China Warship: ಪಾಕಿಸ್ತಾನಕ್ಕೆ ಅತಿದೊಡ್ಡ, ಅತ್ಯಾಧುನಿಕ ಯುದ್ಧನೌಕೆಯನ್ನು ಒದಗಿಸಿದ ಚೀನಾ

ಇದುವರೆಗೆ ರಫ್ತು ಮಾಡದ ಅತಿದೊಡ್ಡ ಮತ್ತು ಅತ್ಯಾಧುನಿಕ ಯುದ್ಧನೌಕೆ(Largest and most sophisticated warship)ಯನ್ನು ಚೀನಾ ಪಾಕಿಸ್ತಾನಕ್ಕೆ ತಲುಪಿಸಿದೆ ಎಂದು ಚೀನಾ(China)ದ ಸರ್ಕಾರಿ ಮಾಧ್ಯಮ ವರದಿ ಮಾಡಿದೆ. ಅರೇಬಿಯನ್ ಸಮುದ್ರ(Arabian Sea) ಹಾಗೂ ಹಿಂದೂ ಮಹಾಸಾಗರ(Indian Ocean)ದಲ್ಲಿ ಮೈತ್ರಿ ಪಡೆಯ ನೌಕಾಬಲ ಹೆಚ್ಚಿಸಲು ಚೀನಾ ಶಕ್ತಿಮೀರಿ ಪ್ರಯತ್ನಿಸುತ್ತಿದೆ. ಚೀನಾ ಸ್ಟೇಟ್ ಶಿಪ್‌ಬಿಲ್ಡಿಂಗ್ ಕಾರ್ಪೊರೇಷನ್ ಲಿಮಿಟೆಡ್ (ಸಿಎಸ್‌ಎಸ್‌ಸಿ) ವಿನ್ಯಾಸಗೊಳಿಸಿದ ಮತ್ತು ನಿರ್ಮಿಸಿದ ಈ ಯುದ್ಧನೌಕೆಯನ್ನು ಶಾಂಘೈ(Shanghai)ನಲ್ಲಿ ನಡೆದ ಕಾರ್ಯಾರಂಭದಲ್ಲಿ ಪಾಕಿಸ್ತಾನ ನೌಕಾಪಡೆಗೆ ವಿತರಿಸಲಾಯಿತು ಎಂದು ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ. PNS ತುಗ್ರಿಲ್​ ಕಾರ್ಯಾರಂಭವು ಹಿಂದೂ ಮಹಾಸಾಗರದಲ್ಲಿ ಪಡೆಯ ಶಕ್ತಿಸಾಮರ್ಥ್ಯವನ್ನು ಇನ್ನಷ್ಟು ಹೆಚ್ಚಿಸುವುದನ್ನು ಖಾತ್ರಿಗೊಳಿಸುತ್ತದೆ ಎಂದು ಚೀನಾದ ಪಾಕಿಸ್ತಾನಿ ರಾಯಭಾರಿ ಮೊಯಿನ್ ಉಲ್ ಹಕ್ ಹೇಳಿದ್ದಾರೆ.

ಪಾಕಿಸ್ತಾನ ನೌಕಾಪಡೆ ಸೋಮವಾರ ಗ್ಲೋಬಲ್ ಟೈಮ್ಸ್‌ಗೆ ಕಳುಹಿಸಿದ ಹೇಳಿಕೆಯ ಪ್ರಕಾರ ಟೈಪ್ 054A/P (The Type 054A/P frigate) ಯುದ್ಧನೌಕೆಗೆ PNS ತುಗ್ರಿಲ್ ಎಂದು ಹೆಸರಿಸಲಾಗಿದೆ. PNS ತುಗ್ರಿಲ್ ಪಾಕಿಸ್ತಾನ ನೌಕಾಪಡೆಗಾಗಿ ನಿರ್ಮಿಸಲಾಗುತ್ತಿರುವ ನಾಲ್ಕು ವಿಧದ 054 ಯುದ್ಧನೌಕೆಗಳ ಮೊದಲ ಕವಚವಾಗಿದೆ ಎಂದು ಪಾಕಿಸ್ತಾನ ನೌಕಾಪಡೆ ತಿಳಿಸಿದೆ. ತುಗ್ರಿಲ್-ಕ್ಲಾಸ್ ಫ್ರಿಗೇಟ್‌ಗಳು ಪಾಕಿಸ್ತಾನದ ನೌಕಾಪಡೆಯ ಸಾಮರ್ಥ್ಯ ಬಲಪಡಿಸುತ್ತದೆ. ಜೊತೆಗೆ ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಶಾಂತಿ, ಸ್ಥಿರತೆ ಮತ್ತು ಶಕ್ತಿಯ ಸಮತೋಲನ ಕಾಪಾಡುತ್ತದೆ ಎಂದು ಮೊಯಿನ್ ಉಲ್ ಹಕ್ ನೀಡಿರುವ ಹೇಳಿಕೆಯನ್ನು ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ.

ತಾಂತ್ರಿಕವಾಗಿ ಸುಧಾವರಣೆಗೊಂಡ ಮತ್ತು ಹೆಚ್ಚು ಸಾಮರ್ಥ್ಯ ಪಡೆದುಕೊಂಡಿದ್ದು, ವ್ಯಾಪಕ ಕಣ್ಗಾವಲು ಸಾಮರ್ಥ್ಯಗಳ ಜೊತೆಗೆ ಅಪರಿಮಿತ ಮೇಲ್ಮೈಯಿಂದ ಮೇಲ್ಮೈಗೆ, ಮೇಲ್ಮೈಯಿಂದ ಗಾಳಿಗೆ ಮತ್ತು ನೀರೊಳಗಿನ ಫೈರ್‌ಪವರ್ ಅನ್ನು ಒಳಗೊಂಡಿದೆ. ಇದು ಆಧುನಿಕ ಸ್ವಯಂ ರಕ್ಷಣೆ ಸಾಮರ್ಥ್ಯಗಳೊಂದಿಗೆ ಅತ್ಯಾಧುನಿಕ ಯುದ್ಧ ನಿರ್ವಹಣೆ ಮತ್ತು ಎಲೆಕ್ಟ್ರಾನಿಕ್ ಯುದ್ಧ ವ್ಯವಸ್ಥೆ ಹೊಂದಿದೆ. ಟೈಪ್ 054A/P (Type 054A/P) ಯುದ್ಧನೌಕೆಯು ಏಕಕಾಲದಲ್ಲಿ ಹಲವಾರು ನೌಕಾ ಯುದ್ಧ ಕಾರ್ಯಾಚರಣೆಗಳನ್ನು ಅತ್ಯಂತ ತೀವ್ರವಾದ ವಾತಾವರಣದಲ್ಲಿ ಕಾರ್ಯಗತಗೊಳಿಸಬಲ್ಲದು ಎಂದು ಪಾಕಿಸ್ತಾನಿ ಸುದ್ದಿಮೂಲಗಳು ತಿಳಿಸಿದೆ. ಫ್ರಿಗೇಟ್ (The frigate) ಚೀನಾ ಇದುವರೆಗೆ ರಫ್ತು ಮಾಡಿದ ಅತಿದೊಡ್ಡ ಮತ್ತು ಅತ್ಯಾಧುನಿಕ ಯುದ್ಧನೌಕೆಯಾಗಿದೆ.

ಎಲ್ಲಾ ಹವಾಮಾನ ಕಾರ್ಯತಂತ್ರದ ಸಂಬಂಧಗಳನ್ನು ಹಂಚಿಕೊಳ್ಳುವ ಚೀನಾ ಪಾಕಿಸ್ತಾನದ ಮಿಲಿಟರಿಗೆ ಅತಿದೊಡ್ಡ ಶಸ್ತ್ರಾಸ್ತ ಪೂರೈಕೆದಾರನಾಗಿ ಗೋಚರಿಸಿದೆ. ಸುಧಾರಿತ ನೌಕಾಪಡೆಯ ಹಡಗುಗಳಲ್ಲದೆ, JF-17 ಥಂಡರ್ ಯುದ್ಧ ವಿಮಾನ ನಿರ್ಮಿಸಲು ಚೀನಾ ಪಾಕಿಸ್ತಾನದ ವಾಯುಪಡೆಯೊಂದಿಗೆ ಪಾಲುದಾರಿಕೆ ಹೊಂದಿದೆ ಎಂಬುದಾಗಿ ಸುದ್ದಿಮೂಲಗಳು ತಿಳಿಸಿವೆ. ಹಿಂದೂ ಮಹಾಸಾಗರದಲ್ಲಿ ಚೀನಾ ತನ್ನ ನೌಕಾಪಡೆಯ ಉಪಸ್ಥಿತಿಯನ್ನು ಕ್ರಮೇಣ ಹೆಚ್ಚಿಸಿರುವಂತೆಯೇ ಮಿಲಿಟರಿ ಬೆಂಬಲ, ಸಹಕಾರ ನೀಡುತ್ತಿದೆ ಎಂಬುದಾಗಿ ಸುದ್ದಿಮೂಲಗಳು ವರದಿ ನೀಡಿವೆ.

ಹಿಂದೂ ಮಹಾಸಾಗರದಲ್ಲಿ ಆಫ್ರಿಕಾದ ಹಾರ್ನ್‌ನಲ್ಲಿರುವ ಜಿಬೌಟಿಯಲ್ಲಿ ತನ್ನ ಮೊದಲ ಸೇನಾ ನೆಲೆ ನಿರ್ಮಿಸುವುದರ ಜೊತೆಗೆ, USD 60 ಶತಕೋಟಿಯ ಚೀನಾ ಪಾಕಿಸ್ತಾನ ಆರ್ಥಿಕ ಕಾರಿಡಾರ್ (CPEC) ನಲ್ಲಿ ಚೀನಾದ ಕ್ಸಿನ್‌ಜಿಯಾಂಗ್ ಪ್ರಾಂತ್ಯದೊಂದಿಗೆ ಸಂಪರ್ಕ ಸಾಧಿಸುವ ಪಾಕಿಸ್ತಾನದ ಗ್ವಾದರ್ ಬಂದರನ್ನು ಅರೇಬಿಯನ್ ಸಮುದ್ರದಲ್ಲಿ ಚೀನಾ ಸ್ವಾಧೀನಪಡಿಸಿಕೊಂಡಿದೆ.