ಹಬ್ಬದ ಸಮಯದಲ್ಲಿ ಕ್ರೆಡಿಟ್​ ಕಾರ್ಡ್​ ಬಳಕೆಯಿಂದ ಸಿಗುವ ಲಾಭಾಗಳೇನು ಗೊತ್ತಾ?

ದಸರಾ ಮತ್ತು ದೀಪಾವಳಿಯಂತಹ ಸಾಲು ಸಾಲು ಹಬ್ಬಗಳ ಸಾಲಿನಲ್ಲಿ ಈಗ ಜನರು ಮನೆಯಲ್ಲಿಯೇ ಕುಳಿತು ಶಾಪಿಂಗ್​ ಮಾಡುತ್ತಿದ್ದಾರೆ. ಹಬ್ಬಗಳಿಗೆ ಉಡುಗೊರೆ, ಬಟ್ಟೆ ಖರೀದಿ ಮಾಡಬೇಕು ಎಂಬುದು ಎಲ್ಲರ ಕನಸು. ಆದರೆ, ಕೋವಿಡ್​ನ ಈ ಪರಿಸ್ಥಿತಿಯಲ್ಲಿ ಆರ್ಥಿಕ ಮುಗ್ಗಟ್ಟು ಕೂಡ ಎದುರಾಗಿರುವುದು ಸುಳ್ಳಲ್ಲ. ಇದೇ ಹಿನ್ನಲೆ ಅನೇಕರು ಸಾಲದ ಮೊರೆ ಹೋಗುತ್ತಿದ್ದಾರೆ. ಇನ್ನು ಈ ಹೊತ್ತಿನಲ್ಲಿ ಎಲ್ಲರಿಗೂ ಹೆಚ್ಚು ನೆನಪಾಗುತ್ತಿರುವುದು ಕ್ರೆಡಿಟ್​ ಕಾರ್ಡ್​ಗಳು. ಈ ಕಾರ್ಡ್​ಗಳ ವಾಹಿವಾಟುಗಳು ಕೇವಲ ಸಾಲ ನೀಡುವುದಿಲ್ಲ. ಇದರ ಜೊತೆಗೆ ಹಲವು ಲಾಭಾದಾಯಕ ಅಂಶಗಳನ್ನು ಹೊಂದಿವೆ. ಸಾಲದ ಹೊರೆ ಕಡಿಮೆ ಮಾಡಿ, ಅತ್ಯಾಕರ್ಷಕ ಆಫರ್​ ನೀಡುವ ಈ ಕ್ರೆಡಿಟ್​ ಕಾರ್ಡ್​ಗಳು ಗ್ರಾಹಕರ ಸ್ನೇಹಿ ಕೂಡ ಆಗಿವೆ. ಹಬ್ಬದ ಸಂದರ್ಭದಲ್ಲಿ ಇನ್ನಷ್ಟು ಲಾಭಾದ ಆಫರ್​ ನೀಡುವ ಜೊತೆಗೆ ನಿಮ್ಮ ಹಣಕಾಸಿನ ಸ್ಥಿತಿಯನ್ನು ಸುಧಾರಿಸುವ ಈ ಕಾರ್ಡ್​ಬಗ್ಗೆ ಅರಿವಿರುವುದು ಕೂಡ ಮುಖ್ಯವಾಗಿದೆ.

ಕ್ರೆಡಿಟ್​ ಅಂಕಗಳನ್ನು ಹೆಚ್ಚಿಸಿ

ಕ್ರೆಡಿಟ್​ ಕಾರ್ಡ್​ನ ವಾಹಿವಾಟಿನ ಪ್ರಮುಖ ಅಂಶ ಎಂದರೆ ನೀವು ತೆಗೆದುಕೊಂಡ ಸಾಲಗಳನ್ನು ಹೇಗೆ ನಿಗದಿತ ದಿನಾಂಕದೊಳಗೆ ಮರುಪಾವತಿಸಿದರೆ ಇದಕ್ಕೆ ಕ್ರೆಡಿಟ್​ ಅಂಕಗಳು ಲಭ್ಯವಾಗುತ್ತಿದೆ. ಇದರಿಂದ ನಿಮಗೆ ಬಡ್ಡಿದರ ವೆಚ್ಚವನ್ನು ಪಾವತಿ ಮಾಡುವ ಅವಕಾಶವಿರುವುದಿಲ್ಲ. ಇದೇ ಕಾರಣಕ್ಕೆ ಕ್ರೆಡಿಟ್​ ಕಾರ್ಡ್​ಗಳ ಬಳಕೆ ಜನರಿಗೆ ಸುಲಭವಾಗಿರುವ ಜೊತೆ ಲಾಭಾದಾಯಕವಾಗಿದೆ, ನಿಮ್ಮ ಈ ಕ್ರೆಡಿಟ್​ ಸ್ಕೋರ್​ಗಳನ್ನು ಹೆಚ್ಚು ಮಾಡುವ ಏಕೈಕ ಅಂಶ ಎಂದರೆ, ನಿಗದಿತ ಅವಧಿಗೆ ಮುನ್ನ ಮರುಪಾವತಿ ಮಾಡುವುದು. ಇದರ ಜೊತೆಗೆ ಶೇ 30ರಷ್ಟು ಮೀರಿ ಖರ್ಚು ಮಾಡುವುದನ್ನು ತಪ್ಪಿಸಿದಲ್ಲಿ ನಿಮ್ಮ ಕ್ರೆಡಿಟ್​ ಕಾರ್ಡ್​ ಮೇಲೆ ಹೆಚ್ಚಿನ ಅಂಕ ಪಡೆಯಲು ಸಾಧ್ಯವಾಗುತ್ತದೆ. ಇದರಿಂದ ಮುಂದೆ ಯಾವುದೇ ರೀತಿಯ ಸಾಲ ಪಡೆಯುವಾಗ ಹೆಚ್ಚಿನ ಅನುಕೂಲಕರವಾಗಲಿದೆ.

ಹಣ ಉಳಿಕೆಯಲ್ಲಿ ಸಹಕಾರಿ

ಹಬ್ಬದ ಸಮಯದಲ್ಲಿ ಗ್ರಾಹಕರನ್ನು ಆಕರ್ಷಿಸಲು ಹಲವಾರು ವ್ಯಾಪಾರಿಗಳು ಕ್ರೆಡಿಟ್​ ಕಾರ್ಡ್​ಗಳಿಗೆ ರಿವರ್ಡ್​ ಪಾಯಿಂಟ್​ಗಳನ್ನು ನೀಡುತ್ತವೆ. ಅಲ್ಲದೇ, ಕಾರ್ಡ್​ಗಳ ಬಳಕೆಯಲ್ಲಿ ರಿಯಾಯತಿಯನ್ನು ಘೋಷಿಸುತ್ತವೆ. ಕ್ಯಾಶ್​ ಬ್ಯಾಕ್​, ಗಿಫ್ಟ್​ ವೋಚರ್​ ನಂತ ಸೇವೆಗಳು ಕೂಡ ಕ್ರೆಡಿಟ್​ ಕಾರ್ಡ್​ಗಳ ಬಳಕೆಯಿಂದ ಸಿಗಲಿವೆ. ಇಂತಹ ಸೇವೆಯನ್ನು ಪಡೆದಲ್ಲಿ ಕಾರ್ಡ್​ ಮೂಲಕ ಹಣ ಗಳಿಸಲು ಬಹುದು. ಇತಂಹ ಸೇವೆಗಳನ್ನು ನೀವು ಪತ್ತೆ ಮಾಡಬೇಕು.

ಒಂದು ವೇಳೆ ವ್ಯಾಪಾರಿಗಳಿಂದ ಈ ರೀತಿಯ ಪ್ರಯೋಜನ ಲಭ್ಯವಾಗದಿದ್ದರೂ ಕ್ರೆಡಿಟ್​ ಕಾರ್ಡ್​ ರಿವಾರ್ಡ್​ ಪಾಯಿಂಟ್​ನ ಲಾಭಾವಂತೂ ಗ್ರಾಹಕರಿಗೆ ಇದ್ದೆ ಇರಲಿದೆ. ಈ ರಿವಾರ್ಡ್​ ಪಾಯಿಂಟ್​ಗಳ ಮುಕ್ತಾಯ ದಿನಾಂಕಗಳು ಬರುವ ಮೊದಲೇ ಅ ಅಂಕಗಳನ್ನು ಬಳಸಿ ನಿಮ್ಮ ಶಾಪಿಂಗ್​ ಮುಗಿಸಬಹುದು.

ಬಡ್ಡಿರಹಿತ ಅವಧಿಯ ಹಣದ ವಾಹಿವಾಟುಕ್ರೆಡಿಟ್​ ಕಾರ್ಡ್​ ಬಳಕೆ ಮಾಡಿಕೊಳ್ಳುವಾಗ ಗಮನದಲ್ಲಿಟ್ಟುಕೊಳ್ಳಬೇಕಾದ ಮೊದಲ ಅಂಶ ಎಂದರೆ, ಕಾರ್ಡ್​ನ ವಹಿವಾಟು ದಿನ ಹಾಗೂ ಅದರ ಅವಧಿ ದಿನ. ಈ ಎರಡರ ಮೇಲೆ ನಿಮ್ಮ ಗಮನವಿದ್ದಲ್ಲಿ ಬಡ್ಡಿಯಿಂದ ತಪ್ಪಿಸಿಕೊಳ್ಳಬಹುದು. ಅವಧಿಗೆ ಮುನ್ನವಾಗಿ ವಾಹಿವಾಟು ಮಾಡಿದಲ್ಲಿ ಅಥವಾ ಮರುಪಾವತಿ ಮಾಡಿದಲ್ಲಿ ಬಡ್ಡಿಯಿಂದ ತಪ್ಪಿಸಿಕೊಳ್ಳಬಹುದು. ಅಲ್ಲದೇ ಅನೇಕ ಕಾರ್ಡ್​ಗಳು ಈ ಬಡ್ಡಿ ರಹಿತ ಸೇವೆಯನ್ನು ಕೂಡ ಒದಗಿಸುತ್ತದೆ. ಕಾರ್ಡ್​ ಮರುಪಾವತಿ ದಿನಾಂಕಕ್ಕೆ 18 ರಿಂದ 55 ದಿನಗಳವರೆಗೆ ಸಮಯವಿದ್ದು, ಅದರೊಳಗೆ ನೀವು ಪಾವತಿ ಮಾಡಿದರೆ ಬಡ್ಡಿಯ ಲಾಭಾ ಪಡೆಯಬಹುದು.

ಇಎಂಐ ವೆಚ್ಚದ ಲಾಭಾ

ಅನೇಕ ಕ್ರೆಡಿಟ್​ ಕಾರ್ಡ್​ಗಳು ಇಎಂಐ ವೆಚ್ಚವಿಲ್ಲದ ರೀತಿ ವ್ಯಾಪಾರಿಗಳೊಂದಿಗೆ ಒಪ್ಪಂದ ಮಾಡಿಕೊಂಡಿರುತ್ತಾರೆ. ಆದರೆ, ಆನ್​ಲೈನ್​ ಅಥವಾ ನೇರವಾಗಿ ವಸ್ತುಗಳನ್ನು ಕೊಳ್ಳವಾಗ ನಿಮಗೆ ಇಎಂಐ ಸೇವೆ ನೀಡಲಾಗುವುದು. ಅಲ್ಲದೇ ಕೆಲವೊಂದು ಖರೀದಿಗಳು ಇಎಂಐ ಆಧಾರದ ಮೇಲೆ ಯಾವುದೇ ವೆಚ್ಚವಿಲ್ಲದಂತೆ ಕೊಂಡುಕೊಳ್ಳವ ಸೌಲಭ್ಯ ನೀಡಲಾಗಿರುತ್ತದೆ.

ತಕ್ಷಣಕ್ಕೆ ಸಾಲ ಸೌಲಭ್ಯ

ಕ್ರೆಡಿಟ್​ ಕಾರ್ಡ್​ ಹಣಪಾವತಿಯಲ್ಲಿ ನೀವು ಉತ್ತಮ ರೆಕಾರ್ಡ್​ ಹೊಂದಿದ್ದರೆ, ಅಂದರೆ, ಸರಿಯಾದ ಸಮಯದಲ್ಲಿ ಹಣ ಪಾವತಿ ಮಾಡಿದಲ್ಲಿ ಸಾಲ ಸಿಗುವುದು ಸುಲಭ. ನಿಗದಿತ ಅವಧಿಯಲ್ಲಿ ವ್ಯಕ್ತಿಯೊಬ್ಬ ಮರುಪಾವತಿ ಮಾಡುತ್ತಾನೋ ಇಲ್ಲವೋ ಎಂಬ ಕಾರಣಕ್ಕೆ ಸಾಲ ನೀಡುವಾಗ ಅನೇಕ ದಾಖಲಾತಿ, ಶೂರಿಟಿಗಳು ಅಗತ್ಯ. ಒಂದು ವೇಳೆ ಕ್ರೆಡಿಟ್​ ಕಾರ್ಡ್​ ಪಾವತಿಗಳಲ್ಲಿ ನೀವು ಸರಿಯಾಗಿ ನಿರ್ವಹಣೆ ಮಾಡಿದ್ದರೆ, ಸುಲಭವಾಗಿ ಅವಧಿ ಪೂರ್ವಕವಾಗಿಯೇ ಸಾಲ ಸಿಗಲಿದೆ. ಕೆಲವು ಕಾರ್ಡ್​ಗಳು ಅವಧಿ ಪೂರ್ವ ಸಾಲ ಸೌಲಭ್ಯದ ವ್ಯವಸ್ಥೆಯನ್ನು ಹೊಂದಿರುತ್ತವೆ. ಇದರಿಂದ ನಿಮಗೆ ಆರ್ಥಿಕ ತುರ್ತು ಪರಿಸ್ಥಿತಿಯಿಂದ ಪಾರಾಗಬಹುದು