• Home
  • »
  • News
  • »
  • national-international
  • »
  • Congress Presidential Election: ಕಾಂಗ್ರೆಸ್​ ಅಧ್ಯಕ್ಷೀಯ ಚುನಾವಣೆ, ಮಲ್ಲಿಕಾರ್ಜುನ ಖರ್ಗೆ ಕಣಕ್ಕೆ!

Congress Presidential Election: ಕಾಂಗ್ರೆಸ್​ ಅಧ್ಯಕ್ಷೀಯ ಚುನಾವಣೆ, ಮಲ್ಲಿಕಾರ್ಜುನ ಖರ್ಗೆ ಕಣಕ್ಕೆ!

ಕಾಂಗ್ರೆಸ್​ ಹಿರಿಯ ನಾಯಕ ಮಲ್ಲಿಕಾರ್ಜುನ ಖರ್ಗೆ

ಕಾಂಗ್ರೆಸ್​ ಹಿರಿಯ ನಾಯಕ ಮಲ್ಲಿಕಾರ್ಜುನ ಖರ್ಗೆ

Congress Presidential Election: ದಿಗ್ವಿಜಯ್ ಸಿಂಗ್ ಕಾಂಗ್ರೆಸ್​ ಅಧ್ಯಕ್ಷೀಯ ಚುನಾವಣಾ ಕಣಕ್ಕಿಳಿದಿರುವ ಬಗ್ಗೆ ಪ್ರತಿಕ್ರಿಯಿಸಿದ ಶಶಿ ತರೂರ್ ನಾವು ಪಕ್ಷದ ಅಧ್ಯಕ್ಷರ ಆಯ್ಕೆಯನ್ನು ಸ್ನೇಹಿತರಂತೆ ಹೋರಾಡುತ್ತಿದ್ದೇವೆಯೇ ಹೊರತು ಶತ್ರುಗಳಂತೆ ಅಲ್ಲ ಎಂದು ಹೇಳಿದ್ದಾರೆ. ಈಗ ಪಕ್ಷದ ಚುನಾವಣೆಯಲ್ಲಿ ಒಬ್ಬರಿಗಿಂತ ಹೆಚ್ಚು ಅಭ್ಯರ್ಥಿಗಳು ಕಣಕ್ಕಿಳಿದಿರುವುದು ಒಳ್ಳೆಯ ಬೆಳವಣಿಗೆ ಎಂದಿದ್ದಾರೆ.

ಮುಂದೆ ಓದಿ ...
  • Share this:

    ನವದೆಹಲಿ(ಸೆ.30): ಕಾಂಗ್ರೆಸ್ ಅಧ್ಯಕ್ಷರ (Congress Presidential Election) ಆಯ್ಕೆ ಕುತೂಹಲ ಮೂಡಿಸಿದೆ. ಶಶಿ ತರೂರ್, ದಿಗ್ವಿಜಯ್ ಸಿಂಗ್ (Digvijay Singh) ನಂತರ ಇದೀಗ ಪಕ್ಷದ ಹಿರಿಯ ನಾಯಕ ಮಲ್ಲಿಕಾರ್ಜುನ ಖರ್ಗೆ ಕೂಡ ಪಕ್ಷದ ಚುನಾವಣಾ ಕಣಕ್ಕೆ ಇಳಿದಿದ್ದಾರೆ. ಎಎನ್‌ಐ ಪ್ರಕಾರ, ಖರ್ಗೆ (Mallikarjuna Kharge) ಇಂದು ನಾಮಪತ್ರ ಸಲ್ಲಿಸಲಿದ್ದಾರೆ. ಮಾಹಿತಿ ಪ್ರಕಾರ ಶುಕ್ರವಾರ ಮಧ್ಯಾಹ್ನ 12.30ಕ್ಕೆ ಮಲ್ಲಿಕಾರ್ಜುನ ಖರ್ಗೆ ನಾಮಪತ್ರ ಸಲ್ಲಿಸಬಹುದು. ಮತ್ತೊಂದೆಡೆ, ಕಾಂಗ್ರೆಸ್ ಅಧ್ಯಕ್ಷರ ಚುನಾವಣೆಗೆ ಗುರುವಾರ ನಾಮಪತ್ರ ಸ್ವೀಕರಿಸಿದ ದಿಗ್ವಿಜಯ್ ಸಿಂಗ್ ಶುಕ್ರವಾರ ಬೆಳಗ್ಗೆ ಮಲ್ಲಿಕಾರ್ಜುನ ಖರ್ಗೆ ಅವರ ನಿವಾಸಕ್ಕೆ ಆಗಮಿಸಿದರು.


    ಇದನ್ನೂ ಓದಿ: Rajasthan Crisis: ರಾಜಸ್ಥಾನದಲ್ಲಿ ಸಿಎಂ ಗಾದಿಗಾಗಿ ಕಿತ್ತಾಟ: ಬಿಕ್ಕಟ್ಟಿನ ಮಧ್ಯೆ ಬಗೆಹರಿಯದ ಆ 5 ಪ್ರಶ್ನೆಗಳು, ಈವರೆಗೂ ಸಿಕ್ಕಿಲ್ಲ ಉತ್ತರ


    ಸ್ನೇಹಿತರಂತೆ ಸ್ಪರ್ಧೆ


    ಸೋನಿಯಾ ಗಾಂಧಿ ಅವರು ದಿಗ್ವಿಜಯ್ ಸಿಂಗ್ ಅವರಿಗೆ ಸೂಚಿಸಿದರೆ, ಅವರು ತಮ್ಮ ನಾಮಪತ್ರವನ್ನು ಹಿಂಪಡೆಯಬಹುದು ಎಂದು ಹೇಳಲಾಗಿದೆ. ಆದರೆ, ದಿಗ್ವಿಜಯ್ ಸಿಂಗ್ ಮತ್ತು ಖರ್ಗೆ ಅವರ ಭೇಟಿಯಲ್ಲಿ ಏನಾಯಿತು ಎಂಬುದರ ಕುರಿತು ಯಾವುದೇ ಮಾಹಿತಿ ಹೊರಬಿದ್ದಿಲ್ಲ. ಮತ್ತೊಂದೆಡೆ, ದಿಗ್ವಿಜಯ್ ಸಿಂಗ್ ಅವರ ಹೇಳಿಕೆಯ ಕುರಿತು ಕಾಂಗ್ರೆಸ್ ನಾಯಕ ಶಶಿ ತರೂರ್ ಅವರು ಪಕ್ಷದ ಅಧ್ಯಕ್ಷರ ಚುನಾವಣೆಯಲ್ಲಿ ನಾವು ಸ್ನೇಹಿತರಂತೆ ಹೋರಾಡುತ್ತಿದ್ದೇವೆಯೇ ಹೊರತು ಶತ್ರುಗಳಂತೆ ಅಲ್ಲ ಎಂದು ಹೇಳಿದ್ದಾರೆ. ಈಗ ಪಕ್ಷದ ಚುನಾವಣೆಯಲ್ಲಿ ಒಬ್ಬರಿಗಿಂತ ಹೆಚ್ಚು ಅಭ್ಯರ್ಥಿಗಳು ಕಣಕ್ಕಿಳಿದಿರುವುದು ಉತ್ತಮ ವಿಚಾರ ಎಂದಿದ್ದಾರೆ.


    ಖರ್ಗೆ ಬಗ್ಗೆ ಉತ್ತಮ ಅಭಿಪ್ರಾಯ


    ಈ ಹಿಂದೆ, ಪಿಟಿಐ ಜೊತೆ ಮಾತನಾಡಿದ ಕಾಂಗ್ರೆಸ್ ನಾಯಕರೊಬ್ಬರು, ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷದ (ಎನ್‌ಸಿಪಿ) ಅಧ್ಯಕ್ಷ ಶರದ್ ಪವಾರ್ ಮತ್ತು ಸಿಪಿಐ(ಎಂ) ಪ್ರಧಾನ ಕಾರ್ಯದರ್ಶಿ ಸೀತಾರಾಮ್ ಯೆಚೂರಿ ಅವರಂತಹ ವಿರೋಧ ಪಕ್ಷದ ನಾಯಕರೊಂದಿಗೆ ಖರ್ಗೆ "ಉತ್ತಮ ಒಡನಾಟ ಮತ್ತು ಸಂಬಂಧ" ಹೊಂದಿದ್ದಾರೆ, ಇದು "ಹೆಚ್ಚುವರಿ ಪ್ರಯೋಜನ" ಎಂದು ಹೇಳಿದ್ದರು. ಅಲ್ಲದೇ ಅವರು ತ್ವರಿತ ಸ್ವಭಾವದವರು. ಅಲ್ಲದೇ ಹಿಂದಿ ಭಾಷಿಕ ಪ್ರದೇಶಗಳಲ್ಲೂ ಅವರ ಹಿಂದಿಗೆ ಜನ ಇಷ್ಟ ಪಡುತ್ತಾರೆ ಎಂದಿದ್ದರು.


    ಇದನ್ನೂ ಓದಿ: Rajasthan: ಗೆಹ್ಲೋಟ್​ಗೆ ಕ್ಲೀನ್​ಚಿಟ್​, ಉಳಿದವರಿಗೆ ನೋಟಿಸ್: ರಾಜಸ್ಥಾನ ವಿಚಾರದಲ್ಲಿ ಹೈಕಮಾಂಡ್​ ಎಚ್ಚರಿಕೆಯ ನಡೆ!


    ಖರ್ಗೆ (80) ಅವರ ಆಪ್ತ ಮೂಲಗಳು, ನೆಹರೂ-ಗಾಂಧಿ ಕುಟುಂಬಕ್ಕೆ ಮಾತ್ರ "ಅಜ್ಞಾತ ಮೋಡಿ ಮತ್ತು ವರ್ಚಸ್ಸು" ಇದೆ ಎಂದು ಅವರು ನಂಬುತ್ತಾರೆ ಮತ್ತು ಇಡೀ ದೇಶದಲ್ಲಿ ಬೇರೆ ಯಾರಿಗೂ ಅಂತಹ ಪ್ರಭಾವವಿಲ್ಲ ಎಂದು ಹೇಳಿದರು.


    ಗೆಹ್ಲೋಟ್​ ನಡೆಯಿಂದ ಕಾಂಗ್ರೆಸ್​ಗೆ ಅವಮಾನ


    ಅಶೋಕ್ ಗೆಹ್ಲೋಟ್ ಕೂಡ ಕೆಲವು ಷರತ್ತುಗಳೊಂದಿಗೆ ಸಿಎಂ ಹುದ್ದೆ ತೊರೆಯಲು ಒಪ್ಪಿಗೆ ನೀಡುವ ಸೂಚನೆಗಳೂ ಇವೆ. ಅಶೋಕ್ ಗೆಹ್ಲೋಟ್ ಅವರು ಬುಧವಾರ ರಾತ್ರಿ ದೆಹಲಿ ತಲುಪಿದ್ದು, ಇಂದು ಸೋನಿಯಾ ಗಾಂಧಿ ಅವರನ್ನು ಭೇಟಿ ಮಾಡಲಿದ್ದಾರೆ. ಬುಧವಾರ ಸೋನಿಯಾ ಗಾಂಧಿ ಅವರನ್ನು ಭೇಟಿ ಮಾಡಲು ಅಶೋಕ್ ಗೆಹ್ಲೋಟ್ ನಿರಂತರವಾಗಿ ಸಮಯ ಕೇಳುತ್ತಿದ್ದರು, ಆದರೆ ಅವಕಾಶ ಸಿಗಲಿಲ್ಲ ಎನ್ನಲಾಗಿದೆ. ನಿಷ್ಠಾವಂತರ ಸಾಲಿನಲ್ಲಿದ್ದ ಅಶೋಕ್ ಗೆಹ್ಲೋಟ್ ಅವರ ಬಂಡಾಯದ ನಿಲುವನ್ನು ಹೈಕಮಾಂಡ್ ಹೇಗೆ ಅವಮಾನವಾಗಿ ಪರಿಗಣಿಸಿದೆ ಎಂಬುದು ಇದರಿಂದ ಅರ್ಥವಾಗುತ್ತದೆ. ಹೀಗಿರುವಾಗ ಗುರುವಾರ ಕಾಂಗ್ರೆಸ್ ಪಾಲಿಗೆ ಬಹುಮುಖ್ಯವಾಗಲಿದೆ.

    Published by:Precilla Olivia Dias
    First published: