Property Rights: ತಂದೆ, ತಾಯಿ ಬದುಕಿರುವವರೆಗೂ ಮಕ್ಕಳು ಆಸ್ತಿ ಹಕ್ಕು ಪಡೆಯಲು ಸಾಧ್ಯವಿಲ್ಲ: ಹೈಕೋರ್ಟ್

ಬಾಂಬೆ ಹೈಕೋರ್ಟ್, ಕೌಟುಂಬಿಕ ಆಸ್ತಿಗೆ ಸಂಬಂಧಿಸಿದಂತೆ ಮಹತ್ವದ ಹೇಳಿಕೆ ನೀಡಿದೆ. ತಂದೆ-ತಾಯಿ ಬದುಕಿರುವವರೆಗೆ ಅವರ ಮಗ ಆಸ್ತಿ ಹಕ್ಕು ಪಡೆಯಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ತೀರ್ಪು ನೀಡಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮುಂಬೈ: ಬಾಂಬೆ ಹೈಕೋರ್ಟ್ (Bombay High Court), ಕೌಟುಂಬಿಕ ಆಸ್ತಿಗೆ (Family Property) ಸಂಬಂಧಿಸಿದಂತೆ ಮಹತ್ವದ ತೀರ್ಪು (Verdict) ನೀಡಿದೆ. ತಂದೆ-ತಾಯಿ ಬದುಕಿರುವವರೆಗೆ ಅವರ ಮಗ ಆಸ್ತಿ ಹಕ್ಕು (Property Rights) ಪಡೆಯಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ಹೇಳಿದೆ. ಹೈಕೋರ್ಟ್‌ನಲ್ಲಿ ವ್ಯಕ್ತಿಯೊಬ್ಬರು ತನ್ನ ತಾಯಿ ಎರಡು ಫ್ಲಾಟ್‌ಗಳನ್ನು ಮಾರಾಟ (Sell) ಮಾಡುವುದನ್ನು ತಡೆಯಬೇಕೆಂದು ಅರ್ಜಿ ಸಲ್ಲಿಸಿದ್ದರು. ತಾಯಿ (Mother) ಎರಡು ಫ್ಲಾಟ್ ಗಳನ್ನು ಮಾರಾಟ ಮಾಡದಂತೆ ತಡೆಯುವಂತೆ ಕೋರಿದ್ದರು. ಈ ವ್ಯಕ್ತಿಯ ತಂದೆ ಕಳೆದ ಹಲವು ವರ್ಷಗಳಿಂದ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು, ಜೀವನ್ಮರಣ ಸ್ಥಿತಿಯಲ್ಲಿ ಹೋರಾಡುತ್ತಿದ್ದಾರೆ. ಅಂದರೆ ವೈದ್ಯಕೀಯ ಪರಿಭಾಷೆಯ ಭಾಷೆಯಲ್ಲಿ ಹೇಳುವುದಾದರೆ ಒಂದು ರೀತಿಯಲ್ಲಿ ಕೋಮಾದಲ್ಲಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಹೈಕೋರ್ಟ್ ಕಳೆದ ವರ್ಷ ಅವರ ತಾಯಿಗೆ ಕುಟುಂಬವನ್ನು ನಡೆಸಲು ಕಾನೂನಾತ್ಮಕ ಹಕ್ಕನ್ನು ನೀಡಿತ್ತು.

    ತಂದೆ-ತಾಯಿ ಜೀವಂತವಾಗಿದ್ದು, ಆಸ್ತಿ ಮಾರಾಟ ಮಾಡಲು ಮಕ್ಕಳ ಅನುಮತಿ ಬೇಕಿಲ್ಲ

    ಇದರ ಅನ್ವಯ ಆಕೆ ತಾನು ಬಯಸಿದರೆ, ತನ್ನ ಗಂಡನ ಚಿಕಿತ್ಸೆಗಾಗಿ ಯಾವುದೇ ಆಸ್ತಿಯನ್ನು ಮಾರಾಟ ಮಾಡಬಹುದು. ಆಂಗ್ಲ ಪತ್ರಿಕೆ ಟೈಮ್ಸ್ ಆಫ್ ಇಂಡಿಯಾದ ಪ್ರಕಾರ, ನ್ಯಾಯಮೂರ್ತಿ ಗೌತಮ್ ಪಟೇಲ್ ಮತ್ತು ನ್ಯಾಯಮೂರ್ತಿ ಮಾಧವ್ ಜಮ್ದಾರ್, ಆ ವ್ಯಕ್ತಿಗೆ 'ನಿಮ್ಮ ತಂದೆ ಜೀವಂತವಾಗಿದ್ದಾರೆ. ನಿಮ್ಮ ತಾಯಿಯೂ ಜೀವಂತವಾಗಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ತಂದೆಯ ಆಸ್ತಿಯಲ್ಲಿ ನಿಮಗೆ ಯಾವುದೇ ಆಸಕ್ತಿ ಇರಬಾರದು. ಅವರು ಅದನ್ನು ಮಾರಾಟ ಮಾಡಬಹುದು. ಅವರಿಗೆ ಅವರ ಆಸ್ತಿ ಮಾರಾಟ ಮಾಡಲು ನಿಮ್ಮ ಅನುಮತಿ ಬೇಕಿಲ್ಲ' ಎಂದು ಹೇಳಿದ್ದಾರೆ.

    ಇದನ್ನೂ ಓದಿ: ಗಾಢ ನಿದ್ರೆಯಲ್ಲಿದ್ದ ಮಗ-ಸೊಸೆ, ಮೊಮ್ಮಕ್ಕಳನ್ನು ಜೀವಂತವಾಗಿ ಸುಟ್ಟ ವೃದ್ಧ

    ವ್ಯಕ್ತಿಯ ತಂದೆಗೆ ಏನಾಗಿತ್ತು?

    ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಮುಂಬೈನ ಜೆಜೆ ಆಸ್ಪತ್ರೆಯು ಹೈಕೋರ್ಟ್‌ಗೆ ಸಲ್ಲಿಸಿದ ವರದಿಯಲ್ಲಿ ತಂದೆಗೆ 2011 ರಿಂದ ಬುದ್ಧಿಮಾಂದ್ಯತೆ ಇದೆ ಎಂದು ತಿಳಿಸಿತ್ತು. ಅವರಿಗೆ ನ್ಯುಮೋನಿಟಿಸ್ ಮತ್ತು ಹಾಸಿಗೆ ಹುಣ್ಣುಗಳಿವೆ. ಅವರಿಗೆ ಮೂಗಿನ ಮೂಲಕ ಆಮ್ಲಜನಕವನ್ನು ನೀಡಲಾಗುತ್ತದೆ. ಅಲ್ಲದೆ, ಟ್ಯೂಬ್ ಮೂಲಕ ಆಹಾರವನ್ನು ನೀಡಲಾಗುತ್ತದೆ.

    ವ್ಯಕ್ತಿಯ ತಂದೆಯ ಕಣ್ಣುಗಳು ಸಾಮಾನ್ಯ ಮನುಷ್ಯನಂತೆ ಚಲಿಸುತ್ತವೆ. ಆದರೆ ಕಣ್ಣಿನ ಸಂಪರ್ಕವನ್ನು ಕಾಪಾಡಿಕೊಳ್ಳಲು ಸಾಧ್ಯವಿಲ್ಲ. ಹಾಗಾಗಿ ಅವರು ಯಾವುದೇ ನಿರ್ಧಾರ ತೆಗೆದುಕೊಳ್ಳಲು ಸಾಧ್ಯವಿಲ್ಲ ಎಂದಿತ್ತು. ಕೋರ್ಟ್ ಛೀಮಾರಿ ಹಾಕಿದೆ. ವ್ಯಕ್ತಿಯ ವಕೀಲರ ಪ್ರಕಾರ, ಹಲವು ವರ್ಷಗಳಿಂದ ತನ್ನ ಕಕ್ಷಿದಾರ ಆತನ ತಂದೆಯ ಆಸ್ತಿಯ ನಿಜವಾದ ಕಾವಲುಗಾರನಾಗಿದ್ದಾನೆ ಎಂದು ವಕೀಲರು ತಿಳಿಸಿದ್ದಾರೆ.

    ತಂದೆಯ ಆರೋಗ್ಯಕ್ಕಾಗಿ ನಯಾಪೈಸೆ ಖರ್ಚು ಮಾಡದ ಮಗ, ಆಸ್ತಿಗಾಗಿ ಅರ್ಜಿ ಹಾಕಿದ್ದ

    ಇದಕ್ಕೆ ನ್ಯಾಯಮೂರ್ತಿ ಪಟೇಲ್, "ನೀನು (ಮಗ) ನಿಮ್ಮನ್ನು ಕಾನೂನು ಪಾಲಕರನ್ನಾಗಿ ನೇಮಿಸಿಕೊಳ್ಳಲು ಬರಬೇಕಿತ್ತು. ನೀವು ಅವರನ್ನು ಒಂದು ಬಾರಿಯಾದರೂ ವೈದ್ಯರ ಬಳಿಗೆ ಕರೆದೊಯ್ದಿದ್ದೀರಾ? ನೀವು ಅವರ ವೈದ್ಯಕೀಯ ಬಿಲ್ ಪಾವತಿಸಿದ್ದೀರಾ?' ಎಂದು ಪ್ರಶ್ನಿಸಿದ್ದಾರೆ.

    ಮಗ ಆಸ್ಪತ್ರೆ ಬಿಲ್ ಪಾವತಿಸಿಲ್ಲ. ನ್ಯಾಯಾಧೀಶರು, ಮಾರ್ಚ್ 16 ರ ತಮ್ಮ ಆದೇಶದಲ್ಲಿ, ಅರ್ಜಿದಾರರು ತಾಯಿ ಪಾವತಿಸಿದ ವೆಚ್ಚಗಳು ಮತ್ತು ಬಿಲ್‌ಗಳನ್ನು ತೋರಿಸುವ ಹೆಚ್ಚಿನ ಸಂಖ್ಯೆಯ ದಾಖಲೆಗಳನ್ನು ಲಗತ್ತಿಸಿದ್ದಾರೆ ಎಂದು ಗಮನಿಸಿದರು.

    ಒಂದೇ ಒಂದು ಕಾಗದದ ಉಲ್ಲೇಖವಿಲ್ಲ

    ಅವರ ವಾದವನ್ನು ಬೆಂಬಲಿಸಲು ಅವರು ಒಂದೇ ಒಂದು ಕಾಗದವನ್ನು ಉಲ್ಲೇಖಿಸಿಲ್ಲ. ಯಾವುದೇ ಸಮುದಾಯ ಅಥವಾ ಧರ್ಮಕ್ಕೆ ಉತ್ತರಾಧಿಕಾರ ಕಾನೂನಿನ ಯಾವುದೇ ಪರಿಕಲ್ಪನೆಯಲ್ಲಿ, ಈ ಯಾವುದೇ ಫ್ಲಾಟ್‌ಗಳಲ್ಲಿ ಮಗನಿಗೆ ಯಾವುದೇ ಹಕ್ಕಿಲ್ಲ ಎಂದು ಹೈಕೋರ್ಟ್ ಹೇಳಿದೆ. ವಜಾಗೊಳಿಸುವ ಬೇಡಿಕೆ ನ್ಯಾಯಾಧೀಶರು ಈ ಪ್ರಕರಣದಲ್ಲಿ ಮಧ್ಯಪ್ರವೇಶಿಸಿದ ಮಗನ ಅರ್ಜಿಯನ್ನು ತಿರಸ್ಕರಿಸಿದ್ದಾರೆ.

    ಇದನ್ನೂ ಓದಿ: ಸಹೋದ್ಯೋಗಿಯ ಪತ್ನಿ ಸ್ನಾನ ಮಾಡುತ್ತಿದ್ದಾಗ ಒಳನುಗ್ಗಿ ಲೈಂಗಿಕ ಕಿರುಕುಳ ನೀಡಿದ ಯೋಧ!

    ಏನು ಮಾಡಬೇಕೆಂದು ಹೇಳಲು ಮತ್ತು ಏನು ಮಾಡಬೇಕೆಂದು ಆದೇಶಿಸಲು ನಿಮ್ಮ ಒಪ್ಪಿಗೆ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ. ವಿಕಲಚೇತನರ ಹಕ್ಕುಗಳ ಕಾಯ್ದೆಯಡಿ ಸಮಿತಿಯನ್ನು ವರ್ಗಾಯಿಸಲು ಅವರ ತಾಯಿಗೆ ಪರ್ಯಾಯ ಪರಿಹಾರವಿದೆ ಎಂಬ ಅವರ ವಾದವನ್ನೂ ಅವರು ತಿರಸ್ಕರಿಸಿದ್ದಾರೆ.
    Published by:renukadariyannavar
    First published: