ಗೋ ಮಾಂಸ, ಹಂದಿ ಮಾಂಸ ತಿನ್ನುತ್ತಿದ್ದ ನೆಹರೂ 'ಪಂಡಿತ್​' ಅಲ್ಲ: ಅಹುಜಾ


Updated:August 11, 2018, 7:31 PM IST
ಗೋ ಮಾಂಸ, ಹಂದಿ ಮಾಂಸ ತಿನ್ನುತ್ತಿದ್ದ ನೆಹರೂ 'ಪಂಡಿತ್​' ಅಲ್ಲ: ಅಹುಜಾ

Updated: August 11, 2018, 7:31 PM IST
ನ್ಯೂಸ್​ 18 ಕನ್ನಡ

ನವದೆಹಲಿ(ಆ.11): ತನ್ನ ವಿವಾದಾತ್ಮಕ ಹೇಳಿಕೆಗಳಿಂದಲೇ ಚರ್ಚೆಯಲ್ಲಿರುವ ಬಿಜೆಪಿ ಶಾಸಕ ಜ್ಞಾನದೇವ ಅಹುಜಾ ಇದೀಗ ದೇಶದ ಮೊದಲ ಪ್ರಧಾನ ಮಂತ್ರಿ ಪಂಡಿತ್​ ಜವಾಹರ್​ಲಾಲ್​ ನೆಹರೂ ವಿರುದ್ಧ ಕಿಡಿ ಕಾರುತ್ತಾ ಅವರು 'ಬೀಫ್​'(ಹಸುವಿನ ಮಾಂಸ) ಹಾಗೂ 'ಪೋರ್ಕ್​'(ಹಂದಿ ಮಾಂಸ) ಸೇವಿಸುತ್ತಿದ್ದರು. ಈ ಕಾರಣದಿಂದಾಗಿ ಅವರು ಪಂಡಿತ್​ ಅಲ್ಲ.

ಬಿಜೆಪಿಯ ಪ್ರಧಾನ ಕಚೇರಿಯಲ್ಲಿ ಶುಕ್ರವಾರದಂದು ಮಾತನಾಡಿದ ಅಹುಜಾರವರು "ನೆಹರೂ ಪಂಡಿತ್​ ಆಗಿರಲು ಸಾಧ್ಯವಿಲ್ಲ. ಅವರು ಬೀಫ್​ ಹಾಘೂ ಪೋರ್ಕ್​ ತಿನ್ನುತ್ತಿದ್ದರು. ಕಾಂಗ್ರೆಸ್​ ಪಕ್ಷವೇ ಅವರ ಹೆಸರಿನೆದುರು ಪಂಡಿತ್​ ಎಂದು ಸೇರಿದ್ದರು" ಎಂದಿದ್ದಾರೆ.

ಈ ಹಿಂದೆ ಕಾಂಗ್ರೆಸ್​ನ ಪ್ರಾದೇಶಿಕ ಅಧ್ಯಕ್ಷ ಸಚಿನ್​ ಪಾಯ್ಲೆಟ್​ ರಾಹುಲ್​ ಗಾಂಧಿಯವರು ದೇವಸ್ಥಾನಕ್ಕೆ ಹೋಗುವುದನ್ನು ತನ್ನ ಅಜ್ಜಿ ಇಂದಿರಾ ಗಾಂಧಿಯವರಿಂದ ಕಲಿತಿದ್ದರು" ಎಂಬ ಹೇಳಿಕೆ ನೀಡಿದ್ದರು. ಈ ಹೇಳಿಕೆಗೆ ತಿರುಗೇಟಾಗಿ ಅಹುಜಾರವರು ಈ ವಿವಾದಾತ್ಮಕ ಹೆಳಿಕೆ ನೀಡಿದ್ದಾರೆ.

ಇಷ್ಟೇ ಅಲ್ಲದೇ ಅಹುಜಾರವರು ಕಾಂಗ್ರೆಸ್​ ವಿರುದ್ಧ ಜಾತಿ ರಾಜಕೀಯ ನಡೆಸಿ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಆರೋಪ ಮಾಡಿದ್ದಾರೆ. ಅಲ್ಲದೇ ರಾಹುಲ್ ಗಾಂಧಿ ಯಾವತ್ತೂ ಇಂದಿರಾ ಗಾಂಧಿಯೊಂದಿಗೆ ದೇವಸ್ಥಾನಕ್ಕೆ ತೆರಳಿರಲಿಲ್ಲ. ಒಂದು ವೇಳೆ ಅವರು ಹೇಳಿದ ವಿಚಾರ ತಪ್ಪು ಎಂದು ಸಾಬೀತಾದರೆ ರಾಜೀನಾಮೆ ನೀಡಲು ಸಿದ್ಧ ಎಂದಿದ್ದಾರೆ.

ಅಹುಜಾರವರು ಈ ಹಿಂದೆಯೂ ಗೋ ಹತ್ಯೆ, ಲವ್​ ಜಿಹಾದ್​ ಸೇರಿದಂತೆ ಇನ್ನೂ ಹಲವಾರು ವಿಚಾರಗಳಿಗೆ ಸಂಬಂಧಿಸಿದಂತೆ ವಿವಾದಾತ್ಮಕ ಹೇಳಿಕೆ ನೀಡಿ ಚರ್ಚೆಗೀಡಾಗಿದ್ದರು ಎಂಬುವುದು ಗಮನಾರ್ಹ.
First published:August 11, 2018
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ