Covid 19: ಕೊರೊನಾದ ಹೊಸ ತಳಿ ಬಲು ಅಪಾಯಕಾರಿ, ಲಸಿಕೆ ಪಡೆದವರಿಗೂ ಕೆಟ್ಟ ಸುದ್ದಿ!

ನವದೆಹಲಿ(ಜ.20): XBB.1.5, ವಿಶ್ವದಾದ್ಯಂತ ಭೀತಿ ಸೃಷ್ಟಿಸಿರುವ ಕೊರೊನಾದ (Coronavirus) ಹೊಸ ತಳಿ ಇತರ ರೂಪಾಂತರಗಳಿಗಿಂತ ಲಸಿಕೆ ಪಡೆದ ಜನರು ಮತ್ತು ಕೊರೊನಾ ಸೋಂಕಿಗೆ ಒಳಗಾದ ಜನರ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದೆ. ಹೊಸ ಸಂಶೋಧನೆಯಲ್ಲಿ ಈ ವಿಚಾರ ಬಯಲಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಇತ್ತೀಚೆಗೆ 38 ದೇಶಗಳಲ್ಲಿ XBB.1.5 ರೂಪಾಂತರದ ಪ್ರಕರಣಗಳು ಕಂಡುಬಂದಿವೆ ಎಂದು ವರದಿ ಮಾಡಿದೆ, ಈ ರೂಪಾಂತರವು US ನಲ್ಲಿ 82 ಪ್ರತಿಶತದಷ್ಟು ಕೊರೊನಾ ಪ್ರಕರಣಗಳಿಗೆ ಕಾರಣವಾಗಿದೆ. ಅದೇ ಸಮಯದಲ್ಲಿ, ಬ್ರಿಟನ್‌ನ (Britain) ಎಂಟು ಪ್ರತಿಶತ ಮತ್ತು ಡೆನ್ಮಾರ್ಕ್‌ನ (Denmark) ಎರಡು ಪ್ರತಿಶತ ಕೊರೊ ಪ್ರಕರಣಗಳು ಈ ರೂಪಾಂತರದ ಕಾರಣದಿಂದಾಗಿವೆ. ಅಧ್ಯಯನದ ಪ್ರಕಾರ, ಈ ರೂಪಾಂತರವು ಲಸಿಕೆ ಹಾಕಿದ ಅಥವಾ ಹಿಂದೆ COVID-19 ಸೋಂಕು ತಗುಲಿದವರಿಗೆ ತಗಲುವ ಸಾಧ್ಯತೆ ಹೆಚ್ಚು ಎನ್ನಲಾಗಿದೆ.

XBB.1.5 ಸ್ಟ್ರೈನ್ ಒಮಿಕ್ರಾನ್ XBB ರೂಪಾಂತರಗಳ ಭಾಗವಾಗಿದೆ, ಇದು Omicron BA.2.10.1 ಮತ್ತು BA.2.75 ಉಪ-ರೂಪಾಂತರಗಳಿಂದ ರೂಪಿತಗೊಂಡ ತಳಿಯಾಗಿದೆ. XBB ಮತ್ತು XBB.1.5 US ನಲ್ಲಿ 44 ಪ್ರತಿಶತದಷ್ಟು ಕೊರೊನಾ ಪ್ರಕರಣಗಳಿಗೆ ಕಾರಣವಾಗಿದೆ. ಯುರೋಪಿಯನ್ ಸೆಂಟರ್ ಫಾರ್ ಡಿಸೀಸ್ ಪ್ರಿವೆನ್ಶನ್ ಅಂಡ್ ಕಂಟ್ರೋಲ್ (ECDC) ಪ್ರಕಾರ, ಈ ತಳಿ ಪ್ರಸ್ತುತ ಇತರ ರೂಪಾಂತರಗಳಿಗಿಂತ US ನಲ್ಲಿ 12.5 ಪ್ರತಿಶತ ವೇಗವಾಗಿ ಹರಡುತ್ತಿದೆ.

ಇದನ್ನೂ ಓದಿ: China : 35 ದಿನಗಳಲ್ಲಿ ಕೊರೊನಾಗೆ 60 ಸಾವಿರ ಮಂದಿ ಬಲಿ! ಕೊನೆಗೂ ಸಾವಿನ ವರದಿ ಬಿಚ್ಚಿಟ್ಟ ಚೀನಾ

ರಾಯಿಟರ್ಸ್ ಪ್ರಕಾರ, ಜನವರಿ ಮೊದಲ ವಾರದಲ್ಲಿ 30 ಪ್ರತಿಶತ ಪ್ರಕರಣಗಳು ಈ ತಳಿಯದ್ದೆಂದು ವರದಿಯಲ್ಲಿ ಬಹಿರಂಗವಾಗಿದೆ. ಇದು ಕಳೆದ ವಾರದ CDC ಅಂದಾಜು ಮಾಡಿದ 27.6% ಕ್ಕಿಂತ ಹೆಚ್ಚು.

ಈ ರೂಪಾಂತರವು ಲಸಿಕೆ ಹಾಕಿದ ಜನರಿಗೂ ತಗುಲಬಹುದು

NYC ಡಿಪಾರ್ಟ್‌ಮೆಂಟ್ ಆಫ್ ಹೆಲ್ತ್ ಮತ್ತು ಮೆಂಟಲ್ ಹೈಜೀನ್‌ನ ಇತ್ತೀಚಿನ ಅಧ್ಯಯನದಲ್ಲಿ XBB.1.5 ತಳಿ COVID-19 ನ ಅತ್ಯಂತ ವೇಗವಾಗಿ ಹರಡುವ ರೂಪಾಂತರವಾಗಿದೆ ಎಂದು ತಿಳಿದು ಬಂದಿದೆ. ಅಲ್ಲದೇ ಈ ತಳಿ ಕೊರೊನಾ ಮಣಿಸಲು ಲಸಿಕೆ ಪಡೆದವರನ್ನೂ ಸೋಂಕಿಗೀಡು ಮಾಡುವ ಸಾಧ್ಯತೆ ಅಧಿಕವಿದೆ ಅಥವಾ ಈ ಹಿಂದೆ COVID-19 ತಗುಲಿದವರಿಗೂ ಇದು ಬಾಧಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಕೊರೊ ತಡೆಗಟ್ಟಲು ವ್ಯಾಕ್ಸಿನೇಷನ್ ಅಗತ್ಯ

ಇದೇ ವೇಳೆ ವ್ಯಾಕ್ಸಿನೇಷನ್ ಅನ್ನು ಉತ್ತೇಜಿಸಲು ಒತ್ತಾಯಿಸಲಾಗಿದ್ದು, "XBB.1.5 ಹೆಚ್ಚು ತೀವ್ರವಾದ ಹಾನಿಯುಂಟು ಮಾಡಬಹುದೇ ಎಂದು ನಮಗೆ ಇನ್ನೂ ತಿಳಿದಿಲ್ಲ. ಅದಕ್ಕಾಗಿಯೇ ಲಸಿಕೆ ಮತ್ತು COVID-19 ನ ನವೀಕರಿಸಿದ ಬೂಸ್ಟರ್ ಡೋಸ್‌ನೊಂದಿಗೆ ನಿಮ್ಮನ್ನು ರಕ್ಷಿಸಿಕೊಳ್ಳುವುದು ಉತ್ತಮ ಮಾರ್ಗವಾಗಿದೆ ಎಂದೂ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಇದನ್ನೂ ಓದಿ: Kraken Variant: ನಿಲ್ಲುತ್ತಿಲ್ಲ ಕೊರೊನಾ, ಈಗ ಮತ್ತೊಂದು ಆತಂಕ, ಏನಿದು ಕ್ರಾಕನ್?

ಭಾರತದಲ್ಲಿ ಈ ರೂಪಾಂತರದ ಒಟ್ಟು 26 ಪ್ರಕರಣಗಳು

ಮೂರು ದಿನಗಳ ಹಿಂದೆ INSACOG ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಭಾರತದಲ್ಲಿ ಇಲ್ಲಿಯವರೆಗೆ ಒಟ್ಟು 26 XBB.1.5 ಕೋವಿಡ್ ಪ್ರಕರಣಗಳು ಕಂಡುಬಂದಿವೆ. ಈ ರೂಪಾಂತರವು ಇಲ್ಲಿಯವರೆಗೆ ದೆಹಲಿ, ಮಹಾರಾಷ್ಟ್ರ ಮತ್ತು ಪಶ್ಚಿಮ ಬಂಗಾಳವನ್ನು ಒಳಗೊಂಡಿರುವ 11 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಕಂಡುಬಂದಿದೆ. ಯುನೈಟೆಡ್ ಸ್ಟೇಟ್ಸ್‌ನಲ್ಲಿ COVID ಪ್ರಕರಣಗಳ ಉಲ್ಬಣಕ್ಕೆ XBB.1.5 ಕಾರಣವಾಗಿದೆ.