• Home
  • »
  • News
  • »
  • national-international
  • »
  • Chhattisgarh: 15 ವರ್ಷಗಳ ಬಳಿಕ ನಕ್ಸಲ್​ ಪೀಡಿತ ಬಿಜಾಪುರ ಜಿಲ್ಲೆಯಲ್ಲಿ ಬಸ್​ ಸಂಚಾರ ಪ್ರಾರಂಭ

Chhattisgarh: 15 ವರ್ಷಗಳ ಬಳಿಕ ನಕ್ಸಲ್​ ಪೀಡಿತ ಬಿಜಾಪುರ ಜಿಲ್ಲೆಯಲ್ಲಿ ಬಸ್​ ಸಂಚಾರ ಪ್ರಾರಂಭ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಇದೇ ವೇಳೆ ಗಂಗಲೂರ್​ ಸರಪಂಚ್ ರಾಜು ಕಲ್ಮು ಮಾತನಾಡಿ, ಇಲ್ಲಿನ ಜನರು ಬಸ್​​ಗಳ ಮೇಲೆ ತೀರಾ ಅವಲಂಬಿತರಾಗಿದ್ದಾರೆ. ಹೀಗಾಗಿ ಇವರಿಗೆ ಬಸ್​ ಸೌಕರ್ಯದ ಅವಶ್ಯಕತೆ ಬಹಳಷ್ಟಿದೆ ಎಂದು ಹೇಳಿದರು.

  • Share this:

    ನವದೆಹಲಿ(ಆ.16): ಬರೋಬ್ಬರಿ 15 ವರ್ಷಗಳ ಬಳಿಕ ಛತ್ತೀಸ್​​ಗಢದ ನಕ್ಸಲ್​ ಪೀಡಿತ ಬಿಜಾಪುರ್​ ಜಿಲ್ಲೆಗೆ ಬಸ್​ ಸಂಚಾರ ಪ್ರಾರಂಭವಾಗಿದೆ. ಭಾನುವಾರ ಅಂದರೆ ಆಗಸ್ಟ್​ 15ರಂದು ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ಬಸ್​ ಸೌಲಭ್ಯವನ್ನು ನೀಡಲಾಯಿತು. ನಕ್ಸಲರ ಚಟುವಟಿಕೆಗಳಿಂದ ಬೇಸತ್ತಿದ್ದ ಸ್ಥಳೀಯ ಜನರಿಗೆ ಬಸ್​ ಸೌಕರ್ಯ ಕೊಂಚ ರಿಲೀಫ್ ನೀಡಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.


    25 ಕಿ.ಮೀ ದೂರದ ಬಿಜಾಪುರ-ಗಂಗಲೂರ್​ ರಸ್ತೆ ಮಾರ್ಗಕ್ಕೆ ಬಸ್​ ಸಂಚಾರ ಪುನರ್​ ಆರಂಭವಾಗಿದೆ ಎಂದು ಸರ್ಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.


    ಕಾಂಗ್ರೆಸ್​ ಶಾಸಕ ಮತ್ತು ಪಾರ್ಲಿಮೆಂಟರಿ ಸೆಕ್ರೆಟರಿ ಶಿಶುಪಾಲ್​ ಸೋರಿ ಭಾನುವಾರ ಗಂಗಲೂರಿನಲ್ಲಿ ಬಿಜಾಪುರದಿಂದ ಗಂಗಲೂರ್ ಗ್ರಾಮಕ್ಕೆ ಬಸ್​ ಸಂಚಾರಕ್ಕೆ ಹಸಿರು ನಿಶಾನೆ ತೋರಿದರು.


    ಇದೇ ವೇಳೆ ಗಂಗಲೂರ್​ ಸರಪಂಚ್ ರಾಜು ಕಲ್ಮು ಮಾತನಾಡಿ, ಇಲ್ಲಿನ ಜನರು ಬಸ್​​ಗಳ ಮೇಲೆ ತೀರಾ ಅವಲಂಬಿತರಾಗಿದ್ದಾರೆ. ಹೀಗಾಗಿ ಇವರಿಗೆ ಬಸ್​ ಸೌಕರ್ಯದ ಅವಶ್ಯಕತೆ ಬಹಳಷ್ಟಿದೆ ಎಂದು ಹೇಳಿದರು.


    ಇದನ್ನೂ ಓದಿ:Haiti Earthquake: ಭೀಕರ ಭೂಕಂಪಕ್ಕೆ ತತ್ತರಿಸಿದ ಹೇತಿ; ಸಾವಿನ ಸಂಖ್ಯೆ 1200ಕ್ಕೆ ಏರಿಕೆ, 5700 ಮಂದಿಗೆ ಗಾಯ


    ಮತ್ತೆ ಬಸ್​​ ಸಂಚಾರ ಆರಂಭ ಮಾಡಿದ್ದು, ಇಲ್ಲಿನ ಸ್ಥಳೀಯ ಜನರಿಗೆ ಸಾಕಷ್ಟು ನೆಮ್ಮದಿ ನೀಡಿದೆ. ಅದರಲ್ಲೂ ಮಹಿಳೆಯರು, ಮಕ್ಕಳು ಮತ್ತು ವಯಸ್ಸಾದವರಿಗೆ ಬಸ್​ಗಳ ಮೇಲೆ ಹಚ್ಚು ಅವಲಂಬಿತರಾಗಿದ್ದರು. ಈಗ ಇಲ್ಲಿನ ಜನರು ಉತ್ತಮ ಶಿಕ್ಷಣ ಹಾಗೂ ಆರೋಗ್ಯ ಸೇವೆಯನ್ನು ಪಡೆಯಲು ಸಾಧ್ಯವಾಗುತ್ತದೆ ಎಂದರು.


    ಇನ್ಸ್​​ಪೆಕ್ಟರ್​​​ ಜನರಲ್ ಆಫ್ ಪೊಲೀಸ್(ಬಸ್ತಾರ್​ ರೇಂಜ್) ಸುಂದರ್​​​ರಾಜ್​ ಪಿ ಮಾತನಾಡಿ, ಈ ಪ್ರದೇಶದಲ್ಲಿ ಮಾವೋವಾದಿಗಳ ಅಟ್ಟಹಾಸ ಹೆಚ್ಚಾಗಿದ್ದರಿಂದ ಕಳೆದ 15 ವರ್ಷಗಳಿಂದ ಈ ಮಾರ್ಗದ ಬಸ್​ ಸಂಚಾರವನ್ನು ಸ್ಥಗಿತಗೊಳಿಸಲಾಗಿತ್ತು.


    ಬಿಜಾಪುರ-ಗಂಗಲೂರ್​ ಮಾರ್ಗದಲ್ಲಿ ಈಗಾಗಲೇ ಹಳೇ ರಸ್ತೆಯೇ ಇದ್ದು, ಬಸ್​ ಸಂಚಾರ ಭಾನುವಾರದಿಂದ ಪ್ರಾರಂಭವಾಗಿದೆ. ಭದ್ರತಾ ಪಡೆಯ ಕಾವಲಿನೊಂದಿಗೆ ಬಸ್​ ಸಂಚಾರವನ್ನು ಶುರು ಮಾಡಲಾಗಿದೆ. ಸಿಆರ್​ಪಿಎಫ್​​ 85ನೇ ಬೆಟಾಲಿಯನ್​​ ಬಿಜಾಪುರ್​​-ಗಂಗಲೂಲರ್​ ಮಾರ್ಗದಲ್ಲಿ ಬೀಡುಬಿಟ್ಟಿದೆ.


    ಇದನ್ನೂ ಓದಿ:Petrol Price Today: ಕಳೆದೊಂದು ತಿಂಗಳಿಂದ ಬದಲಾಗದ ಪೆಟ್ರೋಲ್​-ಡೀಸೆಲ್ ಬೆಲೆ; ಇಂದಿನ ದರ ಹೀಗಿದೆ


    ಇನ್ನು, ಗಂಗಲೂರಿನ ಜೊತೆಗೆ ಮಿರ್ತೂರ್​ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆಯ ಕಾಮಗಾರಿ ನಡೆಯುತ್ತಿದೆ. ಇದು ಬಿಜಾಪುರದ ಭೈರಮಗರ್​​ ನಗರಕ್ಕೆ ಸಂಪರ್ಕ ಕಲ್ಪಿಸುತ್ತದೆ.


    ಈ ರಸ್ತೆ ಸಂಪರ್ಕ ಹಳ್ಳಿ ಜನರಿಗೆ ಸಹಾಯ ಮಾಡುತ್ತದೆ. ಅದರಲ್ಲೂ ಬುಡಕಟ್ಟಿನ ಜನರು ರಾಜ್ಯ ಸರ್ಕಾರದಿಂದ ಸಿಗುವ ಸವಲತ್ತುಗಳನ್ನು ಪಡೆದುಕೊಳ್ಳಲು ಹಾಗೂ ನೇರವಾಗಿ ಆಡಳಿತ ಕೇಂದ್ರದೊಂದಿಗೆ ಸಂಪರ್ಕ ಹೊಂದಲು ಸಹಕರಿಸುತ್ತದೆ ಎಂದು ಐಜಿ ಹೇಳಿದ್ದಾರೆ.


    ದಕ್ಷಿಣ ಬಸ್ತಾರ್‌ನಲ್ಲಿ ಅಲ್ಟ್ರಾ ವಿರುದ್ಧದ ಯುದ್ಧವನ್ನು ಗೆಲ್ಲಲು ಈ ರಸ್ತೆಗಳು ಬಹಳ ಮಹತ್ವದ್ದಾಗಿದೆ ಎಂದು ಅವರು ಹೇಳಿದರು.

    Published by:Latha CG
    First published: