Drugs Case: ಜನಪ್ರಿಯ ಹಾಸ್ಯ ಕಲಾವಿದೆ ಭಾರತಿ ಸಿಂಗ್​ ಬಂಧನ

ಡ್ರಗ್​ ಪೆಡ್ಲರ್​ ವಿಚಾರಣೆ ವೇಳೆ ಭಾರತಿ ಸಿಂಗ್​ ಹೆಸರು ಹೊರಬಂದಿದೆ. ಈ ಹಿನ್ನಲೆ ಅಧಿಕಾರಿಗಳು ಅವರ ಮನೆ ಮತ್ತು ಕಚೇರಿ ಮೇಲೆ ದಾಳಿ ನಡೆಸಿದ್ದರು.

news18-kannada
Updated:November 21, 2020, 8:07 PM IST
Drugs Case: ಜನಪ್ರಿಯ ಹಾಸ್ಯ ಕಲಾವಿದೆ ಭಾರತಿ ಸಿಂಗ್​ ಬಂಧನ
ಭಾರತಿ ಸಿಂಗ್
  • Share this:
ಮುಂಬೈ (ನ.21): ಜನಪ್ರಿಯ ಹಾಸ್ಯನಟಿಯಾಗಿ ಗುರುತಿಸಿಕೊಂಡಿರುವ ಭಾರತಿ ಸಿಂಗ್​ನ್ನು ಎನ್​ಸಿಬಿ ಪೊಲೀಸರು ಬಂಧಿಸಿದ್ದಾರೆ. ಡ್ರಗ್ಸ್​ ಪ್ರಕರಣ ಸಂಬಂಧ ಅವರನ್ನು ಬಂಧಿಸಲಾಗಿದೆ. ಭಾರತಿ ಮನೆಯಲ್ಲಿ ಡ್ರಗ್ಸ್​ ದೊರೆತ ಆರೋಪದ ಮೇಲೆ ಅವರನ್ನು ತೀವ್ರ ವಿಚಾರಣೆಗೆ ಒಳಪಡಿಸಲಾಗಿತ್ತು. ಇನ್ನು ಭಾರತಿ ಸಿಂಗ್​ ಗಂಡ ಹರ್ಷ ಲಿಂಬಾಚಿಯಾ ಅವರನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಡ್ರಗ್ಸ್​ ಪ್ರಕರಣ ಸಂಬಂಧ ಎನ್​ಸಿಬಿ ಅಧಿಕಾರಿಗಳು  ಅವರ ಮನೆ ಮೇಲೆ ದಾಳಿ ನಡೆಸಿದ ಸಂದರ್ಭದಲ್ಲಿ ಸುಮಾರು 86.5 ಗ್ರಾಂನಷ್ಟು ಗಾಂಜಾ ದೊರೆತಿತ್ತು. ಅಲ್ಲದೇ ವಿಚಾರಣೆ ವೇಳೆ ಭಾರತಿ ಮತ್ತು ಆಕೆಯ ಗಂಡ ಹರ್ಷ ಡ್ರಗ್ಸ್​ ಸೇವನೆ ಕುರಿತು ಒಪ್ಪಿಕೊಂಡಿದ್ದರು. ಎನ್​ಸಿಬಿ ವಲಯದ ನಿರ್ದೇಶಕ ಸಮೀರ್​ ವಾಂಖೆಡೆ ನೇತೃತ್ವದ ತಂಡ ಭಾರತಿ ಮನೆ ಮೇಲೆ ದಾಳಿ ನಡೆಸಿತ್ತು. ಡ್ರಗ್​ ಪೆಡ್ಲರ್​ ವಿಚಾರಣೆ ವೇಳೆ ಭಾರತಿ ಸಿಂಗ್​ ಹೆಸರು ಹೊರಬಂದಿದೆ. ಈ ಹಿನ್ನಲೆ ಅಧಿಕಾರಿಗಳು ಅವರ ಮನೆ ಮತ್ತು ಕಚೇರಿ ಮೇಲೆ ದಾಳಿ ನಡೆಸಿದ್ದರು.



ಕಿರುತೆರೆಯಲ್ಲಿ ಖ್ಯಾತ ಹಾಸ್ಯ ನಟಿಯಾಗಿ ಭಾರತಿ ಸಿಂಗ್​ ಹೆಸರು ಪಡೆದಿದ್ದಾರೆ. ಅನೇಕ ರಿಯಾಲಿಟಿ ಶೋಗಳ ನಿರೂಪಕಿಯಾಗಿಯೂ ಇವರು ಕಾಣಿಸಿಕೊಂಡಿದ್ದಾರೆ. ನಟ ಸುಶಾಂತ್​ ಸಿಂಗ್​ ಸಾವಿನ ಬಳಿಕ ಬಾಲಿವುಡ್​ನ ಡ್ರಗ್ಸ್​ ಜಾಲದ ಬಗ್ಗೆ ಎನ್​ಸಿಬಿ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. ಈ ಪ್ರಕರಣ ಸಂಬಂಧ ಸುಶಾಂತ್​ ಗೆಳತಿ ರಿಯಾಳನ್ನು ಒಂದು ತಿಂಗಳ ಕಾಲ ಬಂಧಿಸಲಾಗಿತ್ತು. ಸದ್ಯ ಜಾಮೀನಿನ ಮೇಲೆ ರಿಯಾ ಹೊರ ಬಂದಿದ್ದಾರೆ. ಇನ್ನು ಈ ಪ್ರಕರಣದ ಚಾಟ್​ ಲಿಸ್ಟ್​ ಆಧಾರದ ಮೇಲೆ ನಟಿ ದೀಪಿಕಾ ಪಡುಕೋಣೆ, ಶ್ರದ್ಧಾ ಕಪೂರ್​, ರಕುಲ್​ ಪ್ರೀತ್​ ಸಿಂಗ್​ ಅವರನ್ನು ಕೂಡ ಎನ್​ಸಿಬಿ ವಿಚಾರಣೆ ನಡೆಸಿತ್ತು. ಇನ್ನು ಕಳೆದ ವಾರ ನಟ ಅರ್ಜುನ್​ ರಾಮ್​ಪಾಲ್​ ಮನೆ ಮೇಲೆ ಕೂಡ ಅಧಿಕಾರಿಗಳು ದಾಳಿ ನಡೆಸಿದ್ದರು.
Published by: Seema R
First published: November 21, 2020, 8:03 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading