Massive Heroine Haul: ಗುಜರಾತ್ ಬಂದರ್ ಮೂಲಕ ಭಾರೀ ಪ್ರಮಾಣದ ಮಾದಕವಸ್ತು ಸಾಗಾಟ: ಕೇಂದ್ರದತ್ತ ಕಾಂಗ್ರೆಸ್ ಬೊಟ್ಟು

heroine haul at Mundra port: ಬಂದರಿನಲ್ಲಿ ವಶಪಡಿಸಿಕೊಂಡಿರುವ ಹೆರಾಯಿನ್​​ ಮೌಲ್ಯವು  ಬರೋಬ್ಬರಿ ₹ 21,000 ಕೋಟಿ. ಇದುವರೆಗೆ ಅತಿ ದೊಡ್ಡ ಡ್ರಗ್ಸ್​ ಸಾಗಾಣಿಕೆ ಇದಾಗಿದೆ ಎಂದು ಸುರ್ಜೇವಾಲಾ ಹೇಳಿದ್ದಾರೆ. ಮಾದಕದ್ರವ್ಯ ನಿಯಂತ್ರಣ ಮಂಡಳಿ, ಇಡಿ, ಡಿಆರ್‌ಐ ಡ್ರಗ್ಸ್​ ಸಾಗಾಟ ತಡೆಯುವಲ್ಲಿ ತಮ್ಮ ಜವಾಬ್ದಾರಿಯನ್ನು ಮರೆತಂತಿವೆ ಎಂದು ಆರೋಪಿಸಿದರು.

ರಣದೀಪ್ ಸಿಂಗ್ ಸುರ್ಜೇವಾಲಾ.

ರಣದೀಪ್ ಸಿಂಗ್ ಸುರ್ಜೇವಾಲಾ.

  • Share this:
Congress raises the issue : ಗುಜರಾತ್ ಬಂದರಿನಲ್ಲಿ ಭಾರೀ ಪ್ರಮಾಣದ ಮಾದಕ ವಸ್ತು ಸಾಗಾಟದ(massive heroine haul) ಬಗ್ಗೆ ಕೇಂದ್ರದ ವಿರುದ್ಧ ಕಾಂಗ್ರೆಸ್ ಭಾರೀ ಆಕ್ಷೇಪ ವ್ಯಕ್ತಪಡಿಸಿದೆ. ಯಾರ ಆದೇಶ ಮೇರೆಗೆ ಮಾದಕ ದ್ರವ್ಯಗಳನ್ನು ದೇಶಕ್ಕೆ ಕಳ್ಳಸಾಗಣೆ ಮಾಡಲಾಗಿದೆ ಎಂದು ಕಾಂಗ್ರೆಸ್ ವಕ್ತಾರ ರಣದೀಪ್ ಸಿಂಗ್​  ಸುರ್ಜೇವಾಲಾ(Randeep Surjewala) ಬುಧವಾರ ಪತ್ರಿಕಾಗೋಷ್ಠಿ ನಡೆಸಿ ಪ್ರಶ್ನಿಸಿದರು. ಗುಜರಾತ್‌ನ ಮುಂದ್ರಾ ಬಂದರಿನಲ್ಲಿ(Mundra port in Gujarat) ಭಾರೀ ಪ್ರಮಾಣದ ಡ್ರಗ್ಸ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಮಾದಕದ್ರವ್ಯ ಕಳ್ಳಸಾಗಣೆಯ ಹಿಂದೆ ಯಾರು ಇದ್ದಾರೆ ಎಂದು ಬಿಜೆಪಿ ಸರ್ಕಾರದ ವಿರುದ್ಧ ಕಾಂಗ್ರೆಸ್ ವಾಗ್ದಾಳಿ ಮಾಡಿದೆ. ಈ ಮಾದಕದ್ರವ್ಯದ ಹಾವಳಿಯನ್ನು ತಡೆಯುವ ಜವಾಬ್ದಾರಿ ಹೊಂದಿರುವ ದೇಶದ ತನಿಖಾ ಸಂಸ್ಥೆಗಳತ್ತ ಸುರ್ಜೇವಾಲಾ ಬೊಟ್ಟು ಮಾಡಿದರು. ಡ್ರಗ್ಸ್​ ಸಾಗಾಟ ಸಂಬಂಧ ಅದಾನಿ ಮುಂದ್ರಾ ಬಂದರನ್ನು ಏಕೆ ತನಿಖೆಗೆ ಒಳಪಡಿಸಲಿಲ್ಲ ಎಂದು ಪ್ರಶ್ನಿಸಿದರು.

ಸರ್ಕಾರಿ ತನಿಖಾ ಸಂಸ್ಥೆಗಳು ಏನು ಮಾಡುತ್ತಿವೆ? 

ಬಂದರಿನಲ್ಲಿ ವಶಪಡಿಸಿಕೊಂಡಿರುವ ಹೆರಾಯಿನ್​​ ಮೌಲ್ಯವು  ಬರೋಬ್ಬರಿ ₹ 21,000 ಕೋಟಿ. ಇದುವರೆಗೆ ಅತಿ ದೊಡ್ಡ ಡ್ರಗ್ಸ್​ ಸಾಗಾಣಿಕೆ ಇದಾಗಿದೆ ಎಂದು ಸುರ್ಜೇವಾಲಾ ಹೇಳಿದ್ದಾರೆ. ಮಾದಕದ್ರವ್ಯ ನಿಯಂತ್ರಣ ಮಂಡಳಿ, ಇಡಿ, ಡಿಆರ್‌ಐ ಡ್ರಗ್ಸ್​ ಸಾಗಾಟ ತಡೆಯುವಲ್ಲಿ ತಮ್ಮ ಜವಾಬ್ದಾರಿಯನ್ನು ಮರೆತಂತಿವೆ ಎಂದು ಆರೋಪಿಸಿದರು.  ದೇಶದ ಯುವ ಪೀಳಿಗೆಯನ್ನು ಡ್ರಗ್ಸ್ ಹಾವಳಿ ಹಾಳುಮಾಡುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ದೆಹಲಿ ಪೊಲೀಸರು ಈ ವರ್ಷದ ಜುಲೈನಲ್ಲಿ 4ರಂದು 2,500 ಕೋಟಿಗೂ ಹೆಚ್ಚು ಮೌಲ್ಯದ 354 ಕೆಜಿ ಹೆರಾಯಿನ್ ಅನ್ನು ವಶಪಡಿಸಿಕೊಂಡಿದ್ದಾರೆ. ಈ ಬೃಹತ್ ಮಾದಕವಸ್ತು ಕಳ್ಳಸಾಗಣೆಗಳ ಹಿಂದೆ ಇರುವವರನ್ನು ಬಹಿರಂಗಪಡಿಸಬೇಕು ಎಂದು ಸುರ್ಜೇವಾಲಾ ಆಗ್ರಹಿಸಿದರು.

ಡ್ರಗ್ಸ್​ ಜಾಲದ ಹಿಂದೆ ತಾಲಿಬಾನ್​​​​ ಇದೆ..!

1,75,000 ಕೋಟಿ ಮೌಲ್ಯದ 2,500 ಕೆಜಿ ಹೆರಾಯಿನ್ ಎಲ್ಲಿ ಪತ್ತೆಯಾಗಿದೆ. ಈ ಭಾರೀ ಪ್ರಮಾಣದ ಹೆರಾಯಿನ್ ಹಿಂದೆ ಇರುವ ಭಾರತ ವಿರೋಧಿ ಕೈವಾಡವನ್ನು ಬಹಿರಂಗಪಡಿಸಬೇಕು. ಇದರಿಂದ ರಾಷ್ಟ್ರೀಯ ಭದ್ರತೆಗೆ ಧಕ್ಕೆಯುಂಟಾಗಿದೆ ಏಕೆಂದರೆ ಈ ಮಾದಕ ದ್ರವ್ಯ ಸಾಗಣೆ ಹಿಂದೆ ಅಫ್ಘಾನಿಸ್ತಾನದ ತಾಲಿಬಾನ್  ನಂಟಿದೆ ಎನ್ನಲಾಗುತ್ತಿದೆ ಎಂದು ಶಂಕೆ ವ್ಯಕ್ತಪಡಿಸಿದರು. ಈ ಪ್ರಕರಣವನ್ನು ಸುಪ್ರೀಂ ಕೋರ್ಟ್‌ನ ಹಾಲಿ ನ್ಯಾಯಾಧೀಶರ ನೇತೃತ್ವದ ಆಯೋಗ ತನಿಖೆ ನಡೆಸಬೇಕು ಎಂದು ಅವರು ಆಗ್ರಹಿಸಿದರು.

ಬಂದರ್​ ಮೂಲಕ ಡ್ರಗ್ಸ್​​ ಸಾಗಾಟ 

ಕಂದಾಯ ಗುಪ್ತಚರ ನಿರ್ದೇಶನಾಲಯವು (ಡಿಆರ್‌ಐ) ಗುಜರಾತ್‌ನ ಕಚ್ ಜಿಲ್ಲೆಯ ಮುಂದ್ರಾ ಬಂದರಿನಲ್ಲಿ ಎರಡು ಕಂಟೇನರ್‌ಗಳಿಂದ ₹ 21,000 ಕೋಟಿ ಮೌಲ್ಯದ 2,988.21 ಕೆಜಿ ಹೆರಾಯಿನ್ ಅನ್ನು ವಶಪಡಿಸಿಕೊಂಡಿದೆ. ಈ ಸಂಬಂಧ ಚೆನ್ನೈನಿಂದ ಆಮದು ಸಂಸ್ಥೆಯನ್ನು ನಡೆಸುತ್ತಿದ್ದ ದಂಪತಿಯನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.

ಇದನ್ನೂ ಓದಿ: Crime News: ಅಸಹಜ ಲೈಂಗಿಕ ಕ್ರಿಯೆಯಲ್ಲಿ ತೊಡಗುವಂತೆ ಹೆಂಡತಿಗೆ ಹಿಂಸೆ: ಪೊಲೀಸ್​ ಸಬ್​ ಇನ್ಸ್​ಪೆಕ್ಟರ್​ ಬಂಧನ

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಒಂದು ಕೆಜಿ ಹೆರಾಯಿನ್ ಬೆಲೆ ಸುಮಾರು 5 ಕೋಟಿ ರೂಪಾಯು.  ಅಫ್ಘಾನಿಸ್ತಾನದಿಂದ ಕಳುಹಿಸಲಾಗಿದೆ ಎಂಬ ಮಾಹಿತಿ ಆಧಾರದ ಮೇಲೆ DRI ಅಧಿಕಾರಿಗಳು ಎರಡು ಕಂಟೇನರ್‌ಗಳನ್ನು ವಶಪಡಿಸಿಕೊಂಡರು. ವಶಪಡಿಸಿಕೊಂಡ ವಸ್ತುವಿನ ವಿಧಿವಿಜ್ಞಾನ ವಿಶ್ಲೇಷಣೆಯು ಹೆರಾಯಿನ್ ಇರುವುದನ್ನು ದೃಢಪಡಿಸಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
Published by:Kavya V
First published: