Bhopal: ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್ ಕಾರಿಗೆ ಬೈಕ್ ಡಿಕ್ಕಿ, ಗಾಯಾಳುವನ್ನು ಖುದ್ದು ಆಸ್ಪತ್ರೆಗೊಯ್ದ ಮಾಜಿ ಸಿಎಂ!

ಭೋಪಾಲ್(ಮಾ.10): ಹಿರಿಯ ಕಾಂಗ್ರೆಸ್ ನಾಯಕ ಮತ್ತು ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್ ಸಿಂಗ್ ಅವರ ವಾಹನ ಗುರುವಾರ ರಾಜ್‌ಗಢದಲ್ಲಿ ಬೈಕ್ ಸವಾರನಿಗೆ ಡಿಕ್ಕಿ ಹೊಡೆದಿದೆ. ಅಪಘಾತದ ಬಳಿಕ ದಿಗ್ವಿಜಯ್ ಅವರು ತಮ್ಮ ಕಾರನ್ನು ನಿಲ್ಲಿಸಿದ್ದಲ್ಲದೇ, ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿಂದ ಅವರನ್ನು ಭೋಪಾಲ್‌ನ ಚಿರಾಯು ಆಸ್ಪತ್ರೆಗೆ ಕಳುಹಿಸಲಾಯಿತು. ಮಾಹಿತಿ ಪ್ರಕಾರ ಗಾಯಗೊಂಡ ಯುವಕನ ಸ್ಥಿತಿ ಸ್ಥಿರವಾಗಿದೆ. ಕೊಡಕ್ಯ ಗ್ರಾಮದಲ್ಲಿರುವ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರ ಮನೆಗೆ ದಿಗ್ವಿಜಯ್ ಸಾಂತ್ವನ ಹೇಳಲು ಆಗಮಿಸಿದ್ದರು. ಆ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.

ಮಧ್ಯಾಹ್ನ 3:00 ಗಂಟೆ ಸುಮಾರಿಗೆ ಹೊರಟಾಗ ಜಿರಾಪುರ ಬಳಿ ಬೈಕ್ ಸವಾರ 20 ವರ್ಷದ ರಾಮಬಾಬು ಬಗ್ರಿ ಅವರು ಕಪ್ಪು ಫಾರ್ಚುನರ್‌ನಲ್ಲಿ ತೆರಳುತ್ತಿದ್ದ ದಿಗ್ವಿಜಯ್ ಸಿಂಗ್ ಕಾರಿಗೆ ಡಿಕ್ಕಿ ಹೊಡೆದಿದ್ದಾರೆ. ರಾಮಬಾಬು ಬಗ್ರಿ ಪರೋಲಿಯಾ ನಿವಾಸಿ. ರಾಮಬಾಬು ಬೈಕ್​ ತಿರುಗಿಸುತ್ತಿದ್ದಾಗ ಈ ಅವಘಡ ಸಂಭವಿಸಿದೆ.

Congress leader Digvijay Singh 's car hit a bike-borne man in MP's Rajgarh, Driver Akhtar Khan was arrested & car seized by police. pic.twitter.com/JTTmssDjB3

— Political Kida (@PoliticalKida) March 9, 2023

ಭೋಪಾಲ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಯುವಕ

ಇದೇ ವೇಳೆ ಗಾಯಗೊಂಡ ಯುವಕನ ಚಿಕಿತ್ಸೆ ಭೋಪಾಲ್‌ನಲ್ಲಿ ನಡೆಯುತ್ತಿದೆ. ದಿಗ್ವಿಜಯ್ ಸಿಂಗ್ ಅವರಿಗೆ ಚಿರಾಯು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಅವರ ಆರೋಗ್ಯ ಸ್ಥಿತಿ ತಿಳಿಯಲು ದಿಗ್ವಿಜಯ್ ಸಿಂಗ್ ಅವರೇ ಆಸ್ಪತ್ರೆಗೆ ಆಗಮಿಸಿದ್ದಾರೆ. ಘಟನೆಯಲ್ಲಿ ದಿಗ್ವಿಜಯ್ ಸಿಂಗ್ ಅವರಿಗೆ ಯಾವುದೇ ಗಾಯವಾಗಿಲ್ಲ. ದಿಗ್ವಿಜಯ್ ಸಿಂಗ್ ಅವರ ಕಾರ್ಕೇಡ್ ನ ಪೈಲಟ್ ವಾಹನ ಹಾದು ಹೋಗಿದ್ದು, ಮಧ್ಯದಲ್ಲಿ ಬೈಕ್ ಯುವಕನೊಬ್ಬ ಏಕಾಏಕಿ ಬರುತ್ತಿರುವುದು ಸಿಸಿಟಿವಿ ವಿಡಿಯೋದಲ್ಲಿ ಕಂಡು ಬಂದಿದೆ. ದಿಗ್ವಿಜಯ್ ಸಿಂಗ್ ಪ್ರಯಾಣಿಸುತ್ತಿದ್ದ ಕಾರು. ಅದಕ್ಕೆ ಡಿಕ್ಕಿ ಹೊಡೆದು ಯುವಕ ಬೀಳುತ್ತಾನೆ.