಸುಡುವುದಿಲ್ಲ. ಆದರೆ, ಆ ಹೋಟೆಲ್‌ನಲ್ಲಿದ್ದ ರೇಡಿಯೇಟರ್‌ 200 ಡಿಗ್ರಿಗಳಷ್ಟು ಬಿಸಿಯಾಗುತ್ತಿತ್ತು. ನನ್ನ ಚರ್ಮವನ್ನು ಸುಡಲು ಅಷ್ಟು ಬಿಸಿ ಮಾಡಬೇಕಿತ್ತೇ'' ಎಂದೂ ಯುಕೆಯ ಡಾನ್ಕಾಸ್ಟರ್‌ನ 25 ವರ್ಷದ ಮಹಿಳೆ ಬ್ರಿಯಾನಿ ಆನ್ ಆಕ್ರೋಶ ವ್ಯಕ್ತಪಡಿಸಿದ್ದಾಳೆ.
Published by: Sushma Chakre
First published: March 23, 2021, 10:38 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories