China Flood: ಪ್ರವಾಹದ ದಿಕ್ಕು ಬದಲಾಯಿಸಲು ಅಣೆಕಟ್ಟನ್ನು ಸ್ಪೋಟಿಸಿದ ಚೀನಾ

ಕಳೆದೊಂದು ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಗೆ ಚೀನಾ ತತ್ತರಿಸಿದೆ. ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಪ್ರವಾಹದ ವಾತವಾರಣ ಸೃಷ್ಟಿಯಾಗಿದೆ. ಚೀನಾದ ಹೆನಾನ್​ ಪ್ರಾಂತ್ಯದ Zhengzhou ಪ್ರದೇಶದಲ್ಲಿ ಉಂಟಾಗಿರುವ ಪ್ರವಾಹದಿಂದ ಈಗಾಗಲೇ 12ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದಾರೆ. ರಸ್ತೆಗಳು ಸಂಪೂರ್ಣ ಜಲಾವೃತಗೊಂಡಿದ್ದು, ಅನೇಕ ಮನೆಗಳಿಗೆ ನೀರು ನುಗ್ಗಿದೆ. ಈಗಾಗಲೇ ಜನರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸುವ ಕಾರ್ಯ ನಡೆದಿದೆ. ಈ ನಡುವೆ ಅಣೆಕಟ್ಟೊಂದನ್ನು ಚೀನಾ ಮಿಲಿಟರಿ ಬ್ಲಾಸ್ಟ್​ ಮಾಡಿದೆ. Luoyang ಸಿಟಿಯಲ್ಲಿ ಅಣೆಕಟ್ಟು ಸ್ಪೋಟಿಸಿದ ಪರಿಣಾಮ 12 ಜನ ಸಾವನ್ನಪ್ಪಿದ್ದು, ಪ್ರವಾಹ ಸ್ಥಿತಿ ನಿರ್ಮಾಣವಾಗಿದೆ.

ಇದರಿಂದ ಜನ ಜೀವನ ಸಂಪೂರ್ಣ ಅಸ್ತವ್ಯಸ್ತವಾಗಿದೆ. ಅಣೆಕಟ್ಟಿನ ನೀರು ನಗರದೆಲ್ಲೆಡೆ ಪ್ರವಾಹ ವಾತಾವರಣ ಸೃಷ್ಟಿಸಿದೆ. ಏಳು ಜನರು ಕಣ್ಮರೆಯಾಗಿದ್ದು, ಜನರು ಸಬ್​ವೇಗಳಲ್ಲಿ ಸಿಲುಕಿಕೊಂಡಿರುವ ದೃಶ್ಯಗಳು ಕಂಡು ಬಂದಿದೆ.

ರಸ್ತೆಗಳು ನದಿಗಳಾಗಿದ್ದು, ಕಾರುಗಳು ನೀರಿನಲ್ಲಿ ಕೊಚ್ಚಿ ಹೋಗಿವೆ. 10 ಸಾವಿರಕ್ಕೂ ಹೆಚ್ಚು ಜನರು ಪ್ರಯಾಣಿಸುತ್ತಿದ್ದ 10 ಟ್ರೈನ್​ಗಳು ಕೂಡ ಮಳೆಯಿಂದ ಸ್ಥಗಿತಗೊಂಡಿದ್ದು, ಜನರು ಸಂಕಷ್ಟಕ್ಕೆ ಒಳಗಾಗಿದ್ದಾರೆ.

ಇಲ್ಲಿನ ಆಸ್ಪತ್ರೆಯೊಳಗೆ ಕೂಡ ನೀರು ನುಗ್ಗಿದ ಪರಿಣಾಮ ರೋಗಿಗಳು ಸಮಸ್ಯೆ ಅನುಭವಿಸಿದ್ದಾರೆ. ಹ್ಯಾಂಡ್​ ಪಂಪ್ಡ್​ ಏರ್​ಬ್ಯಾಗ್​ನಿಂದಾಗಿ ರೋಗಿಗಳಿಗೆ ಉಸಿರಾಡಲು ವ್ಯವಸ್ಥೆ ಮಾಡಲಾಗಿದೆ, ಅಲ್ಲದೇ ತಕ್ಷಣಕ್ಕೆ 600ಕ್ಕೂ ಹೆಚ್ಚು ರೋಗಿಗಳನ್ನು ಸ್ಥಳಾಂತರಿಸಲಾಗಿದೆ.

ಅನೇಕ ಸಾಂಸ್ಕೃತಿಕ ತಾಣ ಹೊಂದಿರುವ ಹೆನಾನ್​ ಹಳದಿ ನದು ದಂಡೆಯ ಮೇಲಿದೆ, ಉದ್ಯಮ ಮತ್ತು ಕೃಷಿಯ ಪ್ರಮುಖ ಕೇಂದ್ರ ಇದಾಗಿದ್ದು, ಅನೇಕ ಜಲಮಾರ್ಗ ಹೊಂದಿದೆ, ಕಳೆದೊಂದು ದಿನಗಳಿಂದ ಸುರಿದ ಭಾರೀ ಮಳೆಗೆ ಬಹುತೇಕ ಎಲ್ಲಾ ನದಿಯು ಅಪಾಯ ಮಟ್ಟ ಮೀರಿ ಹರಿಯುತ್ತಿದೆ.

ಇದನ್ನು ಓದಿ: ಕಂಬಳದಲ್ಲಿ ಹಲವು ನಿಯಮಗಳ ಸೇರ್ಪಡೆ; ಏನೆಲ್ಲಾ ಬದಲಾವಣೆ?

ವಿಪರೀತ ಸುರಿದ ಮಳೆಗೆ ನಗರಗಳಲ್ಲಿ ಹೊಳೆಯಂತೆ ನೀರು ಹರಿದಿದೆ. ಇನ್ನು ನೀರಿನ ಮಧ್ಯೆ ಸಿಕ್ಕಿಕೊಂಡ ಜನರನ್ನು ರಕ್ಷಣಾ ತಂಡ ಕಾರ್ಯಚರಣೆ ಮಾಡಿ ಸುರಕ್ಷತ ಸ್ಥಳಕ್ಕೆ ಕೊಂಡೊಯ್ಯುವ ಕೆಲಸ ಮಾಡುತ್ತಿದೆ

ಸಿಟಿಗಳಲ್ಲಿ ವಿದ್ಯುತ್​ ಕಡಿತಗೊಳಿಸಲಾಗಿದೆ. ಮಳೆಯಿಂದಾಗಿ ರಸ್ತೆಗಳು ಕಣ್ಮರೆಯಾಗಿದೆ. ಮಳೆಯ ಅವಾಂತರದ ಹಲವು ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಮೆಟ್ರೊ ರೈಲಿನ ಒಳಕ್ಕೆ ನೀರು ನುಗ್ಗಿದ್ದು, ಜನರ ಭುಜದಷ್ಟು ಎತ್ತರ ನೀರು ಹರಿಯುವ ದೃಶ್ಯ ವೈರಲ್​ ಆಗಿದೆ

ಚೀನಾದ ಅಧ್ಯಕ್ಷ ಕ್ಸಿ ಜಿನ್​ಪಿಂಗ್ ಚೀನಾದ ದೂರದರ್ಶನ​ದಲ್ಲಿ ಮಾತನಾಡಿದ್ದು, ಪ್ರವಾಹ ತಡೆಗಟ್ಟುವ ಪ್ರಯತ್ನ ಬಹಳ ಕಷ್ಟಕರವಾಗಿದೆ ಎಂದು ಹೇಳಿದ್ದಾರೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು